bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 15
Numbers 15
Ika 2018 Bible
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Osolobuẹ sị Mozizi,
2
“Gwa ndị Izrẹlụ, sị wẹ: Lee ni iwu ụnụ sikọ d'e sọn ụnụ bangụ alị ahụn m rị e ye ụnụ nị ụnụ biri,
3
omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,
4
onyẹ hụn welanị Osolobuẹ ya sikọ d'e werizi ọka-witi wẹ gweriẹn hụn k'e jun mkpu kọstadị-nta ẹbụọ cheni anụ ọ wela — o k'a wụ ọka-witi wẹ gi ofugbọn-olivu k'e jun mkpu kọstadị ohu gwọ; o k'e gi wẹ ye Osolobuẹ oyiye-ọka.
5
E we ni manya k'e jun mkpu kọstadị e chesọnmẹni ebulu ohu-ohu ụnụ gi a chụn ẹjan w'a dụn ọkụn mọbụ ẹjan ndị-ọzọ, n'ọ wụrụ oyiye-manya.
6
“Wezini ọka wẹ gweriẹn k'e jun mkpu kọstadị ẹnọ lẹ nkirishi cheni ebulu ọwụlẹ — ọka wẹ gweriẹn gi ofugbọn-olivu k'e jun mkpu kọstadị ohu lẹ nkirishi gwọ
7
wezi ni oyiye-manya chen'ẹ, manya k'e jun mkpu kọstadị ohu lẹ nkirishi, ụnụ e gi wẹ ile chụnyeni Osolobuẹ ẹjan hụn ishin ẹ a sụọ a.
8
“Ụnụ welanị okoro efin d'a chụnyeni Osolobuẹ ẹjan w'a dụn ọkụn mọbụ ẹjan ndị ọzọ, mọbụ ẹjan ụnụ gi e mẹzu nkwa pụ-ichẹn ụnụ kwe ẹ mọbụ ẹjan-ekele,
9
weri ni oyiye-ọka chen'ẹ — ọka wẹ gweriẹn k'e jun ihiẹn nọkẹ mkpu-kọstadị nta isin lẹ nkirishi hụn wẹ gi ofugbọn-olivu k'e jun mkpu kọstadị ẹbụọ gwọ;
10
ụnụ e wezi oyiye-manya k'e jun mkpu-kọstadị nta ẹbụọ chen'ẹ. O k'a wụrụ oyiye wẹ gi ọkụn ye, ẹjan hụn ishin ẹ a sụọ Osolobuẹ.
11
Ẹrịra kẹ w'e dọn e mẹ efin mọbụ ebulu lẹ nwa-atụnrụn mọbụ nwa-ewu ọwụlẹ.
12
Anụ ole ọwụlẹ ụnụ e gi chụn ẹjan, mẹ ni hụn ọwụlẹ imẹ wẹ ẹrịra.
13
“Nwa-di-alị Izrẹlụ ọwụlẹ k'a gha e mẹ ihiẹn ndịnị ọ gha e ye Osolobuẹ oyiye wẹ gi ọkụn e ye hụn ishin ẹ sikọ d'a sụọ Osolobuẹ.
14
Agbọ ile rị ihun, abịamabịa mọbụ onyẹ ọzọ hụn bi imẹ igunrun ụnụ gha e ye Osolobuẹ oyiye wẹ gi ọkụn e ye hụn ishin ẹ k'a sụọ Osolobuẹ, o k'e mẹchanrịnkwọ a kẹ ụnụ dọn e mẹ ẹ.
15
Iwu ohu kẹ ụnụ lẹ abịamabịa bi imẹ igunrun ụnụ k'a gha e gi e bi — ẹrịra k'o sikọ d'a rịferi. Ụnụ lẹ abịamabịa k'a wụ ohu ẹnya Osolobuẹ.
16
Iwu ohu lẹ usọnrọn ohu k'a rịnị kẹ ụnụ kẹ abịamabịa bi imẹ igunrun ụnụ.”
17
Osolobuẹ sị Mozizi,
18
“Gwa ndị Izrẹlụ, sị wẹ: Ụnụ banye alị ahụn hụn m rị e ye ụnụ,
19
ụnụ jẹnkọnị d'e ri ihiẹn gha alị ahụn pụha, weberi ni gi ye Osolobuẹ oyiye.
20
Gha nị imẹ ọka ibuzọ ụnụ sikọ d'e gweriẹn weri gi mẹmẹ donọtụ, ụnụ a wẹhẹni Osolobuẹ ya kẹ ụnụ dọn a tụn'a ọka ụnụ kụkpọgụ ọka.
21
Agbọ ụnụ ile lalanị, e weberi ni ọka ibuzọ ụnụ gweriẹn a tụnị Osolobuẹ.
