1 Chronicles 26

Mien Bible (Thai Script) © Thailand Bible Society, 2007

← Chapter 25 Jump to: Chapter 27 →

1ฒั้ว แก้ง เญย กวั้นๆ เมี่ยน ม่าย ฮนั้ง น้าย. โคลา เมี่ยน ม่าย โคเล เญย ตอน, เมเซเลมิยา, เซ เหยียด เต้า อาสาบ เญย เฒ้ย-ฟุน.

2เมเซเลมิยา ม่าย ตอน เญย. ตอน-โฮล, เสคาลิยา, ตะเหญ่ย เต้า, เยดียาเอน, ตะฟาม เต้า, เสบาดิยา, ตะเฝย เต้า, ย้าดนีเอน,

3ตะฮม์ เต้า, เอลาม, ตะหลัวะ เต้า, เยโฮฮานัน, ตะเธี้ยด เต้า, เอลีโฮไน.

4โอเบดเอโดม หย่า ม่าย ตอน เญย. ตอน-โฮล, เซไมอา, ตะเหญ่ย เต้า, เยโฮซาบาด, ตะฟาม เต้า, โยอา, ตะเฝย เต้า, สาคา, ตะฮม์ เต้า, เนทันเอน

5ตะหลัวะ เต้า, อัมมีเอน, ตะเธี้ยด เต้า, อิดสาคา, ตะเป๊ด เต้า, เปอุนเลไท, เหว่ย หฒุ ทิน-ฮู่ง เหธย ฟุ ปุน โอเบด เอโดม.

6นิ่น เญย ตอน, เซไมอา, หย่า ม่าย ตอน เญย. นิ่น บัว กุ๊น นิ่น บัว เญย เตีย เญย จา-ตี้ง เหว่ย หฒุ นิ่น บัว ไฮ่ ไห่.

7เซไมอา เญย ตอน ม่าย โอดนี, เลฟาเอน, โอเบด เหธา เอนซาบาด. นิ่น บัว เญย ก๋อ-โย์ว, เอลีฮู เหธา เสมาคิยา, หย่า โหฒว ม่าย ปั้น เหฒ่ย เญย เมี่ยน.

8น้าย เต๋ย เหยียด ฒู้ง เซ โอเบดเอโดม เญย เฒ้ย-ฟุน. นิ่น บัว เหธา นิ่น บัว เญย ตอน เหธา นิ่น บัว เญย ก๋อ-โย์ว ม่าย ปั้น เหฒ่ย, ม่าย ชะ ผุย โหฒว สีง ติ่น เญย กง. โอเบดเอโดม เญย เฒ้ย-ฟุน เหยียด ฒู้ง ม่าย หลัวะ เหฒียบ เหญ่ย เต้า.

9เมเซเลมิยา ม่าย ตอน เหธา ก๋อ-โย์ว โหฒว ม่าย ปั้น เหฒ่ย เญย เมี่ยน เหยียด ฒู้ง ม่าย เหฒียบ เป๊ด เต้า.

10เมลาลี เญย เฒ้ย-ฟุน, โฮสา, ม่าย ตอน เญย. ตะเยี้ยด เต้า ซิมลี, (ไม้ กุ๊น นิ่น ไม้ เฒ์ย ตอน-โฮล, นิ่น เญย เตีย พ้าย นิ่น โหฒว เปย๊ย เฒ้ย,)

11ตะเหญ่ย เต้า ฮินคียา, ตะฟาม เต้า เทบาลิยา, ตะเฝย เต้า เสคาลิยา. โฮสา เญย ตอน เหธา ก๋อ-โย์ว เหยียด ฒู้ง ม่าย เหฒียบ ฟาม เต้า.

12น้าย เต๋ย ฒั้ว แก้ง เญย กวั้น หฒิว นิ่น บัว เญย เปย๊ย เฒ้ย ม่าย กง เยียม หฒั่ง เฒี้ยว เญย เปย๊า ฟู-สู ฮนั้ง นิ่น บัว เญย ก๋อ-โย์ว นอ.

