Ezra 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1غَا سُونَيٜىٰنْ شُوغَبَنِّنْ دَنْ‌غِ دَ كُمَ لِسَّڢِنْ أَصَلِنْ سُونَيٜىٰنْ وَطَنْدَ سُكَ كُواْمُواْ دَغَ بَوْتَا عَڧَسَرْ بَابِيلَ تَرٜىٰدَ عُزَيْرُ ذُوَا عُرُوشَلِيمَ أَ زَامَانِنْ مُلْكٍ سَرْكِے أَرْتَظٜىٰكْظٜىٰسْ؞

2دَغَ دَنْ‌غِنْ ڢِنٜىٰهَسْ، غٜىٰرْشُوامْ نٜىٰ شُوغَبَا؞ دَغَ دَنْ‌غِنْ عِتَمَرْ، دَانِيٜىٰلْ نٜىٰ شُوغَبَا؞

3دَغَ دَنْ‌غِنْ دَاوُدَ، هَتُّشْ طَنْ شٜىٰكَنِيَ نٜىٰ شُوغَبَا؞ دَغَ دَنْ‌غِنْ ڢَرُواشْ، زَكَرِيَّا نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے دَ حَمْسِنْ دَغَ دَنْ‌غِنْسَ؞ أَنْ سَامِ سُونَيٜىٰنْسُ عَثِكِنْ تَارِيحِنْ أَصَلِنْ كَاكَنِّنْسُ؞

4دَغَ دَنْ‌غِنْ ڢَهَتْ مُواْوَبْ، عٜىٰلِيٜىٰهُواْيٜىٰنَيْ طَنْ ظٜىٰرَهِيَ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے بِيُ؞

5دَغَ دَنْ‌غِنْ ظَتُّ شٜىٰكَنِيَ طَنْ يَهَظِيٜىٰلْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے عُكُ؞

6دَغَ دَنْ‌غِنْ أَدِنْ، عٜىٰبٜىٰدْ طَنْ يُواْنَتَنْ نٜىٰ شُوغَبَا؞ يَكُواْمُواْ تَرٜىٰدَ مَظَا حَمْسِنْ؞

7دَغَ دَنْ‌غِنْ عٜىٰلَمْ، يٜىٰشَيَ طَنْ أَتَلِيَ نٜىٰ شُوغَبَا؞ يَكُواْمُواْ تَرٜىٰدَ مَظَا سَبَعِنْ؞

8دَغَ دَنْ‌غِنْ شٜىٰڢَتِيَ، ظٜىٰبَدِيَ طَنْ مِيكَآءِيلُ نٜىٰ شُوغَبَا؞ يَكُواْمُواْ تَرٜىٰدَ مَظَا تَمَٰنِنْ؞

9دَغَ دَنْ‌غِنْ يُواْوَبْ، عُواْبَدِيَ طَنْ يٜىٰهِيٜىٰلْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے بِيُ دَ غُواْمَشَا تَݣُوسْ؞

10دَغَ دَنْ‌غِنْ بَنِ، شٜىٰلُواْمِتْ طَنْ يُواْسِڢِيَ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے طَيَ دَ سِتِّنْ؞

11دَغَ دَنْ‌غِنْ بٜىٰبَيْ، زَكَرِيَّا طَنْ بٜىٰبَيْ نٜىٰ شُوغَبَا؞ يَكُواْمُواْ تَرٜىٰدَ مَظَا عَشِرِنْ دَ تَݣُوسْ؞

12دَغَ دَنْ‌غِنْ أَظْغَدْ، يُواْهَنَنْ طَنْ هَكَّتَنْ نٜىٰ شُوغَبَا؞ يَكُواْمُواْ تَرٜىٰدَ مَظَا طَرِے طَيَ دَ غُواْمَ؞

13دَغَ دَنْ‌غِنْ أَدُواْنِكَمْ، وَطَنْدَ سُكَذُواْ دَغَ بَايَ، عٜىٰلِڢٜىٰلٜىٰتْ دَ يٜىٰيِيٜىٰلْ دَ شٜىٰمَيَ سُونٜىٰ شُوغَبَنِّ؞ سُنْ كُواْمُواْ تَرٜىٰدَ مَظَا سِتِّنْ؞

