Ezra 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1سَعَدَّ وَتَنْ بَݣَويْ يَ إِسُواْ، مُتَنٜىٰنْ إِسْرَٰٓءِيلَ كُوَ سُنَ أَغَرُرُوَنْسُ، سَيْ سُكَ تَارُ غَبَاطَيَ عَثِكِنْ عُرُوشَلِيمَ؞

2سَيْ يٜىٰشُوَ طَنْ يُواْظَدَكْ تَرٜىٰدَ یَنْعُوَنْسَ ڢِرِسْتُواْثِے دَ ظٜىٰرُبَّبٜىٰلْ طَنْ شٜىٰيَلْتِيٜىٰلْ تَرٜىٰدَ یَنْعُوَنْسَ سُكَ ڢَارَ غِنَا بَغَدٜىٰنْ اللَّهْ نَ إِسْرَٰٓءِيلَ؞ سُكَ غِنَا بَغَدٜىٰنْ دُواْمِنْ سُمِيڧَ هَدَايُ نَڧُواْنَاوَا بِسَغَ يَدَّ عَكَ رُبُوتَ عَثِكِنْ كُواْيَرْوَرْ مُوسَٰى مُتُمِنْ اللَّهْ ؞

3كُواْدَيَكٜىٰ سُنَ ڟُواْرُوانْ سَوْرَنْ ڧَبِيلُنْ ڧَسَرْ، دُكْدَهَكَ سُكَسَاكٜىٰ غِنَا بَغَدٜىٰنْ أَوُرِنْ دَيَكٜىٰ أَدَا؞ سَعَنً سُكَ ڢَارَ مِيڧَ هَدَايُ نَڧُواْنَاوَا غَ يَهْوٜىٰهْ عَكَنْ بَغَدٜىٰنْ، وَتُواْ هَدَايُنَّنْ دَ عَكَنْ مِيڧَ دَ سَڢٜىٰ دَ كُمَ دَ يَمَّ؞

4سُكَ كُمَ كِيَايٜىٰ بِكٍ بُكُّواْكِ كَمَرْ يَدَّ يَكٜىٰ أَرُبُوثٜىٰ؞ سُكَ مِيڧَ هَدَايُ نَڧُواْنَاوَا نَكُواْوَثٜىٰ رَانَ بِسَغَ لِسَّڢِنْسُ كَمَرْ يَدَّ عَكَ عُمَرْتَ؞

5بَايَنْ وَنَّنْ سَيْ سُكَ ثِيغَبَدَ مِيڧَ هَدَايُ نَڧُواْنَاوَا نَيَوْ دَ كُلُّمْ دَ كُمَ هَدَايُ نَكُواْوَنٜىٰ بِكٍ سَابُوانْ وَتَ دَ نَكُواْوَنٜىٰ بِكٍ يَهْوٜىٰهْ وَنْدَ عَكَ ڟَارَا دَ نَبَيٜىٰ بَيٜىٰ نَيَرْدَرْ رَيْ غَ يَهْوٜىٰهْ وَطَنْدَ مُتَنٜىٰ سُكَنْ بَايَرْ؞

6تُنْدَغَ رَانَ تَڢَرْكُواْ غَ وَتَنْ بَݣَويْ سُكَ ڢَارَ مِيڧَ هَدَايُ نَڧُواْنَاوَا غَ يَهْوٜىٰهْ ، كُواْدَيَكٜىٰ بَعَكَڢَ تُوشٜىٰنْ هَيْكَلِنْ يَهْوٜىٰهْ بَ تُكُنَ؞

7سَيْ مُتَنٜىٰ سُكَ بَادَ كُطِ دُواْمِنْ عَبِيَ مَاسُ غِنِ دَ كُمَ كَاڢِنْتُواْثِ؞ عَكَ كُمَ بَا مُتَنٜىٰنْ سِدُوانْ دَ نَ تَيَ عَبِنْثِ دَ أَبِنْ شَا دَ كُمَ مَنْ ظَيْتُنْ، دُواْمِنْ سُكَٰوُاْ عِتَتُوَنْ سٜىٰدَ دَغَ ڧَسَرْ لٜىٰبَنُوانْ، وَطَنْدَ ذَاعَ كَٰوُاْ عَكَنْ تٜىٰكُ ذُوَا تَشَرْ جِضْغٍ ضُوَ أَ يُواْڢَّ؞ أَنْيِ دُكَنْ وَطَنَّنْ بِسَغَ إِظْنِنْ سَرْكِے سَيِرُسْ نَ ڢَٰشِيَ؞

