bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 3
Numbers 3
Ika 2018 Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
Ọnwan wụ ẹbozo Ẹrọnụ lẹ nke Mozizi ogẹn Osolobuẹ gi gwa Mozizi oku elu Ugu Saịnaị.
2
Ẹfan ụmụ-ikẹnnyẹ Ẹrọnụ wụ Nadabụ nwa ibuzọ a lẹ Abihu lẹ Ẹliẹza lẹ Itama.
3
Ịya wụ ẹfan ụmụ-ikẹnnyẹ Ẹrọnụ wẹ gi udẹn-nsọ tumẹ ndị nchụn-ẹjan, ndị wẹ tumẹ nị wẹ a rụn ọrụn ịchụn-ẹjan.
4
Kanị Nadabụ lẹ Abihu nwụntọ ihun Osolobuẹ ogẹn wẹ gi mụyen'ẹ nsẹnsi ọkụn ọ gwalẹni wẹ imẹ atụ Saịnaị. Amụnị wẹ ikẹnnyẹ; Ẹliẹza lẹ Itama sụọ rụn nwan ọrụn ịchụn-ẹjan ogẹn Ẹrọnụ nẹdi wẹ gi rị ndụn.
5
Osolobuẹ sị Mozizi,
6
“Wẹhẹ ndị ebọn Livaị, y'e we wẹ ye Ẹrọnụ, nị wẹ hụn ụzọ e yen'ẹ ẹka.
7
Wẹ k'a gha a rụnnị ịya lẹ ndị Izrẹlụ ile ọrụn imẹ Ọdụ-ozuzu ghahanị ịrụn ọrụn ya lẹ Ọdụ-nsọ wị.
8
Wẹ jẹnkọ d'a rịzị e lepụ ihiẹn ile rị imẹ Ọdụ-ozuzu ẹnya, a rụnnị ndị Izrẹlụ ogbo wẹ ghahanị ịrụn-ọrụn Ọdụ-nsọ.
9
We ndị Livaị ye Ẹrọnụ lẹ ụmụ a; uwẹ wụ ndị Izrẹlụ wẹ sikọ d'e yechanrịn Ẹrọnụ.
10
Tumẹ Ẹrọnụ lẹ ụmụ a nị wẹ rụnma ọrụn ịchụn-ẹjan; wẹ k'e gbu onyẹ ọzọ ọwụlẹ nọkunmẹ Ọdụ-ozuzu hụ.”
11
Osolobuẹ sị Mozizi;
12
“E werigụọ m ndị Livaị imẹ ndị Izrẹlụ, gi wẹ nọkin ẹnya ikẹnnyẹ ibuzọ ile ikpoho Izrẹlụ mụ. Ndị Livaị wụ nke m,
13
makẹni ikẹnnyẹ ibuzọ ile wụ nke m. Ogẹn m gi gbuchanrịn ikẹnnyẹ ibuzọ ile rị imẹ Ijiptu, m nọ bu ikẹnnyẹ ibuzọ Izrẹlụ tọnị enwẹn m, kẹ ịhịan kẹ anụ. Wẹ k'a wụ nke m. Mmẹ wụ Osolobuẹ.”
14
Imẹ atụ Saịnaị hụ, Osolobuẹ sịzị Mozizi,
15
“Gụn ndị ebọn Livaị ikp'ụlọ-ikp'ụlọ lẹ ẹbozo-ẹbozo. Gụn ikẹnnyẹ ile rị gha ifọn ohu shi elu.”
16
Ya Mozizi nọ gụn wẹ k'o dọn nụ ọnụ Osolobuẹ.
17
Ndịnị wụ ẹfan ụmụ Livaị: Gẹshọnụ, Kohatị lẹ Mẹrari.
18
Ndịnị wụ ẹbozo Gẹshọnụ, ụmụ Gẹshọnụ: Libni lẹ Shimei.
19
Ebozo Kohatị, ụmụ Kohatị: Amram, Iziha, Hibrọnụ lẹ Uziẹlụ.
