bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Hosea 1
Hosea 1
Ilokano (Ti Biblia (1973))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
1
Ti sao ni Jehova a dimteng ken ni Oseas, anac ni Beri, cadagiti al-aldaw ni Ozias, Jotan, Acaz, ken Ezekias, ar-ari ti Juda, ken cadagiti al-aldaw ni Jeroboam, anac ni Joas, ari ti Israel.
2
Idi immuna a panagsao ni Jehova babaen ken ni Oseas, ni Jehova kinunana ken ni Oseas, Inca mangalaca iti maipaay kenca ti maysa nga asawa ti pannakicamalala ken annac ti pannakicamalala; ta iti daga agaramid ti dackel a pannakicamalala a sumina ken ni Jehova.
3
Iti casta napan ket innalana ni Gomer, anac a babai ni Diblaim, ket nagsicug, ket inyanacna kencuana ti maysa a lalaki.
4
Ket ni Jehova imbagana kencuana: Ipanaganmo kencuana ti Jezrael; ta iti mabiit manipud ita, siac ibalesconto ti dara ni Jezrael iti balay ni Jehu, ket pasardengecto iti pagarian ti balay ti Israel.
5
Ket maaramidto iti dayta nga aldaw a bungtolecto ti ba-i ti Israel idiay lobong a Jezrael.
6
Ket nagsicug manen ken inyanacna ti maysa a babai. Ket imbaga ni Jehova kencuana, Ipanaganmo kencuana ti Lo-ruhama; ta siac, awanen ti caasic iti balay ti Israel, nga uray casano diac coma pacawanen ida.
7
Ngem addanto asic iti balay ti Juda, ket isalacanconto ida babaen ken Jehova a Diosda, a diacto ket icanawa ida a maaramat ti ba-i, uray campilan, uray bacal, uray cabcabayo, ken uray tattao nga agcabayo.
8
Ket idi a napusotna ni Lo-ruhama, nagsicug, ket impasngayna ti maysa a lalaki.
9
Ket kinuna ni Jehova, Ipanaganmo kencuana ti Lo-ammi; gapu ta saancayo nga ilic, ken saanacto a Diosyo.
10
Nupay casta ti bilang dagiti annac ti Israel caslanto iti darat ti baybay, a di-mabalin a sucaten ken bilangen; ket maaramidto iti lugar a naisao cadacuada, Saancayo nga ilic, maibaganto cadacuada, Dacayo ti annac ti Dios a sibibiag.
11
Ket dagiti annac ti Juda ken dagiti annac ti Israel maurnongdanto, ket dutokendanto cadacuada met laeng ti maysa a pangolo, ket sumang-atdanto nga aggapu iti daga; ta dackelto ti aldaw ni Jezrael.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
All chapters:
1
2
3
4
5
6
7
8
9
10
11
12
13
14
Recommended Reading
Commentary
Hosea Commentaries
→
Devotional
Hosea Devotional Guide
→
Get This Bible
1973 Study Bible
→