Hebrews 12

Hausa Arabic 2020 (أَتَّوْرَتْ دَ أَنَّبَاوَا)

← Chapter 11 Jump to: Chapter 13 →

1سَبُواْدَ حَكَ دَيَكٜىٰ تَارُوانْ شَيْدُ مَاسُيَوَ ڨُورَيْ سُنْ كٜىٰوَيٜىٰمُ، بَرِ مُتُوٻٜىٰ دُكَنْ أَبِنْدَ ذَيْ هَنَمُ دَ كُمَ كُواْوَنٜىٰ ذُنُوبِنْدَ يَرِڧٜىٰمُ كَمْكَمْ، بَرِ كُمَ مُيِ ڟٜىٰرٜىٰنَّنْ دَ عَكَسَا أَغَبَنْمُ ثِكِنْ نَاثِيَ؞

2بَرِ مُكَڢَ عِدُواْ غَ عِيسَىٰ وَنْدَ شِينٜىٰ تُوشٜىٰنْ بَنْ‌غَسْكِيَرْمُ دَ كُمَ مَيْ كَٰوُاْ ثِكَاوَرْ بَنْ‌غَسْكِيَرْمُ؞ سَبُواْدَ ڢَضٍ ثِكِنْ دَ عَكَسَا أَغَبَنْسَ، يَجِمْرٜىٰوَ غِثِّيٜىٰ، يَمَيْدَ أَبِنْ كُنْيَا بَا كُواْمٜىٰبَ، عَيَنْظُ كُمَ يَنَ ظَوْنٜىٰ أَ حَنُّنْ دَامَنْ كُجٜىٰرَرْ مُلْكٍ اللَّهْ ؞

3كُلُورَ ڢَا دَ وَنَّنْ مُتُمِنْ دَ يَيِ حَڧُرِ دَ إِرِنْ ڧِيَيَّرْ دَ مَاسُ ذُنُوبِ سُكَيِ مَسَ، دُواْمِنْ كَدَ كُغَجِ، كُواْ كُوَ كُڢِدَّ ذُوثِيَا؞

4عَثِكِنْ كُواْكَوَرْكُ غَابَادَ ذُنُوبِ، ڢَامَرْ دَ كُكَيِ بَتَكَيْكُ غَ ظُبْدَ جِنِنْكُبَ؞

5كُواْ كُنْ مَنْثٜىٰ نٜىٰ دَ مَغَنَرْ ڧَرْڢَڢَاوَا وَدَّ اللَّهْ يَيِ، وَدَّ كُمَ تَكٜىٰثٜىٰ دَكُو یَیَنْسَ؟ «يَا طَانَ، كَدَ كَمَيْدَ حُواْرُوانْ عُبَنْ‌غِجِ أَبِنْ بَنْظَ، كَدَ كَڢِدَّ ذُوثِيَا عِدَنْ يَا ڟَاوَتَا مَكَ؞

6غَمَا عُبَنْ‌غِجِ يَكَنْ هُواْرَرْ دَ دُكْ وَنْدَ يَكٜىٰ ڧَوْنَ، يَكَنْ كُمَ هُواْرِ دُكْ طَنْدَ يَكَرْٻَ؞»

7كُجِمْرٜىٰ دَ وُيَرْ دَ كُكٜىٰ شَا، كُطَوْكَ هُواْرَرْوَ ثٜىٰ؞ تَهَكَ، اللَّهْ يَنَيِ دَكُو كَمَرْ یَیَنْسَ كٜىٰنَنْ؞ وَنٜىٰ طَا نٜىٰ بَابَنْسَ بَايَيِ مَسَ حُواْرُواْ؟

8عِدَنْ بَعَيِ مُكُ حُواْرُواْنَّنْ دَ عَكٜىٰيِ وَدُكَنْ یَیَنْ اللَّهْ بَ، تُواْ، كُو شٜىٰغُ نٜىٰ كٜىٰنَنْ، بَیَیَنْ غِدَابَ؞

9بَنْدَ حَكَمَا، مُنَدَ عُبَنِّنْمُ نَجِكِے وَطَنْدَ سُكٜىٰيِ مَنَ حُواْرُواْ، مُو كُوَ مُنَ غِرْمَمَسُ؞ أَشٜىٰ، بَذَامُڢِ يَرْدَ دَ حُواْرُوانْ عُبَنْمُ نَرُوحَنِيَ، دُواْمِنْ مُرَايُبَ؟

