John 5

Mien Bible (Thai Script) © Thailand Bible Society, 2007

1ฆะฮ้า เยซู มี่ง เยลูซาเลม ฒี่ง เจี๋ย ยิวไท เมี่ยน เญย เหยียด นอม ฒิบ.

2เยียม เยลูซาเลม ม่าย เต้า แก้ง เห่ว ปะกี ยู่ง แก้ง. แก้ง กะเฮลน ม่าย นอม ววม-ต้ม, ฮิบลู หว่า เห่ว เบดซาทา. ววม-ต้ม เฮลน หย่า ม่าย ปยา นอม ปี๋ง ล่าง เญย ลิ่ว.

3ปุ๊ด-แป่ง เมี่ยน ธั้ม เญย เปว๋ย วั้ว. มฒีง แม่ง, มฒีง บั๊ว หย่า ม่าย, เหฒา หว่าย เญย หย่า ม่าย, ปุ๊ด แป่ง-ไบ ไม้ ไฮ่ ต์ง เญย หย่า ม่าย. นิ่น บัว ฒั้ว ววม ต์ง,

4เหว่ย หฒุ ม่าย เต๋ย เฒี่ยง โห่ ม่าย เต้า เฒี้ยว เญย ฟิน-เมี่ยน เหฌี่ย ต้าย มัวะ ววม ต์ง. ววม ต์ง ลิ์ว, หาย เต้า เหฌี่ย มี่ง เหฒียม ด่าง, ไม้ กุ๊น ปุ๊ด หาย หญู่ง แป่ง, แป่ง ฯฒฯ หลง เหฑ่ง อ๊ะ.

5เยียม วั้ว ม่าย เต้า เมี่ยน ปุ๊ด ฟ่า เหฒียบ เป๊ด หฮญัง แป่ง.

6เยซู ปวัด นิ่น เปว๋ย วั้ว หย่า ฮิ้ว ตุ๊ นิ่น ปุ๊ด แป่ง เล่า ไห่, ฯฒฯ หน่าย ก๋า นิ่น, “เม่ย อ๋อย แป่ง หลง เญย ไฟ?”

7วั้ว เต้า แป่ง เมี่ยน เตา, “ต้ม ก๋อ อ่า, ววม ต์ง เญย เฒี่ยง โห่ ไม้ ม่าย หาย เต้า ต้อ เยีย เหฌี่ย ววม. เยีย กั้น มี่ง ไม้ แก้ง เถา, เมี่ยน เปียะ ด่าง หมี่ อ๊ะ.”

8เยซู ก๊อง บั๋ว นิ่น, “เจี์ย ซิน ต้าย, ต้อ เจี๊ยน เม่ย เญย จิ่ว ยั่ง เจ๊า มี่ง อ๊ะ.”

9วั้ว เต้า เมี่ยน เลี่ยม เฒ่ย หลง ต้าย ฯฒฯ ต้อ เจี๊ยน นิ่น เญย จิ่ว ยั่ง เจ๊า มี่ง หมี่ อ๊ะ. วั้ว ฮนอย เซ ต๋อย หฒุ ตี้ง กง ฮนอย.

10ยิวไท เมี่ยน ฯฒฯ ก๊อง บั๋ว แป่ง หลง วั้ว เต้า, “ตี้ง กง ฮนอย เม่ย ต้อ เจี๊ยน จิ่ว มี่ง หาย เดา เซ ต่อง บัว เญย เล์ย.”

11นิ่น เตา, “หฒ่อ เยีย หลง วั้ว เต้า เมี่ยน เห่ว เยีย ต้อ เจี๊ยน จิ่ว ยั่ง เจ๊า มี่ง อ๊ะ.”

12วั้ว เต๋ย เมี่ยน แอ๋ง หน่าย นิ่น, “เห่ว เม่ย ต้อ เจี๊ยน จิ่ว มี่ง วั้ว เต้า เซ หาย เต้า?”

13มป่า แป่ง หลง วั้ว เต้า เมี่ยน ไม้ ฮิ้ว ตุ๊ หฒ่อ นิ่น หลง วั้ว เต้า ต้ง หาย เต้า, เหว่ย หฒุ เมี่ยน ธั้ม ไห่, เยซู หย่า เล่ย ฆอย มี่ง หมี่ อ๊ะ.

14ฆะฮ้า เยซู แอ๋ง ปวัด นิ่น หฒ่อ หลง วั้ว เต้า เมี่ยน เยียม หฒั่ง ทิน-ฮู่ง เญย เปย๊า ฯฒฯ ก๊อง บั๋ว นิ่น, “หมั่ง ก๋า, เม่ย เญย แป่ง หฒ่อ หลง เหฑ่ง. ยั่ง น้าย เจี๋ย ไม้ ตู๋ง ป์าม ฒุ์ย อ๊ะ โอ่. เหฑีย เม่ย แอ๋ง ไฮ่ ปวั้ง เก้า โค้ว เจี๋ย เญย หน่าน ฒี่ง.”

15วั้ว เต้า เมี่ยน หฑวน มี่ง ก๊อง บั๋ว โหฒว โฮล เญย ยิวไท เมี่ยน, “หฒ่อ เยีย หลง วั้ว เต้า เซ ต้ง เยซู.”

16เหว่ย หฒุ เยซู หล่ง ตี้ง กง ฮนอย โหฒว น้าย เต๋ย สี่, ยิวไท เมี่ยน หธีง ต้าย โหฒว โตะ นิ่น.

