bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Numbers 4
Numbers 4
Ika 2018 Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Osolobuẹ sị Mozizi lẹ Ẹrọnụ,
2
“Gụn nị ụmụ Kohatị rị ebọn Livaị, gụn nị wẹ ẹbozo-ẹbozo lẹ ikp'ụlọ-ikp'ụlọ.
3
Gụn nị ikẹnnyẹ ile rị gha nwa ahụa iri kwasị ọgụn d'e ru ahụa iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu.
4
“Ọnwan wụ ọrụn ndị Kohatị k'a rụn imẹ Ọdụ-ozuzu: wẹ nwọn e lepụ ihiẹn ndị kachanrịn nsọ ẹnya.
5
Ogẹn ọwụlẹ ndị Izrẹlụ jẹnkọ d'a gha ebe wẹ ziẹntọ buli, Ẹrọnụ lẹ ụmụ a a banye d'e kọntu Ẹkwa-mgbọnkin, gi ẹ kpumẹ Ẹkpẹti Ashịa-ẹri.
6
E gizi wẹ akpụkpọ efin-ohimin kpumẹ hụn ahụn; gizi ẹkwa e nwun bru-bru kpumẹ elu wẹ; a bịa wẹ d'a fa akp'osisi ẹbụọ ndị hụ wẹ gi e bu ẹ ye ọnọdị wẹ.
7
“E gi wẹ ẹkwa bru gbama elu teburu hụ w'e butọnị m brẹdi, bu mmụ-afẹrẹ lẹ ugbẹgbẹ-nta lẹ ugbẹgbẹ-uku ndị rị ebẹhụ che elu ẹ, wẹ lẹ afẹrẹ lẹ mkpu ndị wẹ gi e huye manya oyiye-manya; brẹdi hụ a rị elu teburu hụ ogẹn ile k'a rịsọnmẹ ọnọdị a elu teburu hụ.
8
A bịa wẹ d'e gi ẹkwa e nwun ufie-ufie gbama elu ihiẹn ndịnị, gi akpụkpọ efin-ohimin kpumẹ ẹkwa hụ, bu akp'osisi ndị hụ wẹ gi e bu ẹ che ọnọdị wẹ.
9
“Wẹ k'e weri ẹkwa bru kpumẹ obu-ukpẹ, hụn wẹ gi a mụye ukpẹ, ya lẹ ụmụ-ukpẹ ndị rị elu ẹ, nwa-mbu wẹ gi a fị a lẹ mgbadọn ndị rịn'a, lẹ ẹkpoko ẹ ile wẹ gi a gbaye ofigbọn-olivu wẹ gi a mụ ukpẹ hụ,
10
a bịa wẹ d'e gi akpụkpọ efin-ohimin fụma obu-ukpẹ hụ lẹ ihiẹn ile sọnn'ẹ, dọ a ye elu ihiẹn w'e gi e bu ẹ.
11
“Nke ukpo goru hụ w'a nọ a mụ nsẹnsi, wẹ k'e gi ẹkwa bru gbama elu ẹ, gi akpụkpọ efin-ohimin kpumẹ ẹ, bu akp'osisi ndị hụ wẹ gi e bu ẹ che ọnọdị wẹ.
12
“Wẹ k'e kpọnrin ihiẹn ile họdụnị wẹ gi a rụn ọrụn imẹ Ọdụ-ozuzu lẹ enwẹn ẹ, gi ẹkwa bru fụma wẹ, gi akpụkpọ efin-ohimin kpumẹ ẹkwa hụ, dọ wẹ ye elu ihiẹn wẹ gi e bu ẹ.
13
“Wẹ k'e kpọnpụ ntụn rị elu ukpo igwe-bronzu ahụn rị ihun-ezi wẹ nọ a dụn ẹjan ọkụn, gi ẹkwa e nwun pọpụ kpumẹ elu ẹ.