10عُبَنِّنْمُ نَجِكِے سُكَنْيِ مَنَ حُواْرُواْ نَطَنْ لُواْكَثِ تَهَنْيَرْ دَ تَڢِے ݣَوْ أَغَنِنْسُ، عَمَّا اللَّهْ يَكَنْيِ مَنَ حُواْرُواْ سَبُواْدَ أَمْڢَانِنْمُ نٜىٰ، دُواْمِنْ مُسَامِ رَبُوانْمُ ثِكِنْ ڟَرْكِنْسَ؞

11دُكْ حُواْرُوانْ دَ عَكَنْيِ مَنَ يَكَنْ كَٰوُاْ ذَاڢِ أَ لُواْكَثِنْ، بَا جِنْ دَاطِے بَ؞ عَمَّا دَغَ بَايَ يَكَنْ حَيْڢَرْ دَ أَدَلْثِے دَ سَلَمَ غَ دُكْ وَطَنْدَ سُكَيِ كُواْيِ دَ حُواْرُوانْ؞

12سَبُواْدَ حَكَ، كُمِيڧٜىٰ حَنُّوَنْكُ دَ سُكَ غَجِ، كُكُمَ ڧَرْڢَڢَ ڠُوِوُاْيِنْكُ مَرَسَ ڧَرْڢِے؞

13كُمِيڧٜىٰ هَنْيُواْيِ دُواْمِنْ ڧَڢَاڢُنْكُ، دُواْمِنْ كَدَ مَيْ ثِيوُانْ ڧَڢَا يَسَامِ دَامُوَ، مَيْمَكُوانْ وَرْكٜىٰوَ؞

14كُيِ إِيَاكَثِنْ ڧُواْڧَرِ كُذَوْنَ لَاڢِيَ دَ كُواْوَ، كُكُمَ ذَمَ دَ ڟَرْكِے، غَمَا بَاوَنْدَ ذَيْغَا عُبَنْ‌غِجِ عِدَنْ بَا تَرٜىٰدَ ڟَرْكِے بَ؞

15كُلُورَ ڢَا كَدَ كُواْوَ يَكَاسَ سَامُنْ أَلْحٜىٰرِنْ اللَّهْ ؞ كُيِ حَنْكَلِ كَدَ وَنِ يَذَمَ كَمَرْ تُوشٜىٰنْ طَاثِنْ رَيْ وَنْدَ يَكَنْ كَٰوُاْ ٻَرْنَ، يَكُمَ ڧَظَنْتَرْدَ أَلْعُمَّ غَبَاطَيَ؞

16كُلُورَ ڢَا، كَدَ وَنِ يَذَمَ مَيْ لَلَتَ، كُواْ مَرَرْ حَلِنْ اللَّهْ كَمَرْ إِسُوَ، وَنْدَ يَسَيَرْ دَ غَادُوانْسَ نَطَنْ ڢَارِ سَبُواْدَ ڨُورْيَ طَيَ تَكْ نَعَّبِنْثِ؞

17دَغَ بَايَ، كَمَرْ يَدَّ كُنْ سَنِ، سَعَدَّ يَسُواْ يَكَرْٻِ غَادُوانْ أَلْبَرْكَرْ نَنْ، سَيْ عَكَ ڧِيشِ؞ بَيْ كُوَ سَامِ ظَرَڢِنْ يِنْ ڠَرَبَ، كُواْدَيَكٜىٰ يَا نٜىٰمِ أَلْبَرْكَرْ نَنْ دَ هَوَيٜىٰ؞

18بَكُذُواْ وُرِنْ بَبَّنْ تُدُنْ سِنَيْ وَنْدَ أَنَ عِيَ تَٻَوَ بَ، كُواْ وُرِنْ وُتَا مَيْثِ سُواْسَيْ، كُواْ وُرِنْ دُهُ بَڧِ ڧِرِنْ، كُواْ بَبَّنْ هَدَرِ،

19كُواْ بُوسَرْ ڧَهُواْ، كُواْ كُوَ مُرْيَ مَيْيِنْ مَغَنَ يَدَّ مَاسُ جِنْتَ سُكَيِ ضُواْڧُواْ ثٜىٰوَ كَدَ عَثِيغَبَ دَيِ مُسُ مَغَنَرْ؞

20سُكَيِ ضُواْڧُوانْ نٜىٰ دُواْمِنْ بَسُ إِيَجِمْرٜىٰوَ عُمَرْنِنَّنْ دَ عَكَ بَايَرْ بَ ثٜىٰوَ «كُواْ دَ دَبَّثٜىٰ تَتَٻَ بَبَّنْ تُدُنْ، سَيْ أَ جٜىٰجّٜىٰڢٜىٰتَ حَرْ تَمُتُ؞»