13ไม้ กุ๊น โฮล ไฝ, นิ่น บัว หฒิว ปู้ง ป่วน ตี่ง แหม่ง หมั่ง ก๋า หาย เต้า ฒั้ว หาย เต้า แก้ง.

14ด๊อด หฒุ เซเลมิยา ฒั้ว ตง ปูง แก้ง. นิ่น บัว หย่า เหว่ย นิ่น เญย ตอน, เสคาลิยา, ตี่ง แหม่ง หมั่ง, เซ เหยียด เต้า ธ่าง ล่าง เญย เมี่ยน ไกว เมี่ยน, ม่าย ธง-เม่ง เญย เมี่ยน. ด๊อด หฒุ นิ่น อ๋อย หฒุ ฒั้ว ป๊ะ ปูง แก้ง.

15ด๊อด หฒุ โอเบดเอโดม ฒั้ว น่าม ปูง แก้ง. ด๊อด หฒุ นิ่น เญย ตอน ฒั้ว เซียว กะน้าย เญย เปย๊า.

16ด๊อด หฒุ ซุบปิม เหธา โฮสา ฒั้ว ไฟ ปูง แก้ง เหธา เยียม ฝาว วั้ว เจี๋ย เญย เจ๊า เญย ซันเลเค้ด แก้ง. นิ่น บัว ฒั้ว แก้ง เหยียด กวั้น เจี๋ย เหยียด กวั้น.

17โม์ว ฮนอย ฒั้ว หฒั่ง ทิน-ฮู่ง เญย เปย๊า ตง ปูง ม่าย จุ๊ เต้า, ป๊ะ ปูง ม่าย เปยย เต้า, น่าม ปูง ม่าย เปยย เต้า. หย่า ม่าย อี เต้า ฒั้ว เซียว กะน้าย วั้ว เปย๊า.

18เยียม ไฟ ปูง แหมง, ม่าย เปยย เต้า ฒั้ว วั้ว เจ๊า, ม่าย อี เต้า ฒั้ว เยียม เปย๊า เญย กะเหญี่ย แหมง, หลาด กะญั์ว.

19น้าย เซ โคลา เหธา เมลาลี เญย เฒ้ย-ฟุน หฒิว นิ่น บัว ปุน ฆอย โหฒว ฒั้ว แก้ง เญย กวั้น.

20เลวี เมี่ยน, อาหิยา, กุ๊น หฒั่ง ทิน-ฮู่ง เญย เปย๊า เซียว จ๋าย เญย กะน้าย เญย ต๋อง เหธา ฝูง ปุน ทิน-ฮู่ง เญย กะน้าย เญย ต๋อง.

21เกโซน เมี่ยน, ลาดาน เญย เฒ้ย-ฟุน, เซ เกโซน เมี่ยน, ลาดาน, เญย ปู้ง ป่วน เปย๊ย เฒ้ย, ม่าย ลาดาน เญย ตอน, เยฮีเอลี,

22เหธา เยฮีเอลี เญย อี เต้า ตอน, เสทาม, เหธา นิ่น เญย โย์ว, โยเอน. นิ่น บัว กุ๊น หฒั่ง เฒี้ยว เญย เปย๊า เญย เซียว จ๋าย เญย กะน้าย เญย ต๋อง.

23เยียม อัมลาม เมี่ยน, อิดฮา เมี่ยน, เฮโบโลน เมี่ยน เหธา อุดซีเอน เมี่ยน เญย เฒ้ย-ฟุน ม่าย

24โมเซ เญย ตอน, เกโซน, เญย เฒ้ย-ฟุน, ซูบาเอน, โหฒว เปย๊ย กุ๊น หฒั่ง ทิน-ฮู่ง เญย เปย๊า, เซียว จ๋าย เญย กะน้าย เญย ต๋อง.