14
A bịa wẹ d'e bu ihiẹn ile wẹ gi a rụn ọrụn gbashịarị ukpo hụ che elu ẹ: kẹ ibe ihiẹn ndị wẹ gi e bi ọkụn, ndụndụn ndị wẹ gi a dụn anụ, ọsẹkẹ wẹ gi e kpọnpụ ntụn, afẹrẹ ndị hini. Wẹ k'e gi akpụkpọ efin-ohimin kpumẹ elu ẹ, bu akp'osisi ndị wẹ gi e bu ẹ che ọnọdị wẹ.
15
“Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.
16
“Ẹliẹza nwa Ẹrọnụ onyẹ nchụn-ẹjan k'e lepụ ofigbọn-olivu wẹ gi a mụ ukpẹ ẹnya, ya lẹ nsẹnsi e shi ọhụnma, ọka wẹ gi e ye oyiye ụhụọhịn-ụhụọhịn lẹ udẹn-nsọ. Ẹka a kẹ Ọdụ-nsọ hụ lẹ ihiẹn ile rị imẹ ẹ k'a rịchanrịn, kẹ Ọdụ-nsọ lẹ enwẹn ẹ lẹ ihiẹn ẹ ile.”
17
Osolobuẹ sị Mozizi lẹ Ẹrọnụ,
18
“Anịkwọlẹ nị m gbupụ ndị ebọn Kohatị imẹ ebọn Livaị —
19
lee nwan ihiẹn ụnụ jẹnkọ d'e mẹ makẹ wẹ gha a nwụn ebe wẹ rị a nọkunmẹ ihiẹn ndị ahụn rịchanrịn nsọ: Ẹrọnụ lẹ ụmụ a k'a banye d'a ghọsịgụ onyẹ-onyẹ ọrụn a lẹ ihiẹn o k'e bu.
20
Kanị ndị Kohatị abanyekọkwọ d'e gi ẹnya hụn ihiẹn ndị hụ rị nsọ, kaka — ọsụọn'a njube-ẹnya ohu, amamgbe w'a nwụn.”
21
Osolobuẹ nọ sị Mozizi,
22
“Gụn ụmụ Gẹshọnụ rị ebọn Livaị ẹbozo-ẹbozo lẹ ikp'ụlọ-ikp'ụlọ.
23
Gụn ikẹnnyẹ ile rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu.
24
“Ọnwan wụ ọrụn ebozo Gẹshọnụ, ihiẹn wẹ sikọ d'a rụn lẹ ihiẹn wẹ k'e bu lẹ kẹ w'a dọn e bu ẹ;
25
Wẹ nwọn e bu ẹkwa ndị wẹ gi tan Ọdụ-nsọ lẹ enwẹn ẹ lẹ ihiẹn ndị wẹ gi kpu elu ẹ lẹ akpụkpọ efin-ohimin hụ wẹ gi kpukwasị wẹ lẹ ẹkwa wẹ gi tankin ọnụmụzọ Ọdụ-nsọ
26
lẹ ẹkwa ndị wẹ gi tanhunmẹ ezi Ọdụ-ozuzu lẹ ukpo nchụn-ẹjan hụn rị imẹ ẹ lẹ ẹkwa wẹ gi tankin ọnụ-mgbọn ẹ lẹ eriri lẹ ihiẹn ile wẹ gi a rụn ọrụn a. Ndị Gẹshọnụ nwọn a rụn ọrụn ile gbashịarị ihiẹn ndịnị.
27
Okpuru ụmụ Ẹrọnụ kẹ w'a nọ rụn ọrụn wẹ ile, kẹ ibu-ibu kẹ ọrụn ndị ọzọ họdụnị. I k'e we ihiẹn ile wẹ k'a gha e bu che wẹ ẹka.
28
Hụnnị wụ ọrụn rịnị ebozo Gẹshọnụ imẹ Ọdụ-ozuzu; wẹ k'a rụn ọrụn wẹ okpuru Itama nwa Ẹrọnụ onyẹ nchụn-ẹjan.
29
“Gụn ụmụ Mẹrari rị ebọn Livaị ẹbozo-ẹbozo lẹ ikp'ụlọ-ikp'ụlọ.
30
Gụn ikẹnnyẹ ile rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu.
