Hebrews 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1وَنَّنْ مَلْكِصَدِڧْ شِے سَرْكِنْ سَلٜىٰمْ نٜىٰ دَ كُمَ ڢِرِسْتِ نَ اللَّهْ مَڢِے طَوْكَكَ ؞ يَسَدُ دَ إِبْرَٰهِيمْ أَ لُواْكَثِنْ دَ إِبْرَٰهِيمْ يَكٜىٰ دَاوُاْوَ بَايَنْدَ يَثِ نَصَرَا عَيَاڧِنْ دَ يَيِ دَ وَطَنْسُ سَرَاكُنَ؞ دَ سُكَ سَدُ، مَلْكِصَدِڧْ يَسَاوَ إِبْرَٰهِيمْ أَلْبَرْكَ،

2إِبْرَٰهِيمْ كُوَ يَبَاشِ زَكَّ تَكُواْمٜىٰ؞ دَ ڢَرْكُواْ دَيْ، مَعَنَرْ سُونَنْ مَلْكِصَدِڧْ عِتَثٜىٰ «سَرْكِنْ أَدَلْثِے؞» سَعَنً كُمَ شِے سَرْكِنْ سَلٜىٰمْ نٜىٰ، وَتُواْ «سَرْكِنْ سَلَمَ؞»

3مَلْكِصَدِڧْ كُوَ بَاشِ دَ بَابَ كُواْ مَامَا كُواْ أَصَلِ؞ بَاشِ دَ ڢَرْكُوانْ ݣُونَكِے كُواْ ڧَرْشٜىٰنْ رَيْ؞ عَمَّا كَمَرْ طَنْ اللَّهْ ، شِ ڢِرِسْتِنٜىٰ حَرْ أَبَدَا؞

4كُدُوبِے إِرِنْ غِرْمَنْ مُتُمِنَّنْ؞ حَرْ إِبْرَٰهِيمْ كَكَنْ كَاكَنِّنْمُ يَبَاشِ زَكَّ تَكَايَنْ دَشِ إِبْرَٰهِيمْ يَڨُوثٜىٰ عَيَاڧِ؞

5بِسَغَ كُواْيَرْوَرْ مُوسَٰى، دُكَنْ ذُرِيَرْ لَوِ وَطَنْدَ سُو ڢِرِسْتِنٜىٰ سُكَنْ كَرْٻِ زَكَّ دَغَ حَنُّنْ جَمَعَ، وَتُواْ دَغَ حَنُّنْ یَنْعُوَنْسُ، كُواْدَيَكٜىٰ سُو مَا ذُرِيَرْ إِبْرَٰهِيمْ نٜىٰ؞

6عَمَّا مَلْكِصَدِڧْ، وَنْدَ أَصَلِنْسَ بَا طَيَ بَنٜىٰ دَ ذُرِيَرْ لَوِ، يَكَرْٻِ زَكَّ أَ حَنُّنْ إِبْرَٰهِيمْ، يَكُمَ أَلْبَرْكَثِ إِبْرَٰهِيمْ وَنْدَ شِينٜىٰ عَكَيِ مَسَ أَلْكَوَرَنْ؞

7بَاشَكَّ وَنْدَ يَكٜىٰسَا أَلْبَرْكَ يَڢِ وَنْدَ يَكٜىٰ كَرْٻَرْ أَلْبَرْكَ غِرْمَ؞

8غَاشِمَا ڢِرِسْتُواْثِے نَظُرِيَرْ لَوِ، كُواْدَيَكٜىٰ سُو مَاسُ مُتُوَانٜىٰ، سُكَنْ كَرْٻِ زَكَّ دَغَ حَنُّنْ مُتَنٜىٰ؞ عَمَّا غَمٜىٰدَ مَلْكِصَدِڧْ، وَنْدَ يَكَرْٻِ زَكَّ دَغَ حَنُّنْ إِبْرَٰهِيمْ، أَنْبَادَ شَيْدَ ثٜىٰوَ شِے رَايَيّٜىٰنٜىٰ؞

9حَرْ مَا أَنَ عِيَ ثٜىٰوَ لَوِ دَكَنْسَ، وَنْدَ ذُرِيَرْسَثٜىٰ مَيْ كَرْٻَرْ زَكَّ، يَبَادَ تَاسَ زَكَّ تَهَنُّنْ إِبْرَٰهِيمْ؞

