Hebrews 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to:

1كُثِيغَبَ دَ نُونَ وَ جُونَنْكُ ڧَوْنَ إِرِنْ تَیَنْعُوَ؞

2كَدَ كُدَيْنَيِ وَبَڧِ أَلْحٜىٰرِ، غَمَا تَيِنْ حَكَ وَطَنْسُ سُكَيِ وَمَلاَىِٕكُ حِدِمَ، بَادَ سَنِنْسُبَ؞

3كُتُنَ دَ وَطَنْدَ سُكٜىٰ أَطَوْرٜىٰ عَكُرْكُكُ، كَمَرْ كُنَ أَطَوْرٜىٰ تَرٜىٰدَسُو؞ كُكُمَ تُنَ دَ وَطَنْدَ عَكٜىٰبَاسُ وَهَلَ، كَمَرْ كُو دَ كَنْكُ نٜىٰ كُكٜىٰ شَنْ وَهَلَرْ؞

4ذَمَنْ عَوْرٜىٰ يَذَمَ أَبِنْ دَرَجَ أَغَرٜىٰكُ دُكَ؞ كَدَ غَدُوانْ عَوْرٜىٰنْكُ يَڧَظَنْتُ، غَمَا اللَّهْ ذَيْ حُكُنْتَ مَاسُ يِنْ ظِنَ دَ مَاسُ يِنْ لَلَتَ؞

5كُيِ نٜىٰسَ دَ حَلِنْ سُوانْ كُطِ، كُكُمَ كَسَنْثٜىٰ دَ ݣُونْثِيَرْ رَيْ دَ أَبِنْدَ كُكٜىٰ دَشِ؞ غَاشِ كُوَ اللَّهْ يَا ثٜىٰ، «حَرْ أَبَدَا بَذَنْ بَرْ كَبَ، سَمْ سَمْ بَذَنْ يَشٜىٰكَبَ؞»

6شِيَسَا، بَاتَرٜىٰدَ شَكَّبَ، مُنَ عِيَثٜىٰوَ « عُبَنْ‌غِجِ مَيْ تَيْمَكُواْنَ نٜىٰ، بَذَنْ جِڟُواْرُواْبَ؞ مٜىٰ طَنْ أَدَمْ ذَيْ عِيَيِ مِنِ؟»

7كُتُنَ دَ شُوغَبَنِّنْكُ وَطَنْدَ سُكَ ڢَطَا مُكُ كَلْمَرْ اللَّهْ ؞ كُدُوبِے يَدَّ سُكَيِ رَايُوَرْسُ دَ يَدَّ ڧَرْشٜىٰنْسُ يَكَسَنْثٜىٰ، كُكُمَبِے غُرْبِنْ بَنْ‌غَسْكِيَرْسُ؞

8عِيسَىٰ أَلْمَسِيحُ كُوَ بَايَ ثَنْجَاوَا، يَدَّ يَكٜىٰ جِيَ، حَكَ يَكٜىٰ يَوْ، حَكَكُمَ ذَيْ كَسَنْثٜىٰ حَرْ أَبَدَا؞

9كَدَ سَابَبِّنْ كُواْيَرْوَا إِرِ إِرِ سُݣُوشٜىٰ حَنْكَلِنْكُ؞ يَا دَاثٜىٰ كُسَامِ ڧَرْڢَڢَاوَرْ ذُوثِيَا تَوُرِنْ أَلْحٜىٰرِنْ اللَّهْ ، بَتَوُرِنْ أَلْعَادُ إِرِ إِرِنَّثِنْ عَبِنْثِبَ؞ وَطَنَّنْ كَمْ بَاسُدَ أَمْڢَانِ غَ مَاسُ كِيَايٜىٰسُ؞

10مُو كُوَ مُنَدَ بَغَدٜىٰنْ هَدَايَ وَنْدَ ڢِرِسْتُواْثِنْ تٜىٰنْتِنْ كَسَنْثٜىٰوَرْ اللَّهْ عَدُونِيَرْ نَنْ بَاسُ دَ إِظْنِ سُثِ دَغَ هَدَايَرْسَ؞

11بَبَّنْ ڢِرِسْتِ يَكَنْ كَيْ جِنِنْ دَبُّواْبِے ذُوَا ثِكِنْ وُرِے مَڢِے ڟَرْكِے دُواْمِنْ يَمِيڧَشِ هَدَايَ سَبُواْدَ ذُنُبَيْ، عَمَّا نَامَنْ دَبُّواْبِنَّنْ عَكَنْ ڧُواْنٜىٰشِنٜىٰ عَبَايَنْ ذَنْ‌غُواْ؞

12حَكَكُمَ عِيسَىٰ يَشَا عَذَابَ عَبَايَنْ غَرِ دُواْمِنْ يَڟَرْكَكٜىٰ مُتَنٜىٰ تَوُرِنْ نَاسَ جِنِ؞

