1 Chronicles 12 — Mien Bible (Thai Script) © Thailand Bible Society, 2007

1ดาวิด มี่ง เยียม สิกล้าก เหว่ย เปย๋า คี้ด เญย ตอน, เซาโล ฮู่ง. น้าย เซ มี่ง สิกล้าก กัน นิ่น วั้ว เต๋ย เมี่ยน. นิ่น บัว โหฒว เบ๊าะ จ๋า เฮ้น เญย แปง,

2ไฮ่ ป๊วน จวัง-หฒิน เญย เมี่ยน. นิ่น บัว ไฮ่ หล่ง หฒาย เจี๊ยะ บย่าว เจี๊ยะ ปั์ว นั้น ด๊บ-ฮลาง ปู๋ง หละเปย๊ย ไฟ ป๊วน จวัง-หฒิน หย่า ตุ๊. นิ่น บัว เหยียด ฒู้ง เซ เหธา เซาโล จวั่ง ฝีง เญย เบนยามิน เมี่ยน.

3ม่าย นิ่น บัว เญย เปย๊ย เฒ้ย, อาหิเยเซ, เหธา นิ่น เญย โย์ว โยอาด, เซ กิเบอา เมี่ยน, เซมาอา, เญย ตอน. แอ๋ง ม่าย อัดมาเว้ด เญย ตอน, เยซีเอน เหธา เพเหลด. ม่าย เบลาคา, ม่าย อานาโท้ด เมี่ยน, เยฮู,

4เหธา กิเบโอน เมี่ยน, อิดไมอา, ต้ง วั้ว เต๋ย ฟ่า เหฒียบ เต้า เฮ้น ไห่ เญย จุน-เฒ้ย เมี่ยน เญย เหยียด เต้า, หย่า โหฒว วั้ว เต๋ย ฟ่า เหฒียบ เต้า เญย เหยียด เต้า เปย๊ย เฒ้ย. ม่าย เยเลมี, ยาฮาซีเอน, โยฮานัน, เหธา เกเดลา เมี่ยน, โยซาบาด,

5เอลูไซ, เยลีโม้ด, เบอันยา, เซมาลิยา, เหธา ฮาลู้บ เมี่ยน, เซฟาทิยา,

6เอนคานา, อิดซียา, อาซาเลน, โยเอเซ, เหธา โคลา เมี่ยน, ยาโซเบอัม,

7หย่า ม่าย เกโด เมี่ยน, เยโลฮัม เญย ตอน, โยเอลา, เหธา เสบาดิยา.

8ม่าย เต๋ย กาด เมี่ยน เปย๋า มี่ง ดาวิด เยียม วั้ว นอม ว้วน เญย ต๋อง, เต่ย-ปูง-ฮวาง วั้ว. นิ่น บัว เซ ไฮ่ เบ๊าะ จ๋า เฮ้น เญย แปง, ไฮ่ หล่ง ท้อง-ป้าย เหธา ธัง เหลี่ยว เญย. นิ่น บัว เญย เฮมียน ฮนั้ง เซี่ยน เญย เฮมียน, หย่า ไฮ่ ถิว เซี้ยบ ฮนั้ง เยียม บง เญย ไฌ่ นอ.

9เอเซ โหฒว เปย๊ย เฒ้ย, โอบาดี โหฒว ตะเหญ่ย, เอลีอับ โหฒว ตะฟาม,

10มิดมันนา โหฒว ตะเฝย, เยเลมี โหฒว ตะฮม์,

11อัดไท โหฒว ตะหลัวะ, เอลีเอน โหฒว ตะเธี้ยด,

12โยฮานัน โหฒว ตะเป๊ด, เอนซาบาด โหฒว ตะจั๊ว,

13เยเลมี โหฒว ตะเหฒียบ, มักบันไน โหฒว เหฒียบ เยี้ยด วั้ว เต้า.

14น้าย เต๋ย กาด เมี่ยน โหฒว แปง-เปย๊ย. โหฒว เก้า ไฝ วั้ว เต๋ย ตี๊ ตุ๊ เหยียด แป๊ะ เต้า. โหฒว โฮล วั้ว เต๋ย ตี๊ ตุ๊ เหยียด ธิน เต้า.

15เซ ต้ง น้าย เต๋ย แปง-เปย๊ย เจี๋ย จอแดน ด้าย ต๋อย หฒุ ฒี่ หฮลา ววม โฮล ปวั๊ง ขัม, ฯฒฯ ปุน โด๊ะ-เฮลน เญย เมี่ยน ตง เต้า ไฟ เต้า เญย เปย๋า หฑาน เหฑ่ง.

16แอ๋ง ม่าย เต๋ย เบนยามิน เมี่ยน เหธา ยูดา เมี่ยน มี่ง เถา ดาวิด เว่ย ว้วน เญย ต๋อง วั้ว.

