bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 31
Numbers 31
Ika 2018 Bible
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Osolobuẹ sị Mozizi,
2
“D'e mẹgwarịnị ndị Izrẹlụ: d'e mẹgwarị ndị Midianị ihiẹn wẹ mẹ ndị Izrẹlụ. I mẹgụ a, y'a nwụnhụn laburu ndị nẹdi i.”
3
Ya Mozizi nọ sị ndị Izrẹlụ, “Han nị ikẹnnyẹ imẹ ụnụ nị ụnụ kwademẹ wẹ agha, nị wẹ jẹn d'a lụsọn ndị Midianị agha, mẹgwarị wẹ mmẹgwarị Osolobuẹ.
4
Họrị nị madụ nnụ-uku ebọn ohu-ohu rị Izrẹlụ zijẹn aghanị.”
5
Ya wẹ nọ gha Izrẹlụ ile họrị madụ nnụ-uku mmẹbụọ: ebọn-ebọn nnụ-uku ohu-ohu; wẹ nọ kwademẹ wẹ agha, kịpụha wẹ.
6
Ya kẹ Mozizi nọ zi wẹ agha, madụ nnụ-uku ebọn ohu, nnụ-uku ebọn ohu ahụn, uwẹ lẹ nwa Ẹliẹza onyẹ nchụn-ẹjan wụ Finẹhasị hụn kị opi-agha lẹ ihiẹn ndị wẹ weri imẹ Ọdụ-nsọ.
7
Wẹ nọ lụsọn ndị Midianị agha hụ Osolobuẹ gwa Mozizi, gbuchanrịn ikẹnnyẹ ile.
8
Wẹ gbuzikwọ ndị-nze Midianị ndịnị cheni ikẹnnyẹ wẹ gbu: Ẹvi, Rẹkẹm, Zọ, Họ lẹ Reba — ndị-nze Midianị isẹn; wẹ gi ọpịa-agha gbuzikwọ Balaam nwa Bioru.
9
Ndị-agha Izrẹlụ nọ nwụnrụn ikpoho lẹ ụmụ-ẹka Midianị, kpụnrụnchanrịn efin wẹ lẹ ewu lẹ atụnrụn wẹ, kwarị ihiẹn wẹ ile, e họnrin wẹ ihiẹn wẹ welụa agha.
10
Wẹ dụnchanrịn obodo wẹ ọkụn: kẹ ndị wẹ bi kẹ ebe ile wẹ ziẹntọhụ eziẹntọ.
11
Wẹ nọ buru ihiẹn ndị ahụn ile wẹ gbukwarị, kẹ ịhịan kẹ anụ:
12
Wẹ nọ we ndị ahụn wẹ nwụnrụn lẹ ihiẹn ndị ahụn wẹ kwalụa d'e kunrun Mozizi lẹ Ẹliẹza onyẹ nchụn-ẹjan lẹ Izrẹlụ ile ebẹhụ wẹ rị alị-aradan Mụabụ, mkpẹnrẹn Iyi Jọdanị, ihun Jẹriko.
13
Mozizi lẹ Ẹliẹza lẹ ndị-isi Izrẹlụ ile nọ gha ebẹhụ Izrẹlụ ziẹntọ pụha d'e kunrun wẹ.
14
E ru w'ẹ, Mozizi nọ bumẹni ndị-isi ndị-agha ahụn lụaha agha olulu — ndị kịsọnmẹ madụ nnụ-uku lẹ ndị kịsọnmẹ madụ ọgụn-isẹn.
15
Ọ sị wẹ, “Kị ụnụ dọnmẹni ikpoho wẹ ndụn?!
16
Lee ẹnya, uwẹ gi ọdụn Balaam dụn wẹ mẹ Izrẹlụ gbakịtọ Osolobuẹ azụụn imẹ alị Pioru, hụn ọnwụn gi gbu ndị o gbu imẹ igunrun ndị nke Osolobuẹ!!
17
Gbuchanrịn nị nwan ụmụna ikẹnnyẹ ile, ụnụ e gbu okpoho ọwụlẹ sọngụ okẹnnyẹ ranhịn.
18
Kanị nwata-okpoho ọwụlẹ kelẹni sọn okẹnnyẹ ranhịn sikọ d'a wụ nke ụnụ.
