Ezra 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1أَوَنَّنْ لُواْكَثِ، أَنَّبِے هَغَّيْ دَ أَنَّبِے زَكَرِيَّا طَنْ إِدُّواْ سُنْيِ أَنَّبْثِ عَثِكِنْ سُونَنْ اللَّهْ غَ يَهُودَاوَنْ دَسُكٜىٰ ثِكِنْ ڧَسَرْ يَهُودَ دَ عُرُوشَلِيمَ، اللَّهْ نَ إِسْرَٰٓءِيلَ وَنْدَ يَكٜىٰ مُلْكِ عَبِسَنْسُ؞

2سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يٜىٰشُوَ طَنْ يُواْظَدَكْ سُكَتَاشِ سُكَ ثِيغَبَدَ عَيْكِنْ غِنَا غِدَنْ اللَّهْ أَ عُرُوشَلِيمَ؞ وَطَنَّنْ أَنَّبَاوَنْ اللَّهْ كُوَ سُكَ كَسَنْثٜىٰ تَرٜىٰدَسُو سُنَ تَيْمَكُوانْسُ؞

3أَ لُواْكَثِنْ سَيْ تَتّٜىٰنَيْ، ڠُومْنَنْ يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ دَ شٜىٰتَرْ بُواْظٜىٰنَيْ دَ أَبُواْكَنْسُ سُكَذُواْ عُرُوشَلِيمَ سُكَيِ تَمْبَيَ سُكَثٜىٰ «وَنٜىٰنٜىٰ يَبَاكُ إِظْنِ كُغِنَ وَنَّنْ غِدَا، كُكُمَ تَتَّارَ وَطَنَّنْ كَايَيَّكِ؟»

4سُكَ كُمَ تَمْبَيٜىٰسُ سُكَثٜىٰ «إِنَ سُونَيٜىٰنْ مُتَنٜىٰنْ دَسُكٜىٰ ڧُواْڧَرِنْ تَادَ وَنَّنْ غِنِ؟»

5عَمَّا عِدُوانْ اللَّهْ نَ يَهُودَاوَا يَنَ عَكَنْ شُوغَبَنِّنْسُ؞ سَبُواْدَ حَكَ ڠُومْنَ دَ أَبُواْكَنْسَ بَسُ عِيَ حَنَ عَيْكِنْ غِنِنْ بَ، حَرْ سَيْ بَايَنْدَ لَابَرِنْ يَكَيْ وُرِنْ سَرْكِے دَرِيُسْ، أَنْكُمَ سَامِ أَمْسَ تَوُرِنْ وَسِيڧَ؞

6غَا أَبِنْدَ يَكٜىٰ عَثِكِنْ وَسِيڧَرْ دَ تَتّٜىٰنَيْ، ڠُومْنَنْ يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ دَ شٜىٰتَرْ بُواْظٜىٰنَيْ دَ أَبُواْكَنْسُ دَسُكٜىٰ دَتَّاوَنْ يَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ سُكَ عَيْكَ وَ سَرْكِے دَرِيُسْ؞

7سُكَ عَيْكَ مَسَ دَ لَابَرِ أَرُبُوثٜىٰ ثٜىٰوَ «ذُوَاغَ سَرْكِے دَرِيُسْ، سَلَمَ غَرٜىٰكَ!

8«مُنَ سُواْ سَرْكِے يَسَنِ ثٜىٰوَ مُنْ تَڢِے ذُوَا يَنْكِنْ يَهُودَ وُرِنْ غِدَنْ اللَّهْ نَّنْ مَيْغِرْمَ؞ أَنَ غِنِنْ غِدَنْ دَ مَنْيَنْ دُووَڟُنْ دَ عَكَ ڠَرَ، أَنْكُمَ سَا كَتَكَيْ عَبَنْ‌غُوانْ؞ أَنَ ثِيغَبَدَ عَيْكِ أَنَ كُمَيِنْ عَيْكِنْ دَ ڨُوذُواْ؞

9«مُكَ كُمَ تَمْبَيِ شُوغَبَنِّنْ مُتَنٜىٰنْ مُكَثٜىٰ، ‹وَنٜىٰنٜىٰ يَبَاكُ إِظْنِ كُغِنَ وَنَّنْ غِدَا كُكُمَ تَتَّارَ وَطَنَّنْ كَايَيَّكِ؟›

10مُكَ كُمَ تَمْبَيٜىٰسُ سُونَيٜىٰنْسُ، دُواْمِنْ مُرُبُوتَ مُسَنَرْ دَكَيْ وَطَنْدَ سُكٜىٰ شُوغَبَنِّ عَثِكِنْسُ؞

