Ecclesiastes 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1عِ، نَا دَطٜىٰ إِنَ تُنَانِنْ وَنَّنْ أَ ذُوثِيَاتَ ڨُورَيْ، نَا كُوَ بِنْثِكَ دُكَنْ وَنَّنْ؞ نَاغَ يَدَّ مَاسُ أَدَلْثِے دَ مَاسُ حِكِمَ دَ دُكَنْ أَيُّكَنْسُ سُنَ ثِكِنْ حَنُّنْ اللَّهْ ، حَرْ دَ ڧَوْنَرْسُ دَ ڧِيَيَّرْسُ؞ بَاوَنْدَ يَسَنْ أَبِنْدَ ذَيْ ڢَرُ دَسُو نَنْ غَبَ؞

2بَا وَنِ بَمْبَنْثِ، تُنْدَ أَبُ طَيَ نٜىٰ ذَيْ ڢَرُ دَ كُواْوَ، غَ مَيْ أَدَلْثِے دَ مُوغُ، غَ مَيْ كِرْكِ دَ مَرَرْ كِرْكِ، غَ مَرَرْ ڧَظَنْتَادَ مَيْ ڧَظَنْتَا، غَ مَيْ مِيڧَ هَدَايَ دَ مَرَرْ مِيڧَ هَدَايَ؞ مَيْ كِرْكِ بَيْڢِے مَيْ ذُنُوبِبَ؞ مَيْ يِنْ ضَنْڟُوَا بَيْڢِے مَيْ ڧِنْ ضَنْڟُوَابَ؞

3وَنَّنْ شِينٜىٰ مُوغُنْ أَبِنْدَ يَكٜىٰ ڢَرُوَ أَ رَايُوَرْ دُونِيَرْ نَنْ، ڧَرْشٜىٰنْ كُواْوَ دُكَ طَيَنٜىٰ؞ بَنْدَ حَكَمَا ذُوثِيَارْ یَنْ أَدَمْ ثِكٜىٰ تَكٜىٰدَ مُغُنْتَا، أَݣَويْ كُمَ ٻَرْنَ أَ ذُوثِيَارْسُ سَعَدَّ سُكٜىٰ دَ رَيْ؞ عَڧَرْشٜىٰ كُمَ، سَيْ مُتُوَ؞

4عَمَّا دُكَنْ وَنْدَ يَكٜىٰدَ رَيْ، يَنَدَ سَوْرَنْ سَا ذُوثِيَا نَنْ غَبَ، غَمَا ڠُومَّ كَرٜىٰ مَيْ رَيْ دَ مَتَثّٜىٰنْ ذَاكِ؞

5عِ، مَاسُ رَيْ سُنْ سَنِ ذَاسُ مُتُ، عَمَّا مَتَتُّو بَسُ سَنْ كُواْمٜىٰبَ؞ بَاسُ دَ سَوْرَنْ لَادَ، بَعَسَاكٜىٰ تُنَاوَا دَسُو؞

6ڧَوْنَرْسُ دَ ڧِيَيَّرْسُ دَ كِيشِنْسُ سُنْ مُتُ تَرٜىٰدَسُو؞ بَذَاسُ سَاكٜىٰ شِغُواْوَ ثِكِنْ أَبُبُوَنْ دَ عَكٜىٰيِ أَ رَايُوَرْ دُونِيَرْ نَنْ بَكُمَ؞

7تُواْ، يِتَڢِيَرْكَ، كَجِ دَاطِنْ عَبِنْثِنْكَ، كَشَا ضُوً إِنَبِنْكَ دَ ڢَضٍ ثِكِ؞ غَمَا وَنَّنْ شِينٜىٰ أَبِنْدَ اللَّهْ يَشِرْيَ مَكَ؞

8كُلُّمْ أَ سَا ڢَرَرٜىٰنْ رِيغُنَنْ ڢَضٍ ثِكِ، عَكُمَ شَاڢَ مَيْ نَمُرْنَ؞

9جِدَاطِنْ رَايُوَا دَ مَاتَرْكَ وَدَّ كَكٜىٰ ڧَوْنَ، دُكَنْ ݣُونَكِنْ بَنْظَ وَطَنْدَ اللَّهْ يَبَاكَ أَ رَايُوَرْ دُونِيَرْ نَنْ، غَمَا وَنَّنْ جِنْ دَاطِے شِينٜىٰ رَبُوانْكَ نَ عَيْكِنْدَ كَيِ عَدُونِيَرْ نَنْ؞

