Ezra 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1دَ أَبُواْكَنْ غَابَنْ مُتَنٜىٰنْ يَهُودَ دَ نَ بِلِيَامِنُ سُكَجِ ثٜىٰوَ وَطَنْدَ سُكَ كُواْمُواْ دَغَ بَوْتَا، سُنَ غِنَا هَيْكَلِ دُواْمِنْ يَهْوٜىٰهْ اللَّهْ نَ إِسْرَٰٓءِيلَ؞

2سَيْ سُكَجٜىٰ وُرِنْ ظٜىٰرُبَّبٜىٰلْ دَ كُمَ شُوغَبَنِّنْ دَنْ‌غِ دَنْ‌غِ سُكَثٜىٰ مُسُ «بَرِ مُهَطَكَيْ مُيِ غِنِنْ تَرٜىٰ، غَمَا مُو مَا مُنَيِ وَ اللَّهْ نْكُ سُجَّدَ كَمَرْ يَدَّ كُكٜىٰيِ؞ مُنْ دَطٜىٰ مُنَ مِيڧَ مَسَ هَدَايُ تُنْ زَامَانِنْ سَرْكِے عٜىٰسَرْهَدُّوانْ نَ أَسُّرِيَ وَنْدَ يَكَٰوُاْمُ نَنْ دَ ذَمَ؞»

3عَمَّا ظٜىٰرُبَّبٜىٰلْ دَ يٜىٰشُوَ دَ كُمَ سَوْرَنْ شُوغَبَنِّنْ دَنْ‌غِ دَنْ‌غِنْ إِسْرَٰٓءِيلَ سُكَثٜىٰ مُسُ «بَ ضُوَنْكُ دَ تَيَمُ دَ وَنَّنْ عَيْكِنْ غِنِنْ غِدَنْ اللَّهْ نْمُ؞ مُو كَطَيْ ذَامُيِ وَ يَهْوٜىٰهْ اللَّهْ نَ إِسْرَٰٓءِيلَ غِنِ، كَمَرْ يَدَّ سَرْكِے سَيِرُسْ نَ ڢَٰشِيَ يَعُمَرْثٜىٰمُ؞»

4سَعَنً سَوْرَنْ مُتَنٜىٰنْ ڧَسَرْ سُكَيِ ڧُواْڧَرِ سُحَنَ مُتَنٜىٰنْ يَهُودَ، سُكَ كُمَبَاسُ ڟُواْرُواْ دُواْمِنْ كَدَ سُيِ غِنِنْ؞

5سُكَ بَادَ ثِنْ حَنْثِ غَ مَاسُ بَادَ شَوَرَا نَمُلْكٍ ڢَٰشِيَ دُواْمِنْ سُٻَاتَ نِيَّرْ مُتَنٜىٰنْ يَهُودَ أَدُكَنْ ݣُونَكِنْ دَ سَرْكِے سَيِرُسْ نَ ڢَٰشِيَ يَكٜىٰ مُلْكِ حَرْ ذُوَا زَامَانِنْ مُلْكٍ سَرْكِے دَرِيُسْ؞

6أَ ڢَارَوَرْ مُلْكٍ سَرْكِے أَهَسُرُسْ، أَبُواْكَنْ غَابَنْ سُكَ رُبُوتَ تَكَرْدَرْ ڧَارَ غَمٜىٰدَ مَذَوْنَنْ يَهُودَ دَ عُرُوشَلِيمَ؞

7بَايَنْ وَنَّنْ كُمَ عَثِكِنْ ݣُونَكِنْ مُلْكٍ سَرْكِے أَرْتَظٜىٰكْظٜىٰسْ نَ ڢَٰشِيَ، بِشْلَمْ دَ مِتِرٜىٰدَتْ دَ تَبٜىٰيٜىٰلْ دَ سَوْرَنْ أَبُواْكَنْسُ سُكَ رُبُوتَ وَ سَرْكِے أَرْتَظٜىٰكْظٜىٰسْ وَسِيڧَ؞ عَكَ رُبُوتَ وَسِيڧَرْ أَ حَنْيَرْ رُبُوتُنْ يَرٜىٰنْ أَرَمَيَ، عَكَ كُمَ جُويٜىٰتَ دُواْمِنْ سَرْكِے؞

8رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ سُكَ رُبُوتَاوَ سَرْكِے أَرْتَظٜىٰكْظٜىٰسْ وَسِيڧَ غَمٜىٰدَ عُرُوشَلِيمَ، سُكَثٜىٰ:

9«دَغَ رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ دَ سَوْرَنْ أَبُواْكَنْسُ، أَلْڧَلَيْ دَ دَتَّاوَا دَ شُوغَبَنِّ مَاسُ لُورَ دَ يَنْكُنَ، وَتُواْ مُتَنٜىٰ دَغَ ڢَٰشِيَ دَ عٜىٰرٜىٰكْ دَ بَابِيلَ دَ كُمَ شُوشَنْ دَتَكٜىٰ عَڧَسَرْ عٜىٰلَمْ،

10تَرٜىٰدَ سَوْرَنْ ڧَبِيلُ وَطَنْدَ أَسْنَڢَّرْ مَيْغِرْمَ دَ إِيكُواْ يَتَاسَرْ دَسُو، يَكَٰوُاْسُ يَسَاسُ سُذَوْنَ عَثِكِنْ بِرْنِنْ سَمَرِيَ دَ كُمَ أَ سَوْرَنْ يَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞»

11غَا أَبِنْدَ سُكَ رُبُوتَ عَثِكِنْ وَسِيڧَرْ: «غَيْسُوَا ذُوَاغَ أَرْتَظٜىٰكْظٜىٰسْ دَغَ وُرِنْ مَاسُ يِمَكَ حِدِمَ، وَتُواْ مُتَنٜىٰنْ دَسُكٜىٰ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞

12«مُنَ سُواْ مَيْغِرْمَ سَرْكِے يَسَنِ ثٜىٰوَ يَهُودَاوَنَّنْ وَطَنْدَ سُكَ هَوْرُواْ دَغَ وُرِنْكَ ذُوَا عِنْدَ مُكٜىٰ سُنْ تَڢِے عُرُوشَلِيمَ؞ سُنَ سَاكٜىٰ غِنَا مُوغُنْ بِرْنِنَّنْ نَتَاوَيٜىٰ؞ سُنَ ڧَارَسَ غِنِنْ كَتَنْ‌غَرْ، سُنَ ڠَرٜىٰ ڠَرٜىٰنْ تُوشٜىٰنْ دَ سَوْرَنْ بِرْنِنْ؞

13يَنْذُ ڢَا، بَرِ سَرْكِے يَسَنِ ثٜىٰوَ عِدَنْ عَكَ سَاكٜىٰ غِنَا وَنَّنْ بِرْنِنْ، عَكَ كُمَ غَمَ غِنَا كَتَنْ‌غَرْسَ، بَذَاسُ بِيَ هَرَاجِ، كُواْ كُطِنْ شِغَ دَ ڢِتَرْ كَايَ، كُواْ كُطِنْ حَنْيَبَ؞ عَڧَرْشٜىٰ كُطِنْ شِغَرْ مَعَجِنْ مُلْكِ ذَيْ رَغُ؞

14يَنْذُ دَيَكٜىٰ مُنَ طَنْطَنَ رُواْمُوانْ غِدَنْ سَرْكِے، بَدَيْدَيْ بَنٜىٰ أَغَرٜىٰمُ مُغَ أَنَ ثِنْ مُتُنْثِنْ سَرْكِے؞ سَبُواْدَ حَكَ مُكٜىٰ رُبُوتَ وَسَرْكِے،

15دُواْمِنْ عَيِ بِنْثِكٜىٰ ثِكِنْ لِتَّڢِنْ تَارِيحِ نَكَاكَنِّنْكَ؞ ذَاكَ تَرَرْ عَثِكِنْ لِتَّڢِنْ تَارِيحِنْ ثٜىٰوَ وَنَّنْ بِرْنِ نَتَاوَيٜىٰ نٜىٰ؞ تُنْدَغَ زَامَانِنْ دَا وَنَّنْ بِرْنِنْ يَنَ بَا سَرَاكُنَ دَ يَنْكُنَ دَامُوَ؞ كُلُّمْ مُتَنٜىٰنْ سُنَ تَادَ ضِكِثِ؞ وَنَّنْ دَلِيلِنْ نٜىٰ يَسَا عَكَ هَلَّكَرْ دَ بِرْنِنْ؞

