bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 18
Numbers 18
Ika 2018 Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Osolobuẹ nọ sị Ẹrọnụ, “Ịyụ lẹ ụmụ ị lẹ ebọn ụnụ ile wụ ebọn Livaị kẹ wẹ k'a jụ ihiẹn ọwụlẹ mẹ Ọdụ-nsọ, kanị ịyụ lẹ ụmụ ị sụọ kẹ wẹ k'a jụ ihiẹn ọwụlẹ mẹ ọrụn ịchụn-ẹjan.
2
Wẹhẹ ndị Livaị ibe i, ndị ebọn ụnụ, nị wẹ d'e du ụnụ rụn ọrụn, e jẹnni ịyụ lẹ ụmụ ị ozi ụnụ gha a rụn ọrụn imẹ Ọdụ Ashịa-ẹri.
3
Okpuru i kẹ wẹ k'a rị; wẹ k'a gha a rụn ọrụn ile rị imẹ Ọdụ-nsọ — kanị anọkunmẹkọ wẹ ihiẹn Ọdụ-nsọ ọwụlẹ mọbụ ukpo nchụn-ẹjan, amamgbe ịyụ lẹ wẹ a nwụnhụn.
4
Wẹ k'e sọn i rụn ọrụn ilepụ Ọdụ-nsọ ẹnya, ọrụn ile hụn rị imẹ Ọdụ ahụn; onwọnni onyẹ ọzọ k'a nọkunmẹ ebe ụnụ rị.
5
“Ụnụ nwọn e lepụ Ọdụ-nsọ lẹ ukpo nchụn-ẹjan ẹnya, makẹ m ghazị e gi ọnụma e sọn ndị Izrẹlụ.
6
Mmẹ lẹ enwẹn m a ghagụọ imẹ ndị Izrẹlụ họye i ndị Livaị ibe i nị wẹ wụrụ ihiẹn m ye i, hụn wẹ gi kwanị Osolobuẹ kẹni w'a rụn ọrụn imẹ Ọdụ-nsọ.
7
Kanị ịyụ lẹ ụmụ ị sụọ k'a wụ ndị a chụn ẹjan rịn'a hụn ihiẹn ile rị ukpo nchụn-ẹjan lẹ azụụn Ẹkwa-mgbọnkin rị imẹ Ọdụ-nsọ sikọ d'a rị ẹka wẹ. M rị e ye ụnụ ọrụn ịchụn-ẹjan n'ọ wụrụ ihiẹn m ye ụnụ. Onyẹ ọzọ nọkunmẹ Ọdụ-nsọ hụ, wẹ k'e gburịrị a.”
8
Osolobuẹ nọ sị Ẹrọnụ, “E bugụọ m oyiye ile w'e ye m che i ẹka; oyiye ile rị nsọ hụn ndị Izrẹlụ e ye m, e wegụọ m'a ye ịyụ lẹ ụmụ ị, n'ọ wụrụ nke ụnụ, wụrụ ihiẹn hụn e ru ụnụ ẹka ogẹn ile.
9
Ụnụ nwọn hụn wẹ dụnlẹni ọkụn imẹ ẹjan ndị ahụn rịchanrịn nsọ. Ịya wụ nke ịyụ lẹ ụmụ ị imẹ ihiẹn ile w'e wẹhẹ d'e ye m oyiye rị nsọ — kẹ oyiye-ọka kẹ ẹjan-njọ kẹ ẹjan onyẹ ikpe ma.
10
Ri n'ẹ nọkẹ ihiẹn rịchanrịn nsọ; ikẹnnyẹ ile rị imẹ ụnụ nwọn e ri ẹ. Werikwọ n'a kẹ ihiẹn rị nsọ.
11
“Ọnwan wụzịkwọ nke ụnụ: ihiẹn ọwụlẹ wẹ wepụ che ụsụọ imẹ oyiye ile ndị Izrẹlụ finfinghọsị m. M rị e we wẹ e ye ịyụ lẹ ụmụ ị ikẹnnyẹ lẹ ikpoho, n'ọ wụrụ ihiẹn e ru ụnụ ẹka ogẹn ile. Onyẹ ọwụlẹ hụn rị ikpụlọ ị hụn rụlẹni nwọn ikẹn rị ẹ.
12
“E yegụọzị m ụnụ udẹn-olivu ile kachanrịn mma lẹ manya ọhụn ile kachanrịn mma lẹ ọka ile wẹ gi e ye Osolobuẹ oyiye-ọka ibuzọ.
13
Ụnụ nwọn mkpụrụ ibuzọ ile alị mịpụha hụn wẹ wẹhẹni Osolobuẹ. Onyẹ ikpụlọ ị ọwụlẹ hụn rụlẹni nwọn ikẹn ri ẹ.
14
Ihiẹn ọwụlẹ rị imẹ Izrẹlụ wẹ gi kwachanrịnnị Osolobuẹ wụ nke ụnụ.
15
“Nwa ibuzọ gha ẹkpa-nwa ọwụlẹ pụha — kẹ ịhịan kẹ anụ — hụn wẹ ye Osolobuẹ wụ nke ụnụ. Kanị ụnụ k'a gbarị okẹnnyẹ ibuzọ ọwụlẹ lẹ okẹn ibuzọ anụ ọwụlẹ rụnị mụ.