10دُكْ أَبِنْدَ كَسَامُ نَيِ، كَيِ دَ دُكَنْ ڧَرْڢِنْكَ، غَمَا بَابُ عَيْكِ، كُواْ تُنَانِ، كُواْ سَنِ، كُواْ حِكِمَ أَوُرِنْ ذَمَنْ مَتَتُّو عِنْدَ ذَاكَ تَڢِے؞

11نَا كُمَ غَا وَنِ أَبُ أَ رَايُوَرْ دُونِيَرْ نَنْ، أَشٜىٰ، بَ كُلُّمْ مَيْ سَوْرِنْ غُدُ شِينٜىٰ مَيْ ثِنْ ڟٜىٰرٜىٰبَ، بَ كُلُّمْ مَيْ ڧَرْڢِے شِينٜىٰ مَيْ ثِنْ يَاڧِبَ، بَ كُلُّمْ مَيْ حِكِمَ شِينٜىٰ مَيْ سَامُنْ عَبِنْثِبَ، بَ كُلُّمْ مَيْ بَسِيرَ شِينٜىٰ مَيْ سَامُنْ دُوكِيَبَ، بَ كُلُّمْ مَيْ عِيَوَ شِينٜىٰ مَيْ سَامُنْ ڢَضٍ جِنِبَ؞ عَمَّا لُواْكَثِ دَ سَعَ سُكَنْ سَامٜىٰ كُواْوَنّٜىٰنْسُ؞

12غَمَا مُتُمْ بَايَ سَنِنْ لُواْكَثِنْسَ؞ كَمَرْ كِيڢِنْ دَ عَكَنْ ݣُوشٜىٰ عَثِكِنْ رَاغَرْ كَامُنْ كِيڢِ، كُواْ ڟُنْڟَيٜىٰنْ دَ عَكَنْ كَامَ ثِكِنْ تَرْكُواْ، حَكَمَا عَكَنْ كَامَ یَنْ أَدَمْ بَا لَابَرِ أَ لُواْكَثِنْ مَسِيڢَ؞

13نَكُمَ غَا وَنِ أَبِنْ كُواْيِ غَمٜىٰدَ حِكِمَ أَ رَايُوَرْ دُونِيَرْ نَنْ، أَغَرٜىٰنِ بَبَّنْ أَبُنٜىٰ؞

14دَا أَݣَويْ وَنِ ڧَرَمِنْ بِرْنِ، مُتَنٜىٰنْ دَسُكٜىٰ عَثِكِ كَطَنْ نٜىٰ؞ سَيْ وَنِ بَبَّنْ سَرْكِے يَكَٰوُاْ مَسَ يَاڧِ، يَكُمَ كٜىٰوَيَ بِرْنِنْ، يَتَادَ أَبُبُوَنْ هَوْرَ كَتَنْ‌غَ دُواْمِنْ يَاڧِ؞

15عَثِكِنْ وَنَّنْ بِرْنِ كُوَ أَݣَويْ وَنِ تَلَكَ مَيْ حِكِمَ، وَنْدَ تَوُرِنْ حِكِمَرْسَ يَكُٻُتَرْدَ بِرْنِنْ؞ دُكْدَهَكَ بَاوَنْدَ يَتُنَ دَ تَلَكَنَّنْ؞

16سَيْ نَثٜىٰ «حِكِمَ تَاڢِ ڧَرْڢِے أَمْڢَانِ؞ دُكْدَهَكَ أَنْرٜىٰنَ حِكِمَرْ تَلَكَنَّنْ بَعَكُوَ سَاكٜىٰ كُلَ دَ مَغَنَرْسَبَ؞»

17ڠُومَّ أَجِ مَغَنَرْ مَيْ حِكِمَ، دَ أَجِ إِيهٌ مَيْ مُلْكِ أَڟَكِيَرْ وَوَيٜىٰ؞

18ڠُومَّ أَ سَامِ حِكِمَ دَ أَ سَامِ كَايَنْ يَاڧِ، عَمَّا وَاوَا طَيَ يَكَنْ لَلَتَرْدَ يَوَنْ أَيُّكَ مَاسُ ݣَوْ؞

← Chapter 8 Jump to: Chapter 10 →