14دَغَ دَنْ‌غِنْ بِڠُوِ، عُتَيْ دَ ظَبُدْ سُونٜىٰ شُوغَبَنِّ؞ سُنْ كُواْمُواْ تَرٜىٰدَ مَظَا سَبَعِنْ؞

15نَتَتَّارَ وَطَنَّنْ مُتَنٜىٰ دُكَ عَبَاكِنْ كُواْغِنْ دَيَكٜىٰ غُدُ ذُوَا غَرِنْ أَهَوَ؞ أَ نَنْ مُكَ طَنْ ذَوْنَ ݣُونَ عُكُ؞ سَيْ نَبِنْثِكٜىٰ مُتَنٜىٰنْ دَ كُمَ ڢِرِسْتُواْثِنْ، عَمَّا بَنْ سَامِ لَوِيَاوَا عَثِكِيبَ؞

16سَيْنَسَا عَكِرَا مِنِ عٜىٰلِيٜىٰظٜىٰرْ دَ أَرِيٜىٰلْ دَ شٜىٰمَيَ دَ عٜىٰلْنَتَنْ دَ يَرِبْ دَ عٜىٰلْنَتَنْ دَ نَتَنْ دَ زَكَرِيَّا دَ مٜىٰشُلَّمْ، شُوغَبَنِّ كٜىٰنَنْ؞ نَكُمَسَا عَكِرَا يُواْيَرِبْ دَ عٜىٰلْنَتَنْ، غَمَا سُو مَاسُ حِكِمَ نٜىٰ؞

17نَكُمَ عَيْكٜىٰسُ ذُوَا وُرِنْ إِدُّواْ شُوغَبَا أَ كَسِڢِيَ؞ نَڢَطَا مُسُ أَبِنْدَ ذَاسُ ڢَطَا وَ إِدُّواْ دَ سَوْرَنْ یَنْعُوَنْسَ مَاسُ يِنْ حِدِمَ أَ غِدَنْ يَهْوٜىٰهْ وَطَنْدَ سُكٜىٰ ذَمَ أَ كَسِڢِيَ، دُواْمِنْ سُأَيْكُواْ مَنَ مَاسُ يِنْ حِدِمَ أَ غِدَنْ اللَّهْ نْمُ أَ عُرُوشَلِيمَ؞

18دَيَكٜىٰ حَنُّنْ اللَّهْ نْمُ مَيْ أَلْحٜىٰرِ يَنَ تَرٜىٰدَمُو، سَيْ عَكَ عَيْكُواْ مَنَ دَ شٜىٰرٜىٰبِيَ، مُتُمْ مَيْ غَانٜىٰوَ دَغَ دَنْ‌غِنْ مَلِ طَنْ لَوِ طَنْ إِسْرَٰٓءِيلَ؞ يَذُواْ تَرٜىٰدَ یَیَنْسَ مَظَا دَ یَنْعُوَنْسَ؞ سُو مَظَا غُواْمَشَا تَݣُوسْنٜىٰ؞

19سُكَ كُمَ عَيْكُواْ مَنَ دَ هَشَبِيَ تَرٜىٰدَ يٜىٰشَيَ دَغَ دَنْ‌غِنْ مٜىٰرَرِ دَ یَنْعُوَنْسَ تَرٜىٰدَ یَیَنْسُ؞ سُو مَظَا عَشِرِنْنٜىٰ؞

20بَنْدَ حَكَكُمَ، عَكَ عَيْكُواْ مَنَ دَ مُتُمْ طَرِے بِيُ دَ عَشِرِنْ مَاسُ يِنْ حِدِمَ أَ غِدَنْ يَهْوٜىٰهْ ، ڧُنْ‌غِيَرْ دَ سَرْكِے دَاوُدَ دَ دَتَّاوَا سُكَ كَڢَ دُواْمِنْ تَيْمَكُوانْ لَوِيَاوَا؞ عَكَ لِسَّڢْتَا دُكَنْسُ بِسَغَ سُونَيٜىٰنْسُ؞

21أَ نَنْ بَاكِنْ كُواْغِنْ أَهَوَ، نَايِ شٜىٰلَ عَيِ أَظُمِ دُواْمِنْ مُڧَسْڧَنْتَرْ دَكَنْمُ أَغَبَنْ اللَّهْ نْمُ، مُكُمَ ضُواْڧٜىٰشِ يَكِيَايٜىٰمُ عَكَنْ حَنْيَ، دَمُو دَیَیَنْمُ دَكَايَنْمُ؞

