Hebrews 11

Hausa Arabic 2020 (أَتَّوْرَتْ دَ أَنَّبَاوَا)

1بَنْ‌غَسْكِيَ عِتَثٜىٰ كَسَنْثٜىٰوَ دَ تَبَّثِ عَكَنْ أَبِنْدَ مُكَ سَا ذُوثِيَا عَكَيْ، ذَمَنْ تَبَّثِ كُمَ غَمٜىٰدَ أَبِنْدَ بَاعَ عِيَ غَنِ؞

2تَوُرِنْ بَنْ‌غَسْكِيَ نٜىٰ مُتَنٜىٰنْ دَا سُكَ سَامِ يَبُواْ دَغَ وُرِنْ اللَّهْ ؞

3تَوُرِنْ بَنْ‌غَسْكِيَ مُنْ غَانٜىٰ ثٜىٰوَ بِسَغَ كَلْمَرْ اللَّهْ نٜىٰ عَكَ حَلِثِّ دُكَنْ دُونِيَا، حَرْ أَبِنْدَ عَكٜىٰ غَنِ يَڢِتُواْ نٜىٰ دَغَ أَبِنْدَ بَعَ عِيَ غَنِ؞

4تَوُرِنْ بَنْ‌غَسْكِيَ نٜىٰ هَبِيلَ يَمِيڧَوَ اللَّهْ هَدَايَرْدَ تَڢِ تَ كَيِنُ ݣَوْ؞ تَيِنْ حَكَ يَسَامِ يَبُواْ دَغَ وُرِنْ اللَّهْ ثٜىٰوَ شِے مَيْ أَدَلْثِنٜىٰ، سَعَدَّ اللَّهْ يَكَرْٻِ بَايَرْوَرْسَ؞ هَبِيلَ كُوَ يَمُتُ، عَمَّا سَبُواْدَ بَنْ‌غَسْكِيَرْسَ يَنَ مَغَنَ حَرْ يَنْذُ؞

5تَوُرِنْ بَنْ‌غَسْكِيَ نٜىٰ عَكَ طَوْكِ إِدْرِيسْ، دُواْمِنْ كَدَ يَغَ مُتُوَ؞ بَعَكُوَ سَامٜىٰشِ بَ، سَبُواْدَ اللَّهْ يَارِغَا يَطَوْكٜىٰشِ؞ كَاڢِنْ أَطَوْكٜىٰشِ أَنْبَادَ شَيْدَ ثٜىٰوَ يَڢَرَنْتَ وَ اللَّهْ رَيْ؞

6إِنْ بَاتَرٜىٰدَ بَنْ‌غَسْكِيَابَ، بَايَ يِوُوَ أَ ڢَرَنْتَاوَا اللَّهْ رَيْ، غَمَا دُكْ مَيْ مَڟُواْوَ كُسَدَ اللَّهْ دُواْلٜىٰنٜىٰ يَبَادَ غَسْكِيَ ثٜىٰوَ أَݣَويْ اللَّهْ كُمَ يَنَ بَادَ لَادَ غَ دُكْ وَطَنْدَ سُكٜىٰ نٜىٰمَنْسَ؞

7تَوُرِنْ بَنْ‌غَسْكِيَ نٜىٰ نُوحُ، بَايَنْدَ اللَّهْ يَيِ مَسَ غَرْغَطِے عَكَنْ أَبُبُوَنْ دَ بَاعَغَنِبَ تُكُنَ، يَيِ بِيَيَّ، يَشِرْيَ جِضْغٍ ضُوَ دُواْمِنْ عَثٜىٰثِ عِيَلِنْسَ؞ تَهَكَ، يَسَا أَنْحُكُنْتَ دُونِيَا، شِيكُوَ يَذَمَ مَيْ غَادُوانْ أَدَلْثِے وَنْدَ عَكٜىٰ سَامُ تَبَنْ‌غَسْكِيَ؞

8تَوُرِنْ بَنْ‌غَسْكِيَ نٜىٰ إِبْرَٰهِيمْ يَيِ بِيَيَّ يَكَامَ حَنْيَ ذُوَا وَتَ ڧَسَا وَدَّ عَكَيِ مَسَ أَلْڧَوَرِ ثٜىٰوَ ذَيْ كَرْٻِ غَادُوانْتَ؞ شِے كُوَ يَكَامَ حَنْيَ كُواْدَيَكٜىٰ بَيْ سَنْ عِنْدَ ذَا شِبَ؞

