John 17

Mien Bible (Thai Script) © Thailand Bible Society, 2007

← Chapter 16 Jump to: Chapter 18 →

1เยซู ก๊อง ลิ์ว น้าย เต๋ย หว่า, นิ่น เธา เฮมียน หมั่ง กู้ หงว่าย ลู่ง หย่า ก๊อง, “อา เตีย อ้า! เฒี่ยง โห่ เถา อ๊ะ. โท้ ปุน เมี่ยน ท่าย เยีย, เม่ย เญย ตอน, เยีย ฯฒฯ ไฮ่ ปุน เมี่ยน ท่าย เตีย.

2เตีย ปุน เยีย ม่าย หัด ม์า กุ๊น หม่าน เมี่ยน เยีย หธีง ต้าย ไฮ่ ปุน ต้ง เตีย ปุน เยีย วั้ว เต๋ย ตุ๊ เหยียด ลิ์ว เญย แหม่ง.

3เหยียด ลิ์ว เญย แหม่ง เซ ต้ง น้าย อ๊ะ. เซ นิ่น บัว ฮิ้ว ตุ๊ เม่ย, ดุ เต้า เฒียน ทิน-ฮู่ง. หย่า ฮิ้ว ตุ๊ เยีย, เยซู กีตู่, ต้ง เตีย พ้าย ต้าย วั้ว เต้า.

4เยีย เยียม น้าย ป้าม เกน ท่าย เตีย, เหว่ย หฒุ เยีย โหฒว เหฒียง เตีย พ้าย เยีย โหฒว เญย กง.

5อา เตีย อ้า! โท้ เตีย ปุน เยีย อี้ หฒั่น เยียม เตีย เญย หฑะเฮมียน แอ๋ง ท่าย เยีย โหฒว โฮล, ฮนั้ง ฒิ่น ด่าง ไม้ แก้ง เหฒย ลู่ง เหฒย เดา เตีย ท่าย เยีย โหฒว โฮล วั้ว นอ.

6“เยียม ป้าม เกน, เตีย ปุน เยีย วั้ว เต๋ย เมี่ยน, เยีย ปุน นิ่น บัว ฮิ้ว ตุ๊ เม่ย. นิ่น บัว มต้าย เม่ย เญย เมี่ยน มป่า เตีย จิว ปุน เยีย. นิ่น บัว หย่า เอย เจี๊ยน เตีย เญย หว่า.

7อี้ หฒั่น นิ่น บัว ฮิ้ว ตุ๊ ต้ง เตีย เหธย ปุน เยีย เญย หญู่งๆ, เหยียด ฒู้ง เยียม เตีย ต้าย.

8เตีย บั๋ว เยีย วั้ว เต๋ย หว่า, เยีย หย่า บั๋ว นิ่น บัว หมี่ อ๊ะ. นิ่น บัว หย่า หลงๆ เญย ฒิบ. นิ่น บัว ฮิ้ว ตุ๊ เยีย หฒะเก้ง เยียม เตีย ต้าย หย่า เสียน เตีย กั้น พ้าย เยีย ต้าย.

9เยีย เถง นิ่น บัว เต๋า เก๋า. ไม้ เฒ์ย เถง หม่าน เมี่ยน เต๋า เก๋า. เยีย เถง เตีย ปุน เยีย วั้ว เต๋ย เมี่ยน เต๋า เก๋า ฮนั้ง, เหว่ย หฒุ นิ่น บัว เป๋น เตีย เญย.

10เยีย ม่าย เญย เหยียด ฒู้ง เซ เตีย เญย. เตีย ม่าย เญย เหยียด ฒู้ง เซ เยีย เญย. เยีย หย่า เหว่ย น้าย เต๋ย เมี่ยน ตุ๊ ฌัง-หล่าง.

11อี้ หฒั่น เยีย อ๋อย หฑวน เตีย วั้ว, ไม้ เยียม น้าย ป้าม เกน อ๊ะ. มป่า น้าย เต๋ย เมี่ยน หธ่อ เยียม น้าย ป้าม เกน. ธีง-เหฑ่ง เญย หฒั่ง เตี๋ย อ้า! โท้ เม่ย หล่ง เม่ย ม่าย หัด ม์า เญย บั๋ว, ต้ง เตีย เหธย ปุน เยีย เญย บั๋ว, เปว เจี๊ยน นิ่น บัว, ปุน นิ่น บัว ต้ง ติ่ว เฮญี้ยว, ฮนั้ง เตีย เหธา เยีย ต้ง ติ่ว เฮญี้ยว วั้ว นอ.

12เยีย หธ่อ เหธา นิ่น บัว เยียม เญย เฒี่ยง โห่, เยีย หล่ง เตีย ม่าย หัด ม์า เญย บั๋ว, ต้ง เตีย ปุน เยีย วั้ว นอม บั๋ว, เปว เจี๊ยน นิ่น บัว. เยีย โก๋ว นิ่น บัว, ไม้ ปุน หาย เต้า ล่าย หฒิด, ธ้วด ลิ์ว ตี่ง เหฒียง หฒุ เหมียด วั้ว เต้า. นิ่น หฒุ เหมียด เหว่ย ปุน สี่ ธ้วด ต้าย ต๋อย กีง-โซว เญย หว่า.

