bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 21
Numbers 21
Ika 2018 Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Ogẹn eze ndị Kenaanị alị Aradị hụn bi Nẹgẹvụ gi nụ nị ndị Izrẹlụ ghala ụzọ wẹ gha e jẹn Atari, ọ nọ jẹn d'a maye ndị Izrẹlụ ọgụn, nwụnrụn ndị ọ nwụnrụn imẹ wẹ.
2
Ya ndị Izrẹlụ nọ gi ihiẹnni wẹ mẹ wẹ kwe Osolobuẹ nkwa, sị, “Omẹni y'a nị ẹnyi mẹri ndịnị, ẹnyi jẹnkọ d'e tikpọn'ị obodo wẹ rị ichẹn-ichẹn rụ alị, a wụrụ wẹ ihiẹn wẹ gichanrịn kwanị Osolobuẹ!”
3
Ya kẹ Osolobuẹ nọ mẹni ndị Izrẹlụ ihiẹn wẹ rịọ, mẹ ndị Kenaanị hụ danye wẹ ẹka; wẹ nọ tikpọchanrịnn'a obodo ndị hụ ru alị. Ya haịn wẹ gi kpọ ebẹhụ “Homa” hụn wụ “Otikpọ.”
4
Wẹ nọ gha Ugu Họ ghasọnmẹ ụzọ hụn pụ Ohimin-ufie, nị wẹ gi ghakpẹn Ẹdọm. Kanị, e ru wẹ ụzọ, ndị Izrẹlụ asazịnị ẹka din ndidin;
5
wẹ nọ kọrịamanị Osolobuẹ lẹ Mozizi, sị, “Kị ụnụ ghanị Ijiptu wepụha ẹnyi d'a nwụntọ imẹ atụnị? Brẹdi arịa! Mirin arịa! Ndụn ihiẹn-oririni nwọnlẹni-isi a gụgụọ ẹnyi!”
6
Osolobuẹ nọ zi agwọ nwọn eje-ẹdide ye imẹ igunrun wẹ; agwọ ndị hụ nọ ta wẹ, ndị Izrẹlụ bu ọda nọ nwụnhụn.
7
Wẹ nọ bịa d'e kunrun Mozizi, sị, “Ẹnyi mẹ njọ ebe ẹnyi nọ kuja oku Osolobuẹ lẹ oku i. Dodo, mẹ ekpere nị Osolobuẹ wepụnị ẹnyi agwọ ndịnị.” Mozizi nọ mẹni wẹ ekpere.
8
Osolobuẹ nọ sị Mozizi, “Kpụ agwọ; y'e zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta hụn lee agwọ hụ kọnrin elu ẹnya sikọ d'a rị ndụn.”
9
Ya Mozizi nọ gi igwe-ụda kpụ agwọ, zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta weshi ẹnya elu lee agwọ igwe-ụda hụ, ọ rị ndụn.
10
Ndị Izrẹlụ nọ jẹnshi ihun, ziẹntọ Obotu.
11
Wẹ nọ gha Obotu buli, ziẹntọ Iye-Abarim, imẹ alị ọkpọ-nkụn hụ rị ẹbamịn ọwụwa-ẹnyanwụn hụn bu ihun zinmẹ alị Mụabụ.
12
Omẹgụ, wẹ nọ gha ebahụn buli, ziẹntọ Ọdanmgbugbu Zẹrẹdi.
13
A gha wẹ Ọdanmgbugbu Zẹrẹdi buli, ya wẹ nọ ziẹntọ mkpẹnrẹn iyi Anọnụ, hụn rị alị ọkpọ-nkụn ahụn shịaru ẹgbẹrẹ ndị Amọ. Iyi Anọnụ kẹ alị Mụabụ jẹndemẹ; ọ rị ẹgbata alị Mụabụ lẹ alị ndị Amọ.
14
Ya kẹ Ẹkụkwọ Agha Osolobuẹ gi sị, “Wahẹbụ rị alị Sufa lẹ ọdanmgbugbu ndị ahụn rịn'a; Iyi Anọnụ
15
lẹ ọdanmgbugbu ẹ wẹ gha e ru alị Arẹ; ọdanmgbugbu ẹ hụn ghasọnmẹ ogele okẹn alị Mụabụ.”
16
Wẹ nọ gha ebahụn jẹnsọnmẹ d'e ru ọmị Biẹ, ọmị ahụn Osolobuẹ nọ sị Mozizi, “Kpọkikomẹ wẹ ile kẹni m ye wẹ mirin.”
