Hebrews 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1تُواْ، يَرْجٜىٰجٜىٰنِيَ تَڢَرْكُواْ تَنَدَ ڧَٰعِدُواْدِنْتَ نَيِنْ سُجَّدَ دَ كُمَ وُرِنْ دَ عَكَ كٜىٰٻٜىٰ دَ ڟَرْكِے عَدُونِيَرْ نَنْ؞

2أَنْ كَڢَ تٜىٰنْتِ وَنْدَ يَكٜىٰدَ سَاشٜىٰ نَڢَرْكُواْ، عِنْدَ عَكَسَا سَنْدَا مَيْ رِڧٜىٰ ڢِتِلُ دَ تٜىٰبُرْ دَ غُرَاسَرْ دَ عَكَ كٜىٰٻٜىٰ؞ وَنَّنْ سَاشٜىٰ كُوَ شِينٜىٰ عَكٜىٰثٜىٰ دَشِ وُرِے مَيْ ڟَرْكِے؞

3بَايَنْ بَبَّنْ لَبُلٜىٰ نَبِيُنْ كُمَ أَݣَويْ سَاشٜىٰنْ دَ عَكٜىٰثٜىٰ دَشِ وُرِے مَڢِے ڟَرْكِے؞

4عَثِكِنْ وَنَّنْ سَاشٜىٰ كُوَ أَݣَويْ بَغَدٜىٰنْ دَ عَكَنْ ڧُواْنَ تُرَارٜىٰ مَيْ ڧَنْشِ عَكَيْ دَ كُمَ عَݣُوتِنْ يَرْجٜىٰجٜىٰنِيَ؞ وَطَنَّنْ أَبُ بِيُ كُوَ أَنْشَاڢٜىٰسُ دَ ظِينَارِيَ؞ عَثِكِنْ عَݣُوتِنَّنْ نَيَرْجٜىٰجٜىٰنِيَ كُوَ أَݣَويْ ݣُونُوانْ ظِينَارِيَ دَ مَنَّ عَثِكِ دَ سَنْدَنْ هَٰرُونَ وَنْدَ يَڢِتَرْدَ غَنْيٜىٰ دَ أَلُّنَنْ دُوڟٜىٰ بِيُ نَيَرْجٜىٰجٜىٰنِيَ؞

5عَبِسَنْ عَݣُوتِنَّنْ كُوَ أَݣَويْ حَلِتُّو مَاسُ ڢِكَڢِكَيْ نَنُونَ كَسَنْثٜىٰوَرْ طَوْكَكَرْ اللَّهْ ، وَطَنْدَ كُمَ سُكٜىٰ إِنُوَنْتَرْ دَ عِنْدَ عَكٜىٰثٜىٰ دَشِ وُرِنْ طَوْكَرْ أَلْحَكِنْ ذُنُوبِ؞ عَمَّا عَيَنْظُ حَكَ بَذَامُ عِيَيِنْ مَغَنَ دَلَّ دَلَّ غَمٜىٰدَ وَنَّنْ بَتُبَ؞

6بَايَنْدَ عَكَ شِرْيَ كُواْمٜىٰ حَكَ، سَيْ ڢِرِسْتُواْثِے كُلُّمْ سُدِنْ‌غَ شِغَ سَاشٜىٰ نَڢَرْكُواْ نَتٜىٰنْتِنْ، سُنَيِنْ حِدِمَرْسُ؞

7عَمَّا بَبَّنْ ڢِرِسْتِنٜىٰ كَطَيْ يَكَنْ شِغَ سَاشٜىٰ نَبِيُنْ، يَنَ كُمَ شِغَ وَنَّنْ وُرِنْ سَوْ طَيَ تَكْ أَ شٜىٰكَرَا؞ بَايَ شِغُواْوَ سَيْ تَرٜىٰدَ جِنِنْ دَ ذَيْ مِيڧَ سَبُواْدَ نَاسَ ذُنُبَيْ دَ كُمَ سَبُواْدَ ذُنُبَنْدَ جَمَعَ سُكَ عَيْكَتَ بَاتَرٜىٰدَ سَنِنْسُبَ؞

8تَهَكَ رُوحُ مَيْ ڟَرْكِے يَنَ نُونَ ثٜىٰوَ حَنْيَرْ شِغَ عَيْنِحِنْ وُرِے مَڢِے ڟَرْكِے بَيْ بُوطُ بَ تُكُنَ مُدِّنْ وَنْثَنْ تٜىٰنْتِ نَڢَرْكُواْ يأَنَانً ڟَيٜىٰ؞

9وَنَّنْ ݣُوتَنْثِنٜىٰ غَ وَنَّنْ زَامَانِ؞ يَنَ نُونَ ثٜىٰوَ بَيٜىٰ بَيٜىٰ دَ هَدَايُنْ دَ عَكَنْ مِيڧَ بَسُ عِيَ سَا تُنَانِنْ ذُوثِيَارْ مَيْ سُجَّدَ يَذَمَ ثِكَكّٜىٰبَ؞