10أَنَ عِيَ ڢَطِ حَكَ دُواْمِنْ أَ لُواْكَثِنْ دَ إِبْرَٰهِيمْ يَسَدُ دَ مَلْكِصَدِڧْ بَ أَرِغَا أَنْحَيْڢِ لَوِ بَ تُكُنَ، عَمَّا يَنَ ثِكِنْ جِكِنْ كَكَنْسَ؞

11غَاشِ، ڟَارِنْ ڢِرِسْتُواْثِے إِرِنْ نَظُرِيَرْ لَوِ يَذُواْ تَرٜىٰدَ كُواْيَرْوَرْ مُوسَٰى وَدَّ عَكَبَا إِسْرَٰٓءِيلَاوَا؞ دَا عَثٜىٰ عَيْكِنْ ڢِرِسْتُواْثِے نَظُرِيَرْ لَوِ يَنَ عِيَ كَٰوُاْ ذَمَ ثِكَكّٜىٰ، أَيْ دَا بَادَلِيلِنْ دَ وَنِ ڢِرِسْتِ دَبَمْ يَسَاكٜىٰ ذُوَا، وَنْدَ يَكٜىٰ بِسَغَ ڟَارِنْ مَلْكِصَدِڧْ، بَبِسَغَ ڟَارِنْ هَٰرُونَ بَ؞

12غَمَا عِدَنْ أَنْثَنْجَ ڟَارِنْ ڢِرِسْتُواْثِے، دُواْلٜىٰنٜىٰ عَثَنْجَ كُواْيَرْوَرْ مَا؞

13شِے وَنْدَ عَكَ ڢَطِ وَطَنَّنْ أَبُبُوَنْ عَكَنْسَ، وَتُواْ عُبَنْ‌غِجِنْمُ ، يَا ڢِتُواْ دَغَ وَتَ ذُرِيَ نٜىٰ دَبَمْ؞ بَا كُواْ طَيَ دَغَ ذُرِيَرْسَ دَ يَتَٻَ يِنْ حِدِمَ أَمَڟَيِنْ ڢِرِسْتِ؞

14لَلَّيْ عُبَنْ‌غِجِنْمُ يَا ڢِتُواْ دَغَ ذُرِيَرْ يَهُودَ نٜىٰ، وَدَّ مُوسَٰى بَيْيِ وَنِ ذَنْثٜىٰ عَكَنْتَبَ لُواْكَثِنْ دَيَكٜىٰ مَغَنَ غَمٜىٰدَ ڢِرِسْتُواْثِے؞

15وَنَّنْ مَغَنَ تَا ڧَارَ ڢِتُواْوَ أَ ڢِيلِ سُواْسَيْ، سَعَدَّ وَنِ ڢِرِسْتِ دَبَمْ يَبَيَّنَ، وَنْدَ يَكٜىٰ كَمَرْ مَلْكِصَدِڧْ؞

16وَنَّنْ كُوَ يَا ذَمَ ڢِرِسْتِ بَا بِسَغَ وَتَ دُواْكَا كُواْ ڧَٰعِدَ غَمٜىٰدَ ذُرِيَرْ یَنْ أَدَمْ بَ، عَمَّا بِسَغَ إِيكُوانْ رَيْ مَرَرْ ڧَارٜىٰوَ؞

17غَمَا أَنْيِ شَيْدَ غَمٜىٰدَشِ ثٜىٰوَ «كَيْ ڢِرِسْتِنٜىٰ نَهَرْ أَبَدَا، بِسَغَ ڟَارِنْ مَلْكِصَدِڧْ؞»

18أَنْ كَوَرْدَ كُواْيَرْوَرْ تَدَا أَغٜىٰڢٜىٰ كٜىٰنَنْ سَبُواْدَ رَشِنْ إِيكُوانْتَ دَ رَشِنْ أَمْڢَانِنْتَ؞

19كُواْيَرْوَرْ مُوسَٰى بَتَ إِسَ تَسَا وَنِ أَبُ يَذَمَ ثِكَكّٜىٰبَ؞ عَمَّا يَنْذُ عَكَ شِرْيَ وَتَ سَا ذُوثِيَا مَڢِے ݣَوْ وَنْدَ تَوُرِنْسَ مُكٜىٰ مَڟُواْوَ كُسَدَ اللَّهْ ؞

