Hebrews 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1سَبُواْدَ حَكَ، بَرِ مُثِيغَبَ عَكَنْ كُواْيَرْوَرْ نَنْ تَڢَرْكُواْ وَدَّ مُكَ كَرْٻَ غَمٜىٰدَ أَلْمَسِيحُ ، دُواْمِنْ مُذَمَ مَاسُثِكَكّٜىٰنْ غَانٜىٰوَ؞ كَدَ يَذَمَ ثٜىٰوَ حَرْ يَنْذُ مُنَ كَڢَ تُوشٜىٰنْ كُواْيَرْوَا عَكَنْ بَادَ غَسْكِيَ غَ اللَّهْ دَ تَتُوبَ دَغَ أَيُّكَنْ دَ ذَاسُكَيْ غَ مُتُوَ،

2دَ كُواْيَرْوَا عَكَنْ بَڢْتِسْمَ، دَ تَسَا حَنُّنْ أَلْبَرْكَ دَ تَتَاشِنْ مَتَتُّو دَ تَشَرِيعَرْ رَانَرْ ڧَرْشٜىٰ؞

3ثِيغَبَ كَمْ ذَامُيِ، عِدَنْ اللَّهْ يَيَرْدَ؞

4غَمَا وَطَنْدَ سُكَ جُويَا بَايَ دَغَ بَنْ‌غَسْكِيَرْسُ، بَذَيْ يِوُ أَسَاكٜىٰ جَٰوُاْسُ غَ تُوبَبَ؞ وَطَنْدَ دَيْ أَنْتَٻَ كَٰوُاْسُ ثِكِنْ حَصْكٜىٰنْ اللَّهْ ، سُنْ طَنْطَنَ بَيٜىٰ بَيٜىٰ إِرِنْ نَسَمَ، سُنْ سَامِ رَبُوانْسُ ثِكِنْ رُوحُ مَيْ ڟَرْكِے ،

5سُنْ كُمَ طَنْطَنَ دَاطِنْ مَغَنَرْ اللَّهْ دَ كُمَ إِيكُوانْ زَامَانِ مَيْ ذُوَا؞

6دُكْدَهَكَ، سُنْ جُويَا بَايَ دَغَ بَنْ‌غَسْكِيَرْسُ! بَذَيْ يِوُ أَسَاكٜىٰ جَٰوُاْسُ غَ تُوبَبَ، تُنْدَيَكٜىٰ سُنَ سَاكٜىٰ غِثِّيٜىٰ طَنْ اللَّهْ نٜىٰ، سُنَ كُوَ بَاشِ كُنْيَا أَڢِيلِ؞

7ڧَسَرْ دَتَكٜىٰ شَنْ ضُوً سَمَ دَ يَكَنْ ڢَاطِ عَكَنْتَ كُلُّمْ، تَنَ كُمَ بَادَ ڟِرٜىٰ ڟِرٜىٰ مَاسُ أَمْڢَانِ غَ وَطَنْدَ سُكٜىٰ نُواْمَنْتَ، وَنَّنْ ڧَسَاثٜىٰ مَيْ كَرْٻَرْ أَلْبَرْكَرْ اللَّهْ ؞

8عَمَّا عِدَنْ ڧَسَا تَنَ ڢِتَرْدَ ڧَيَ دَ مُوغُوَرْ ثِيَوَ، بَاتَدَ أَمْڢَانِ كٜىٰنَنْ؞ وَنَّنْ ڧَسَا كُوَ اللَّهْ يَكُسَ يَلَعَنْتَتَ؞ عَڧَرْشٜىٰ كُمَ ڧُواْنٜىٰتَ ذَاعَيِ؞

9یَنْعُوَنْمُ ڧَوْنَتَتُّ، كُواْدَيَكٜىٰ مُنَ يِنْ إِرِنْ وَنَّنْ مَغَنَ، بَامُ دَ شَكَّ عَكَنْ ثٜىٰوَ كُو كَمْ كُنَ عَكَنْ حَنْيَ مَڢِے ݣَوْ وَدَّ ذَاتَ كَيْكُ غَ ثٜىٰتُواْ؞

10اللَّهْ بَا مَرَرْ أَدَلْثِے بَنٜىٰ؞ بَذَيْ ڨَلٜىٰ أَيُّكَنْكُ دَ كُكَيِبَ دَ ڧَوْنَرْ دَ كُكَ نُونَ مَسَ سَعَدَّ كُكٜىٰ تَيْمَكُوانْ ڟَرْكَكَا بَ، كَمَرْ يَدَّ كُكٜىٰيِ حَرْ يَنْذُ؞