16
Wẹ zu ifọn ohu, ụnụ e gi ọnụ-egho wẹ gi a gbarị wẹ gbarị wẹ — akpụrụ siliva isẹn. Akpụrụ siliva wẹ gi gbarị a lẹ akpụrụ siliva ụlọ Osolobuẹ hụn wụ akpụrụ nta ọgụn k'a hanrịrị.
17
K'a gbarịkwọlẹ ni nwa-ibuzọ efin, atụnrụn mọbụ ewu; wẹ rị nsọ. Gi nị wẹ chụnyeni m ẹjan: Fe ni ẹdeke wẹ ye elu ukpo nchụn-ẹjan, ụnụ a dụn ụtọrọ a ọkụn, n'ọ wụrụ oyiye wẹ gi ọkụn ye, ishin hụn a sụọ Osolobuẹ ụsụọ.
18
Anụ wẹ sikọ d'a wụ nke ụnụ, nọkẹ kẹ ẹran anụ hụn wẹ e wepụha e finfinghọsị Osolobuẹ lẹ ọrụ anụ wẹ gi chụn ẹjan dọn wụ nke ụnụ.
19
Ẹghẹẹ, e wegụọ m ihiẹn ọwụlẹ w'e wepụ e che ụsụọ imẹ oyiye ile rị nsọ ndị Izrẹlụ e ye Osolobuẹ ye ịyụ lẹ ụmụ ị ikẹnnyẹ lẹ ikpoho, n'ọ wụrụ ihiẹn k'a gha e ru ụnụ ẹka ogẹn ile. Nkwerigbama nnu rị imẹ ẹ hụn ghalẹni e gbehutọ lẹ hụn k'a rịnị yụ lẹ ụmụ ị jẹnrin ejẹn k'ọ wụ ebe Osolobuẹ rị.”
20
Osolobuẹ nọ sị Ẹrọnụ, “Y'e nwọnkọ alị imẹ alị wẹ, y'e nwọnkọ ukuu imẹ igunrun wẹ; mmẹ wụ ihiẹn run'i lẹ ukuu i imẹ ndị Izrẹlụ.
21
“Nke ndị Livaị, m rị e we ụzọ-ohu imẹ ụzọ-iri ile rị Izrẹlụ e ye ndị Livaị, n'ọ wụrụ nke wẹ hụn wẹ gi a kụ wẹ ụgwọ ọrụn wẹ rị a rụn imẹ Ọdụ-ozuzu.
22
Ndị Izrẹlụ a nọkunmẹkọzị Ọdụ-ozuzu ahụn gha kikẹnni jẹnmẹ: wẹ nọkunmẹ ẹ, e gi wẹ isi wẹ buru njọ wẹ, nwụnhụn.
23
Ụnụ ndị Livaị nwọn a rụn ọrụn rị imẹ Ọdụ-nsọ, ụnụ kẹ wẹ k'a jụ ihiẹn ọwụlẹ mẹ Ọdụ-ozuzu. Iwuni k'a rịferi agbọ ile lalanị. Enwọnkọ wẹ alị imẹ Izrẹlụ.
24
Kama, e wegụọ m ụzọ-ohu imẹ ụzọ-iri hụ ndị Izrẹlụ a tụnị Osolobuẹ ye ndị Livaị n'ọ wụrụ ihiẹn wẹ. Ịya haịn m gi ku ihiẹn m ku banyeni wẹ, nị ‘Enwọnkọ wẹ alị imẹ Izrẹlụ.’ ”
25
Osolobuẹ nọ sị Mozizi,
26
“Gwa ndị Livaị, sị wẹ: Ụnụ narịngụ ndị Izrẹlụ ụzọ-ohu imẹ ụzọ-iri kẹ m dọn ku ẹ nị e wegụọ m'a ye ụnụ, ụnụ sikọ d'e nọ imẹ ẹ tụnị m ụzọ-ohu imẹ ụzọ-iri.
27
Osolobuẹ sikọ d'a gụn a yeni ụnụ kẹ ọka ụnụ rụnpụha imẹ ugbo lẹ manya-vaịnị ụnụ pịnpụha.
28
Ẹrịra kẹ ụnụ nwẹn k'e dọn gha ụzọ-ohu imẹ ụzọ-iri ile ụnụ narịn ndị Izrẹlụ tụnị Osolobuẹ ụzọ-ohu imẹ ụzọ iri. E we ni hụnnị wụ nke Osolobuẹ e ye onyẹ nchụn-ẹjan wụ Ẹrọnụ.
29
Imẹ ihiẹn ile wẹ ye ụnụ, a tụnị nị Osolobuẹ hụn kachanrịn mma, kachanrịn nsọ.
30
Sị ndị Livaị, ‘Ụnụ tụgụnị Osolobuẹ hụn ka mma, Osolobuẹ e weri nwan hụn họdụnị kẹ ọka ụnụ rụnpụha imẹ ugbo mọbụ manya-vaịnị ụnụ pịnpụha;
31
ụnụ lẹ ikpụlọ ụnụ nwọn ikẹn nọ ebe ọwụlẹ ri ẹ, makẹni ụgwọ ọrụn ụnụ rị a rụn imẹ Ọdụ-nsọ rọ.
32
Ikpe amakọ ụnụ, ebe o mẹ ni ụnụ a tụgụọnị Osolobuẹ hụn ka mma. Emẹrụlẹ ni oyiye-nsọ ndị Izrẹlụ rị e ye, amamgbe ụnụ a nwụn.’ ”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36