Ezra 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1بَايَنْ وَطَنَّنْ أَبُبُوَ، عَثِكِنْ زَامَانِنْ مُلْكٍ سَرْكِے أَرْتَظٜىٰكْظٜىٰسْ نَ ڢَٰشِيَ، سَيْ عُزَيْرُ يَتَاسُواْ دَغَ بَابِيلَ؞ أَصَلِنْ عُزَيْرُ كُوَ يَنُونَ شِ دَغَ ذُرِيَرْ هَٰرُونَ بَبَّنْ ڢِرِسْتِنٜىٰ؞ عُزَيْرُ طَنْ سٜىٰرَيَ نٜىٰ دَغَ غِدَنْ أَظَرِيَ طَنْ هِلْكِيَ،

2هِلْكِيَ طَنْ شَلُّمْ، شَلُّمْ طَنْ ظَدُواكْ، ظَدُواكْ طَنْ أَهِتُبْ،

3أَهِتُبْ طَنْ أَمَرِيَ، أَمَرِيَ طَنْ أَظَرِيَ، أَظَرِيَ طَنْ مٜىٰرَيْيُواتْ،

4مٜىٰرَيْيُواتْ طَنْ ظٜىٰرَهِيَ، ظٜىٰرَهِيَ طَنْ عُظِّ، عُظِّ طَنْ بُكِّ،

5بُكِّ طَنْ أَبِشُوَ، أَبِشُوَ طَنْ ڢِنٜىٰهَسْ، ڢِنٜىٰهَسْ طَنْ عٜىٰلٜىٰيَظَرْ، طَنْ هَٰرُونَ بَبَّنْ ڢِرِسْتِ؞

6وَنَّنْ عُزَيْرُ نٜىٰ يَهَوْرُواْ دَغَ بَابِيلَ؞ شِ مَلَمِ نٜىٰ مَيْ ثِكَكّٜىٰنْ سَنِنْ كُواْيَرْوَرْ مُوسَٰى، وَدَّ يَهْوٜىٰهْ ، اللَّهْ نَ إِسْرَٰٓءِيلَ، يَبَا أَنَّبِے مُوسَٰى؞ سَرْكِے كُوَ يَبَا شِ دُكَنْ أَبِنْدَ يَضُواْڧَا، غَمَا حَنُّنْ يَهْوٜىٰهْ اللَّهْ نْسَ يَنَ تَرٜىٰ دَشِ؞

7عَثِكِنْ شٜىٰكَرَا تَبَݣَويْ تَمُلْكٍ سَرْكِے أَرْتَظٜىٰكْظٜىٰسْ، عُزَيْرُ يَڢِتَ دَغَ ڧَسَرْ بَابِيلَ ذُوَا عُرُوشَلِيمَ تَرٜىٰدَ ڧُنْ‌غِيَرْ مُتَنٜىٰنْ إِسْرَٰٓءِيلَ دَ وَطَنْسُ ڢِرِسْتُواْثِے دَ لَوِيَاوَا دَ مَوَاڧَ دَ مَاسُ غَادِ دَ كُمَ مَاسُ حِدِمَ أَ غِدَنْ يَهْوٜىٰهْ ؞

8عُزَيْرُ كُوَ يَ إِسُواْ عُرُوشَلِيمَ أَوَتَنْ بِيَرْ ثِكِنْ شٜىٰكَرَا تَبَݣَويْ تَمُلْكٍ سَرْكِے أَرْتَظٜىٰكْظٜىٰسْ؞

9عَكَنْ رَانَ تَڢَرْكُواْ غَ وَتَنْ ڢَرْكُواْ يَتَاشِ دَغَ بَابِيلَ، سَعَنً أَ رَانَ تَڢَرْكُواْ غَ وَتَنْ بِيَرْ يَ إِسُواْ عُرُوشَلِيمَ، غَمَا حَنُّنْ اللَّهْ نْسَ مَيْ أَلْحٜىٰرِ يَنَ تَرٜىٰ دَشِ؞

10غَمَا عُزَيْرُ يَمِيڧَ كَنْسَ غَ بِنْثِكٜىٰنْ كُواْيَرْوَرْ يَهْوٜىٰهْ ، غَ عَيْكَتَاتَ، غَ كُمَ كُواْيَرْ دَ دُواْكُواْكِنْتَ دَ عُمَرْنَنْتَ غَ مُتَنٜىٰنْ إِسْرَٰٓءِيلَ؞

11وَنَّنْ عِتَثٜىٰ وَسِيڧَرْ إِظْنِنْ دَ سَرْكِے أَرْتَظٜىٰكْظٜىٰسْ يَبَا عُزَيْرُ وَنْدَ يَكٜىٰ ڢِرِسْتِ دَ كُمَ مَلَمِ؞ شِے مَيْ ثِكَكّٜىٰنْ سَنِ نٜىٰ غَمٜىٰدَ دُواْكُواْكِ دَ عُمَرْنَنْ يَهْوٜىٰهْ ذُوَاغَ مُتَنٜىٰنْ إِسْرَٰٓءِيلَ؞

12تَاثٜىٰ، «دَغَ أَرْتَظٜىٰكْظٜىٰسْ، سَرْكِنْ سَرَاكُنَ، ذُوَاغَ عُزَيْرُ ڢِرِسْتِ، مَلَمِنْ كُواْيَرْوَرْ اللَّهْ نَ سَمَ؞ «سَلَمَ غَرٜىٰكَ؞

13«إِنَ بَادَ عُمَرْنِ ثٜىٰوَ كُواْوَنٜىٰ مُتُمِنْ إِسْرَٰٓءِيلَ كُواْ ڢِرِسْتُواْثِنْتَ كُواْ لَوِيَاوَنْتَ وَطَنْدَ سُكٜىٰ عَيَنْكِنْ مُلْكِنَ، دُكْ وَنْدَ يَكٜىٰدَ نِيَّ يَكُواْمَ عُرُوشَلِيمَ تَرٜىٰدَكَيْ، سَيْ يَتَڢِے؞

14غَمَا سَرْكِے نٜىٰ دَ مُتَنٜىٰ بَݣَويْ مَاسُ بَاشِ شَوَرَا سُكَ عَيْكٜىٰكَ كَجٜىٰ كَيِ بِنْثِكٜىٰ غَمٜىٰدَ إِرِنْ ذَمَنْ دَ مُتَنٜىٰنْ يَهُودَ دَ نَ عُرُوشَلِيمَ سُكٜىٰيِ بِسَغَ كُواْيَرْوَرْ اللَّهْ نْكَ، وَدَّ تَكٜىٰ أَ حَنُّنْكَ؞

15كَكُمَ طَوْكَ تَرٜىٰدَكَيْ أَظُرْڢَا دَ ظِينَارِيَ وَطَنْدَ سَرْكِے دَ مَاسُ بَاشِ شَوَرَا سُكَ بَايَرْدَ يَرْدَرْ رَنْسُ غَ اللَّهْ نَ إِسْرَٰٓءِيلَ وَنْدَ وُرِنْ ذَمَنْسَ يَنَ أَ عُرُوشَلِيمَ؞

16ذَاكَ كُمَ طَوْكِ دُكَنْ أَظُرْڢَا دَ ظِينَارِيَ وَنْدَ ذَاكَ تَارَ دَغَ دُكَنْ يَنْكُنَنْ بَابِيلَ، تَرٜىٰدَ بَايَرْوَ نَيَرْدَرْ رَيْ دَ مُتَنٜىٰنْ إِسْرَٰٓءِيلَ دَ ڢِرِسْتُواْثِے سُكَ بَايَرْ دُواْمِنْ غِدَنْ اللَّهْ نْسُ أَ عُرُوشَلِيمَ؞

17كَيِ أَمْڢَانِ دَ وَنَّنْ كُطِ مُسَمَّنْ دُواْمِنْ كَسَيِ بِجِمَيْ دَ رَغُنَ دَ یَنْ تُمَكِ، تَرٜىٰدَ هَدَايَرْسُ تَهَڟِ دَ تَأَبِنْشَا وَدَّ تَدَاثٜىٰ دَسُو، دُوانْ كَمِيڧَسُ عَكَنْ بَغَدٜىٰنْ غِدَنْ اللَّهْ نْكَ أَ عُرُوشَلِيمَ؞

18سَعَنً دُكْ سَوْرَنْ أَظُرْڢَا دَ ظِينَارِيَرْ دَسُكَ رَغُ، سَيْ كَيْ دَ یَنْعُوَنْكَ كُيِ دُكْ أَبِنْدَ كُكٜىٰسُواْ كُيِدَسُو بِسَغَ نُڢِنْ اللَّهْ نْكُ؞

19كَايَنْ دَ عَكَ دَنْڧَ مَكَ دُواْمِنْ حِدِمَ عَثِكِنْ غِدَنْ اللَّهْ نْكَ، سَيْ كَكَيْسُ وُرِنْ اللَّهْ أَ عُرُوشَلِيمَ؞

20دُكَنْ أَبِنْدَ عَكٜىٰ بُڧَاتَ كُمَ دُواْمِنْ عَيْكِنْ غِدَنْ اللَّهْ نْكَ، وَنْدَ كُمَ حَكِّنْكَ نٜىٰ كَبَايَرْ، سَيْ كَثِرٜىٰ دَغَ مَعَجِنْ سَرْكِے؞