10وَطَنَّنْ سُنْ شَاڢِ مَغَنَرْ ثِ دَ شَا دَ وَنْكٜىٰ وَنْكٜىٰ إِرِ إِرِ؞ وَطَنَّنْ ڧَٰعِدُواْدِ غَمٜىٰدَ جِكِنٜىٰ كَوَيْ، وَطَنْدَ عَكَ شِمْڢِطَا كَاڢِنْ لُواْكَثِنْ دَ عَكَ كَڢَ سَابُوَرْ ڧَٰعِدَ؞

11غَاشِ، أَلْمَسِيحُ يَارِغَا يَذُواْ أَمَڟَيِنْ بَبَّنْ ڢِرِسْتِ نَأَلْعَمُرَ مَاسُ ݣَوْ وَطَنْدَ سُكٜىٰ أَݣَويْ يَنْذُ؞ يَكُمَ شِغَ ثِكِنْ تٜىٰنْتِ مَڢِے غِرْمَ كُمَ مَڢِے ݣَوْ، وَدَّ بَا مُتُمْ نٜىٰ يَغِنَابَ، وَتُواْ بَا إِرِنْ تَوَنَّنْ حَلِتَّبَ؞

12يَا شِغَ وَنَّنْ وُرِے مَڢِے ڟَرْكِے سَوْ طَيَ تَكْ؞ بَيْ شِغَ تَوُرِنْ جِنِنْ أَوَكِ كُواْ نَیَیَنْ شَانُو بَ، عَمَّا تَوُرِنْ نَاسَ جِنِنٜىٰ، وَنْدَ يَسَامُواْ مَنَ ڢَنْسَ تَهَرْ أَبَدَا؞

13بِسَغَ كُواْيَرْوَرْ مُوسَٰى، عَكَنْ يَيَّڢَا وَ مَاسُ ڧَظَنْتَا جِنِنْ أَوَكِ دَ نَبِجِمَيْ دَ تُواْكَرْ یَرْ سَانِيَ؞ وَنَّنْ يَكَنْ عِيَ مَيْدَ مَاسُ ڧَظَنْتَا مَرَسَ ڧَظَنْتَا أَجِكِے؞

14إِنْ وَنَّنْ غَسْكِيَانٜىٰ، تُواْ، مٜىٰ ذَاعَ ثٜىٰ دَ جِنِنْ أَلْمَسِيحُ ؟ شِے وَنْدَ بَاشِ دَ وَنِ تَبُواْ، يَمِيڧَ كَنْسَ غَ اللَّهْ تَوُرِنْ رُوحٌ نَنْ نَهَرْ أَبَدَا، أَيْ، لَلَّيْنٜىٰ جِنِنْسَ ذَيْ عِيَ ڟَبْتَثٜىٰ تُنَانِنْ ذُوثِيَارْمُ، مُبَرْ أَلْعَادُ مَرَسَ أَمْڢَانِ دُواْمِنْ مُبَوْتَاوَ اللَّهْ مَيْ رَيْ؞

15سَبُواْدَ حَكَ أَلْمَسِيحُ شِينٜىٰ مَيْ ڟَيَاوَا ڟَكَانِنْ اللَّهْ دَ مُتَنٜىٰ عَثِكِنْ سَابُوَرْ يَرْجٜىٰجٜىٰنِيَرْ نَنْ، دُواْمِنْ وَطَنْدَ عَكَ كِرَاسُ سُكَرْٻِ غَادُواْ نَهَرْ أَبَدَا وَنْدَ اللَّهْ يَيِ أَلْڧَوَرِ؞ وَنَّنْ يَيِوُنٜىٰ غَمَا أَنْرِغَا أَنْيِ مُتُوَ وَدَّ تَكٜىٰ یَنْتَرْدَ مُتَنٜىٰ دَغَ ذُنُبَنْدَ سُكَيِ أَ زَامَانِنْ يَرْجٜىٰجٜىٰنِيَ تَڢَرْكُواْ؞

16عِدَنْ وَنِ يَيِ أَلْڧَوَرِ غَمٜىٰدَ غَادُوانْسَ، دُواْلٜىٰنٜىٰ عَتَبَّتَرْ دَ مُتُوَرْ وَنْدَ يَيِ أَلْڧَوَرِنْ تُكُنَ؞

17غَمَا أَلْڧَوَرِنْ غَادُواْ بَا شِ دَ إِيكُواْ سَيْ أَنْيِ مُتُوَ، وَتُواْ بَايَ بَادَ إِظْنِ يَايِنْ دَ مَيْيِنْسَ يَنَدَ رَيْ؞

18شِيَسَا يَرْجٜىٰجٜىٰنِيَرْ نَنْ تَڢَرْكُواْ بَعَتَبَّتَرْ دَ عِتَبَ سَيْ تَوُرِنْ جِنِ؞

