Ezra 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1بَايَنْدَ عَكَيِ وَطَنَّنْ أَبُبُوَ، وَطَنْسُ دَتَّاوَنْ إِسْرَٰٓءِيلَ سُكَذُواْ وُرِينَ سُكَ غَيَ مِنِ إِرِنْ رَايُوَرْ دَ مُتَنٜىٰنْ إِسْرَٰٓءِيلَ دَ ڢِرِسْتُواْثِے دَ لَوِيَاوَا سُكٜىٰيِ؞ سُكَ كُمَ غَيَ مِنِ يَدَّ مُتَنٜىٰنْ إِسْرَٰٓءِيلَ بَسُ وَارٜىٰ كَنْسُ دَغَ ڧَبِيلُنْ ڧَسَرْ بَ، مَاسُ رَايُوَرْ ڧَظَنْتَا، وَتُواْ كَنْعَنِيَاوَا دَ هِتِّيَاوَا دَ ڢٜىٰرِظِّيَاوَا دَ يٜىٰبُسِيَاوَا دَ أَمُّواْنَاوَا دَ مُواْوَبَاوَا دَ مَصَرَاوَا دَ أَمُواْرِيَاوَا؞

2غَمَا مَظَا نَ إِسْرَٰٓءِيلَ سُنْ عَوْرُواْ وَكَنْسُ مَتَ دَغَ ثِكِنْ ڧَبِيلُنْ ڧَسَرْ، حَرْ مَا سُنْ طَوْكُواْ وَیَیَنْسُ مَاتَادَغَ ثِكِنْسُ؞ تَهَكَ عَكَ ݣُوٻَ ذُرِيَرْ دَ عَكَ ڟَرْكَكٜىٰ دَ تَڧَبِيلُنْ ڧَسَرْ؞ شُوغَبَنِّ دَ دَتَّاوَا كُوَ سُنَدَ حَنُّ دُمُ دُمُ عَثِكِنْ عَيْكَتَ وَنَّنْ أَبِنْ كُنْيَا؞

3سَعَدَّ نَجِ وَنَّنْ سَيْ نَيَيَّاغٜىٰ رِيغُنَنَ، نَثِثِّرٜىٰ غَاشِنْ كَيْنَ دَ نَغٜىٰمُنَ، سَيْ نَذَوْنَ، نَرَسَ أَبِنْ ڢَطَا؞

4سَعَنً دُكَنْ وَطَنْدَ مَغَنَرْ اللَّهْ نَ إِسْرَٰٓءِيلَ تَسَا سُيِ ضَوَرْ جِكِے سَبُواْدَ رَشِنْ أَمِنْثِنْ مَاسُ كُواْمُواْوَ دَغَ ڧَسَرْ بَوْتَا، سُكَ تَارُ كٜىٰوَيٜىٰ دَنِے؞ نَاكُوَ ذَوْنَ، نَرَسَ أَبِنْ ڢَطَا حَرْ لُواْكَثِنْ هَدَايَ تَيَمَّ؞

5سَعَدَّ لُواْكَثِنْ هَدَايَ تَيَمَّ يَيِ، سَيْ نَتَاشِ دَغَ أَظُمِنَ سَنْيٜىٰ دَ رِيغُنَنْدَ نَيَيَّاغٜىٰ؞ سَيْ نَدُرْڧُسَ أَڠُوِوُاْيِنَ، نَمِيڧَ حَنُّوَنَ غَ يَهْوٜىٰهْ اللَّهْ نَا؞

6نَثٜىٰ، «يَا اللَّهْ نَا، كُنْيَا تَرُڢٜىٰ ڢُسْكَتَ حَرْ بَنْ عِيَ طَغَ كَيْنَ أَغَبَنْكَبَ؞ غَمَا ذُنُبَنْمُ سُنْ شَا كَنْمُ، سُنْيِ تُدُ حَرْ سَمَ؞

7تُنْدَغَ زَامَانِنْ كَاكَنِّنْمُ ذُوَا يَوْ، مُنْيِ بَبَّنْ لَيْڢِے؞ سَبُواْدَ ذُنُبَنْمُ، مُو دَ سَرَاكُنَنْمُ دَ ڢِرِسْتُواْثِنْمُ، مُكَ ڢَاطَ أَ حَنُّنْ سَرَاكُنَنْ أَلْعُمَّيْ؞ عَكَ كَكَّشٜىٰمُ، عَكَ ݣُوشٜىٰمُ ذُوَا ڧَسَرْ بَوْتَا، عَكَ ڨُوثٜىٰ كَايَنْمُ، عَكَسَامُ ثِكِنْ كُنْيَا كَمَرْ يَدَّ مُكٜىٰ عَيَوْ؞