19
“Onyẹ ọwụlẹ imẹ ụnụ hụn gbu ịhịan imẹ aghanị mọbụ hụn ẹhụ a mẹtụ ozun y'a banhanlẹ ebeni ịhịan ile bi d'e ru akp'ọhịn ẹsa. Nke akp'ọhịn ẹtọ lẹ nke akp'ọhịn ẹsa rịn'a ụnụ e mẹ ihiẹn ụnụ lẹ ndị ụnụ nwụnrụn e gi rị ọchan.
20
Mẹzikwọ nị ẹwuru ọwụlẹ lẹ ihiẹn ọwụlẹ wẹ gi akpụkpọ lẹ ẹṅẹnrẹn-ewu mẹmẹ lẹ ihiẹn-osisi ile ẹrịra.”
21
Ya Ẹliẹza onyẹ nchụn-ẹjan nọ sị ndị-agha ahụn ile jẹn ọgụn hụ, “Lee ni iwu Osolobuẹ ye Mozizi:
22
Nke goru, siliva, igwe-bronzu, igwe-mmaka, igwe-ogbogoro lẹ igwe-lẹdi
23
lẹ ihiẹn ndị ọzọ ghalẹni a dụn ọkụn, ụnụ sikọ d'e bu wẹ che ọkụn; wẹ buchegụ wẹ ọkụn, a rị wẹ ọchan; kanị wẹ sikọ d'e fezi wẹ mirin hụ wẹ gi e mẹ ihiẹn arịzị ọchan. Kanị ihiẹn ọwụlẹ a dụn ọkụn, mirin hụ wẹ gi e mẹ ihiẹn a rịzị ọchan sụọ kẹ wẹ sikọ d'e gi mẹ wẹ wụbehi ndị rụnị.
24
Nke akpọhịn ẹsa rịn'a, ụnụ a sụ ẹkwa ụnụ, ụnụ a wụbehi ndị rụnị. Ụnụ mẹgụọ a, ụnụ nwọn nwan ikẹn banhan ebe ịhịan ile bi.”
25
Osolobuẹ nọ sị Mozizi,
26
“Ịyụ lẹ Ẹliẹza onyẹ nchụn-ẹjan lẹ ndị-isi ikpụlọ Izrẹlụ, gụn nị ịhịan lẹ anụ ile wẹ welụa agha.
27
Kebeni ihiẹn ndị hụ wẹ bulụa agha ẹbụọ — ohu wụ nke ndị hụn jẹn agha, ohu wụ nke Izrẹlụ ile.
28
“Na nị ndị hụ jẹn agha ụtụ ye Osolobuẹ: imẹ ọgụn-isẹn kwasị nnụ ọwụlẹ rị ndụn wẹ bulụa, nanị wẹ ohu: kẹ ịhịan kẹ efin kẹ jaki kẹ atụnrụn.
29
Nọ nị azụụn nke wẹ weri ẹ, ụnụ e we ẹ ye Ẹliẹza onyẹ nchụn-ẹjan, n'ọ wụrụ ihiẹn wẹ tụnị Osolobuẹ.
30
Ụnụ a nọ azụụn hụn wụ nke ndị Izrẹlụ werisọnmẹ ohu-ohu imẹ iri kwasị ọgụnnaị ọwụlẹ, kẹ ịhịan kẹ efin kẹ jaki kẹ atụnrụn kẹ anụ ndị ọzọ ile. We ni hụnnị ye ndị Livaị hụn e lepụ Ọdụ Osolobuẹ ẹnya.”
31
Ya Mozizi lẹ Ẹliẹza onyẹ nchụn-ẹjan nọ mẹ kẹ Osolobuẹ dọn gwa Mozizi.
32
Hụn họdụ imẹ wẹ ile ndị-agha gbukwarị wụ atụnrụn nnụ-uku mmịsẹn-kwasị-ọgụn-ẹtọ kwasị nnụ-uku nnụ (675,000),
33
efin nnụ ọgụn-itenẹi (72,000),
34
jaki nnụ-uku ohu-kwasị-ọgụn-ẹtọ (61,000)
35
lẹ ụmụna ikpoho nnụ ọgụn-ẹnọ (32,000) kelẹni marịn okẹnnyẹ.
