Ecclesiastes 4

Mien Bible (Thai Script) © Thailand Bible Society, 2007

← Chapter 3 Jump to: Chapter 5 →

1เยีย แอ๋ง หมั่ง ฯฒฯ ปวัด เยียม เสย หฒั่ง เหยียด ฒู้ง เหฒย เมี่ยน เญย สี่. หมั่ง ม่าะ! เยีย ปวัด หฒุ เหฒย เญย เมี่ยน เญย ววม-เหมว่ย เหลี่ยว เหฌี่ย, นิ่น บัว หย่า ไม้ ม่าย หาย เต้า ออน เฮญี้ยว. เหฒย เมี่ยน วั้ว เต๋ย ม่าย หลี่ง ม่าย ชะ เญย, หย่า ไม้ ม่าย หาย เต้า ออน หฒุ เหฒย เญย เมี่ยน เญย เฮญี้ยว.

2เหว่ย น้าย เยีย ฮนั้ม ต้าย, ไต่ ลิ์ว เญย เมี่ยน ไต่ มี่ง, ฒู้ง เก้า หลง เฒี่ยง เจี๊ยน เญย เมี่ยน นั่ง เมี่ยน.

3มป่า เก้า หลง เจี๋ย น้าย เต๋ย อี หญู่ง เซ ไม้ แก้ง ตุ๊ ธ้วด เสย เญย เมี่ยน, เหว่ย หฒุ นิ่น บัว ไม้ ตุ๊ ปวัด เยียม น้าย เสย หฒั่ง เญย หาย หญู่ง เอ๊าะ สี่.

4เยีย แอ๋ง ปวัด เหยียด ฒู้ง ล่าว หลุ่ย เหธา ธ้วด ปั์ว-เต้า โหฒว เญย กง เซ เหว่ย หฒุ เมี่ยน เหธา นิ่น เญย จวั่ง ล์าง เมี่ยน, ล่าน เหมว่ย เจี๊ยะ ล่าน. น้าย เซ ฟี่ ฮนั้ง เญย ขูง-ม่อง. เซ ขูง ปุน หฑยาว สาว ฮนั้ง.

5เมี่ยน หฮงง เมี่ยน ชบ เจี๊ยน ปั์ว, ฒั้ว เจี๊ยน หง่อ ไต่.

6ตุ๊ เหยียด เญา ฯฒฯ เฮญี้ยว ฆาย เซ เก้า หลง อ๋อย หฒุ ล่าว หลุ่ย เหว่ย ตุ๊ อี เญา. น้าย เซ ขูง ปุน หฑยาว สาว ฮนั้ง.

7เยีย แอ๋ง ปวัด เหยียด หญู่ง เยียม ลู่ง เดี๊ย ขูง-ม่อง.

8ม่าย ดุ ล่าน เมี่ยน กั้น เยียม ฮนั้ง. นิ่น ไม้ ม่าย ฝุเจว๊ย, ไม้ ม่าย มั์ว-ต่อย, มป่า นิ่น ไม้ ตี้ง ฮิด เญย ล่าว หลุ่ย โหฒว. นิ่น เญย มฒีง หมั่ง นิ่น เญย ฒิ่น ฒ่อย หาย หฒั่น หย่า ไม้ เก๋า. นิ่น ไม้ หน่าย กั้น, “เยีย เหว่ย หาย เต้า ล่าว หลุ่ย โหฒว กง, ห่อย กั้น ไม้ ตุ๊ เฌียน-โย่ว?” น้าย หย่า ขูง-ม่อง, เซ โค้ว เจี๊ยน เยียม ฮนั้ง.

9อี ล่าน เมี่ยน เซ เก้า หลง เหยียด ล่าน เหว่ย หฒุ อี ล่าน ล่าว หลุ่ย โหฒว, นิ่น บัว เก้า ตุ๊ หลง.

10สี ก๊อง เหยียด ล่าน ดอบ, นิ่น เญย ต่อย ไฮ่ เคน นิ่น เจี์ย ซิน ต้าย. มป่า เหยียด ล่าน เมี่ยน กั้น เยียม, นิ่น ดอบ เหฌี่ย, ไม้ ม่าย เมี่ยน เคน นิ่น เจี์ย ซิน, นิ่น ฯฒฯ โค้ว อ๊ะ.

11แอ๋ง ม่าย หญู่ง. สี ก๊อง อี ล่าน จวั่ง เจี๊ยน เปว๋ย, นิ่น บัว ไฮ่ เซี้ยว. มป่า เหยียด ล่าน เมี่ยน กั้น เปว๋ย, ฮนั้ง หาย นอ ไฮ่ เซี้ยว?

12ไม้ กุ๊น เหยียด ล่าน เมี่ยน ไฮ่ เบ๊าะ ตุ๊ ฮี่ง เหยียด ล่าน, อี ล่าน ด่ง หาย ฒู้ง ไฮ่ เบ๊าะ ตุ๊ ฮี่ง นิ่น. ปัว โก๊ว กิ๊ด ต้าย เญย ฮลาง-เซี้ยด, ไม้ ฮู่ง เห่ ตั๋ง.

13จ่ม มป่า ม่าย ธง-เม่ง เญย เมี่ยน หลุน เมี่ยน เซ เก้า หลง โก๋ เญย, หฮงง เญย ฮู่ง เตี๋ย, ต้ง อี้ หฒั่น ไม้ คั้ง หมวัง เมี่ยน ขวิน เญย หว่า,

14ไม้ กุ๊น นิ่น เยียม โล่ ธ้วด ต้าย ฝาว เหว่ย โหฒว ฮู่ง ไฟ เยียม นิ่น กั้น เญย กั๊วะ ธ้วด เสย เป๋น เมี่ยน จ่ม เมี่ยน.

15เยีย ปวัด เยียม เสย หฒั่ง เจี๋ย มี่ง เจี๋ย ต้าย เญย เมี่ยน, หย่า ปวัด หฑิบ เจี๊ยน โหฒว ฮู่ง วั้ว เต้า เมี่ยน หลุน เมี่ยน.

16นิ่น กุ๊น เญย หฒวัง เมี่ยน ธั้ม, ฒู้ง ไม้ ม่าย โสว โหม่ว. มป่า เยียม นิ่น ฆะฮ้า ต้าย เญย เมี่ยน, ไม้ ม่าย หาย เต้า อะเฮน้ย นิ่น. หฒะเก้ง เฒียน เญย, น้าย เซ ขูง-ม่อง. เซ ขูง ปุน หฑยาว สาว ฮนั้ง.

← Chapter 3 Jump to: Chapter 5 →