Ecclesiastes 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1نَا كُمَ دُوبَ نَا غَا دُكَنْ دَنِّيَرْ دَ عَكٜىٰيِ أَ رَايُوَرْ دُونِيَرْ نَنْ؞ نَا غَا هَوَيٜىٰنْ وَطَنْدَ عَكٜىٰيِ مُسُ دَنِّيَ، بَابُ مَيْيِ مُسُ تَعَظِيَّ؞ مَاسُيِنْ دَنِّيَرْ سُونٜىٰ سُكٜىٰ دَ إِيكُواْ؞ وَطَنْدَ عَكٜىٰ دَنّٜىٰسُ، بَابُ مَيْيِ مُسُ تَعَظِيَّ؞

2نَثٜىٰ ڠُومَّ وَطَنْدَ سُكَ مُتُ؞ سُنْڢِے وَطَنْدَ سُكٜىٰ دَ رَيْ يَنْذُ جِنْ دَاطِے؞

3عَمَّا وَنْدَ يَڢِسُ جِنْ دَاطِے دُكَ، شِينٜىٰ وَنْدَ بَعَ حَيْڢٜىٰشِيبَ، وَنْدَ بَيْ غَ مُوغَيٜىٰنْ أَيُّكَنْ دَ عَكٜىٰيِ أَ رَايُوَرْ دُونِيَرْ نَنْبَ؞

4نَغَانٜىٰ دَلِيلِنْدَ يَسَا مُتَنٜىٰ سُكَ ڠُونِنْتَ ثِكِنْ دُكَنْ عَيْكِ؞ دَلِيلِ شِينٜىٰ كُواْوَ يَنَ سُواْ يَڢِ مَڨُوبْثِنْسَ سَامُ؞ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَنٜىٰ؞

5وَاوَا يَكَنْ نَطَ حَنُّوَنْسَ يَذَوْنَ حَرْ يُنْوَ تَثِنْيٜىٰشِ؞

6ڠُومَّ كَطَنْ أَ حَنُّ طَيَ ثِكٜىٰ دَ ݣُونْثِيَرْ رَيْ، دَ مَيْ يَوَ أَ حَنُّ بِيُ ثِكٜىٰ دَ ڢَامَرْ عَيْكِ، وَنَّنْ مَا ڧُواْڧَرِنْ كَامُنْ إِسْكَنٜىٰ؞

7نَكُمَ غَ وَنِ أَبِنْ بَنْظَ أَ رَايُوَرْ دُونِيَرْ نَنْ،

8سَيْغَا وَنِ شِ كَطَيْ، بَابُ طَا، بَابُ طَنْعُوَ، دُكْدَهَكَ يَنَ تَڢَامَرْ عَيْكِ كُلُّمْ؞ بَيْ تَٻَ ڧُواْشِ دَ دُوكِيَرْسَبَ، سَيْ يَتَمْبَيٜىٰ كَنْسَ يَثٜىٰ، «غَ وَنٜىٰنٜىٰ نَكٜىٰ ڢَامَرْ عَيْكِ، حَرْ نَحَنَ وَكَيْنَ جِنْ دَاطِے؟» وَنَّنْ مَا بَنْظَنٜىٰ، ذَمَنْ بَڧِنْ ثِكِنٜىٰ!

9ڠُومَّ مُتُمْ بِيُ دَ مُتُمْ طَيَ، غَمَا أَمْڢَانِنْ عَيْكِنْ مُتَنٜىٰ بِيُ يَڢِ نَمُتُمْ طَيَ؞

10غَمَا عِدَنْ طَيَ يَڢَاطِ، طَيَ ذَيْ تَيْمَكَ يَطَغَ طَيَنْ؞ عَمَّا كَيْتُوانْ وَنْدَ يأَنَانً شِے كَطَيْ، إِنْ يَاڢَاطِ بَاوَنْدَ ذَيْتَيْمَكَ يَطَغَشِ؞

11عِدَنْ كُمَ مُتُمْ بِيُ سُنَ ݣُونْثِيَ تَرٜىٰ، سُكَنْجِ طُمِ، عَمَّا يَيَ مُتُمْ طَيَ ذَيْجِے طُمِ شِے كَطَيْ؟

12مُتُمْ طَيَ ذَيْ عِيَثِنْ نَصَرَا عَكَنْ وَنِ، عَمَّا لَلَّيْ مُتُمْ بِيُ ذَاسُثِ نَصَرَا عَكَنْ طَيَ؞ إِغِيَ طَيَ وَنْدَ أَنْسَاڧَ دَ إِغِيُواْيِ عُكُ تَنَدَ وُيَ عَڟِنْكٜىٰتَ دَ سَوْرِ؞

13ڠُومَّ سَوْرَيِ مَيْ حِكِمَ وَنْدَ شِے تَلَكَ نٜىٰ دَ ڟُواْهُوانْ سَرْكِے مَيْ وَوَنْثِ وَنْدَ بَايَ كَرْٻَرْ شَوَرَا؞

14مَيْ يِوُوَ سَوْرَيِنْ ذَيْ عِيَ ڢِتُواْوَ نٜىٰ دَغَ كُرْكُكُ يَهَوْ كُجٜىٰرَرْ مُلْكِ، كُواْ كُوَ أَنْحَيْڢٜىٰشِ ثِكِنْ تَلَوْثِ؞ ڠُومَّ تَلَكَنْ سَوْرَيِنَّنْ يَيِ مُلْكِ دَ ڟُواْهُوانْ سَرْكِے مَيْ وَوَنْثِ؞

15نَيِ تُنَانِ عَكَنْ دُكَنْ مُتَنٜىٰنْ دَسُكٜىٰ رَايٜىٰ عَثِكِنْ دُونِيَرْ نَنْ، سَيْ نَغَانٜىٰ عَثِكِنْسُ أَݣَويْ سَوْرَيِنْ دَ ذَيْ عِيَ غَاجِ كُجٜىٰرَرْ سَرْكِے؞

16كُواْدَيَكٜىٰ مُتَنٜىٰنْ دَ سَرْكِے يَكٜىٰ مُلْكِ عَكَنْسُ سُكَيِيَوَ بَابُ إِيَاكَ، عَمَّا بَايَنْدَ بَايَ نَنْ، بَاوَنْدَ ذَيْ نُونَ غُواْدِيَ عَكَنْ أَبِنْدَ يَيِ؞ حَڧِيڧَ وَنَّنْ مَا بَنْظَنٜىٰ، كُمَ ڧُواْڧَرِنْ كَامُنْ إِسْكَنٜىٰ؞

← Chapter 3 Jump to: Chapter 5 →