21«نِے سَرْكِے أَرْتَظٜىٰكْظٜىٰسْ، نَبَادَ عُمَرْنِ غَ دُكَنْ مَعَجِنْ يَنْكُنَنْ ڧٜىٰتَرٜىٰنْ كُواْغِنْ يُڢِرٜىٰتِسْ ثٜىٰوَ دُكَنْ أَبِنْدَ عُزَيْرُ ڢِرِسْتِ، مَلَمِنْ كُواْيَرْوَرْ اللَّهْ نَ سَمَ، ذَيْ بُڧَاتَ دَغَ غَرٜىٰكُ، سَيْ كُيِشِ دُكَ دَ ڨُوذُواْ؞

22سَيْ كُبَاشِ حَرْ ذُوَا كِلُواْ دُبُو عُكُ دَ طَرِے حُطُ نَأَظُرْڢَا دَ بُهُ طَرِے نَأَلْكَمَ دَ لِتَ دُبُو بِيُ نَضُوً إِنَبِے دَ لِتَ دُبُو بِيُ نَمَنْ ظَيْتُنْ دَ كُمَ دُكْ يَوَنْ غِشِرِنْ دَ عَكٜىٰ بُڧَاتَ؞

23دُكَنْ أَبِنْدَ اللَّهْ نَ سَمَ يَعُمَرْتَ دُواْمِنْ غِدَنْسَ، سَيْ عَيِشِ دُكَ دَ ڨُوذُواْ، دُواْمِنْ كَدَ أَ جَا ڢُشِنْسَ عَكَنْ مُلْكٍ سَرْكِے دَ یَیَنْسَ؞

24مُنَ كُمَ سَنَرْ مُكُ ثٜىٰوَ كَدَ كُكَرْٻِ كُطِنْ هَرَاجِ، كُواْ كُطِنْ شِغَ دَ ڢِتَ، كُواْ كُطِنْ حَنْيَ دَغَ وُرِنْ ڢِرِسْتُواْثِے، كُواْ لَوِيَاوَا، كُواْ مَوَاڧَ، كُواْ مَاسُ غَادِ كُواْ سَوْرَنْ مَاسُ حِدِمَ أَوَنَّنْ غِدَنْ اللَّهْ ؞

25«كَيْ كُمَ عُزَيْرُ، بِسَغَ حِكِمَرْ دَ اللَّهْ يَبَاكَ، كَنَطَ مَاسُ شَرِيعَ عَكُواْتُ دَ أَلْڧَلَيْ دُواْمِنْ سُبِيدَ دُكَنْ مُتَنٜىٰنْ دَسُكٜىٰ ڧٜىٰتَرٜىٰنْ كُواْغِنْ يُڢِرٜىٰتِسْ، وَتُواْ دُكَنْ وَطَنْدَ سُكَ سَنْ دُواْكُواْكِنْ اللَّهْ نْكَ؞ كَكُمَ كُواْيَرْ دَ وَطَنْدَ بَسُ سَنْ دُواْكُواْكِنْبَ؞

26دُكَنْ وَنْدَ يَڧِيِنْ بِيَيَّ دَ دُواْكَرْ اللَّهْ نْكَ، كُواْ دُواْكَرْ سَرْكِے، لَلَّيْ ذَاعَيِ مَسَ حُكُنْثِ، كُواْ نَمُتُوَ، كُواْ نَكُواْرَرْ دُواْلٜىٰ، كُواْ نَڨُوثٜىٰ دُوكِيَرْسَ، كُواْ نَسَاشِ عَكُرْكُكُ؞»

27سَيْ عُزَيْرُ يَثٜىٰ «أَلْبَرْكَ تَا تَبَّتَا غَ يَهْوٜىٰهْ اللَّهْ نَكَاكَنِّنْمُ! شِينٜىٰ وَنْدَ يَسَا إِرِنْ وَنَّنْ تُنَانِ أَ ذُوثِيَارْ سَرْكِے دُواْمِنْ يَغِرْمَمَ غِدَنْ يَهْوٜىٰهْ دَيَكٜىٰ أَ عُرُوشَلِيمَ تَوُرِنْ سَاكٜىٰ غِنَاشِ؞

28كُمَ تَوُرِنْ أَلْحٜىٰرِنْسَ نَسَامِ ڢَضٍ جِنِ أَوُرِنْ سَرْكِے دَ نَمَاسُ بَاشِ شَوَرَا دَ كُمَ نَدُكَنْ دَتَّاوَنْسَ مَاسُ إِيكُواْ؞ نَسَامِ ڧَرْڢِنْ ذُوثِيَا غَمَا حَنُّنْ يَهْوٜىٰهْ اللَّهْ نَا يَنَ تَرٜىٰدَنِ، حَرْ نَ عِيَ تَارَ شُوغَبَنِّنْ إِسْرَٰٓءِيلَ دُواْمِنْ سُكُواْمَ تَرٜىٰدَنِ؞»

← Chapter 6 Jump to: Chapter 8 →