25แอ๋ง ม่าย นิ่น เญย ก๋อ-โย์ว, เอลีเยเซ เญย ตอน, เลหับยา, เลหับยา เญย ตอน, เยซายา, เยซายา เญย ตอน, โยลัม, โยลัม เญย ตอน, สิกลี, สิกลี เญย ตอน, เซโลมิด.

26เซโลมิด เหธา นิ่น เญย ก๋อ-โย์ว โก๋ว เซียว ฝูง ปุน ทิน-ฮู่ง เญย เหยียด ฒู้ง กะน้าย เญย ต๋อง, เซ ดาวิด เหธา ปู้ง ป่วน เปย๊ย เฒ้ย เหธา กุ๊น เหยียด ธิน เต้า แปง, เหยียด แป๊ะ เต้า แปง เญย แปง-เปย๊ย เหธา จุน-แปง-เปย๊ย ฝ่ง ห่อ เญย กะน้าย.

27นิ่น บัว เฒาะ เต๋ย นิ่น บัว เบ๊าะ จ๋า ธ้าง ต้าย เญย กะน้าย ฝ่ง ห่อ เหว่ย หฒ่อ หฒั่ง เฒี้ยว เญย เปย๊า.

28โต่ว หว่า เมี่ยน, ซามูเอน, เหธา คี้ด เญย ตอน, เซาโล, เหธา เน เญย ตอน, อับเน, เหธา เสลุยา เญย ตอน, โยอาบ, ฝ่ง ห่อ เญย เหยียด ฒู้ง กะน้าย เซโลมิด เหธา นิ่น เญย ก๋อ-โย์ว กุ๊น.

29อิดฮา เมี่ยน, เคนานียา, เหธา นิ่น เญย ตอน บัว นิ่น บัว พ้าย กุ๊น หฒั่ง ทิน-ฮู่ง เญย เปย๊า กะเหญี่ย แหมง เญย สี่, เซ โหฒว อิสะลาเอน เญย เจียน เหธา ต้ม เจียน.

30เฮโบโลน เมี่ยน, ฮาซาปิยา, เหธา นิ่น เญย ก๋อ-โย์ว เหยียด ธิน เธี้ยด แป๊ะ เต้า ม่าย ปั้น เหฒ่ย เญย เมี่ยน, เยียม อิสะลาเอน, จอแดน ด้าย ไฟ ปูง แหมง, หลิ่ว เล์ย เฒี้ยว เหธา ฮู่ง เตี๋ย เญย เหยียด ฒู้ง กง.

31เฮโบโลน เมี่ยน, เยลียา, หฒิว นิ่น บัว เญย ปู้ง ป่วน เญย โต้ว ฒง ตาน โหฒว เฮโบโลน เมี่ยน เญย เปย๊ย เฒ้ย. (ต๋อย ดาวิด โหฒว ฮู่ง เฝย เหฒียบ หฮญัง วั้ว หฮญัง, เมี่ยน เยียม นิ่น บัว เญย โต้ว ฒง ล์อ ปวัด ม่าย ปั้น เหฒ่ย เญย เฮโบโลน เมี่ยน เยียม กิเลอาด เต่ย, ยาเซ วั้ว.)

32เยลียา ม่าย อี ธิน เธี้ยด แป๊ะ เต้า ก๋อ-โย์ว, เหยียด ฒู้ง ม่าย ปั้น เหฒ่ย เญย เมี่ยน หย่า โหฒว ปู้ง ป่วน เญย เปย๊ย เฒ้ย. ดาวิด พ้าย นิ่น บัว เยียม ลูเบน เมี่ยน, กาด เมี่ยน, เหธา มะนัดเส ด๊าม-ฝีง เมี่ยน บุด๋ง กุ๊น ทิน-ฮู่ง เหธา ฮู่ง เตี๋ย เญย เหยียด ฒู้ง กง.

← Chapter 25 Jump to: Chapter 27 →