22
“Ụnụ dan iwu ọwụlẹ imẹ iwu ndịnị Osolobuẹ ye Mozizi bụ ụnụ akpachanpụnị ẹnya mẹ ẹ —
23
iwu ọwụlẹ imẹ ndị Osolobuẹ ye Mozizi ye ụnụ, gha ụhụọhịn o ye Mozizi ya ye ụnụ d'e ru agbọ ile lalanị —
24
ụnụ dan a bụ onwọnni onyẹ rị imẹ igunrun ụnụ ẹnya a ru, ụnụ akpachanpụnị ẹnya mẹ ẹ, alị ile jẹnkọ d'e wẹhẹ okoro-efin d'e ye oyiye wẹ gi ọkụn e ye n'ọ wụrụ oyiye hụn ishin ẹ a sụọ Osolobuẹ — ịya lẹ oyiye-ọka a lẹ oyiye manya w'e wechen'ẹ lẹ mkpịn wẹ k'e gi chụn ẹjan-njọ.
25
Onyẹ nchụn-ẹjan sikọ d'e gi wẹ chụn ẹjan gi gbarị isi ndị Izrẹlụ ile, Osolobuẹ a gbagharị wẹ, makẹni ẹlẹ wẹ kpachanpụ ẹnya mẹ ẹ lẹni e gigụọ wẹ ufiri mmẹfie wẹ wẹhẹni Osolobuẹ oyiye w'a dụn ọkụn lẹ ẹjan-njọ.
26
Osolobuẹ k'a gbagharị ndị Izrẹlụ ile lẹ abịamabịa bi imẹ igunrun wẹ, ebe o mẹ ni ẹka ịhịan ile a rịọlẹ imẹ njọ hụ wẹ kpachanpụlẹni ẹnya mẹ.
27
“Kanị omẹni onyẹ ohu sụọ rọ, o k'e wẹhẹ onyẹnnyẹ-ewu ahụa ohu d'e gi chụn ẹjan-njọ.
28
Onyẹ nchụn ẹjan k'a nọ ihun Osolobuẹ chụnnị onyẹ ahụn kachanpụlẹni ẹnya mẹ njọ ẹjan gi gbarị isi ẹ. Wẹ gbarịgụ isi ẹ, Osolobuẹ a gbagharị a.
29
Iwu ohuni rịnị onyẹ ọwụlẹ kachanpụlẹni ẹnya mẹ njọ, kẹ nwa di-alị Izrẹlụ kẹ abịamabịa.
30
“Kanị onyẹ ọwụlẹ kachanpụ ẹnya dan iwu ndịnị, ọsụọn'a nwa di-alị Izrẹlụ, ọsụọn'a abịamabịa, onyẹ ahụn a kparigụọ Osolobuẹ. Wẹ k'e bepụrịrị onyẹ ahụn imẹ ndị nke ẹ.
31
Ebe o mẹ ni o legberigụọ oku Osolobuẹ, mẹ ihiẹn ọ sị wẹ emẹlẹ, wẹ k'e bepụrịrị onyẹ ahụn; o k'e gi isi ẹ buru ihiẹn o mẹ.”
32
Ogẹn ndị Izrẹlụ gi rị imẹ alị ọkpọ-nkụn, wẹ nọ nwụn okẹnnyẹ ohu ebe ọ rị a kpa nkụn Ụhụọhịn izu-ikẹn.
33
Ndị nwụnn'a k'ọ rị a kpa nkụn nọ wẹhẹni Mozizi lẹ Ẹrọnụ lẹ igunrun ahụn ile ya;
34
wẹ nọ kpọkin ẹ ye, makẹni ihiẹn wẹ k'e m'ẹ eke we wẹ ẹnya.
35
Ya kẹ Osolobuẹ nọ sị Mozizi, “Okẹnnyẹni k'a nwụnrịrị. Ịhịan ile sikọ d'a nọ ebe ịhịan bilẹni magbu ẹ.”
36
Ya wẹ nọ gha ebe wẹ ile ziẹntọ wepụ a d'a magbu nọkẹ kẹ Osolobuẹ dọn gwa Mozizi.
37
Osolobuẹ sị Mozizi,
38
“Sị ndị Izrẹlụ, ‘Agbọ ụnụ ile, ụnụ k'a gha e mẹmẹ tasẹlụ wụ ịyọmịyọ ẹkwa e ye mpịnpịn ẹwuru ụnụ azụụnnị lẹ azụụnnị. Oruru e nwun bru k'a rị tasẹlụ rị azụụnnị lẹ hụn rị azụụnnị.
39
Tasẹlụ ndịnị wẹ kẹ ụnụ k'a gha e lee kẹni ụnụ hụn ụzọ a nyanhan ihiẹn ile Osolobuẹ ku, nị ụnụ hụn ụzọ e mẹ wẹ, makẹ ụnụ gha a gbakịtọ m azụụn, mẹsọnmẹ ihiẹn rị ụnụ obi lẹ ihiẹn ndị hụ a la ụnụ ẹnya nọkẹ ndị ughẹrẹ.
40
Kẹni ụnụ a nyanhan e mẹ ihiẹn ndị m sị ụnụ e mẹ, bu enwẹn ụnụ tọnị Osolobuẹ ụnụ.
41
Mmẹ wụ Osolobuẹ wụ Chuku ụnụ hụn gha alị Ijiptu wepụha ụnụ, kẹni m wụrụ Chuku ụnụ. Mmẹ wụ Osolobuẹ hụn wụ Chuku ụnụ.’ ”
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36