17ดาวิด ธ้วด มี่ง ฒิบ นิ่น บัว หย่า ก๊อง บั๋ว นิ่น บัว, “สี ก๊อง เม่ย บัว ต้าย โหฒว หลง, เถง เยีย, เยีย อะเฮน้ย เหธา เม่ย บัว จิว หฒัวะ. มป่า สี ก๊อง เม่ย บัว อ๋อย เฒาะ เยีย หม่าย ปุน วิน-วั้ง ไม้ กุ๊น เยีย ไม้ ม่าย ฒุ์ย นอ, โท้ บัว เญย อง-ถาย เญย ทิน-ฮู่ง หมั่ง ปวัด หย่า ตี่ง เม่ย บัว เญย ฒุ์ย.”

18วั้ว หฒั่น สีง ลี่ง เหฌี่ย วั้ว เต๋ย “ฟ่า เหฒียบ เต้า” เญย เปย๊ย เฒ้ย, อามาไส. นิ่น ฯฒฯ ก๊อง, โอ ดาวิด อ่า, เยีย บัว เซ เม่ย เญย. เจียดซี เญย ตอน อ่า, เยีย บัว เหธา เม่ย เยียม. โท้ ปุน เม่ย ตุ๊ แป้ง ออน, หฒะเก้ง แป้ง ออน. หย่า โท้ ปุน เถง เม่ย วั้ว เต๋ย ตุ๊ แป้ง ออน, เหว่ย หฒุ เม่ย เญย ทิน-ฮู่ง เถง เม่ย. ดาวิด ฯฒฯ ฒิบ นิ่น บัว แอ๋ง เหลียบ นิ่น บัว โหฒว จุน-แปง เญย แปง-เปย๊ย.

19ม่าย เต๋ย มะนัดเส เมี่ยน หย่า เปย๋า มี่ง เปียะ ดาวิด, ต้ง นิ่น เหธา ฟีลิสะเตีย เมี่ยน ธ้วด มี่ง เบ๊าะ เซาโล วั้ว หฒั่น. (มป่า ดาวิด บัว ไม้ ตุ๊ เถง ฟีลิสะเตีย เมี่ยน, เหว่ย หฒุ ฟีลิสะเตีย เมี่ยน เญย เปย๊ย เฒ้ย ธ่าง ล่าง ลิ์ว ฯฒฯ ก๊อง, “สี ก๊อง นิ่น บัว กวั่ง บัว, เปย๋า มี่ง เถง เซาโล นอ, เหฑีย ดาวิด บัว เฒาะ บัว เญย มฆ้อง หม่าย ปุน เซาโล.”)

20ดาวิด มี่ง สิกล้าก เญย เฒี่ยง โห่, น้าย เซ เปย๋า มี่ง กัน นิ่น วั้ว เต๋ย มะนัดเส เมี่ยน. ม่าย เยียม มะนัดเส กุ๊น เหยียด ธิน เต้า แปง เญย แปง-เปย๊ย, อัดนา, โยซาบาด, เยดียาเอน, มีคาเอน, โยซาบาด, เอลีฮู เหธา สินเลไท.

21น้าย เต๋ย เมี่ยน เถง ดาวิด เบ๊าะ กวั้นๆ หฒะ แปง, เหว่ย หฒุ นิ่น บัว เหยียด ฒู้ง เซ เฮ้น ไห่ เญย เบ๊าะ จ๋า แปง, หย่า โหฒว นิ่น เญย แปง-เปย๊ย.

22ฮนอยๆ ม่าย เมี่ยน ต้าย เถง ดาวิด, เถา นิ่น ม่าย ต้ม แปง-กวั้น ฮนั้ง ทิน-ฮู่ง เญย แปง-กวั้น นอ.

23น้าย เซ ม่าย ฑ่อย เบ๊าะ จ๋า เญย หวัวะ กิ่น มี่ง เฮโบโลน ล์อ ดาวิด วั้ว เต๋ย แปง เญย โสว โหม่ว. นิ่น บัว อ๋อย เฒาะ เซาโล เญย กั๊วะ จิว ปุน ดาวิด หฒิว เฒี้ยว ก๊อง เญย หว่า.

24ยูดา เมี่ยน นั้น ท้อง-ป้าย เหธา ธัง หลิ่ว เล์ย เหฒียง เบ๊าะ จ๋า, ม่าย จุ๊ ธิน เป๊ด แป๊ะ เต้า.

25สิเมโอน เมี่ยน เบ๊าะ จ๋า เฮ้น ไห่ เญย แปง, ม่าย เสี่ย ธิน เหยียด แป๊ะ เต้า.

26เลวี เมี่ยน, ม่าย เปยย ธิน หลัวะ แป๊ะ เต้า,

27เลี่ยม อาโลน เญย โต้ว ฒง เญย เปย๊ย เฒ้ย, เยโฮยาดา, เหธา กัน นิ่น วั้ว เต๋ย ปัว ธิน เธี้ยด แป๊ะ เต้า.

28แอ๋ง ม่าย เต้า หฮญัง-เจ๊ย หลุน, เบ๊าะ จ๋า เฮ้น เญย เมี่ยน, บั๋ว เห่ว สาโดก, แอ๋ง เหธา นิ่น จวั่ง ฝีง เญย แปง-เปย๊ย หญี่ เหฒียบ เหญ่ย เต้า.