20
Ebozo Mẹrari: Mali lẹ Mushi. Wẹ ile wụ ebozo Livaị — ikp'ụlọ-ikp'ụlọ.
21
Ndị nke Gẹshọnụ wụ ndị Libni lẹ ndị Shimei; ndịnị wụ ebozo Gẹshọnụ.
22
Ikẹnnyẹ ile wẹ gụn, hụn ri gha ifọn ohu shi elu rị madụ nnụ-uku ẹsa lẹ mkpikpi (7,500).
23
Ndị ẹbozo Gẹshọnụ nwọn e ziẹntọ ibe azụụn Ọdụ-ozuzu, ẹbamịn ọdịdan-ẹnyanwụn.
24
Ẹliasafụ nwa Laẹlụ wụ onyẹ-isi ndị rị ebozo Gẹshọnụ.
25
Imẹ Ọdụ-ozuzu, nke ndị Gẹshọnụ wụ ilepụ ihiẹn ile wẹ gi kpu Ọdụ-nsọ ẹnya, kẹ okpukpu ẹ ile kẹ ẹkwa wẹ gi tankin ọnụmụzọ Ọdụ-ozuzu,
26
kẹ ẹkwa ndị wẹ gisọnmẹ a tanhunmẹ ezi ẹ lẹ hụn wẹ gi a tankin ọnụ-mgbọn ezi ẹ — ezi hụn ghahunmẹ Ọdụ-nsọ lẹ ukpo wẹ n'a dụn ẹjan ọkụn, kẹ eriri kẹ ihiẹn ile ya lẹ ẹkwa ndịnị wị.
27
Ndị nke Kohatị wụ ndị Amram, ndị Iziha, ndị Hibrọnụ lẹ ndị Uziẹlụ; ndịnị wụ ẹbozo Kohatị,
28
Ikẹnnyẹ ile rị gha ifọn ohu shi elu rị madụ ọgụn-isẹn kwasị nnụ-uku ẹsatọ lẹ mkpikpi (8,600). Nke ndị Kohatị wụ ilepụ Ọdụ-ozuzu ẹnya.
29
Ndị Kohatị k'e ziẹntọ ẹkụnkụn Ọdụ-ozuzu, ẹbamịn ndịdan-mirin.
30
Ẹlizafanị nwa Uziẹlụ wụ onyẹ-isi ebozo Kohatị.
31
Hụn wẹ e lepụ ẹnya wụ Ẹkpẹti-Osolobuẹ, teburu, obu-ukpẹ, ukpo ichẹn-ichẹn wẹ nọ a chụn ẹjan, ihiẹn ndị ọzọ wẹ gi a rụn ọrụn ebẹhụ lẹzi ẹkwa-mgbọnkin; wẹ ile lẹ ihiẹn ile wẹ gi wẹ a rụn.
32
Ẹliẹza nwa Ẹrọnụ onyẹ nchụn-ẹjan kịchanrịn ndị-isi ndị Livaị. Ịya a kị ndị hụn e lepụ Ọdụ-nsọ Osolobuẹ ẹnya.
33
Ndị nke Mẹrari wụ ndị ebọn Mali lẹ Mushi; ndịnị wụ ebozo Mẹrari.
34
Ikẹnnyẹ ndị rị gha ifọn ohu shi elu wẹ gụn rị madụ ọgụn-iri kwasị nnụ-uku isin (6,200).
35
Onyẹ-isi ikpụlọ ndị rị ebozo Mẹrari wụ Zuriẹlụ nwa Abihailu. Ndị Mẹrari sikọ d'e ziẹntọ ẹkụnkụn Ọdụ-ozuzu, ẹbamịn-ugu.
36
Hụn ndị Mẹrari k'e lepụ ẹnya wụ ihiẹn ile kwọndọn Ọdụ-nsọ: kẹ ibe-osisi ndị wẹ gi rụn ẹhụ Ọdụ-nsọ kẹ akp'osisi ndị wẹ gi fiẹnbepụ wẹ kẹ adansụn a ile kẹ ụkụ wẹ ile ihiẹn ile ya lẹ wẹ wị;
37
kẹ adansụn ndị wẹ gi tuhunmẹ ezi Ọdụ-nsọ lẹ ụkụ adansụn ndị hụ kẹ mkpụkpọ lẹ eriri ile wẹ gi e kwọndọn Ọdụ-nsọ.