31
Ọnwan wụchanrịn ọrụn wẹ k'a gha a rụn imẹ Ọdụ-ozuzu, ibu ihiẹn ile kwọndọn Ọdụ-ozuzu, kẹ ibe-osisi ndị wẹ gi mẹmẹ ẹhụ Ọdụ-nsọ lẹ enwẹn ẹ kẹ akp'osisi ndị wẹ gisọnmẹ fiẹnbepụ wẹ kẹ adansụn a ile kẹ ụkụ adansụn ile
32
kẹ adansụn ndị wẹ gi tanhunmẹ ezi Ọdụ-ozuzu lẹ ụkụ wẹ kẹ mkpụkpọ lẹ eriri ile wẹ gi e kwọndọn Ọdụ-ozuzu lẹ ihiẹn ile wẹ lẹ ndịnị wị. Gwa onyẹ-onyẹ imẹ wẹ ihiẹn ọ k'a gha e bu.
33
Ọnwan wụchanrịn ọrụn ebozo Mẹrari, ịya kẹ wẹ k'a gha a rụn imẹ Ọdụ-ozuzu, okpuru Itama nwa Ẹrọnụ onyẹ nchụn-ẹjan.”
34
Ya Mozizi lẹ Ẹrọnụ lẹ ndị-isi ndị Izrẹlụ nọ gụn ụmụ Kohatị ẹbozo-ẹbozo lẹ ikp'ụlọ-ikp'ụlọ.
35
Ikẹnnyẹ ile hụn rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu;
36
wẹ ile hụ wẹ gụn ẹbozo-ẹbozo rị iri kwasị ọgụn-mmẹsa kwasị nnụ-isin (2,750).
37
Ọnwan wụ mmadụ ole ụmụ Kohatị ru hụn a rụn ọrụn imẹ Ọdụ-ozuzu hụn Mozizi lẹ Ẹrọnụ gụn kẹ Osolobuẹ dọn gwa Mozizi rị.
38
Wẹ gụnzịkwọ ụmụ Gẹshọnụ ẹbozo-ẹbozo lẹ ikp'ụlọ-ikp'ụlọ:
39
ikẹnnyẹ ile hụn rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu,
40
hụn wẹ gụn ẹbozo-ẹbozo lẹ ikp'ụlọ-ikp'ụlọ, rị madụ iri-kwasị-ọgụn-isin kwasị nnụ-uku ẹbụọ-lẹ-mkpikpi (2,630).
41
Ẹrịra kẹ ụmụ Gẹshọnụ ru hụn a rụn ọrụn imẹ Ọdụ-ozuzu han ọda, ndị Mozizi lẹ Ẹrọnụ gụn mgbe Osolobuẹ gwa wẹ.
42
Wẹ gụnzịkwọ ụmụ Mẹrari ẹbozo-ẹbozo lẹ ikp'ụlọ-ikp'ụlọ:
43
ikẹnnyẹ ile rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu,
44
hụn wẹ gụn ẹbozo-ẹbozo, rị madụ nnụ-ẹsatọ (3,200).
45
Ẹrịra kẹ ụmụ Mẹrari han ọda. Mozizi lẹ Ẹrọnụ gụn wẹ kẹ Osolobuẹ dọn gwa Mozizi.
46
Ya wụ, Mozizi, Ẹrọnụ lẹ ndị-isi ndị Izrẹlụ gụn ndị Livaị ile ẹbozo-ẹbozo lẹ ikp'ụlọ-ikp'ụlọ:
47
ikẹnnyẹ ile rị gha nwa ahụa iri kwasị ọgụn d'e ru iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu, kẹ wẹ gụn;
48
ndị wẹ gụn, rị ọgụn-itenẹi kwasị nnụ kwasị nnụ-uku ẹsatọ (8,580).
49
Wẹ nọ mẹ ihiẹn Osolobuẹ gwa Mozizi, yesọnmẹ onyẹ-onyẹ ọrụn a, gwa a ihiẹn o k'a gha e bu. Kẹ Osolobuẹ dọn gwa Mozizi kẹ wẹ dọn gụn wẹ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36