17
Ya Izrẹlụ nọ bụ ẹbụ, sị, “Euu ọmị, mụpụha mirin! Gi n'ẹ bụ ẹbụ —
18
ọmị hụ ndị-isi gu, ọmị hụ ndị-ichẹn gu; ndị-ichẹn bu ọkpọ onyẹ-ọkịkị lẹ ọkpọ onyẹ-onyẹ imẹ wẹ.” Ya wẹ nọ gha alị ọkpọ-nkụn shi Matana,
19
gha Matana shi Nahaliẹlụ, gha Nahaliẹlụ shi Bamotu,
20
gha Bamotu shi ọdanmgbugbu ahụn rị Mụabụ, ẹhụ mkpọnụnụ Ugu Pisga, hụn wẹ a nọ e legha alị ọkpọ-nkụn Jeshimọnụ.
21
Ya ndị Izrẹlụ nọ han ụkọ jẹnni Sihọnụ, eze ndị alị Amọ, sị a,
22
“Dodo, nị ẹnyi gha alị ị: ẹnyi akụyekọ ugbo mọbụ alị vaịnị ọwụlẹ; ẹnyi arakọ mirin ọmị ọwụlẹ. Ẹnyi jẹnkọ d'a ghasọnmẹ Ụwaya-eze sụọ ẹnyi e we ghagụ alị ị.”
23
Kanị Sihọnụ a nịnị ndị Izrẹlụ gha alị a. Ọ kịrịdẹ ndị-agha a ile shi alị ọkpọ-nkụn d'a maye ndị Izrẹlụ, ọ pụha Jahazị, ọ nọ lụsọn ndị Izrẹlụ agha.
24
Ndị Izrẹlụ nọ mẹri ya lẹ ndị-agha a, gbupụ wẹ, weri alị a: ghakwọrị Iyi Anọnụ d'e ru Iyi Jabọkụ; kanị, abanyeni wẹ alị ndị Amọnụ makẹni mgbọn rị okẹn wẹ.
25
Ya ndị Izrẹlụ nọ mẹrichanrịn obodo ndị Amọ ile, birisọnmẹ imẹ wẹ, kẹ isi-alị wẹ wụ Hẹsh'bọnụ kẹ ụmụ-alị ile nọhunmẹn'ẹ.
26
Hẹsh'bọnụ te wụ isi-alị Sihọnụ eze ndị Amọ hụn wẹ mẹri nwan. Sihọnụ te maye eze alị Mụabụ, narịnkwama a alị a ile d'e rukwọrị Iyi Anọnụ.
27
Ya kẹ onyẹ-ẹbụ gi sị, “Bịa Hẹsh'bọnụ nị wẹ tụndọnzi ẹ, nị obodo Sihọnụ nọzị k'ọ nọ mbụ.
28
Ọkụn te gha Hẹsh'bọnụ pụha, ọkụn rị e nwunni te gha obodo Sihọnụ pụha: ọ dụnpụ obodo Arẹ rị alị Mụabụ, dụnpụ ndị bi alị-ugu Anọnụ.
29
Ụya e gbuẹ i, Mụabụ! E tikpọ wẹ ụnụ, ndị e fe Kẹmọshi! Kẹmọshi a lagụọ ụmụ a ikẹnnyẹ tọ, e họnrin wẹ ndị wẹ rị a chụ achụ, ọ lagụọ ụmụ a ikpoho tọnị wẹ nwụnrụn, la wẹ tọnị Sihọnụ eze Amọ!
30
Kanị ẹnyi e mẹrigụọ wẹ nwan! Hẹsh'bọnụ a gụgụọ — d'e rudẹ Dibọnụ! Ẹnyi e tikpọchanrịngụọ wẹ d'e rukwọrị Nọfa, d'e rukwọrị Mẹdẹba.”
31
Ya ndị Izrẹlụ nọ biri alị ndị Amọ.
32
Mozizi nọ zi ndị o zi, e lelegụ wẹ alị Jaza, ya ndị Izrẹlụ nọ mẹri ụmụ-alị ndị nọhunmẹ Jaza, narịn ndị Amọ bi ebẹhụ alị wẹ.
33
O mẹgụ, ndị Izrẹlụ nọ hutọ, ghashi ụzọ Bashanị. Ọgụ hụn wụ eze Bashanị, lẹ ndị-agha a ile nọ pụha d'a lụsọn wẹ ọgụn imẹ obodo Ẹdrẹi.
34
Osolobuẹ nọ sị Mozizi, “Atụlẹ ni egun ẹ, makẹni e wegụọ m'a ye ụnụ mẹri, ịya lẹ ndị-agha a ile lẹ alị a. Mẹn'ẹ ihiẹn ụnụ mẹ Sihọnụ eze Amọ, hụn te nọ Hẹsh'bọnụ a kị ndị Amọ.”
35
Ya wẹ nọ mẹri Ọgụ, gbu ẹ, ịya lẹ ụmụ a ikẹnnyẹ lẹ ndị-agha a ile, alatọnịnị wẹ wẹ onyẹ ọwụlẹ. Ya wẹ nọ weri alị a.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36