13“อี้ หฒั่น เยีย อ๋อย หฑวน เตีย วั้ว, มป่า เยีย หธ่อ เยียม เจี๊ยน น้าย ป้าม เกน เยีย ฮนั้ง น้าย นอ ก๊อง เหว่ย ปุน น้าย เต๋ย เมี่ยน ม่าย เยีย เญย เฌียน-โย่ว ออน-เหลาะ.

14เยีย เฒาะ เตีย เญย หว่า จิว ปุน นิ่น บัว หมี่ อ๊ะ. ป้าม เมี่ยน หย่า ฑอง นิ่น บัว เหว่ย หฒุ นิ่น บัว ไม้ เกวย ป้าม เกน, ฮนั้ง เยีย ไม้ เกวย ป้าม เกน นอ.

15เยีย ไม้ โท้ เตีย ต้อ นิ่น บัว ธ้วด ป้าม เกน. มป่า เยีย โท้ เตีย เปว เจี๊ยน นิ่น บัว, ปุน นิ่น บัว เปย๋า ดุ๊ด ฮยวัง เอ๊าะ วั้ว เต้า.

16นิ่น บัว ไม้ เกวย ป้าม เกน, ฮนั้ง เยีย ไม้ เกวย ป้าม เกน นอ.

17โท้ เตีย หล่ง เม่ย เญย เฒียน เล์ย ปุน นิ่น บัว ธีง-เหฑ่ง ต้าย. เม่ย เญย หว่า เซ เฒียน เล์ย.

18เตีย ฮนั้ง หาย นอ พ้าย เยีย ต้าย เยียม ป้าม เกน, เยีย หย่า ฮนั้ง วั้ว นอ พ้าย นิ่น บัว เยียม ป้าม เกน.

19เยีย เหว่ย นิ่น บัว เฒาะ เยีย กั้น ฝูง ปุน เตีย เหว่ย ปุน นิ่น บัว เฒียนๆ เป๋น เตีย เญย ธีง-เหฑ่ง เมี่ยน.

20“เยีย ไม้ ตาน เถง น้าย เต๋ย เต๋า เก๋า ฮนั้ง. เยีย หย่า เหว่ย น้าย เต๋ย เมี่ยน อ๋อย ฒุ่น เญย โต์ เสียน เยีย วั้ว เต๋ย เหยียด ฒู้ง เต๋า เก๋า.

21โท้ เตีย ปุน นิ่น บัว ต้ง ติ่ว เฮญี้ยว. อา เตีย อ้า! โท้ ปุน นิ่น บัว เหธา บัว จวั่ง แหม่ง เฒี่ยง, ฮนั้ง เตีย เหธา เยีย จวั่ง แหม่ง เฒี่ยง นอ. ป้าม เมี่ยน ฯฒฯ เสียน เตีย พ้าย เยีย ต้าย.

22เตีย เหธย ปุน เยีย เญย ฌัง-หล่าง เยีย เหธย ปุน นิ่น บัว หมี่ อ๊ะ, เหว่ย ปุน นิ่น บัว ต้ง ติ่ว เฮญี้ยว, ฮนั้ง เตีย เหธา เยีย ต้ง ติ่ว เฮญี้ยว นอ.

23เยีย เหธา นิ่น บัว จวั่ง แหม่ง เฒี่ยง ฮนั้ง เตีย เหธา เยีย จวั่ง แหม่ง เฒี่ยง นอ, เหว่ย อ๋อย ปุน นิ่น บัว เหยียด ฒู้ง หฒะเก้ง ต้ง ติ่ว เฮญี้ยว เหฑ่ง. ลู่ง เดี๊ย เมี่ยน ฯฒฯ ฮิ้ว ตุ๊ เตีย พ้าย เยีย ต้าย, หย่า ฮิ้ว ตุ๊ เตีย ฮนั้ม นิ่น บัว ฮนั้ง เตีย ฮนั้ม เยีย นอ.

24“อา เตีย อ้า! เตีย ปุน เยีย น้าย เต๋ย เมี่ยน, เยีย เยียม หาย เยีย หย่า อ๋อย นิ่น บัว เหธา เยีย เยียม วั้ว, นิ่น บัว ฯฒฯ ตุ๊ ปวัด เม่ย ปุน เยีย เญย ฌัง-หล่าง, ต้ง ไม้ แก้ง เหฒย ลู่ง เหฒย เดา วั้ว หฒั่น เม่ย ฮนั้ม เยีย ฯฒฯ ปุน ต้าย เญย ฌัง-หล่าง.

25“แป้ง ฟิม เญย เตีย อ้า! ป้าม เมี่ยน ไม้ ฮิ้ว ตุ๊ เตีย, มป่า เยีย ฮิ้ว เญย. เสียน เยีย น้าย เต๋ย เมี่ยน หย่า ฮิ้ว ตุ๊ เตีย พ้าย เยีย ต้าย.

26เยีย ปุน นิ่น บัว ฮิ้ว ตุ๊ เม่ย, หย่า อ๋อย ปุน นิ่น บัว ฮิ้ว เจี๊ยน มี่ง เหว่ย ปุน นิ่น บัว ฮนั้ม เมี่ยน ฮนั้ง เตีย ฮนั้ม เยีย นอ, หย่า ปุน เยีย เหธา นิ่น บัว จวั่ง แหม่ง เฒี่ยง.”

← Chapter 16 Jump to: Chapter 18 →

Recommended Reading

Commentary John Commentaries → Devotional John Devotional Guide → Get This Bible Mien Bible (Thai Script) © Thailand Bible Society, Study Bible →