19بَايَنْدَ مُوسَٰى يَسَنَرْ وَدُكَنْ جَمَعَ كُواْوَنٜىٰ عُمَرْنِنْ دَيَكٜىٰ ثِكِنْ كُواْيَرْوَرْ، سَيْ يَطَوْكِ جِنِنْ یَیَنْ شَانُو دَ نَأَوَكِ، يَهَطَ دَ ضُوَ؞ سَعَنً يَطَوْكِ سُواْسُوانْ إِظُوابْ تَرٜىٰدَ جَنْ غَاشِنْ تُمَكِ يَيَيَّڢَا جِنِنْ عَكَنْ لِتَّڢِنْ كُواْيَرْوَا دَ كُمَ عَكَنْ دُكَنْ جَمَعَ؞

20سَيْ يَثٜىٰ «وَنَّنْ شِينٜىٰ جِنِ نَتَبَّتَرْ دَ يَرْجٜىٰجٜىٰنِيَ وَدَّ اللَّهْ يَعُمَرْثٜىٰكُ كُكِيَايٜىٰ؞»

21حَكَكُمَ يَيَيَّڢَا جِنِنْ عَكَنْ تٜىٰنْتِنَّنْ دَ كُمَ عَكَنْ دُكَنْ كَايَيَّكِنْ دَ عَكَنْيِ أَمْڢَانِ دَسُو دُواْمِنْ حِدِمَرْ سُجَّدَ؞

22لَلَّيْ، بِسَغَ كُواْيَرْوَرْ مُوسَٰى، كُسَنْ كُواْوَنٜىٰ أَبُ نٜىٰ عَكَنْ ڟَبْتَثٜىٰ دَ جِنِ؞ عِدَنْ بَاتَرٜىٰدَ جِنِنْ دَ عَكَ ظُبَابَ، بَايَدَّ ذَاعَ غَاڢَرْتَ ذُنُبَيْ؞

23يَا ذَمَ دُواْلٜىٰ وَطَنَّنْ أَلْعَادُ سُكَسَنْثٜىٰ حَكَ دُواْمِنْ أَڟَبْتَثٜىٰ وَطَنَّنْ أَبُبُوَ نَدُونِيَا؞ غَمَا سُو ݣُوتَنْثِنْ أَبُبُوَنْ دَسُكٜىٰ أَ سَمَنٜىٰ؞ عَيْنِحِنْ أَبُبُوَ نَسَمَ كُوَ سُنَ بُڧَاتَرْ هَدَايَرْدَ تَڢِ تَڢَرْكُوانْ ݣَوْ؞

24غَمَا أَلْمَسِيحُ بَيْ شِغَ وُرِے مَڢِے ڟَرْكِے وَنْدَ مُتُمْ نٜىٰ يَغِنَابَ، وَنْدَ يَكٜىٰ كَمَنِّنٜىٰ كَوَيْ نَعَّيْنِحِنْ وُرِنْ؞ أَعَ، سَمَ نٜىٰ دَ كَنْسَ يَشِغَ، دُواْمِنْ يَبَيَّنَ أَغَبَنْ اللَّهْ عَيَنْظُ سَبُواْدَمُو؞

25بَوَيْ يَشِغَ ثِكِنْ سَمَ دُواْمِنْ يَدِنْ‌غَ مِيڧَ كَنْسَ كُلُّمْبَ، كَمَرْ يَدَّ بَبَّنْ ڢِرِسْتِ يَكَنْ شِغَ وُرِے مَڢِے ڟَرْكِے كُواْوَثٜىٰ شٜىٰكَرَا دَ جِنِنْ دَ بَنَاسَبَ؞

26إِنْ دَا حَكَنٜىٰ، أَيْ دَ دُواْلٜىٰنٜىٰ عِيسَىٰ يَشَا وَهَلَ عَكَيْ عَكَيْ كٜىٰنَنْ، تُنْدَغَ لُواْكَثِنْ دَ عَكَ حَلِثِّ دُونِيَا؞ عَمَّا يَنْذُ يَا بَيَّنَ سَوْ طَيَ تَكْ عَڧَرْشٜىٰنْ ذَامَانَيْ دُواْمِنْ يَكَوَرْدَ ذُنُبَيْ تَوُرِنْ مِيڧَ كَنْسَ؞

27كَمَرْ يَدَّ عَكَ شِرْيَ وَطَنْ أَدَمْ يَمُتُ سَوْ طَيَ تَكْ، بَايَنْ حَكَ سَيْ شَرِيعَرْ اللَّهْ ،

28حَكَكُمَ أَنْمِيڧَ أَلْمَسِيحُ سَوْ طَيَ دُواْمِنْ يَطَوْكِ ذُنُبَنْ مُتَنٜىٰ دَيَوَ؞ شِے كُوَ ذَيْسَاكٜىٰ بَيَّنَ سَوْ نَبِيُ، بَ دُواْمِنْ يَطَوْكٜىٰ ذُنُبَيْ بَ، عَمَّا دُواْمِنْ يَكَٰوُاْ ثٜىٰتُواْ غَ دُكْ وَطَنْدَ سُكٜىٰ مَرْمَرِنْ دَاوُاْوَرْسَ؞

← Chapter 8 Jump to: Chapter 10 →