bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Luke 7
Luke 7
Ilokano (Ti Biblia (1973))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Idi naipalawagnan amin dagitoy a banag cadagiti umili a nagdengngeg kencuana simrec idiay Capernaum.
2
Ket ti maysa nga adipen a dongdongoen ti maysa a Centurion, adda idi a masakit ket nganngani matay.
3
Ket idi nangngegna ti maipapan ken Jesus, imbaonna kencuana dagiti panglacayen dagiti Judio, tapno cararaganda nga umay coma ket agasanna ti adipenna.
4
Ket isuda, idi dimtengda ken Jesus kinararaganda iti naganetget a cunada: Maicari nga ipaaymo kencuana daytoy;
5
Ta ayatenna ti naciontayo ket isu imbangonannatayo ti sinagogatayo.
6
Ket ni Jesus simmurot cadacuada. Ngem idi nacaasidegdan iti balay ti Centurion nangibaon ti gagayyemna a nagcuna kencuana: Apo, saanca nga agbannog, ta diac maicari a sumrecca iti uneg ti balayco;
7
Siac pay diac impapan a maicariac nga umay kenca: ngem agsaoca laeng ket ti adipenco umimbagto.
8
Ta siac idinto a taoac a naisaad iti babaen ti turay adda met iturayac a solsoldado, ket cunac itoy: Inca, ket mapan; ket iti sabali; Umayca, ket umay; ket iti adipenco: Aramidem daytoy, ket aramidenna.
9
Ket idi mangngeg ni Jesus dagitoy, nagsiddaawanna; ket simmango cadagiti tattao a sumursurot kencuana, ket kinunana: Cunac cadacayo, nga uray iti Israel diac pay nacasarac ti castoy a cadackel ti pammati.
10
Ket dagiti naibaon idi nagawidda iti balay, nadanonda a nasalunaten daydi adipen.
11
Ket naaramid iti calpasan bassit daytoy, nga isu napan iti Ili a managan Nain ket kimmuyog kencuana dagidi adalanna ken adu unay a tattao.
12
Ket idi nacaasidegda iti ruangan ti Ili, adtoy nga iruarda ti maysa a natay, bugbugtong nga anac ni inana isu a balo; ket adu dagiti tao iti Ili kimmuyogda kencuana.
13
Ket idi nakita ti Apo nakipagricna ket kinunana kencuana: Dica agsangit.
14
Ket immasideg ket sinagidna ti lungon; ket dagiti nagawit nagsardengda. Ket cunana: Baro, cunac kenca, Bumangonca.
15
Ket bimmangon daydi natay ket nangrugi a nagsao. Ket inyawatna ken inana.
16
Ket nagbutengda amin ket dinaydayawda ti Dios a cuncunada: Ti maysa a dackel a mammadto timmaud cadatayo; ket ti Dios sinarungcaranna dagiti tattaona.
17
Ket nagracurac daytoy a damagna iti isu-amin a Judea, ken iti pay met amin a daga a cabangibang.
18
Ket dagidi adalan ni Juan impadamagda kencuana dagitoy amin a naar-aramid.
19
Ket idi inayaban ni Juan dagiti dua cadagiti adadalanna, imbaonna ida iti Apo, tapno cunaenda: Sica daydi unay wenno urayenmi ti sabali?
20
Ket idi napanda kencuana, kinunada: Ni Juan a Bautista imbaonnacami kenca, a cunaenmi: Sica daydi umay wenno urayenmi ti sabali?
21
Iti daydi nga horas inagasanna dagiti adu cadagiti sacsakit ken an-annayen, ken cadagiti espiritu a dakes: ket iniccanna ti pannacakita dagiti adu a bulsec.
22
Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.
23
Ket nagasat ti siasinoman a dinto macasarac caniac ti pacaitibcolan.
24
Ket idi pimmanawdan dagiti imbaon ni Juan, nangrugi a nagsao cadagiti adu a tao iti maipapan ken Juan: Ania ti rinuaranyo a kinita idiay let-ang? Maysa a rono a ginargaraw ti angin?
25
Ngem ania ti rinuaranyo a kinita? Maysa a tao a nacawesan iti pagananay a nalapat? Adtoy, dagiti nacacawes iti pagananay a napateg, ken agbiag cadagiti nam-ay, addada cadagiti palacio dagiti arari.
26
Ngem ania ti rinuaranyo a kinita? Maysa a mammadto? Wen, cunac cadacayo, ket nangnangrona pay ngem maysa a mammadto.