29เหธา เซาโล จวั่ง ฝีง เญย เบนยามิน เมี่ยน ม่าย ปัว ธิน เต้า. น้าย เต๋ย เก้า ธั้ม เจี๋ย ฒิ่น ด่าง เถง เซาโล.

30เอฟาอิม ฝีง เฮ้น ไห่ เญย แปง, เซ เยียม นิ่น บัว กั้น เญย ปู้ง ป่วน ม่าย เม่ง เต้า เญย เมี่ยน, ม่าย อี หว่าน เป๊ด แป๊ะ เต้า.

31มะนัดเส เญย ด๊าม-ฝีง, ต้ง หฒิว บั๋ว พ้าย มี่ง เหลียบ ดาวิด โหฒว ฮู่ง วั้ว เต๋ย, ม่าย เหยียด หว่าน เหฮยียด ธิน เต้า.

32อิดสาคา เมี่ยน, ต้ง ไฮ่ สัม ตุ๊ ธ้วด วั้ว จ๋า ลู่ง เดี๊ย เญย เฒี่ยง โห่ หย่า ฮิ้ว ตุ๊ อิสะลาเอน เมี่ยน อ๋อย หฒุ ฮนั้ง หาย นอ โหฒว, ม่าย หญี่ แป๊ะ เต้า เปย๊ย เฒ้ย เหธา เยียม น้าย เต๋ย เปย๊ย เฒ้ย เญย ปั์ว-เดี๊ย เญย จวั่ง ฝีง เมี่ยน.

33เสบูลุน เมี่ยน ม่าย ปยา หว่าน เต้า โหะ ลิ์ว หย่า หลิ่ว เล์ย เหฒียง ธ้วด มี่ง เบ๊าะ จ๋า. นิ่น บัว ม่าย ฑ่อย หญู่งๆ เบ๊าะ จ๋า เญย หวัวะ กิ่น. นิ่น บัว ม่าย ดุ ติ่ว เฮญี้ยว เถง ดาวิด.

34นับทาลี เมี่ยน ม่าย เหยียด ธิน เต้า แปง-เปย๊ย เหธา เจี๊ยน ปัว หว่าน เสี่ย ธิน เต้า นั้น ท้อง-ป้าย เหธา ธัง เบ๊าะ จ๋า เญย แปง.

35ดาน ฝีง ม่าย เบ่น เหฒียง เบ๊าะ จ๋า เญย เมี่ยน อี หว่าน เหฮยียด ธิน หลัวะ แป๊ะ เต้า.

36อาเซ ฝีง โหะ ลิ์ว เบ่น เหฒียง เบ๊าะ จ๋า เญย เมี่ยน ม่าย เปยย หว่าน เต้า.

37เยียม จอแดน ด้าย ตง ปูง แหมง เญย ลูเบน เมี่ยน, กาด เมี่ยน เหธา มะนัดเส เญย ด๊าม-ฝีง เมี่ยน ม่าย เจี๊ยน หญู่งๆ เบ๊าะ จ๋า เญย หวัวะ กิ่น เญย แปง, ม่าย เหยียด สิน อี หว่าน เต้า.

38น้าย เต๋ย เหยียด ฒู้ง แปง หลิ่ว เล์ย เหฒียง เบ๊าะ จ๋า. นิ่น บัว ต้าย เถา เฮโบโลน ปวั๊ง เฮญี้ยว อ๋อย เหลียบ ดาวิด โหฒว ฮู่ง, กุ๊น เหฑ่ง อิสะลาเอน เต่ย-ปูง. เหฒ่ง เหฌี่ย เญย อิสะลาเอน เมี่ยน เหยียด ฒู้ง ฟี่ ฮนั้ง เญย หย่า ต้ง เฮญี้ยว อ๋อย เหลียบ ดาวิด โหฒว ฮู่ง.

39นิ่น บัว เหธา ดาวิด เยียม วั้ว ปัว ฮนอย, หญั่น เญย ฮบ เญย, เหว่ย หฒุ นิ่น บัว เญย มั์ว-ต่อย เบ่น เหฒียง ปุน นิ่น บัว.

40เยียม นิด ฟัด นิ่น บัว เญย เมี่ยน เหธา เยียม โก เญย เมี่ยน, เซ เยียม อิดสาคา, เสบูลุน เหธา นับทาลี วั้ว เต๋ย, หล่ง มาลี เหธา ล่อ เหธา ล่อ ท่อ เหธา ง่ง ทอ เจี๊ยน หญั่น ฮบ ต้าย. ม่าย บ๊วน, ง่ง หญอ เปี๊ยว-ฆาย, อะหงุ่น เปี๊ยว-ฆาย, อะหงุ่น ติ๊ว, กะลั้น โย่ว, ง่ง เหธา ปะกี ยู่ง, เหว่ย หฒุ อิสะลาเอน เมี่ยน เฌียน-โย่ว ไห่.