11مُنَ سُواْ كُواْوَنّٜىٰنْكُ يَثِيغَبَدَ يِنْ ڨُوذُواْ حَكَ حَرْ ذُوَا ڧَرْشٜىٰ، دُواْمِنْ كُسَامِ ثِكَاوَرْ أَبُبُوَنَّنْ دَ كُكَ سَا ذُوثِيَا عَكَنْسُ؞

12كَدَ كُذَمَ مَاسُ ڧِوِيَ، عَمَّا كُبِے مِصَالِنْ وَطَنْدَ سُكَ بَادَ غَسْكِيَ، سُكَيِ حَڧُرِ حَرْ سُكَ كَرْٻِ أَبِنْدَ اللَّهْ يَيِ أَلْڧَوَرِ ذَيْبَاسُ؞

13سَعَدَّ اللَّهْ يَيِ وَ إِبْرَٰهِيمْ أَلْڧَوَرِ، يَيِ أَلْڧَوَرِنْسَ تَرٜىٰدَ ضَنْڟُوَا؞ يَيِ ضَنْڟُوَارْ دَ سُونَنْسَ تُنْدَيَكٜىٰ بَا وَنِنْدَ يَڢِ اللَّهْ غِرْمَ دَ اللَّهْ ذَيْ ضَنْڟٜىٰ دَشِ؞

14اللَّهْ يَثٜىٰ «حَڧِيڧَ، ذَنْسَا مَكَ أَلْبَرْكَ، ذَنْ كُمَسَا ذُرِيَرْكَ تَذَمَ مَيْ يَوَ سُواْسَيْ؞»

15بَايَنْدَ إِبْرَٰهِيمْ يَجِمْرٜىٰ دَ حَڧُرِ سُواْسَيْ، سَيْ يَكَرْٻِ أَبِنْدَ عَكَيِ مَسَ أَلْڧَوَرِ؞

16مُتَنٜىٰ سُكَنْيِ ضَنْڟُوَا نٜىٰ بِسَغَ وَنْدَ يَڢِسُ غِرْمَ؞ ضَنْڟُوَارْ كُوَ تَكَنْ تَبَّتَرْ دَ أَلْڧَوَرِنْ تَوُرِنْ حَنَ يِنْ مُسُو؞

17حَكَكُمَ دَ اللَّهْ يَسُواْ يَنُونَاوَ وَطَنْدَ ذَاسُ غَاجِ أَلْڧَوَرِنْسَ ثٜىٰوَ بَاشَكَّ، نُڢِنْسَ مَرَرْ ثَنْجَاوَا نٜىٰ، سَيْ يَتَبَّتَرْ دَ أَلْڧَوَرِنْسَ تَوُرِنْ ضَنْڟُوَا؞

18تُواْ، أَݣَويْ أَبُبُوَنَّنْ غُدَا بِيُ وَطَنْدَ سُكٜىٰ مَرَرْ ثَنْجَاوَا، وَطَنْدَ بَذَيْ يِوُ اللَّهْ يَيِ رَشِنْ أَمِنْثِ غَمٜىٰدَسُوبَ؞ دَيَكٜىٰ وَنَّنْ أَبِنْ ڧَرْڢَڢَ ذُوثِيَا سُواْسَيْ نٜىٰ غَرٜىٰمُ، مُو دَ مُكَ غُدُ ذُوَا مَڢَكَا، يَا كَمَاتَ مُرِڧٜىٰ أَبِنَّنْ دَ مُكَسَا ذُوثِيَا عَكَيْ دَ ڧَرْڢِے سُواْسَيْ؞

19وَنَّنْ سَا ذُوثِيَارْ نَنْ تَامُ تَبَّتَاثِّيَ ثٜىٰ مَيْ ڟَيَرْ دَ حَنْكَلِنْمُ، بَاتَرٜىٰدَ جِنْ ڟُواْرُواْ كُواْ يِنْ شَكَّبَ؞ عِتَ ثٜىٰ تَكٜىٰ شِغَ ثِكِ ثِكِ، حَرْ بَايَنْ بَبَّنْ لَبُلٜىٰنَّنْ نَهَيْكَلِنْ سَمَ؞

20عِيسَىٰ كُوَ وَنْدَ شِينٜىٰ نَڢَرْكُوانْدَ يَشِغَ وَنَّنْ وُرِے، يَشِغَ أَمَدَدِنْمُ دَيَكٜىٰ يَذَمَ بَبَّنْ ڢِرِسْتِ نَهَرْ أَبَدَا بِسَغَ ڟَارِنْ مَلْكِصَدِڧْ؞

← Chapter 5 Jump to: Chapter 7 →