8عَثِكِنْ وَتَ نَبِيُ نَشٜىٰكَرَا تَبِيُ بَايَنْدَ سُكَ إِسُواْ أَ غِدَنْ اللَّهْ أَ عُرُوشَلِيمَ، سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يٜىٰشُوَ طَنْ يُواْظَدَكْ، تَرٜىٰدَ سَوْرَنْ یَنْعُوَنْسُ ڢِرِسْتُواْثِے دَ لَوِيَاوَا دَ كُمَ دُكَنْ وَطَنْدَ سُكَ كُواْمُواْ عُرُوشَلِيمَ دَغَ ڧَسَرْ بَوْتَا سُكَ ڢَارَ عَيْكِنْ؞ عَكَسَا لَوِيَاوَا مَاسُ شٜىٰكَرَا عَشِرِنْ ذُوَا سَمَ سُلُورَ دَ عَيْكِنْ سَاكٜىٰ غِنِنْ غِدَنْ يَهْوٜىٰهْ ؞

9يٜىٰشُوَ تَرٜىٰدَ یَیَنْسَ مَظَا دَ كُمَ یَنْعُوَنْسَ دَ كَدْمِيٜىٰلْ دَ یَیَنْسَ مَظَا دَغَ دَنْ‌غِنْ هُواْدَوِيَ سُكَ حَطَكَيْ دُواْمِنْ سُلُورَ دَ مَاسُ عَيْكِنْ غِنِنْ غِدَنْ اللَّهْ ؞ سُكَ سَامِ غُواْيُوانْ بَايَنْ لَوِيَاوَا نَدَنْ‌غِنْ هٜىٰنَدَدْ؞

10سَعَدَّ مَاسُ غِنِ سُكَ كَڢَ تُوشٜىٰنْ هَيْكَلِنْ يَهْوٜىٰهْ ، سَيْ ڢِرِسْتُواْثِے سُكَ ڢِتُواْ سُكَ ڟَيَ سَنْيٜىٰ دَ رِيغُنَنْسُ، كُواْوَنّٜىٰنْسُ يَنَ رِڧٜىٰ دَ كَكَكِ؞ حَكَكُمَ لَوِيَاوَا نَدَنْ‌غِنْ أَسَڢْ سُو مَا سُكَ ڢِتُواْ سُكَ ڟَيَ، كُواْوَنّٜىٰنْسُ يَنَ رِڧٜىٰ دَ كُغٜىٰ؞ سُنْ ڢِتُواْ نٜىٰ دُواْمِنْ سُيَبِے يَهْوٜىٰهْ بِسَغَ ڧَٰعِدَرْ دَ عَكَ كَڢَ تُنْدَغَ زَامَانِنْ سَرْكِے دَاوُدَ؞

11وَطَنْسُ سُكَ طَغَ وَاڧَرْ غُواْدِيَ دَ يَبُواْ غَ يَهْوٜىٰهْ ، وَطَنْسُ سُنَ أَمْسَاوَا سُنَ ثٜىٰوَ «غَمَا يَهْوٜىٰهْ مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ غَ إِسْرَٰٓءِيلَ؞» سَيْ دُكَنْ مُتَنٜىٰ سُكَتَادَ مُرْيَ دَ ڧَرْڢِے سُكَ يَبِے يَهْوٜىٰهْ سَبُواْدَ أَنْكَڢَ تُوشٜىٰنْ غِدَنْ يَهْوٜىٰهْ ؞

12عَمَّا دَيَوَ دَغَ ثِكِنْ ڟُواْڢَڢِّنْ مُتَنٜىٰ، ڢِرِسْتُواْثِے دَ لَوِيَاوَا دَ شُوغَبَنِّنْ دَنْ‌غِ دَنْ‌غِ، وَطَنْدَ دَا سُكَغَ غِدَنْ يَهْوٜىٰهْ نَڢَرْكُواْ، سُكَ ڢَشٜىٰ دَ كُوكَا مَيْ ذَاڢِ، سَعَدَّ سُكَغَ تُوشٜىٰنْ وَنَّنْ غِدَنْ؞ وَطَنْسُ كُوَ سُكَتَادَ مُرْيَ دُواْمِنْ ڢَضٍ ثِكِ،

13حَرْ بَابُوَنِنْدَ يَ عِيَ بَمْبَنْتَ ڟَكَانِنْ مُرْيَرْ ڢَضٍ ثِكِ دَ مُرْيَرْ كُوكَا، غَمَا مُتَنٜىٰنْ سُنْ تَادَ مُرْيَرْسُ دَ ڧَرْڢِے سُواْسَيْ، حَرْ أَنَ جِنْسُ دَغَ نٜىٰسَ؞

← Chapter 2 Jump to: Chapter 4 →