27
Daytoy isu ti nacaisuratan daydi: Adtoy, ibaonco ti baonec iti sangoanam, isu a mangisagananto ti dalanmo ti sacbaymo.
28
Ta cunac cadacayo a cadagiti nayanac cadagiti babbai, awan ti dacdackel ngem ni Juan; nupay casta ti basbassit iti pagarian ti Dios, dacdackel ngem isu.
29
Ket amin dagiti umili ken dagiti agsingsingir ti buis, idi nangngegda dinaydayawda ti Dios idinto a nabautizaranda iti pammautizar ni Juan.
30
Ngem dagiti Fariseo ken dagiti mamasirib ti linteg sinukirda ti panggep ti Dios, a maipaay cadacuada ta dida pinabautizaran kencuana.
31
Ket kinuna ti Apo: Asino, ngarud, ti pangipadisac cadagiti tao itoy a caputotan ket ania ti caaspingda?
32
Umaspingda cadagiti ubing nga agtutugaw iti plaza, nga agiinnikis ti maysa ken maysa cadacuada; a cunada: Dacami tinocarandacayo ti flauta, ket dicay nagsala: indung-awandacayo ket dicay nagsangit.
33
Ta immay ni Juan a Bautista, a di mangan ti tinapay, ken di met uminum ti arac, ket cunayo: Adda sairona.
34
Immay toy Anac ti tao, a mangan ken uminum, ket cunayo: Adtoy ti maysa a tao a manangan ken managinum ti arac, gayyem dagiti agsingsingir ti buis ken dagiti managbasol!
35
Nupay casta ti kinasirib mapanecnecan gapu cadagiti amin nga annacna.
36
Ket dinawat ti maysa cadagiti Fariseo a makipangan coma kencuana. Ket simrec iti balay ti Fariseo ket simmango iti panganan.
37
Ket adtoy ti maysa a babai a managbasol nga adda iti Ili ket idi a naammoanna a ni Jesus adda a simmango iti panganan idiay balay daydi Fariseo; nangyeg ti maysa a fraskita ti bangbanglo.
38
Ket idinto nga agtatacder nga agsangsangit iti licudan dagiti sacsaca ni Jesus rinugianna a sinibugan ida cadagiti luluana ket pinunasanna ida cadagiti boocna ket inagagepanna ken sinapsapoanna ida ti bangbanglo.
39
Ngem idi nakita daytoy daydi Fariseo a nangawis kencuana, kinuncunana iti pununotna: Daytoy, no coma no mammadto, ammona coma no asino ken no ania a kita ti babai daytoy a mangsagid kencuana, ta isu managbasol.
40
Ket ni Jesus simmungbat ket kinunana kencuana: Simon, adda ibagac kenca. Ket isu cunana: Ibagam, mannursuro.
41
Maysa a nagpautang adda dua a nacautang kencuana: ti maysa nacautang kencuana ti lima gasut a denario, ket ti maysa lima pulo,
42
Ket gapu ta awan ti pagbayadda, pinacawanna ida nga agpadpada. Asino cadagitoy ngarud ti agayatto kencuana iti adadu?
43
Ket simmungbat ni Simon, a nagcuna: Pagarupec a daydiay nangpacawananna ti adu. Ket isu kinunana kencuana: Nalinteg ti panangipatom.
44
Ket idinto a simmango idi babai, kinunana ken Simon: Makitam daytoy babai? Simrecac iti balaymo, saanca a nangted ti danum a maipaay cadagitoy sacsacac, ngem daytoy, sinibuganna dagitoy sacsacac cadagiti luluana ket pinunasanna ida cadagiti boocna.
45
Saannac nga inagepan; ngem daytoy, nanipud itay simrecac; saan a nagsardeng nga immungngo cadagiti sacsacac.
46
Saanmo a sinapsapoan toy oloc iti lana; ngem daytoy sinapsapoanna ti bangbanglo dagiti sacsacac.
47
Gapuna cunac kenca, dagiti basbasolna, nga adu mapacawanda, ta nagayat ti adu; ngem iti mapacawan ti bassit, bassit ti panagayatna.
48
Ket kinunana kencuana: Dagiti basbasolmo mapacawanda.
49
Ket dagiti adda a nakisango kencuana iti panganan rinugianda a kinuncuna iti panunotda: Asino daytoy, a mamacawan pay cadagiti basbasol?
50
Ket kinunana idi babai: Ti pammatim insalacannaca; incan a sitatalna.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24