16سَبُواْدَ حَكَ مُنَ تَبَّتَرْ وَ سَرْكِے ثٜىٰوَ عِدَنْ عَكَ سَاكٜىٰ غِنَا وَنَّنْ بِرْنِنْ، عَكَ كُمَ غَمَ كَتَنْ‌غَرْسَ، ذَاكَ رَسَ مَلَّكَرْكَ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞»

17سَيْ سَرْكِے يَعَيْكَ مُسُ دَ أَمْسَ يَثٜىٰ، «غَيْسُوَا ذُوَاغَ رٜىٰهُمْ شُوغَبَنْ سُواْجُواْجِ دَ شِمْشَيْ مَرُبُوثِنْ يَنْكِ دَ كُمَ سَوْرَنْ أَبُواْكَنْكُ وَطَنْدَ سُكٜىٰ ذَمَ أَ سَمَرِيَ دَ كُمَ سَوْرَنْ دَسُكٜىٰ عَيَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ؞

18«وَسِيڧَرْ دَ كُكَ عَيْكَ مَنَ، أَنْكَرَنْتَتَ أَنْكُمَ ڢَسَّرَتَ دَلَّ دَلَّ أَغَبَنَ؞

19نَا بَادَ عُمَرْنِ، عَكَيِ بِنْثِكٜىٰ، عَكَ تَرَرْ ثٜىٰوَ تُنْدَغَ زَامَانِنْ دَا وَنَّنْ بِرْنِ يَنَيِ وَسَرَاكُنَ تَاوَيٜىٰ، كُمَ أَنْثِكَ يِنْ تَاوَيٜىٰ دَ ضِكِثِے ضِكِثِے عَثِكِنْ بِرْنِنْ؞

20أَنْيِ مَنْيَنْ سَرَاكُنَنْ دَ سُكَيِ مُلْكِ أَ عُرُوشَلِيمَ دَ دُكَنْ يَنْكِنْ دَيَكٜىٰ عَڧٜىٰتَرٜىٰنْ كُواْغِنْ يُڢِرٜىٰتِسْ، سُنَ كَرْٻَرْ هَرَاجِ دَ كُطِنْ شِغَ دَ ڢِتَرْ كَايَ دَ كُطِنْ حَنْيَ؞

21سَبُواْدَ حَكَ كُبَادَ عُمَرْنِنْ دَ ذَيْ حَنَ مُتَنٜىٰنْ ثِيغَبَدَ غِنِنْ بِرْنِنْ، سَيْ لُواْكَثِنْدَ نَبَادَ عُمَرْنِ؞

22كُكُلَ ڢَا دَ وَنَّنْ ذَنْثٜىٰ بَابُ ٻَاتَ لُواْكَثِ دُواْمِنْ كَدَ عَڧَارَ يِنْ ٻَرْنَرْ دَ ذَاتَ كَٰوُاْ هَسَرَ غَ سَرْكِے؞»

23دَظَرَرْ عَكَ كَرَنْتَ وَسِيڧَ تَسَرْكِے أَرْتَظٜىٰكْظٜىٰسْ أَغَبَنْ رٜىٰهُمْ دَ شِمْشَيْ مَرُبُوثِ دَ سَوْرَنْ أَبُواْكَنْسُ، سَيْ سُكَيِ سَوْرِ ذُوَا وُرِنْ يَهُودَاوَا أَ عُرُوشَلِيمَ، سُكَ هَنَاسُ عَيْكِنْ ڧَرْڢِے دَ يَجِ؞

24تَهَكَ عَكَ ڟَيَرْ دَ عَيْكِنْ غِنَا غِدَنْ اللَّهْ أَ عُرُوشَلِيمَ، سَيْ شٜىٰكَرَا تَبِيُ تَمُلْكٍ سَرْكِے دَرِيُسْ نَ ڢَٰشِيَ؞

← Chapter 3 Jump to: Chapter 5 →