21وَنَّنْ أَبِنْدَ سُكَ غَنِ يَذَمَ أَبِنْ ڟُواْرُواْ ڨُورَيْ، حَرْ مَا مُوسَٰى يَثٜىٰ «جِكِينَ يَنَ ضَوَ سَبُواْدَ ڟُواْرُواْ؞»

22عَمَّا كُنْذُواْ وُرِنْ بَبَّنْ تُدُنْ سِهِيُواْنَ نٜىٰ دَ بِرْنِنْ اللَّهْ مَيْ رَيْ، وَتُواْ عُرُوشَلِيمَ تَسَمَ دَ تَارُوانْ ڢَضٍ ثِكِ نَمَلاَىِٕكُ مَاسُ طُمْبُنْ يَوَ؞

23كُنْذُواْ غَ جَمَعَرْ مَاسُبِے یَیَنْ ڢَارِ وَطَنْدَ سُونَيٜىٰنْسُ سُنَ أَرُبُوثٜىٰ أَ سَمَ؞ كُنْذُواْ وُرِنْ اللَّهْ وَنْدَ شِينٜىٰ مَيْيِ وَكُواْوَ شَرِيعَ دَ وُرِنْ رُوحُواْحِنْ مُتَنٜىٰ مَاسُ أَدَلْثِے وَطَنْدَ عَكَ مَيْدَسُو ثِكَكُّ؞

24كُنْذُواْ وُرِنْ عِيسَىٰ وَنْدَ شِينٜىٰ مَيْ ڟَيَاوَا ڟَكَانِنْ اللَّهْ دَ مُتَنٜىٰنْسَ عَثِكِنْ سَابُوَرْ يَرْجٜىٰجٜىٰنِيَ دَ كُمَ وُرِنْ جِنِنَّنْ دَ عَكَ يَيَّڢَا وَنْدَ يَكٜىٰيِنْ مَغَنَ مَڢِے ݣَوْ ڢِيٜىٰدَ جِنِنْ هَبِيلَ؞

25كُلُورَ ڢَا، كَدَ كُڧِ شِے وَنْدَ يَكٜىٰ مَغَنَ؞ كُسَنِ ثٜىٰوَ سُو وَطَنْدَ سُكَڧِ سُكَرْٻِ وَنْدَ يَيِ مُسُ غَرْغَطِے أَنَنْ دُونِيَا بَسُ ڟِيرَبَ، بَلّٜىٰ ڢَا مُو! تَيَيَا مُو ذَامُ ڟِيرَا عِدَنْ مُنْڧِ وَنْدَ يَكٜىٰيِ مَنَ غَرْغَطِے دَغَ سَمَ؟

26أَ لُواْكَثِنْ كُوَ مُرْيَرْ اللَّهْ تَغِرْغِظَ دُونِيَا؞ عَمَّا يَنْذُ يَيِ أَلْڧَوَرِ ثٜىٰوَ «ذَنْ غِرْغِظَ دُونِيَا سَوْ طَيَ كُمَ، بَا دُونِيَا كَطَيْبَ، عَمَّا حَرْ دَ سَمَّيْ؞»

27وَنَّنْ مَغَنَ «سَوْ طَيَ كُمَ،» تَنُونَ ذَاعَ كَوَرْدَ أَبِنْدَ عَكَ غِرْغِظَ، وَتُواْ، ذَاعَ كَوَرْدَ أَبُبُوَنْ دَ عَكَ حَلِتَّ، دُواْمِنْ أَبُبُوَنْ دَ بَذَاعَ عِيَ غِرْغِظَا سُبَ سُكَسَنْثٜىٰ؞

28تُواْ دَيَكٜىٰ مُنَ كَرْٻَرْ مُلْكٍ دَ بَذَاعَ عِيَ غِرْغِظَبَ، بَرِ مُيِ غُواْدِيَ، مُكُمَ مِيڧَا وَ اللَّهْ سُجَّدَرْ دَ تَدَاثٜىٰ عَثِكِنْ ڟُواْرُواْ دَ بَنْ غِرْمَ،

29غَمَا اللَّهْ نْمُ وُتَا نٜىٰ مَيْ ثِنْيٜىٰوَ؞

← Chapter 11 Jump to: Chapter 13 →