Ecclesiastes 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1غَ كُواْوَنٜىٰ أَبُ أَݣَويْ لُواْكَثِنْسَ، أَݣَويْ لُواْكَثِ كُمَ دُواْمِنْ كُواْوَنٜىٰ أَبُ عَڧَرْڧَشِنْ سَمَ؞

2أَݣَويْ لُواْكَثِنْ حَيْڢُوَ دَ لُواْكَثِنْ مُتُوَ، أَݣَويْ لُواْكَثِنْ شُوكَ دَ لُواْكَثِنْ تُمْٻُكٜىٰ أَبِنْدَ عَكَ شُوكَ،

3أَݣَويْ لُواْكَثِنْ كِسَا دَ لُواْكَثِنْ وَرْكٜىٰوَ، أَݣَويْ لُواْكَثِنْ رُشٜىٰوَ دَ لُواْكَثِنْ غِنَاوَا،

4أَݣَويْ لُواْكَثِنْ كُوكَا دَ لُواْكَثِنْ دَارِيَا، أَݣَويْ لُواْكَثِنْ نُونَ بَڧِنْ ثِكِ دَ لُواْكَثِنْ ڢَضٍ ثِكِ،

5أَݣَويْ لُواْكَثِنْ وَرْوَڟَ دُوَڟُو دَ لُواْكَثِنْ تَتَّرَاسُ، أَݣَويْ لُواْكَثِنْ ضُنْ‌غُمٜىٰوَ دَ لُواْكَثِنْ ڧِنْ ضُنْ‌غُمٜىٰوَ،

6أَݣَويْ لُواْكَثِنْ نٜىٰمَ دَ لُواْكَثِنْ سَكٜىٰوَ، أَݣَويْ لُواْكَثِنْ أَجِيَ دَ لُواْكَثِنْ ظُبَرْوَ،

7أَݣَويْ لُواْكَثِنْ يَاغٜىٰوَا دَ لُواْكَثِنْ طِنْكَاوَا، أَݣَويْ لُواْكَثِنْ يِنْ شِضُ دَ لُواْكَثِنْ يِنْ مَغَنَ،

8أَݣَويْ لُواْكَثِنْ ڧَوْنَ دَ لُواْكَثِنْ ڧِيَيَّ، أَݣَويْ لُواْكَثِنْ يَاڧِ دَ لُواْكَثِنْ سَلَمَ؞

9وَنٜىٰ أَمْڢَانِ نٜىٰ مُتُمْ ذَيْسَامُ دَغَ دُكَنْ عَيْكِنْسَ؟

10نَغَ أَبِنْدَ اللَّهْ يَطُواْرَ وَمُتَنٜىٰ سُيِ تَڢَامَ دَشِ؞

11يَسَ كُواْوَنٜىٰ أَبُ يَدَاثٜىٰ دَ لُواْكَثِنْسَ؞ بَنْدَ حَكَمَا، يَسَا عَتُنَانِنْ یَنْ أَدَمْ سَنِنْ أَبِنْدَ يَوُثٜىٰ دَ أَبِنْدَ يَكٜىٰ نَنْ غَبَ، عَمَّا دُكْدَهَكَ بَسُ عِيَ سَنِنْ ثِكَكّٜىٰنْ أَبِنْدَ اللَّهْ يَيِ دَغَ ڢَرْكُواْ ذُوَا ڧَرْشٜىٰبَ؞

12نَا غَانٜىٰ بَابُ أَبِنْدَ يَڢِ ݣَوْ مُتُمْ يَيِ، سَيْدَيْ يَيِ ڢَضٍ ثِكِ يَكُمَيِ أَبِنْدَ يَكٜىٰدَ ݣَوْ مُدِّنْ يَنَدَ رَيْ؞

13كُواْوَنٜىٰ مُتُمْ يَثِ يَشَا، يَجِوَ رَنْسَ دَاطِے ثِكِنْ دُكَنْ عَيْكِنْسَ، غَمَا وَنَّنْ ݣَوْتَرْ اللَّهْ ثٜىٰ؞

14نَا سَنِ دُكَنْ أَبِنْدَ اللَّهْ يَيِ ذَيْ كَسَنْثٜىٰ حَرْ أَبَدَا، بَابُ أَبِنْدَ ذَاعَ ڧَارَ، كُواْ أَ ضَغٜىٰ دَغَ ثِكِ؞ اللَّهْ يَيِ حَكَ كُوَ دُواْمِنْ دُكَنْ مُتَنٜىٰ سُذَمَ مَاسُ ڟُواْرُوانْسَ؞

15دُكَنْ أَبِنْدَ يَڢَرُ، يَرِغَا يَڢَرُ؞ أَبِنْ دَ ذَيْ ڢَرُ مَا، يَارِغَا يَڢَرُ أَدَا؞ اللَّهْ كُمَ يَنَ سَا كُواْمٜىٰ يَسَاكٜىٰ ڢَرُوَ؞

16بَنْدَ حَكَ، نَغَ وَنِ أَبُ أَ رَايُوَرْ دُونِيَرْ نَنْ، أَمَيْمَكُوانْ شَرِيعَرْ غَسْكِيَ، غَ مُغُنْتَا، أَمَيْمَكُوانْ أَدَلْثِے مَا، غَ أَبِنْدَ بَ دَيْدَيْبَ؞

17نَثٜىٰ أَ ذُوثِيَاتَ، «دَ مَيْ أَدَلْثِے دَ مُوغُ، اللَّهْ ذَيْ شَرْعَنْتَسُ، غَمَا يَا سَا لُواْكَثِ نَيِنْ كُواْوَنٜىٰ أَبُ، لُواْكَثِ نَيِنْ كُواْوَنٜىٰ عَيْكِ؞»

18نَكُمَثٜىٰ أَ ذُوثِيَاتَ «غَمٜىٰ دَ یَنْ أَدَمْ، اللَّهْ نٜىٰ يَنَ ڠُودَاسُ دُواْمِنْ يَنُونَ مُسُ ثٜىٰوَ بَسُڢِ دَبُّواْبِے بَ؞

19غَمَا ڧَرْشٜىٰنْ یَنْ أَدَمْ دَ نَدَبُّواْبِے أَبُ طَيَ نٜىٰ؞ يَدَّ طَيَ يَكٜىٰ مُتُوَ حَكَمَا طَيَنْ؞ نُمْڢَشِنْسُ إِرِ طَيَنٜىٰ، كُمَ طَنْ أَدَمْ بَيْڢِے دَبَّ كُواْمٜىٰبَ؞ دُكَنْ كُواْمٜىٰ بَنْظَنٜىٰ؞

20دُكَنْسُ وُرِے طَيَ سُكٜىٰ تَڢِيَ، دُكَنْسُ دَغَ تُرْٻَيَا سُكَ ڢِتُواْ، دُكَنْسُ كُمَ غَ ڧُورَا ذَاسُ كُواْمَ؞

21وَ ذَيْ عِيَ سَنِ كُواْ رُوحٌ طَنْ أَدَمْ يَكَنْ تَڢِے سَمَ، رُوحٌ دَبَّ كُمَ يَتَڢِے ڧَرْڧَشِنْ ڧَسَا؟

22نَكُوَ غَانٜىٰ بَابُ أَبِنْدَ يَڢِ حَكَ، یَنْ أَدَمْ سُجِ دَاطِنْ عَيْكِنْسُ، غَمَا وَنَّنْ رَبُوانْ دَ اللَّهْ يَشِرْيَ مُسُنٜىٰ؞ وَنٜىٰنٜىٰ ذَيْسَا سُغَ أَبِنْدَ ذَيْ ڢَرُ بَايَنْ مُتُوَرْسُ؟»

← Chapter 2 Jump to: Chapter 4 →