bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Luke 14
Luke 14
Ilokano (Ti Biblia (1973))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Ket naaramid nga idi simrec iti balay ti maysa a panguloen dagiti Fariseo iti maysa nga aldaw a panaginana a mangan ti tinapay, isu sinisiimda.
2
Ket adtoy, adda iti sangoananna ti maysa a tao nga imbal.
3
Ket ni Jesus nakisao cadagiti mamasirib iti linteg ken cadagiti Fariseo, a cunana: Maipalubos ti panangagas iti aldaw a panaginana wenno saan?
4
Ngem dida naguni. Ket isu iniggamanna, ket pinaimbagna ket pinagawidna.
5
Ket kinunana cadacuada: Asino cadacayo ti adda asno wenno vacana a natnag iti bubon, ket dinanto alawen a dagus iti aldaw a panaginana?
6
Ket dida nabalin a sinungbatan dagitoy a banag.
7
Ket idi madlawna no casano ti panangpili dagiti naawis cadagiti nagundawayan a tugaw, sinaona ti maysa a pangngarig, a cuncunana cadacuada:
8
No adda mangawis kenca iti pagbodaan, saanca a tumugaw iti nagundawayan a tugaw; di la ket ta adda natactacneng ngem sica nga inawisna,
9
Ket inton umay daydiay nangawis kenca ken isu, cunaennanto kenca: Itedmo iti daytoy ti tugaw: ken itinto casta, agininutcanto a sibabain a tumugaw iti cutit.
10
Ngem inton maawisca inca, ket agtugawca iti cababaan a saad; ta inton umay ti nangawis kenca, cunaenanto: Gayyem, umalisca iti nangatngato: itinto casta addanto dayawmo cadagiti makisango kenca iti panganan.
11
Ta amin a mangitan-octo iti bagina, maipababanto; ket ti agpacumbaba, maitan-octo.
12
Ket kinunana met idi nangawis kencuana. No agaramidca ti pangaldaw wenno pangrabii, dica awisen dagiti pagayammo, uray dagiti cacabsatmo, uray dagiti cacabagiam, uray dagiti caaroba a nabacnang; di la ket ta awisendaca met ket supapacandaca.
13
Ngem no agaramidca ti daya, ayabam dagiti napanglaw, dagiti pawad, dagiti pilay, dagiti bulsec:
14
Ket nagasatcanto: ta awan ti maisupapacda kenca; ta magonggonaancanto inton panagungar dagiti nalinteg.
15
Ket idi mangngeg daytoy ti maysa a nakisango iti panganan, kinunana kencuana: Nagasat ti manganto ti tinapay idiay pagarian ti Dios.
16
Ngem kinunana kencuana: Maysa a tao nagaramid ti dackel a pangrabii ket nangawis ti adu:
17
Ket iti horas ti panangrabii imbaonna ti adipenna a nagcuna cadagiti naawis: Umaycayo, ta adda a naisagana aminen.
18
Ket isuda amin nagrugida a nagpambar a naggigiddan. Ti umuna kinunana kencuana: Gimmatangac ti maysa a talon ket masapulco ti umaway ken kitaen daydiay: dawatec kenca nga ipacawannac.
19
Ket kinuna ti maysa: Gimmatangac ti lima a pagasawaan ti vaca ket innac ida padasen, dawatec kenca nga ipacawannac.
20
Ket kinuna ti sabali: Caccascasarco ket gapu itoy saanco a mabalin ti umay.
21
Ket idi nagsubli daydi adipen, impacaammona dagitoy a banag iti apona. Idin nagpungtot ti ama ti sangacabbalayan ket kinunana idi adipenna; Rumuarca daras cadagiti daldalan, ken cadagiti lanlansangan iti Ili ket iyegmo ditoy dagiti napanglaw, dagiti pawad, ken dagiti bulsec, ken dagiti pilay.
22
Ket kinuna di adipen: Apo, naaramid cas imbilinmo, ket adda pay laeng yan.
23
Ket kinuna di apo iti adipen: Rumuarca cadagiti daldalan ken cadagiti inalaladan ket ipapilitmo a sumrecda tapno mapno ti balayco.
24
Ta cunac cadacayo nga awan cadagiti tattao a naawis ti macaramanto iti pangrabiic.
25
Ket adu dagiti tao a sumursurot kencuana; ket idi a timmaliaw kinunana cadacuada:
26
No asinoman a tao ti umay caniac, ket dina guraen ni amana, ken ni inana, ken ni asawana ken dagiti annacna, ken dagiti cacabsatna a lallaki ken babbai, ken ti biagna met laeng, saan a macapagbalin nga adalac.
27
Uray siasino nga umay sumurot caniac ken dina baclayen ti cruzna saan a macapagbalin nga adalac.
28
Ta asino cadacayo ti, idinto a cayatna ti mangbangon ti maysa a torre, di agpanunot nga umuna cadagiti masapul a gastoen ta kitaenna no adda umanay a pangleppas?
29
Di la ket ta inton naicabilnan ti cimiento ket saana a mabalin a leppasenen, amin dagiti macakita rugianda nga uyuyungan.
30
A cuncuna: Daytoy a tao nangrugi a nangbangon ket dina nabalin a lineppas.
31
Wenno asino ti ari, nga idinto a mapan gumubat iti sabali nga ari, di agpanunot nga umuna, ket iyumanna no adda pannacabalinna a mangisango ti sangsangapulo a ribo iti daydiay umay manggubat kencuana, nga addaan duapulo a ribo?
32
Ta no saan, inton ti sabali, nga ari adda pay laeng iti adayu, mangibaonto ti mapan makitulag kencuana cadagiti condicion ti cappia.
33
No casta ngarud, uray siasino cadacayo a dina paglicudan dagiti isu-amin a cucuana saan a macapagbalin nga adalac.
34
Nasayaat ti asin; ngem no ti asin tumamnay, anianto ti pagtempla?
35
Awanen ti pagpaayanna, uray iti daga ken uray iti pagibel-lengan ti pagpataba; ngem ibel-lengda iti ruar. Ti adda pagdengngegna dumngeg coma.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24