9تَوُرِنْ بَنْ‌غَسْكِيَ يَذَوْنَ كَمَرْ بَڧُواْ عَڧَسَرْ نَنْ دَ اللَّهْ يَيِ مَسَ أَلْڧَوَرِ؞ يَنَ ذَمَ عَثِكِنْ تٜىٰنْتُنَ، شِ دَ إِسْحَٰڧَ دَ يَعْڧُوبَ، وَطَنْدَ سُكَ غَاجِ أَلْڧَوَرِنَّنْ تَرٜىٰ دَشِ؞

10يَيِ إِرِنْ وَنَّنْ ذَمَنْ نٜىٰ دُواْمِنْ يَا سَا ذُوثِيَا عَكَنْ بِرْنِنَّنْ وَنْدَ يَكٜىٰدَ تُوشٜىٰ، وَنْدَ اللَّهْ نٜىٰ مَيْشِرْيَاوَ، شِينٜىٰ كُمَ مَيْ غِنَا شِ؞

11تَوُرِنْ بَنْ‌غَسْكِيَ نٜىٰ إِبْرَٰهِيمْ يَحَيْڢِ طَا، كُواْدَيَكٜىٰ يَڟُوڢَ سُواْسَيْ أَ لُواْكَثِنْ، سَارَةُ كُوَ بَاتَحَيْڢُوَ؞ يَبَادَ غَسْكِيَ ثٜىٰوَ اللَّهْ مَيْ أَمِنْثِنٜىٰ ثِكِنْ أَلْڧَوَرِنْسَ؞

12سَبُواْدَ حَكَ دَغَ مُتُمْ طَيَ، وَنْدَ يَڟُوڢَ حَرْ يَكَيْ غَ بَاكِنْ مُتُوَ، عَكَ حَيْڢِ ذُرِيَ مَاسُيَوَ كَمَرْ تَوْرَرِنْ سَمَ، كَمَرْ يَشِ عَبَاكِنْ تٜىٰكُ وَطَنْدَ بَعَ عِيَ ڧِرْغَوَ؞

13دُكْ وَطَنَّنْ سُنْ مُتُ عَثِكِنْ بَنْ‌غَسْكِيَرْسُ؞ بَسُ كَرْٻِ أَبُبُوَنْ دَ اللَّهْ يَيِ أَلْڧَوَرِبَ، عَمَّا سُكَ حَنْ‌غِ أَبُبُوَنَّنْ دَغَ نٜىٰسَ، سُكَيِ مُرْنَ دَ غَنِنْسُ، سُكَ كُمَ بَادَ شَيْدَ أَ ڢِيلِ ثٜىٰوَ سُو بَڧِينٜىٰ، بَ یَنْ ڧَسَابَ، عَدُونِيَا؞

14وَطَنْدَ سُكٜىٰ بَادَ إِرِنْ وَنَّنْ شَيْدَ سُنَ نُونَ أَ ڢِيلِ كٜىٰنَنْ ثٜىٰوَ سُنَ نٜىٰمَنْ ڧَسَا تَكَنْسُ؞

15دَاعَثٜىٰ سُنَ تَتُنَانِنٜىٰ عَكَنْ ڧَسَرْدَ سُكَ بَرِ عَبَايَ، أَيْ دَ سُنْ سَامِ ظَرَڢِنْ كُواْمَاوَا؞

16عَمَّا سُنْسَا ذُوثِيَا عَكَنْ ڧَسَا مَڢِے ݣَوْ، وَتُواْ تَسَمَ؞ شِيَسَا اللَّهْ بَيْجِ كُنْيَا عَثٜىٰ دَشِ اللَّهْ نْسُ بَ؞ حَڧِيڧَ، يَا شِرْيَ بِرْنِ سَبُواْدَسُو؞

17تَوُرِنْ بَنْ‌غَسْكِيَ نٜىٰ إِبْرَٰهِيمْ، أَ لُواْكَثِنْ دَ عَكَ ڠُودَاشِ، يَمِيڧَ إِسْحَٰڧَ هَدَايَ؞ وَتُواْ، شِ دَ يَكَرْٻِ أَلْڧَوَرِنَّنْ يَنَ أَشِرْيٜىٰ يَمِيڧَ مَكَطَيْثِنْ طَنْسَ،

18كُواْدَيَكٜىٰ اللَّهْ يَڢَطَا مَسَ ثٜىٰوَ «تَوُرِنْ إِسْحَٰڧَ نٜىٰ ذَاعَ لِسَّڢْتَا سُونَنْكَ؞»

19إِبْرَٰهِيمْ كُوَ يَيِ تُنَانِ ثٜىٰوَ لَلَّيْ نٜىٰ اللَّهْ يَنَ عِيَ تَادَ مَتَتُّو؞ حَرْ مَا بِسَغَ مِصَالِ، أَنَ عِيَ ثٜىٰوَ يَا كَرْٻِ إِسْحَٰڧَ دَغَ مَتَتُّو نٜىٰ؞

