bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Luke 24
Luke 24
Ilokano (Ti Biblia (1973))
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Ket iti umuna nga aldaw ti lawas, iti agsapa unay napanda iti tanem, nga incuyogda dagiti bangbanglo nga insaganada.
2
Ket nasaracanda ti bato a naligsay idi tanem.
3
Ket simrecda ket saanda a nasaracan ti bagi ni Apo Jesus.
4
Ket naaramid, nga idi addada a silalagaw gapu itoy, adtoy a nagsardeng iti dinnada dagiti dua a lallaki a nagcawes ti macapurar:
5
Ket gapu ta nagbutengda indumogda dagiti rupada iti daga, ket kinuna dagiti lallaki cadacuada: Apayapay sapulenyo cadagiti natay ti sibibiag?
6
Awan ditoy, no di ket nagungaren: laglagipenyo ti insaona cadacayo, idi adda pay laeng idiay Galilea.
7
A cuna: Masapul a ti Anac ti tao maiyawat cadagiti ima dagiti tao a managbasol, ken mailansa iti cruz, ken agungar iti maicatlo nga aldaw.
8
Ket nalagipda dagidi saona.
9
Ket nagawidda nanipud iti tanem, ket impadamagda, amin dagitoy cadagiti sangapulo ket maysa ken cadagiti isu-amin pay met a sabsabali.
10
Ket da Maria Magdalena, ken Juana ken ni Maria nga ina ni Santiago, ken dagiti sabsabali a caduada; sinaoda dagitoy a banag cadagiti apostol.
11
Ket dagitoy a saoda, impapanda nga arapaap ket dida ida pinati.
12
Ngem timmacder ni Pedro ket timmaray a napan idi tanem: ket idi a nagdumog, nakitana dagiti lupot a nailasin: ket nagawid a sisisiddaaw itoy a naaramid.
13
Ket adtoy, ti dua cadacuada napanda iti daydi met la nga aldaw iti maysa a puroc, a managan Emmaus nga dua a legua ti caadayuna idiay Jerusalem.
14
Ket agsarsaritada a duddua cadagiti amin a banag a napasamac.
15
Ket naaramid, nga idi agsasaoda, ken agsinsinnaludsudda, ni Jesus met laeng immasideg ket nakicuyog cadacuada.
16
Ngem dagiti matada nacul-laapanda, tapno isu dida mailasin.
17
Ket kinunana cadacuada: Ania a sarsarita dagitoy a sasaoenyo iti maysa ken maysa iti panpannagnayo? Ket nagsardengda a sililiday.
18
Ket simmungbat ti maysa, a managan Cleofas, ket kinunana kencuana: Sicsica laeng ti sangsangaili sadi Jerusalem, a dica ammo dagiti banag a naaramid sadiay cadagitoy nga aldaw?
19
Idin kinunana cadacuada: Ania a banbanag? Ket simmungbatda: Dagiti maipapan ken Jesus a Nazareno, isu a lalaki idi a mammadto, mannacabalin iti aramid ken sao iti sangoanan ti Dios ken ti isu-amin nga umili:
20
Ken no casano ti panangyawatda kencuana dagiti turayen dagiti papadi ken dagiti agturaytayo tapno maipato a matay, ken ti panangilansada kencuana iti cruz.
21
Ngem dacami ur-urayenmi idi nga isu coma ti manubbot iti Israel; wen ken sabali pay amin dagitoy, daytoy ti maicatlo nga aldawen nanipud idi naaramid dagitoy a banag.
22
Uray pay met dagiti dadduma a babbai cadagiti cadcaduami pinagsiddaawdacami, isuda nga itay dipay bimmigat napanda iti tanem;
23
Ket idi dida nasaracan ti bagina, immayda a cuncunada a nacakitada met ti maysa a buya dagiti angel isuda a nagcuna nga isu sibibiag.
24
Ket napan dagiti dadduma cadagiti caduami iti tanem, ket nasaracanda cas insao dagiti babbai; ngem isu saanda a nakita.
25
Ket kinunana cadacuada: O nacuneng a tattao ken naladaw ti panagpuspusoyo a mamati cadagiti isu-amin a sinao dagiti mammadto!
26
Saan aya a masapul idi a ni Cristo lac-amenna dagitoy a banag ken sumrec iti gloriana?
27
Ket idinto a rinugianna manipud ken Moises ken dagiti isu-amin a mammadto, impalawagna cadacuada dagiti amin a sursurat a mangsarita iti maipapan kencuana.
28
Ket immasidegda iti puroc a papananda, ket isu impakitana a cas la mapan iti adadayu.
29
Ngem isuda ingawidda a kinunada: Agbatica cadacami, ta rumabiin ket nalabes ti horasen. Ket isu simrec a nagbati cadacuada.
30
Ket naaramid nga idi nakisango cadacuada iti panganan, innalana ti tinapay, ket binendicionanna, ket pinisina ket intedna cadacuada.
31
Ket naglawag dagiti matada ket nabigbigda; ket isu nagpucaw cadagiti panagkitada.
32
Ket kinunada iti maysa ken maysa: Saan aya a rumayrayray ti pusota iti unegta, itay madama nga agsasao iti dalan, ken itay ilawlawagna cadata dagiti Sursurat?
33
Ket timmacderda iti daydi met la nga horas, ket nagsublida sadi Jerusalem, ket nasaracanda a nagoornong dagidi sangapulo ket maysa, ken dagiti adda a nakipaggian cadacuada.
34
Nga cuncunada: Nagungar a pudno ti Apo ket nagparang ken Simon.
35
Ket dagitoy sinaritada met dagiti naaramid iti dalan, ken no casano ti pannacailasinda kencuana idi pinisina ti tinapay.
36
Ket idi madamada a sasaoen dagitoy a banag, ni Jesus nagtacder iti nagtengngaanda ket kinunana cadacuada: Talna cadacayo!
37
Ngem isuda nakigtot ken nagbutengda, ket impapanda a nacakitada ti maysa nga espiritu.
38
Ngem isu kinunana cadacuada: Apayapay agkigtotcayo, ket apayapay rumasuc dagiti panagpanpanunot iti pusoyo?
39
Kitaenyo dagiti ima ken sacac, ta siac met laeng; aricapendac ket kitaenyo: ta ti espiritu awan ti lasag ken tulangna, a cas makitayo nga adda caniac.
40
Ket idi naisaona daytoy, impakitana cadacuada dagiti imana ken sacana.
41
Ket idi dida pay la patien gapu iti ragsac ken panagsidsiddaawda, kinunana cadacuada: Adda cadacay ditoy ti aniaman a macan?
42
Ket intedda kencuana ti sangcagerret nga ican a natuno ken bassit a tasa ti diro.
43
Ket isu innalana ket nangan iti sangoananda.
44
Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.
45
Idin linawaganna dagiti isipda, tapno maawatanda dagiti Sursurat;
46
Ket kinunana cadacuada: Casta ti adda a naisurat ken masapul a ti Cristo agsagaba, ken agungar cadagiti natay iti maicatlo nga aldaw;
47
Ket maicascasaba ti naganna ti panagbabawi ken ti pannacasubbot dagiti basbasol cadagiti isu-amin a nacion, a mangrugi iti Jerusalem.
48
Ket dacayo dagiti macasacsi cadagitoy a banag.
49
Ket adtoy, ibaonco ti cari ni Amac cadacayo; ngem agnaedcayo iti ciudad a Jerusalem, agingga iti maramenancayo iti pannacabalin ti ngato.
50
Ket inyawayna ida idiay Betania, ket intayagna dagiti imana, ket binendicionanna ida.
51
Ket naaramid nga idi benbendicionanna ida, pimmanaw cadacuada: ket naipangato sadi langit.
52
Ket isuda, iti calpasan ti panagdayawda kencuana, nagsublida idiay Jerusalem a siraragsac unay:
53
Ket naggigianda nga agnanayon iti Templo a nagdaydayaw ken nagyaman iti Dios.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24