13سَبُواْدَ حَكَ سَيْ مُڢِتَ ذُوَا وُرِنْسَ عَبَايَنْ ذَنْ‌غُواْ، دُواْمِنْ مُجِمْرٜىٰ دَ إِرِنْ وُلَڧَنْثِنْدَ يَجِمْرٜىٰ دَشِ؞

14غَمَا بَامُ دَ بِرْنِ مَرَرْ شُوطٜىٰوَ أَنَنْ دُونِيَا، عَمَّا مُنَ دَيْ سَا عِدُواْ غَ بِرْنِنَّنْ وَنْدَ يَكٜىٰ ذُوَا؞

15بَرِ كُمَ مُدِنْ‌غَ مِيڧَ هَدَايَرْ يَبُواْ غَ اللَّهْ تَوُرِنْ عِيسَىٰ ، وَتُواْ يَبُوانْ شَيْدَرْ دَرَجَرْ سُونَنْسَ كٜىٰنَنْ؞

16كَدَ كُدَيْنَ يِنْ أَلْحٜىٰرِ دَ زُمُنْتَرْ تَرَيَّ تَأَبِنْدَ كُكٜىٰ دَشِ، غَمَا إِرِنْ وَطَنَّنْ هَدَايُ سُكٜىٰ ڢَرَنْتَاوَا اللَّهْ رَيْ؞

17كُيِ وَشُوغَبَنِّنْكُ بِيَيَّ، كُكُمَ مِيڧَ كَنْكُ غَ إِيكُوانْسُ، غَمَا سُنَ كُلَ دَ رَايُكَنْكُ، سُو كُمَ ذَاسُ بَادَ لِسَّڢِنْ عَيْكِنْسُ؞ كُيِ مُسُ بِيَيَّ يَدَّ ذَيْسَا عَيْكِنْسُ يَذَمَ دَ ڢَضٍ ثِكِ، بَ دَ نَوْيِنْ ذُوثِيَابَ، غَمَا وَنَّنْ بَذَيْ كَٰوُاْ مُكُ وَنِ أَمْڢَانِبَ؞

18كُيِ أَدُّعَ سَبُواْدَمُو؞ مُنْ تَبَّتَرْ ثٜىٰوَ تُنَانِنْ ذُوثِيَارْمُ بَاتَ دَامُنْمُ غَمٜىٰدَ وَنِ لَيْڢِے؞ نُڢِنْمُ شِينٜىٰ مُعَيْكَتَ أَبِنْدَ يَكٜىٰ دَيْدَيْ ثِكِنْ أَيُّكَنْمُ دُكَ؞

19إِنَ ضُواْڧُوانْكُ مُسَمَّنْ كُيِ أَدُّعَ دُواْمِنْ اللَّهْ يَسَا إِنْكُواْمَ غَرٜىٰكُ بَدَ دَطٜىٰوَبَ؞

20اللَّهْ يَا تَادَ عِيسَىٰ عُبَنْ‌غِجِنْمُ دَغَ مَتَتُّو تَوُرِنْ جِنِنْ يَرْجٜىٰجٜىٰنِيَرْ نَنْ تَهَرْ أَبَدَا، عِيسَىٰ وَنْدَ يَكٜىٰ مَكِيَايِنْ تُمَكِ مَيْغِرْمَ؞ إِنَ ضُواْڧُوانْ اللَّهْ مَيْ بَادَ سَلَمَ يَثِكَكُ دَ كُواْوَنٜىٰ أَبُ مَيْݣَوْ دُواْمِنْ كُيِ نُڢِنْسَ، يَكُمَ دِنْ‌غَ عَيْكَتَ عَثِكِنْكُ أَبِنْدَ يَڢَرَنْتَ مَسَ رَيْ تَوُرِنْ عِيسَىٰ أَلْمَسِيحُ ؞ طَوْكَكَ تَتَبَّتَا غَ أَلْمَسِيحُ حَرْ أَبَدَا أَبَدِنْ؞ أَمِينْ؞

22إِنَ ضُواْڧُوانْكُ، یَنْعُوَنَ، كُيِ حَڧُرِ دَ وَنَّنْ غَرْغَطِينَ، غَمَا بَا وَتَ دُواْغُوَرْ مَغَنَ ثٜىٰ نَا رُبُوتَ مُكُبَ؞

23إِنَ سُواْ كُسَنِ ثٜىٰوَ أَنْسَكٜىٰ طَنْعُوَنْمُ تِمُواْتِ دَغَ كُرْكُكُ؞ عِدَنْ يَا ذُواْ دَ وُرِے، ذَنْذُواْ تَرٜىٰدَشِ إِنْ‌غَنْكُ؞

24كُغَيْ دَ دُكَنْ شُوغَبَنِّنْكُ دَ دُكَنْ ڟَرْكَكَا؞ یَنْعُوَنْمُ دَغَ إِتَالِيَ سُنَ غَيْشٜىٰكُ؞

25أَلْحٜىٰرِنْ اللَّهْ يَتَبَّتَا أَغَرٜىٰكُ دُكَ؞

← Chapter 12 Jump to: