Ezra 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1عَثِكِنْ شٜىٰكَرَا تَڢَرْكُواْ تَمُلْكٍ سَرْكِے سَيِرُسْ، سَرْكِنْ ڧَسَرْ ڢَٰشِيَ، سَيْ يَهْوٜىٰهْ يَثِكَ مَغَنَرْ دَ يَيِ تَبَاكِنْ أَنَّبِے إِرْمِيَ تَوُرِنْ مُواْڟَ ذُوثِيَارْ سَرْكِے سَيِرُسْ يَبَادَ عُمَرْنِ يَهُودَاوَا سُكُواْمَ؞ سَيْ سَرْكِے يَسَا عَيِ شٜىٰلَرْ عُمَرْنِنْ عَكُمَ رُبُوتَشِ غَ دُكَنْ يَنْكُنَنْ مُلْكِنْسَ؞

2غَا شٜىٰلَرْ دَ سَرْكِے سَيِرُسْ نَ ڢَٰشِيَ يَيِ، « يَهْوٜىٰهْ اللَّهْ نَسَمَ، يَبَانِ دُكَنْ مُلْكُواْكِنْ دُونِيَا، يَكُمَ بَانِ حَكِّنْ غِنَا مَسَ غِدَا أَ عُرُوشَلِيمَ وَدَّ تَكٜىٰ ثِكِنْ ڧَسَرْ يَهُودَ؞

3وَنٜىٰنٜىٰ عَثِكِنْكُ يَكٜىٰ دَغَ مُتَنٜىٰنْ اللَّهْ نَ إِسْرَٰٓءِيلَ؟ بَرِ يَكُواْمَ عُرُوشَلِيمَ وَدَّ تَكٜىٰ عَڧَسَرْ يَهُودَ، يَسَاكٜىٰ غِنَا غِدَنْ يَهْوٜىٰهْ اللَّهْ نَ إِسْرَٰٓءِيلَ، اللَّهْ وَنْدَ يَكٜىٰ أَ عُرُوشَلِيمَ؞ بَرِ اللَّهْ نْسَ يَكَسَنْثٜىٰ تَرٜىٰ دَشِ؞

4دُكْ عِنْدَ أَݣَويْ مُتُمِنْ يَهُودَ دَ يَرَغُ، سَيْ مُتَنٜىٰنْ دَسُكٜىٰ ذَمَ كُسَدَشِ، سُتَيْمَكٜىٰشِ دَ أَظُرْڢَا دَ ظِينَارِيَ دَ كَايَ دَ كُمَ دَبُّواْبِے، تَرٜىٰدَ بَيٜىٰ بَيٜىٰنْكُ نَيَرْدَرْ رَيْ سَبُواْدَ غِدَنْ اللَّهْ وَنْدَ يَكٜىٰ أَ عُرُوشَلِيمَ؞»

5سَيْ ڢِرِسْتُواْثِے دَ لَوِيَاوَا دَ كُمَ شُوغَبَنِّنْ ذُرِيَرْ يَهُودَ دَ تَ بِلِيَامِنُ، وَتُواْ دُكَنْ وَطَنْدَ اللَّهْ يَمُواْڟَ ظُكَاتَنْسُ سُكَ شِرْيَ سُكُواْمَ عُرُوشَلِيمَ سُسَاكٜىٰ غِنَا غِدَنْ يَهْوٜىٰهْ وَنْدَ يَكٜىٰ أَ عُرُوشَلِيمَ؞

6دُكَنْ وَطَنْدَ سُكٜىٰ ذَمَ كُسَدَ يَهُودَاوَا، سُكَ تَيْمَكٜىٰسُ دَ كَايَنْ دَ عَكَيِ دَ أَظُرْڢَا دَ ظِينَارِيَ دَ وَطَنْسُ كَايَ دَ دَبُّواْبِے، تَرٜىٰدَ أَبُبُوَ مَاسُ دَرَجَ بَنْدَ ݣَوْتَيْ نَيَرْدَرْ رَيْ؞

7سَرْكِے سَيِرُسْ كُوَ يَڢِتَرْدَ كَايَنَّنْ نَغِدَنْ يَهْوٜىٰهْ ، وَنْدَ دَا سَرْكِے نٜىٰبُكَدْنٜىٰزَّرْ يَݣُوشٜىٰ دَغَ عُرُوشَلِيمَ يَأَجِيٜىٰ عَثِكِنْ غِدَنْ أَلُّواْلِنْسَ؞

8سَيْ سَرْكِے سَيِرُسْ نَ ڢَٰشِيَ يَسَا كَايَنْ أَ حَنُّنْ مِتِرٜىٰدَتْ مَعَجِنْ غِدَنْ سَرْكِے، شِيكُوَ يَڧِرْغَسُ؞ سَعَنً يَمِيڧَوَ شٜىٰشْبَظَّرْ شُوغَبَنْ مُتَنٜىٰنْ يَهُودَ؞

9وَطَنَّنْ سُونٜىٰ كَايَنْ دَ سَرْكِے سَيِرُسْ يَبَايَرْ: مَنْيَنْ ݣُونُواْنِنْ ظِينَارِيَ، تَلَاتِنْ مَنْيَنْ ݣُونُواْنِنْ أَظُرْڢَا، دُبُو طَيَ وُڧَڧٜىٰ، عَشِرِنْ دَ تَرَ

10ݣُونُواْنِنْ ظِينَارِيَ، تَلَاتِنْ وَطَنْسُ ݣُونُواْنِنْ أَظُرْڢَا، طَرِے حُطُ دَ غُواْمَ دَ وَطَنْسُ كَايَيَّكِ، دُبُو طَيَ؞

11دُكَنْ كَايَيَّكِ نَظِينَارِيَ دَ نَأَظُرْڢَا سُنْ كَيْ دُبُو بِيَرْ دَ طَرِے حُطُ؞ شٜىٰشْبَظَّرْ يَهَوْرُواْ دَ دُكَنْ وَطَنَّنْ كَايَيَّكِ سَعَدَّ وَطَنْدَ دَا عَكَ كَيْسُ بَوْتَا سُكَ هَوْرَ دَغَ بَابِيلَ ذُوَا عُرُوشَلِيمَ؞

Jump to: Chapter 2 →