Hebrews 10

Hausa Arabic 2020 (أَتَّوْرَتْ دَ أَنَّبَاوَا)

← Chapter 9 Jump to: Chapter 11 →

1كُواْيَرْوَرْ مُوسَٰى كُوَ ݣُوتَنْثِ ثٜىٰ كَوَيْ نَعَبُبُوَ مَاسُ ݣَوْ وَطَنْدَ سُكٜىٰ أَغَبَ، بَا عِتَثٜىٰ عَيْنِحِنْ أَبُبُوَنَّنْ بَ؞ شِيَسَا بَتَ عِسَابَ تَسَا دُكْ مَاسُ مَڟُواْوَ كُسَدَ اللَّهْ سُذَمَ ثِكَكُّ بِسَغَ هَدَايُنَّنْ دَ عَكَنْ ثِيغَبَ دَبَايَرْوَ شٜىٰكَرَا بِيٜىٰ دَ شٜىٰكَرَا؞

2دَا عَثٜىٰ كُواْيَرْوَرْ مُوسَٰى تَنَدَ إِيكُواْ نٜىٰ، أَيْ دَا أَنْدَيْنَ مِيڧَ هَدَايُنَّنْ، دُواْمِنْ مَاسُ مِيڧَسُ ذَاسُ سَامِ ڟَبْتَثٜىٰوَ غَبَاطَيَ، تُنَانِنْ ذُوثِيَارْسُ كُوَ بَذَيْ يِتَدَامُنْسُ غَمٜىٰدَ ذُنُبَنْسُبَ؞

3عَمَّا هَدَايُنَّنْ كُوَ حَنْيَرْ تُنَاوَا دَ ذُنُوبِ نٜىٰ، شٜىٰكَرَا بِيٜىٰ دَ شٜىٰكَرَا؞

4غَمَا بَايَدَّ ذَيْ يِوُ جِنِنْ بِجِمَيْ دَ نَأَوَكِ يَكَوَرْدَ ذُنُبَيْ؞

5سَبُواْدَ حَكَ، سَعَدَّ أَلْمَسِيحُ يَشِغُواْ دُونِيَا، يَثٜىٰ، «هَدَايُ دَ بَيٜىٰ بَيٜىٰ كَمْ بَاكَاسُواْ، عَمَّا جِكِے نٜىٰ كَشِرْيَ مِنِ؞

6هَدَايُ نَڧُواْنَاوَا دَ نَوَنْكٜىٰ ذُنُبَيْ كُوَ بَاكَجِنْ دَاطِنْسُ؞

7سَيْ نَثٜىٰ، ‹غَا نِے نَنْ، يَا اللَّهْ ، نَذُواْ إِنْ عَيْكَتَ نُڢِنْكَ، كَمَرْ يَدَّ يَكٜىٰ أَرُبُوثٜىٰ غَمٜىٰدَنِ أَ رُبُوتَثِّيَرْ كَلْمَرْ اللَّهْ ؞› »

8دَ ڢَرْكُواْ يَثٜىٰ «هَدَايُ دَ بَيٜىٰ بَيٜىٰ دَ هَدَايَ تَڧُواْنَاوَا دَ هَدَايَ تَوَنْكٜىٰ ذُنُبَيْ كَمْ بَاكَاسُواْ، بَاكَ كُوَ جِنْ دَاطِنْسُ؞» يَا ڢَطِ حَكَ كُواْدَيَكٜىٰ كُواْيَرْوَرْ مُوسَٰى ثٜىٰ تَثٜىٰ عَكِيَايٜىٰ وَطَنَّنْ عُمَرْنَيْ؞

9يَسَاكٜىٰ ثٜىٰوَ «غَا نِنَنْ، نَذُواْ إِنْ عَيْكَتَ نُڢِنْكَ؞» وَتُواْ، أَنْ أَجِيٜىٰ ڟَارِ نَڢَرْكُواْ أَغٜىٰڢٜىٰ كٜىٰنَنْ دُواْمِنْ عَكَڢَ نَبِيُنْ؞

10بِسَغَ نُڢِنْ اللَّهْ كُمَ أَنْمَيْدَمُو ڟَرْكَكَا تَوُرِنْ هَدَايَرْ جِكِنْسَ وَدَّ عِيسَىٰ أَلْمَسِيحُ يَمِيڧَ سَوْ طَيَ تَكْ بَا ڧَارِ؞

11كُواْوَثٜىٰ رَانَ كُواْوَنٜىٰ ڢِرِسْتِ يَكَنْ ڟَيَ يَنَ يِنْ حِدِمَرْسَ، يَكَنْيِ تَمِيڧَ إِرِنْ وَنَّنْ هَدَايَ وَدَّ بَاتَدَ إِيكُوانْ كَوَرْدَ ذُنُبَيْ؞

12عَمَّا دَ أَلْمَسِيحُ يَمِيڧَ هَدَايَ طَيَ تَهَرْ أَبَدَا سَبُواْدَ ذُنُبَيْ، سَيْ يَذَوْنَ أَ حَنُّنْ دَامَ نَ اللَّهْ ؞

13تُنْ لُواْكَثِنَّنْ كُوَ يَنَ جِرَا نٜىٰ أَ سَا أَبُواْكَنْ غَابَنْسَ عَڧَرْڧَشِنْ ڧَڢَاڢُنْسَ دُواْمِنْ يَتَتَّاكَسُ؞

14بِسَغَ هَدَايَرْ نَنْ طَيَ كُوَ، يَمَيْدَ وَطَنْدَ عَكَ ڟَرْكَكٜىٰسُ سُذَمَ ثِكَكُّ حَرْ أَبَدَا؞

15رُوحُ مَيْ ڟَرْكِے يَيِ شَيْدَ عَكَنْمُ غَمٜىٰدَ وَنَّنْ؞ دَ ڢَرْكُواْ، يَثٜىٰ،

16«غَا يَرْجٜىٰجٜىٰنِيَرْ دَ ذَنْيِ دَسُو، بَايَنْ لُواْكَثِنَّنْ، إِنْجِ عُبَنْ‌غِجِ ؞ ذَنْ رُبُوتَ كُواْيَرْوَاتَا عَ أَلُّوانْ ذُوثِيَارْسُ، إِنْكُمَ سَاتَ عَثِكِنْ تُنَانِنْسُ؞»

17يَكُمَ ڧَارَ دَ ثٜىٰوَ «ذُنُبَنْسُ دَ لَيْڢُواْڢِنْسُ بَذَنْ سَاكٜىٰ تُنَاوَا دَسُوبَ؞»

18سَعَدَّ أَنْ‌غَاڢَرْتَ ذُنُبَيْ كُوَ، بَا وَتَ بُڧَاتَرْ هَدَايَ سَبُواْدَ ذُنُوبِ؞

19سَبُواْدَ حَكَ، یَنْعُوَنَ، مُنَدَ ثِكَكّٜىٰنْ یَنْثِ مُشِغَ وُرِے مَڢِے ڟَرْكِے بِسَغَ جِنِنْ عِيسَىٰ ؞

20شِے كُوَ يَبُوطٜىٰ مَنَ سَابُوَرْ حَنْيَ، حَنْيَ مَيْ رَيْ كُمَ، تَلَبُلٜىٰنَّنْ، وَتُواْ، جِكِنْسَ؞

21مُنَ كُمَ دَ بَبَّنْ ڢِرِسْتِ وَنْدَ يَكٜىٰ مُلْكٍ دُكَنْ جَمَعَرْ اللَّهْ ؞

22سَبُواْدَ حَكَ بَرِ مُمَڟُواْ كُسَدَ اللَّهْ دَ ذُوثِيَا مَيْ غَسْكِيَ دَ بَنْ‌غَسْكِيَ مَرَرْ شَكَّ؞ مُمَڟُواْ دَ ذُوثِيَا وَدَّ عَكَ ڟَبْتَثٜىٰ دَغَ أَلْحَكِنْ ذُنُوبِ دَ كُمَ جِكِنْ دَ عَكَ وَنْكٜىٰ دَ ضُوَ مَيْ ڟَبْتَ؞

23بَرِ مُڟَيَ عَكَنْ سَا ذُوثِيَارْ نَنْ تَامُ، وَدَّ مُكٜىٰ شَيْدَ دَ ڧَرْڢِے سُواْسَيْ دُواْمِنْ شِے وَنْدَ يَيِ مَنَ أَلْڧَوَرِ مَيْ أَمِنْثِنٜىٰ؞

24مُلُورَ دَ جُونَ تَيَدَّ ذَامُ إِظَ جُونَ غَ نُونَ ڧَوْنَ دَ يِنْ عَيْكِنْ نَغَرْتَا؞

25كَدَ مُبَرْيِنْ تَارُوانْ سُجَّدَ، كَمَرْ يَدَّ وَطَنْسُ سُنْ سَابَايِ؞ أَ مَيْمَكُوانْ حَكَ مُدِنْ‌غَ ڧَرْڢَڢَ جُونَ، مُكُمَ ڧَارَيِنْ حَكَ يَايِنْ دَ كُكٜىٰ غَنِنْ ثٜىٰوَ رَانَرْ نَنْ تَنَ مَڟُواْوَ كُسَ؞

26بَا وَتَ سَوْرَنْ هَدَايَ تَوَنْكٜىٰ ذُنُوبِ عِدَنْ مُنْثِيغَبَدَ يِنْ ذُنُوبِ دَ غَنْ‌غَنْ بَايَنْدَ مُكَ سَامِ سَنِنْ غَسْكِيَ؞