8«يَنْذُ كُوَ طَنْ لُواْكَثِ كَطَنْ، يَهْوٜىٰهْ اللَّهْ نْمُ يَيِمَنَ أَلْحٜىٰرِ دَ يَبَرْ مَنَ ضَغُواْوَرْ مُتَنٜىٰ دَ رَيْ، كُمَ دَ يَبَامُ تَبَّتَاثّٜىٰنْ وُرِے أَوُرِنْ ذَمَنْ مَيْ ڟَرْكِے، دُواْمِنْ يَطَنْ كَٰوُاْ مَنَ سَوْڧِ ثِكِنْ بَوْتَرْمُ يَكُمَسَا عِدَنُونْمُ سُيِ حَصْكٜىٰ؞

9كُواْدَيَكٜىٰ مُو بَايِنٜىٰ، اللَّهْ نْمُ بَيْ مَنْتَادَمُو ثِكِنْ بَوْتَرْمُبَ؞ عَمَّا يَسَا سَرَاكُنَنْ ڢَٰشِيَ سُكَيِ مَنَ كِرْكِ سُكَبِيَ مَنَ بُڧَاتَرْمُ دُوانْ مُتَادَ غِدَنْ اللَّهْ ، مُكُمَ ڠَرَ وُرَارٜىٰنْ دَ سُكَ ڢَاطِ دُواْمِنْ مُسَامِ كَتَنْ‌غَرْ دَ ذَاتَ ڟَرٜىٰمُ أَ يَهُودَ دَ عُرُوشَلِيمَ؞

10«تُواْ يَنْذُ، يَا اللَّهْ نْمُ، مٜىٰ ذَامُثٜىٰ بَايَنْ دُكْ وَنَّنْ؟ غَمَا مُنْڧِ بِنْ دُواْكُواْكِنْكَ،

11وَطَنْدَ كَبَامُ تَوُرِنْ أَنَّبَاوَا مَاسُ يِمَكَ حِدِمَ دَ كَڢَطَا مَنَ ثٜىٰوَ ڧَسَرْدَ ذَامُ شِغَ مُمَلَّكٜىٰتَ تَذَمَ غَادُوانْمُ، ڧَسَاثٜىٰ مَيْ ڧَظَنْتَا؞ ڧَبِيلُنْ ڧَسَرْ سُنْثِكَ تَكُواْعِنَ دَ أَيُّكَنْسُ نَبَنْ ڨَمَ دَ ڧَظَنْتَا؞

12سَبُواْدَ حَكَ كَدَ مُسَا یَیَنْمُ مَتَ سُعَوْرِ مُتَنٜىٰنْ ڧَسَرْ كُواْ یَیَنْمُ مَظَا سُعَوْرِ یَنْ مَاتَنْسُ؞ كُمَ كَدَ مُتَٻَ تَيْمَكُوانْسُ كُواْ مُنٜىٰمِ ذَمَنْ لَاڢِيَرْسُ؞ تَهَكَ ذَامُيِ ڧَرْڢِے مُجِ دَاطِنْ ڧَسَرْ، مُكُمَ بَرْ وَ یَیَنْمُ ڧَسَرْ تَذَمَ أَبِنْ غَادُوانْسُ حَرْ أَبَدَا؞

13بَايَنْ دُكَنْ وَطَنَّنْ أَبُبُوَ سُنْ ڢَرُ دَمُو سَبُواْدَ مِيَغُنْ أَيُّكَنْمُ دَ لَيْڢُواْڢِنْمُ مَاسُيَوَ، مُنْ غَانٜىٰ ثٜىٰوَ دُكْدَهَكَ كَيْ اللَّهْ نْمُ بَكَ بَامُ حُواْرُواْ مَيْ ڟَنَنِ بِسَغَ ذُنُبَنْمُبَ، حَرْ كَبَرْ مَنَ ضَغُواْوَرْ مُتَنٜىٰ كَمَرْ حَكَ؞

14تُواْ، يَيَ ذَامُ سَاكٜىٰ كَرْيَ دُواْكَرْكَ مُيِ عَوْرٜىٰ دَ وَطَنَّنْ مُتَنٜىٰ وَطَنْدَ سُكٜىٰ عَيْكَتَ وَطَنَّنْ أَبُبُوَنْ بَنْ ڨَمَ؟ عِدَنْ مُكَيِ حَكَ، بَذَاكَيِ ڢُشِے حَرْ كَهَلَّكَرْ دَمُو دُكَبَ، بَابُ مَاسُ ضَغُواْوَ بَابُ مَاسُ ڟِيرَا؟

15يَا يَهْوٜىٰهْ اللَّهْ نَ إِسْرَٰٓءِيلَ، كَيْ مَيْ أَدَلْثِنٜىٰ! مُو مُنْ ڟِيرَا كَمَرْ ضَغُواْوَرْ مُتَنٜىٰنٜىٰ، كَمَرْ يَدَّ مُكٜىٰ عَيَوْ؞ غَا مُو نَنْ أَغَبَنْكَ ثِكِنْ لَيْڢُواْڢِنْمُ، كُواْدَيَكٜىٰ سَبُواْدَ وَنَّنْ بَابُوَنِنْمُ دَ ذَيْ عِيَ ڟَيَاوَا أَغَبَنْكَ؞»

← Chapter 8 Jump to: Chapter 10 →