22غَمَا نَاجِ كُنْيَا إِنْتَمْبَيِ سَرْكِے يَبَامُ سُواْجُواْجِنْ ڧَسَا دَ مَاسُ هَوَنْ دَوَكِ دُواْمِنْ سُڟَرٜىٰمُ دَغَ أَبُواْكَنْ غَابَا أَ حَنْيَ؞ سَبُواْدَ نَارِغَا نَا ڢَطَا وَسَرْكِے ثٜىٰوَ حَنُّنْ اللَّهْ نْمُ مَيْ أَلْحٜىٰرِ يَنَ تَرٜىٰدَ دُكَنْ وَنْدَ يَدُواْغَرَ غَرٜىٰشِ، عَمَّا ذَاڢِنْ ڢُشِنْسَ يَنَ عَكَنْ دُكَنْ وَنْدَ يَجُويَ مَسَ بَايَ؞

23سَبُواْدَ حَكَ مُكَيِ أَظُمِ، مُكَ ضُواْڧِ اللَّهْ نْمُ دُواْمِنْ يَكِيَايٜىٰمُ؞ يَكُوَ أَمْسَ أَدُّعُواْعِنْمُ؞

24سَعَنً نَكٜىٰٻٜىٰ مُتَنٜىٰ غُواْمَشَا بِيُ دَغَ ثِكِنْ شُوغَبَنِّنْ ڢِرِسْتُواْثِے، وَتُواْ شٜىٰرٜىٰبِيَ دَ هَشَبِيَ تَرٜىٰدَ یَنْعُوَنْسُ غُدَا غُواْمَ؞

25سَيْ نَأَوْنَ مُسُ أَظُرْڢَا دَ ظِينَارِيَ دَ كُمَ كَايَيَّكِ، وَتُواْ بَايَرْوَ دُواْمِنْ غِدَنْ اللَّهْ نْمُ وَنْدَ سَرْكِے دَ مَاسُ بَاشِ شَوَرَا دَ دَتَّاوَنْسَ دَ دُكَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ أَوُرِنْ سُكَ بَايَرْ؞

26غَا أَبُبُوَنْدَ نَأَوْنَ نَسَا وَڢِرِسْتُواْثِے أَهَنُّ؞ أَظُرْڢَا مَيْ نَوْيِنْ تُوانْ عَشِرِنْ دَ بِيُ؞ كَايَنْ أَظُرْڢَا طَرِے، مَاسُ نَوْيِنْ كِلُواْ سَبَعِنْ؞ ظِينَارِيَ، مَيْ نَوْيِنْ كِلُواْ دُبُو عُكُ دَ طَرِے حُطُ؞

27ݣُونُواْنِنْ ظِينَارِيَ عَشِرِنْ، مَاسُ نَوْيِنْ كِلُواْ تَݣُوسْ دَ غِرَمْ طَرِے حُطُ؞ ݣُونُواْنِ بِيُ نَتَغُلَّرْ دَ عَكَ غُواْغٜىٰ دَرَجَرْسُ دَيْدَيْ دَ تَظِنَرِيَ؞

28نَڢَطَا مُسُ ثٜىٰوَ «كُو دَ كَايَيَّكِنَّنْ أَنْكٜىٰٻٜىٰكُ دَ ڟَرْكِے غَ يَهْوٜىٰهْ ؞ أَظُرْڢَرْ دَ ظِينَارِيَ كُمَ بَيٜىٰ بَيٜىٰ نٜىٰ نَيَرْدَرْ رَيْ غَ يَهْوٜىٰهْ اللَّهْ نَكَاكَنِّنْكُ؞

29كُيِ غَادِنْسُ، كُكُمَ كُلَ دَسُو، حَرْ سَيْ كُنْكَيْسُ كُنْعَوْنَسُ عَثِكِنْ طَكُنَنْ غِدَنْ يَهْوٜىٰهْ أَغَبَنْ شُوغَبَنِّنْ ڢِرِسْتُواْثِے دَ لَوِيَاوَا دَ كُمَ شُوغَبَنِّنْ مُتَنٜىٰنْ إِسْرَٰٓءِيلَ أَ عُرُوشَلِيمَ؞»