27أَ مَيْمَكُوانْ حَكَ، أَبِنْدَ يَضَغٜىٰ شِينٜىٰ جِرَا ثِكِنْ رَظَنَ دَ ڟُواْرُواْ سَبُواْدَ حُكُنْثِ دَ وُتَا مَيْ ڟَنَنِنْ ذَاڢِ وَدَّ ذَاتَ ثِنْيٜىٰ مَاسُ غَابَادَ اللَّهْ ؞

28دُكْ وَنْدَ يَڧٜىٰتَرٜىٰ كُواْيَرْوَرْ مُوسَٰى عَكَنْ كَشٜىٰشِ، بَابُ تَوْسَيِ، بِسَغَ شَيْدَرْ مُتُمْ بِيُ كُواْ عُكُ،

29بَلّٜىٰ مَا وَنْدَ يَرٜىٰنَ طَنْ اللَّهْ ، يَيِ بَنْظَ دَ جِنِنْ يَرْجٜىٰجٜىٰنِيَرْ نَنْ وَنْدَ يَڟَرْكَكٜىٰشِ، يَكُمَ زَرْغِ رُوحُ مَيْ ڟَرْكِے مَيْ أَلْحٜىٰرِ! وَنٜىٰ إِرِنْ حُكُنْثِ مَيْ ڟَنَنِ نٜىٰ كُكٜىٰ ڟَمَّنِ يَثَنْثَنْتَ عَيِ وَمُتُمِنَّنْ؟

30غَمَا مُنْ سَنْ وَنْدَ يَثٜىٰ «رَامُوَا تَاوَثٜىٰ، نِے كُوَ ذَنْ رَامَ؞» يَسَاكٜىٰ ثٜىٰوَ « عُبَنْ‌غِجِ ذَيْ يِشَرِيعَرْ مُتَنٜىٰنْسَ؞»

31أَبِنْ بَنْ ڟُواْرُواْ نٜىٰ ڢَا مُتُمْ يَڢَاطَ ثِكِنْ حَنُّوَنْ اللَّهْ مَيْ رَيْ؞

32كُتُنَ ڢَا دَ ݣُونَكِنْ دَا؞ بَايَنْدَ كُكَ سَامِ غَنِنْ حَصْكٜىٰنْ اللَّهْ ، كُنْ جِمْرٜىٰ سُواْسَيْ، كُنَ كُواْكَوَ دَ وَهَلُواْلِ؞

33وَنِ لُواْكَثِ أَنَ ذَاغِنْكُ أَ ڢِيلِ، أَنَ ڟَنَنْتَ مُكُ أَغَبَنْ جَمَعَ؞ وَنِ لُواْكَثِ كُمَ كُكَيِ تَرَيَّ دَ وَطَنْدَ سُكٜىٰ شَنْ إِرِنْ وَطَنَّنْ وَهَلُواْلِ؞

34غَمَا كُنْ نُونَ تَوْسَيِ غَ وَطَنْدَ سُكٜىٰ عَكُلّٜىٰ عَكُرْكُكُ، كُنْ كُمَ نُونَ ڢَضٍ ثِكِ بَايَنْدَ عَكَ ڨُوثٜىٰ مُكُ كَايَ، دُواْمِنْ كُنْ سَنِ ثٜىٰوَ كُنَدَ مَلَّكَ مَڢِے ݣَوْ دَظَاتَ دَوَّمَ حَرْ أَبَدَا؞

35سَبُواْدَ حَكَ كَدَ كُيَرْ دَڧَرْڢِنْ ذُوثِيَارْكُ، غَمَا ذَيْ كَٰوُاْ مُكُ بَبَّنْ لَادَ؞

36يَا كَمَاتَ كُجِمْرٜىٰ، دُواْمِنْ تَيِنْ حَكَنٜىٰ ذَاكُ عَيْكَتَ نُڢِنْ اللَّهْ ؞ بَايَنْ حَكَكُمَ كُكَرْٻِ أَبِنْدَ عَكَيِ مُكُ أَلْڧَوَرِ؞

37«غَمَا بَدَ دَطٜىٰوَبَ، مَيْ ذُوَانَّنْ ذَيْذُواْ، بَذَيْ يِ لَتِّبَ؞

38مَيْ أَدَلْثِينَ ذَيْ رَايُ تَوُرِنْ بَنْ‌غَسْكِيَ؞ عَمَّا عِدَنْ يَا جَا دَ بَايَ، رَيْنَ بَذَيْجِ دَاطِنْسَبَ؞»

39عَمَّا مُو كَمْ بَ إِرِنْ مَاسُجَا دَبَايَا ذُوَاغَ هَلَّكَ بَنٜىٰ، مُو دَيْ مَاسُ بَادَ غَسْكِيَ ذُوَاغَ سَامُنْ ثٜىٰتُواْ نٜىٰ؞

← Chapter 9 Jump to: Chapter 11 →