Zechariah 10

Icelandic 2007 (Biblían (2007))

← Chapter 9 Jump to: Chapter 11 →

1Biðjið Drottin um regn þegar regntíð seinkar, Drottin, sem eldingarnar sendir, um regn og skúrir. Hann gefur mönnum brauð og gróður jarðar.

2Orð húsguðanna voru ómerk og spásagnamennirnir sáu tálsýnir. Svör draumanna voru blekking og huggun þeirra hégómi. Vegna þess hafa þeir villst af leið eins og hjörð og eru í nauðum því að enginn er hirðirinn.

3Hirðunum er ég bálreiður og forystuhöfrunum mun ég refsa. Drottinn allsherjar ber umhyggju fyrir hjörð sinni, ætt Júda, og hefur gert hana að tignargæðingi sínum í stríðinu.

4Frá henni kemur hornsteinninn, frá henni tjaldhællinn, frá henni stríðsboginn, frá henni koma allir leiðtogarnir saman.

5Í stríðinu verða þeir áþekkir þeim hetjum sem ösla for á strætum. Þeir berjast vasklega því að Drottinn er með þeim og gera þeim minnkun sem hestunum ríða.

6Ég efli ætt Júda og bjarga ætt Jósefs. Ég leiði þá aftur heim því að þeir eiga samúð mína. Þeir skulu vera eins og ég hafi aldrei hafnað þeim. Ég er Drottinn og ég bænheyri þá.

7Efraímsmenn verða sem hetjur og hjarta þeirra gleðst eins og af víni. Það munu börn þeirra sjá og kætast, hjarta þeirra mun fagna í Drottni.

8Ég blístra til þeirra og safna þeim saman því að ég veiti þeim lausn, og þeir munu verða jafnfjölmennir og þeir voru forðum.

9Ég dreifi þeim meðal þjóðanna en á fjarlægum slóðum munu þeir minnast mín, halda lífi og snúa aftur ásamt börnum sínum.

10Ég færi þá heim aftur frá Egyptalandi og safna þeim saman frá Assýríu. Ég leiði þá inn í Gíleað og Líbanon og landið mun ekki rúma þá.

11En þrengingar munu fara yfir hafið og ýfa öldurnar. Allir álar Nílarfljóts munu þorna. Beygður verður hroki Assýríu og Egyptaland svipt veldissprota sínum.

12Ég geri þá styrka í Drottni og í hans nafni munu þeir ganga, segir Drottinn.

← Chapter 9 Jump to: Chapter 11 →

Recommended Reading

Commentary Zechariah Commentaries → Devotional Zechariah Devotional Guide → Get This Bible 2007 Study Bible →