20اللَّهْ يَا تَبَّتَرْ دَ وَنَّنْ شِرِ تَرٜىٰدَ ضَنْڟُوَا؞ سَوْرَنْ ڢِرِسْتُواْثِنْ سُكَنْ شِغَ عَيْكِنْسُ بَاتَرٜىٰدَ ضَنْڟُوَابَ؞

21عَمَّا وَنَّنْ يَذَمَ ڢِرِسْتِنٜىٰ تَرٜىٰدَ ضَنْڟُوَارْ دَ اللَّهْ يَيِ ثٜىٰوَ « عُبَنْ‌غِجِ يَارِغَا يَا ضَنْڟٜىٰ، بَذَيْ كُمَ ثَنْجَ نُڢِنْسَبَ، ‹كَيْ ڢِرِسْتِنٜىٰ نَهَرْ أَبَدَا؞› »

22بِسَغَ وَنَّنْ ضَنْڟُوَا نٜىٰ كُمَ عِيسَىٰ يَذَمَ مَيْ تَبَّتَرْ دَ يَرْجٜىٰجٜىٰنِيَ مَڢِے ݣَوْ؞

23ڢِرِسْتُواْثِے إِرِنْ نَدَا سُنْيِيَوَ دُواْمِنْ مُتُوَ تَكَنْ هَنَاسُ ثِيغَبَدَ عَيْكِنْسُ؞

24عَمَّا عِيسَىٰ يَنَ رِڧٜىٰ دَ مَڟَيِنْ ڢِرِسْتِ نَهَرْ أَبَدَا، دُواْمِنْ شِے دَكَنْسَ يأَنَانً حَرْ أَبَدَا؞

25سَبُواْدَ حَكَ يَنَدَ إِيكُواْ، يَوْ دَ كُلُّمْ، يَثٜىٰثِ دُكْ وَطَنْدَ سُكٜىٰ مَڟُواْوَ كُسَدَ اللَّهْ تَوُرِنْسَ، تُنْدَيَكٜىٰ كُلُّمْ أَ رَايٜىٰ يَكٜىٰ، دُواْمِنْ يَيِ ضُواْڧُواْ غَ اللَّهْ أَمَدَدِنْسُ؞

26إِرِنْ وَنَّنْ بَبَّنْ ڢِرِسْتِنٜىٰ مُكٜىٰ بُڧَاتَ؞ شِے كُوَ مَيْ ڟَرْكِے نٜىٰ، مَرَرْ لَيْڢِے، مَرَرْ تَبُواْ، أَنْوَارٜىٰشِ دَغَ مَاسُ ذُنُوبِ، أَنْكُمَ طَوْكَكَاشِ غَبَ دَ سَمَّيْ؞

27شِے بَا كَمَرْ وَطَنْثَنْ مَنْيَنْ ڢِرِسْتُواْثِے بَنٜىٰ؞ بَايَ بُڧَاتَ يَدِنْ‌غَ مِيڧَاوَ هَدَايَ كُلُّمْ، وَتُواْ يَڢَارَ مِيڧَاوَ سَبُواْدَ نَاسَ ذُنُبَيْ كَاڢِنْ يَمِيڧَ سَبُواْدَ ذُنُبَنْ جَمَعَ؞ شِ كَمْ يَا مِيڧَ تَاسَ هَدَايَ سَوْ طَيَ تَكْ، أَ لُواْكَثِنْدَ يَمِيڧَ كَنْسَ؞

28غَمَا بِسَغَ كُواْيَرْوَرْ مُوسَٰى عَكَنْ ذَاٻِ بَبَّنْ ڢِرِسْتِ ثِكِنْ كَاسَوَرْسَ دَغَ ثِكِنْ مُتَنٜىٰ؞ عَمَّا أَلْڧَوَرِنَّنْ دَ اللَّهْ يَيِ تَرٜىٰدَ ضَنْڟُوَا، يَ إِسُواْ نٜىٰ بَايَنْدَ أَنْبَادَ كُواْيَرْوَرْ مُوسَٰى؞ بِسَغَ أَلْڧَوَرِنَّنْ نٜىٰ عَكَ نَطَ طَنْ وَنْدَ أَنْمَيْدَشِ ثِكَكّٜىٰ حَرْ أَبَدَا؞

← Chapter 6 Jump to: Chapter 8 →