20تَوُرِنْ بَنْ‌غَسْكِيَ نٜىٰ إِسْحَٰڧَ يَ أَلْبَرْكَثِ يَعْڧُوبَ دَ إِسُوَ غَمٜىٰدَ أَبُبُوَ مَاسُ ذُوَا؞

21تَوُرِنْ بَنْ‌غَسْكِيَانٜىٰ يَعْڧُوبَ، أَ لُواْكَثِنْ دَ ذَيْ مُتُ، يَسَا وَكُواْوَنٜىٰ يَرُوانْ يُوسُڢَ أَلْبَرْكَ، يَكُمَيِ سُجَّدَ غَ اللَّهْ يَايِنْ دَيَكٜىٰ جِنْ‌غِنٜىٰ عَكَنْ سَنْدَنْسَ؞

22تَوُرِنْ بَنْ‌غَسْكِيَانٜىٰ يُوسُڢَ، أَ لُواْكَثِنْدَ يَكُسَ مُتُوَ، يَيِ مَغَنَ غَمٜىٰدَ ڢِتُواْوَرْ إِسْرَٰٓءِيلَاوَا دَغَ ڧَسَرْ مَصَرْ، يَكُمَ بَادَ عُمَرْنِ غَمٜىٰدَ ڧَسُسُوَنْسَ؞

23تَوُرِنْ بَنْ‌غَسْكِيَانٜىٰ إِيَايٜىٰنْ مُوسَٰى سُكَ ٻُواْيٜىٰشِ حَرْ وَتَا عُكُ بَايَنْ حَيْڢُوَرْسَ؞ سُنْيِ حَكَ دُواْمِنْ سُنْ غَ ثٜىٰوَ يَرُوانْ ݣَكْݣَاوَا نٜىٰ، بَسُ كُمَجِڟُواْرُواْ غَمٜىٰدَ عُمَرْنِنْ سَرْكِے بَ؞

24تَوُرِنْ بَنْ‌غَسْكِيَانٜىٰ مُوسَٰى، سَعَدَّ يَيِ غِرْمَ، يَڧِ عَثٜىٰ دَشِ طَنْ یَرْ ڢِرْعَوْنَ؞

25يَذَاٻِ يَشَا وَهَلَ تَرٜىٰدَ مُتَنٜىٰنْ اللَّهْ أَمَيْمَكُوانْ يَجِ دَاطِنْ رُواْمُوانْ ذُنُوبِ نَطَنْ لُواْكَثِ؞

26سَبُواْدَ يَا كَڢَ عِدُواْ غَ لَادَنْ دَيَكٜىٰ أَغَبَ، يَطَوْكَ ثٜىٰوَ وُلَڧَنْثِنْ دَ عَكَيِ مَسَ سَبُواْدَ أَلْمَسِيحُ أَبُ مَيْݣَوْ نٜىٰ ڢِيٜىٰدَ دُوكِيَرْ مَصَرْ؞

27تَوُرِنْ بَنْ‌غَسْكِيَ نٜىٰ يَبَرْ ڧَسَرْ مَصَرْ، بَاتَرٜىٰدَ جِنْ ڟُواْرُوانْ ڢُشِنْ سَرْكِے بَ؞ يَجِمْرٜىٰ سَبُواْدَ يَنَ غَنِنْ وَنْدَ عِدُواْ بَايَ عِيَ غَنِ؞

28تَوُرِنْ بَنْ‌غَسْكِيَ نٜىٰ مُوسَٰى يَكِيَايٜىٰ بِكٍ ڧٜىٰتَرٜىٰوَ، يَكُمَ يَيَّڢَا جِنِ دُواْمِنْ كَدَ مَيْ هَلَّكَرْ دَ یَیَنْ ڢَارِنَّنْ يَتَٻَ یَیَنْ ڢَارِ نَ إِسْرَٰٓءِيلَ؞

29تَوُرِنْ بَنْ‌غَسْكِيَ نٜىٰ إِسْرَٰٓءِيلَاوَا سُكَبِے تَثِكِنْ تٜىٰكُنْ ثِيَوَرْ إِوَ، عَكَنْ بُوسَشِّيَرْ ڧَسَا؞ عَمَّا دَ مَصَرَاوَا سُكَيِ ڧُواْڧَرِ سُبِيسُ، سَيْ ضُوَ يَݣُوشٜىٰسُ؞