36
Ahanmahan wẹ ile ru ndị-agha hụ ẹka, hụn wụ nnụ-uku mmẹsa lẹ mkpikpi kwasị nnụ-uku ọgụn-mmisin (337,500);
37
hụn wụ nke Osolobuẹ imẹ ẹ nọ wụrụ mmisẹn-kwasị-ọgụn-mmẹtọ kwasị nnụ (675),
38
Imẹ ahanmahan hụ, efin wụ nnụ-uku mmisin-kwasị-ọgụn (36,000); hụn wụ nke Osolobuẹ nọ gba mmẹbụọ kwasị ọgụn-ẹtọ,
39
jaki rị nnụ-uku iri-kwasị-ọgụn lẹ mkpikpi (30,500); nke Osolobuẹ nọ wụrụ ohu kwasị ọgụn-ẹtọ.
40
Ụmụna ikpoho rịn'a rị nnụ-ọgụnnaị (16,000), nke Osolobuẹ nọ wụrụ mmadụ mmẹbụọ kwasị ọgụn.
41
Ya Mozizi nọ mẹ kẹ Osolobuẹ dọn gwa a, we hụn wụ nke Osolobuẹ ye Ẹliẹza onyẹ nchụn-ẹjan.
42
Ahanmahan hụn ru ndị Izrẹlụ wụlẹni ndị-agha ẹka ogẹn Mozizi gi kegụ ihiẹn ndị hụ wẹ bulụa agha, wepụgụ nke ndị-agha hụ,
43
wụ ndịnị: atụnrụn nnụ-uku mmẹsa lẹ mkpikpi kwasị nnụ-uku ọgụn-mmisin (337,500);
44
Imẹ wẹ, efin rị nnụ iri-kwasị-ọgụn-ẹnọ (36,000);
45
jaki rị nnụ-uku iri-kwasị-ọgụn lẹ mkpikpi (30,500);
46
ịhịan rịn'a wụ nnụ-uku mmisin (16,000).
47
Ya Mozizi nọ mẹ kẹ Osolobuẹ dọn gwa a, gha azụụn hụn ru ndị Izrẹlụ họdụnị ẹka wepụhasọnmẹ ohu-ohu imẹ iri kwasị ọgụnnaị ọwụlẹ — kẹ ịhịan kẹ anụ, we wẹ ye ndị Livaị hụn e lepụ Ọdụ Osolobuẹ ẹnya.
48
Ya kẹ ndị-isi agha hụ kị itu-itu jẹn agha hụ nọ jẹn d'e kunrun Mozizi, kẹ ndị kịsọnmẹ madụ nnụ-uku kẹ ndị kị madụ ọgụn-isẹn,
49
wẹ nọ sị Mozizi, “Diọkpa, ẹnyi a gụngụọ ndị ẹnyi kịjẹn agha, onwọnni onyẹ pụn'a.
50
Ẹnyi nọ nwan wẹhẹsọnmẹni Osolobuẹ ihiẹn-goru onyẹ-onyẹ nwọnhẹn agha d'a gbarị isi ẹnyi ihun Osolobuẹ, kẹ ihiẹn-ẹka ichẹn-ichẹn kẹ ọla mkpịnsịn-ẹka wẹ gi e biye ẹka kẹ ihiẹn-ntịn kẹ ihiẹn-olu.”
51
Mozizi lẹ Ẹliẹza onyẹ nchụn-ẹjan nọ narịn wẹ goru ndị ahụn, ihiẹn ile wụ ihiẹn wẹ kpụ.
52
Goru ile hụn ndị ọkị-agha kanị lẹ ndị ọkị-agha nta wẹhẹni Osolobuẹ, hụn Mozizi lẹ Ẹliẹza gi ye Osolobuẹ oyiye wụ akpụrụ goru iri-kwasị-ọgụn-mmẹbụọ kwasị nnụ-uku-mmisin-lẹ-nkrishi (16,750), kilo iri-kwasị ọgụn-itenẹi (190kg).
53
Onyẹ-onyẹ imẹ ndị-agha rị okpuru ndịnị e nwọnzighọ ihiẹn o weri imẹ agha hụ cheni ndịnị wẹ ile gba kpọnpụha.
54
Mozizi lẹ Ẹliẹza onyẹ nchụn-ẹjan nọ narịn ndị ọkị-agha kanị lẹ ndị ọkị-agha nta goru hụ, bubanhan wẹ imẹ Ọdụ-ozuzu — n'ọ wụrụ ihiẹn Osolobuẹ gi a nyanhan ndị Izrẹlụ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36