30سَيْ ڢِرِسْتُواْثِے دَ لَوِيَاوَا سُكَ كَرْٻِ أَظُرْڢَا دَ ظِينَارِيَ دَ كَايَيَّكِنْ دَ عَكَ عَوْنَ نَوْيِنْسُ، دُواْمِنْ عَكَيْسُ عَثِكِنْ غِدَنْ اللَّهْ نْمُ أَ عُرُوشَلِيمَ؞

31سَيْ مُكَتَاشِ دَغَ بَاكِنْ كُواْغِنْ أَهَوَ أَ رَانَ تَغُواْمَشَا بِيُ غَ وَتَ نَڢَرْكُواْ دُواْمِنْ مُتَڢِے عُرُوشَلِيمَ؞ حَنُّنْ اللَّهْ نْمُ يَنَ تَرٜىٰدَمُو، يَكُمَ ثٜىٰثٜىٰمُ دَغَ حَنُّنْ أَبُواْكَنْ غَابَنْمُ دَ كُمَ یَنْ ڢَشِ أَ حَنْيَ؞

32تَهَكَ مُكَ إِسُواْ عُرُوشَلِيمَ، سَيْ مُكَ هُوتَ ݣُونَ عُكُ؞

33أَ رَانَ تَهُطُ مُكَ تَڢِے غِدَنْ اللَّهْ نْمُ، أَوُرِنْ مُكَ عَوْنَ أَظُرْڢَا دَ ظِينَارِيَ دَ كُمَ كَايَيَّكِ، مُكَ سَاسُ أَ حَنُّنْ ڢِرِسْتِ، وَتُواْ مٜىٰرٜىٰمُواتْ طَنْ عُرِيَ؞ تَرٜىٰدَشِ كُوَ أَݣَويْ عٜىٰلٜىٰيَظَرْ طَنْ ڢِنٜىٰهَسْ دَ كُمَ وَطَنْسُ لَوِيَاوَا، وَتُواْ يُواْظَبَدْ طَنْ يٜىٰشُوَ دَ نُواْوَدِيَ طَنْ بِنُّيِ؞

34عَكَ عَوْنَ كُواْمٜىٰ دَكُواْمٜىٰ، عَكَ تَبَّتَرْ دَ كُواْمٜىٰ بِسَغَ أَوُانْ دَ عَكَيِ؞ عَكَ كُمَ رُبُوتَ دُكَنْ أَبِنْدَ عَكَ ڧِرْغَ عَكَ كُمَ عَوْنَ أَ لُواْكَثِنْ؞

35دُكَنْ وَطَنْدَ سُكَ كُواْمُواْ دَغَ ڧَسَرْ بَوْتَا سُكَ مِيڧَ هَدَايُ نَڧُواْنَاوَا غَ اللَّهْ نَ إِسْرَٰٓءِيلَ؞ سُكَ مِيڧَ بِجِمَيْ غُواْمَشَا بِيُ دُواْمِنْ دُكَنْ إِسْرَٰٓءِيلَ دَ رَغُنَ ثَسَعِنْ دَ شِدَ دَ یَنْ تُمَكِ سَبَعِنْ دَ بَݣَويْ؞ سُكَ كُمَ مِيڧَ هَدَايَ تَوَنْكٜىٰ ذُنُوبِ دَ بُنْسُرَيْ غُواْمَشَا بِيُ؞ عَكَ مِيڧَ دُكَنْ وَطَنَّنْ هَدَايُ نَڧُواْنَاوَا غَ يَهْوٜىٰهْ ؞

36سُكَ بَادَ وَنَّنْ تَكَرْدَرْ عُمَرْنِنْ سَرْكِے أَرْتَظٜىٰكْظٜىٰسْ غَ هَكِمَنْ مُلْكِ دَ ڠُومْنُواْنِنْ يَنْكُنَنْ ڧٜىٰتَرٜىٰنْ كُواْغِنْ يُڢِرٜىٰتِسْ؞ سُو كُوَ سُكَ بَادَ تَيْمَكُواْ غَ مُتَنٜىٰنْ دَ كُمَ غِدَنْ اللَّهْ ؞

← Chapter 7 Jump to: Chapter 9 →