30تَوُرِنْ بَنْ‌غَسْكِيَ نٜىٰ كَتَنْ‌غَرْ بِرْنِنْ يٜىٰرِكُواْ تَڢَاطِ بَايَنْدَ عَكَيِ تَكٜىٰوَيٜىٰتَ حَرْ ݣُونَ بَݣَويْ؞

31تَوُرِنْ بَنْ‌غَسْكِيَ نٜىٰ رَهَبْ كَارُوَرْ نَنْ، بَتَ هَلَّكَ تَرٜىٰدَ مَرَسَ بِيَيَّبَ، دُواْمِنْ تَكَرْٻِ یَنْ لٜىٰڧٜىٰنْ أَسِيرِنْ ڧَسَرْ نَنْ ثِكِنْ سَلَمَ؞

32مٜىٰ كُمَ ذَنْ ڧَارَ ثٜىٰوَ؟ بَانِ دَ ظَرَڢِ إِنْيِ ذَنْثٜىٰ عَكَنْ جِدْعَوْنَ دَ بَرَكْ دَ شَمْشُونَ دَ يٜىٰڢْتَادَ دَاوُدَ دَ سَمَٰعِيلَ دَ كُمَ أَنَّبَاوَا؞

33تَوُرِنْ بَنْ‌غَسْكِيَ نٜىٰ وَطَنَّنْ سُكَثِ نَصَرَا عَكَنْ مُلْكُواْكِ، سُكَ عَيْكَتَ أَدَلْثِے، سُكَ كَرْٻِ أَبُبُوَنْ دَ عَكَيِ أَلْڧَوَرِ، سُكَ رُرُّڢٜىٰ بَكُنَنْ ذَاكُواْكِ،

34سُكَ ڟَيْ دَ إِيكُوانْ وُتَا، سُكَ ڟٜىٰرٜىٰ كَيْڢِنْ تَكُبَ؞ سُكَ مَيْدَ رَشِنْ ڧَرْڢِے يَذَمَ دَ ڧَرْڢِے أَغَرٜىٰسُ؞ سُكَ كُواْرِ سُواْجُواْجِنْ ڧَسَاشٜىٰ دَبَمْ دَبَمْ؞

35مَتَا سُكَ كَرْٻِ مَتَتُّنْسُ وَطَنْدَ عَكَ تَادَسُو دَ رَيْ؞ عَكَ ڠُودَاوَا وَطَنْسُ عَذَابَ، سُو كُوَ سُكَڧِ أَ سَكٜىٰسُ، دُواْمِنْ سُنَ نٜىٰمَ سُتَاشِ دَغَ مَتَتُّو ثِكِنْ رَايُوَا مَڢِے ݣَوْ؞

36وَطَنْسُ سُكَشَا بَعَ دَبُلَلَ، وَطَنْسُ كُوَ سُكَشَا طَوْرِ دَ سَرْڧَ، وَطَنْسُ عَكَ جٜىٰڢَسُ عَكُرْكُكُ؞

37عَكَ جٜىٰجّٜىٰڢٜىٰسُ دَ دُوَڟُو، عَكَ يَنْكَ سُ كَشِ بِيُ دَ زَرْتُواْ، عَكَ كُمَ كَكَّشٜىٰسُ دَ تَكُواْبِے؞ سُكَيِ تَيَٰوُاْ سَنْيٜىٰ دَ ڢَتُنَنْ رَغُنَ دَ نَأَوَكِ؞ سُكَيِ ذَمَ ثِكِنْ رَشِ دَ ڟَنَنِ دَ وُلَڧَنْثِ؞

38حَرْ مَا دُونِيَا بَتَ إِسَ سُذَوْنَ عَثِكِنْتَبَ؞ سُنْيِ تَيَٰوُاْ أَ هَمَادَ دَ كُمَ كَنْ تُدَّيْ؞ سُنَ ݣُونَ عَثِكِنْ كُواْڠُونِّنْ دُوَڟُو دَ كُمَ ثِكِنْ رَامُكَنْ عَڧَسَا؞

39دُكْ وَطَنَّنْ اللَّهْ يَبَادَ شَيْدَرْ يَبُواْ غَمٜىٰدَ بَنْ‌غَسْكِيَرْسُ، عَمَّا دُكْدَهَكَ بَسُكَرْٻِ أَبِنْدَ عَكَيِ أَلْڧَوَرِبَ؞

40اللَّهْ دَيْ يَشِرْيَ أَبُ مَڢِے ݣَوْ دُواْمِنْمُ؞ نُڢِنْسَ كُوَ شِينٜىٰ كَدَ عَكَيْسُ غَ ظَمَا ثِكَكُّ عِدَنْ بَاتَرٜىٰدَ مُبَ؞

← Chapter 10 Jump to: Chapter 12 →