38
Mozizi lẹ Ẹrọnụ lẹ ụmụ Ẹrọnụ k'e ziẹntọ ihun Ọdụ-ozuzu hụ, azụụn anwụn gha a wa. Uwẹ kẹ ọrụn ilepụnị ndị Izrẹlụ Ọdụ-nsọ ẹnya rịchanrịn ẹka. Onyẹ ọzọ buche ẹka, ọnwụn a rọ.
39
Ndị Livaị ile Mozizi lẹ Ẹrọnụ gụn ẹbozo-ẹbozo kẹ Osolobuẹ dọn gwa wẹ, ikẹnnyẹ ile rị gha ifọn ohu shi elu, rị madụ nnụ-uku ẹbụọ kwasị ọgụn (22,000).
40
Osolobuẹ nọ sị Mozizi, “Gụn ikẹnnyẹ ibuzọ Izrẹlụ ile rị gha ifọn ohu shi elu, y'e detu ẹfan wẹ.
41
Gi ndị Livaị nọkinni m ẹnya ikẹnnyẹ-ibuzọ ndị Izrẹlụ ile, y'e gi anụ ndị Livaị nọkinni m ẹnya okẹn ibuzọ ile anụ ndị Izrẹlụ mụ. Mmẹ wụ Osolobuẹ.”
42
Ya Mozizi nọ gụnkwama ụmụ-ibuzọ ndị Izrẹlụ kẹ Osolobuẹ dọn gwa a.
43
Ikẹnnyẹ ibuzọ ile hụn rị gha ifọn ohu shi elu wẹ detu ẹfan wẹ rị madụ mmẹtọ kwasị ọgụn-mmẹtọ kwasị nnụ-uku ẹbụọ kwasị ọgụn (22,273).
44
Osolobuẹ nọzị sị Mozizi,
45
“Gi ndị Livaị nọkinni m ẹnya ụmụ-ibuzọ Izrẹlụ ile, y'e gi anụ ndị Livaị nọkinni m ẹnya anụ wẹ. Ndị Livaị k'a wụ nke m. Mmẹ wụ Osolobuẹ.
46
“Igi gbarị ikẹnnyẹ mmẹtọ kwasị ọgụn-mmẹtọ (273) hụn ikẹnnyẹ-ibuzọ ndị Izrẹlụ gi karị ndị Livaị,
47
narịnsọnmẹ akpụrụ egho siliva isẹn-isẹn isi onyẹ-onyẹ imẹ wẹ, akpụrụ egho siliva wẹ k'e gi a kụ a k'a han kẹ nke Ọdụ-nsọ hụn wụ akpụrụ egho nta ọgụn.
48
We egho hụ ye Ẹrọnụ lẹ ụmụ a, egho hụ wẹ gi gbarị madụ mmẹtọ kwasị ọgụn-mmẹtọ hụ ndị Izrẹlụ gi ka ndị Livaị.”
49
Ya Mozizi nọ narịn egho wẹ gi gbarị ikẹnnyẹ-ibuzọ mmẹtọ kwasị ọgụn-mmẹtọ họdụnị ndị Livaị kelẹni gbarị.
50
Ihiẹn ọ narịn ụmụ-ibuzọ ndị Izrẹlụ wụ akpụrụ siliva isẹn kwasị ọgụn-mmẹsatọ kwasị nnụ-uku (1,365), ihiẹn wẹ gi e lele siliva Ọdụ-nsọ kẹ wẹ gi lele siliva hụ.
51
Mozizi nọ we egho hụ wẹ gi gbarị wẹ ye Ẹrọnụ lẹ ụmụ a, kẹ Osolobuẹ dọn gwa a.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36