11«سُكَ أَمْسَ سُكَثٜىٰ مَنَ، « ‹مُو مَاسُ حِدِمَ نٜىٰ نَ اللَّهْ وَنْدَ يَيِ سَمَ دَ دُونِيَا، كُمَ مُنَ سَاكٜىٰ غِنَا غِدَنْ دَ عَكَ غِنَا تُنْ شٜىٰكَرُ دَ يَوَنْ دَ سُكَ وُثٜىٰ، غِدَنْ دَ وَنِ سَرْكِے مَيْغِرْمَ نَ إِسْرَٰٓءِيلَ يَغِنَ يَكُوَ غَمَ؞

12عَمَّا سَبُواْدَ كَاكَنِّنْمُ سُنْ بَا اللَّهْ نَسَمَ ڢُشِے، يَبَادَسُو غَ حَنُّنْ نٜىٰبُكَدْنٜىٰزَّرْ، سَرْكِنْ بَابِيلَ، مُتُمِنْ كَلْدِيَ؞ شِينٜىٰ وَنْدَ يَهَلَّكَرْ دَ وَنَّنْ غِدَا يَكُمَ ݣُوشِ مُتَنٜىٰنْ ذُوَا بَوْتَا عَڧَسَرْ بَابِيلَ؞

13« ‹عَمَّا عَثِكِنْ شٜىٰكَرَا تَڢَرْكُواْ تَمُلْكٍ سَرْكِے سَيِرُسْ نَ ڢَٰشِيَ وَنْدَ يَذَمَ سَرْكِنْ بَابِيلَ، سَيِرُسْ يَبَادَ عُمَرْنِ أَ سَاكٜىٰ غِنَا وَنَّنْ غِدَنْ اللَّهْ ؞

14بَنْدَ حَكَمَا، سَرْكِے سَيِرُسْ نٜىٰ يَمَيَرْدَ كَايَنْ ظِينَارِيَ دَ نَأَظُرْڢَا نَغِدَنْ اللَّهْ وَنْدَ دَا نٜىٰبُكَدْنٜىٰزَّرْ يَݣُوشٜىٰ دَغَ غِدَنْ اللَّهْ أَ عُرُوشَلِيمَ يَكَيْسُ يَسَا أَطَاكِنْ سُجَّدَ نَغُمَكَنْ بَابِيلَ؞ سَرْكِے سَيِرُسْ يَسَا كَايَنْ أَ حَنُّنْ وَنِ مُتُمْ مَيْ سُونَ شٜىٰشْبَظَّرْ، وَنْدَ عَكَ نَطَشِ ڠُومْنَنْ يَهُودَ؞

15سَرْكِے سَيِرُسْ يَكُمَ ڢَطَا مَسَ «كَݣُوشِ كَايَنَّنْ كَكُواْمَرْ دَسُو ذُوَا غِدَنْ اللَّهْ أَ عُرُوشَلِيمَ، أَ سَاكٜىٰ غِنَا غِدَنْ اللَّهْ أَ عِنْدَ دَا يَكٜىٰ؞»

16سَيْ شٜىٰشْبَظَّرْ كُوَ يَذُواْ يَكَڢَ تُوشٜىٰنْ غِدَنْ اللَّهْ أَ عُرُوشَلِيمَ؞ تُنْدَغَ لُواْكَثِنْ حَرْ ذُوَا يَنْذُ أَنَ ثِيغَبَدَ عَيْكِنْ غِنِنْ، عَمَّا بَعَغَمَبَ؞›

17«سَبُواْدَ حَكَ عِدَنْ يَا غَمْشِ سَرْكِے، بَرِ عَيِ بِنْثِكٜىٰ ثِكِنْ طَاكِنْ لِتَّتَّڢَنْ تَارِيحِ نَ بَابِيلَ، كُواْ أَݣَويْ عُمَرْنِنْ دَ سَرْكِے سَيِرُسْ يَرُبُوتَ وَنْدَ يَبَادَ إِظْنِ أَ سَاكٜىٰ غِنَا وَنَّنْ غِدَنْ اللَّهْ أَ عُرُوشَلِيمَ، كُواْ كُوَ بَابُ؞ بَرِ كُمَ سَرْكِے يَعَيْكُواْ مَنَ دَ رَعَيِنْسَ عَكَنْ وَنَّنْ ذَنْثٜىٰنْ؞»

← Chapter 4 Jump to: Chapter 6 →