17มป่า เยซู ก๊อง บั๋ว นิ่น บัว, “เยีย เญย เตีย หฒั่นๆ โหฒว กง เถา อี้ หฒั่น. เยีย หย่า โหฒว กง อ๊ะ.”

18เยซู ฮนั้ง น้าย นอ ก๊อง, โหฒว โฮล เญย ยิวไท เมี่ยน เก้า ฟัด อ๋อย ไต๋ นิ่น, เหว่ย หฒุ นิ่น ไม้ ตาน ต่อง ตี้ง กง ฮนอย เญย เล์ย ฮนั้ง. นิ่น หย่า ก๊อง ทิน-ฮู่ง โหฒว นิ่น เญย เตีย, ฯฒฯ ท่าย นิ่น กั้น เหธา ทิน-ฮู่ง ฟี่ ด่ง โฮล.

19เยซู บั๋ว นิ่น บัว, “เยีย ก๊อง เฒียน บั๋ว เม่ย บัว, หฒั่ง เตี๋ย เญย ตอน ไม้ ไฮ่ เซว่ย กั้น เญย เฮญี้ยว โหฒว หาย หญู่ง. ตอน ปวัด เตีย โหฒว หาย หญู่ง, นิ่น ฯฒฯ ขูง โหฒว วั้ว หญู่ง ฮนั้ง. เตีย โหฒว หาย หญู่ง, นิ่น เญย ตอน ฯฒฯ โหฒว วั้ว หญู่ง.

20หฒั่ง เตี๋ย ฮนั้ม นิ่น เญย ตอน, ฯฒฯ เฒาะ กั้น โหฒว เญย เหยียด ฒู้ง สี่ ปุน นิ่น เญย ตอน หมั่ง. นิ่น ฒู้ง อ๋อย โหฒว เก้า โฮล น้าย เต๋ย สี่ ปุน นิ่น เญย ตอน หมั่ง, เม่ย บัว ฯฒฯ บัวะ ฮ่อง ไห่.

21หฒั่ง เตี๋ย ฮนั้ง หาย นอ ปุน ไต่ มี่ง เญย เมี่ยน นั่ง ต้าย เฒี่ยง เจี๊ยน, นิ่น เญย ตอน หย่า ฮนั้ง วั้ว นอ ปุน ต้ง นิ่น อ๋อย ปุน วั้ว เต๋ย ตุ๊ เฒี่ยง เจี๊ยน.

22หฒั่ง เตี๋ย กั้น ไม้ เซี้ยม หาย เต้า เญย ฒุ์ย. นิ่น เฒาะ หลี่ง จิว ปุน นิ่น เญย ตอน เซี้ยม เหยียด ฒู้ง ฒุ์ย,

23เหว่ย ปุน เมี่ยน ท่าย นิ่น เญย ตอน ฮนั้ง นิ่น บัว ท่าย หฒั่ง เตี๋ย นอ. หาย เต้า ไม้ ท่าย นิ่น เญย ตอน, วั้ว เต้า ไม้ ท่าย หฒั่ง เตี๋ย, ต้ง พ้าย นิ่น เญย ตอน ต้าย วั้ว เต้า.

24“เยีย ก๊อง เฒียน บั๋ว เม่ย บัว, หาย เต้า หมวัง เยีย เญย หว่า หย่า เสียน เขา พ้าย เยีย ต้าย วั้ว เต้า, ฯฒฯ ตุ๊ เหยียด ลิ์ว เญย แหม่ง, หย่า ไม้ หฒุ ตี่ง ฒุ์ย. นิ่น เปย๋า ดุ๊ด ไต่ เญย เจ๊า ตุ๊ เฒี่ยง แหม่ง.

25เยีย ก๊อง เฒียน บั๋ว เม่ย บัว, เฒี่ยง โห่ อ๋อย เถา, ฒู้ง เถา อ๊ะ, ไต่ มี่ง เญย เมี่ยน ไฮ์ ทิน-ฮู่ง เญย ตอน เญย เฉีย, ฯฒฯ นั่ง ต้าย เฒี่ยง เจี๊ยน.

26หฒั่ง เตี๋ย ฮนั้ง หาย นอ โหฒว เฒี่ยง แหม่ง เญย กอน-ญ่วน, นิ่น หย่า จิว ปุน นิ่น เญย ตอน ฮนั้ง วั้ว นอ โหฒว เฒี่ยง แหม่ง เญย กอน-ญ่วน.

27หฒั่ง เตี๋ย หย่า ปุน นิ่น เญย ตอน ม่าย หลี่ง เซี้ยม ฒุ์ย เหว่ย หฒุ นิ่น เญย ตอน โหฒว ป้าม เมี่ยน เญย ตอน.

28“เม่ย บัว ไม้ ตู๋ง เหว่ย น้าย เต๋ย สี่ ฮนั้ม ไม้ เม่ง แปะ. เฒี่ยง โห่ อ๋อย เถา, เยียม โฒ้ว เญย เหยียด ฒู้ง ตุ๊ ไฮ์ นิ่น เญย เฉีย

29ฯฒฯ เยียม โฒ้ว ธ้วด ต้าย. โหฒว หลง วั้ว เต๋ย ตุ๊ นั่ง ต้าย เฒี่ยง เจี๊ยน. โหฒว หว่าย วั้ว เต๋ย นั่ง ต้าย หฒุ ตี่ง ฒุ์ย.

30“เยีย ไม้ ไฮ่ เอย เยีย กั้น เญย เฮญี้ยว โหฒว หาย หญู่ง. ทิน-ฮู่ง ฮนั้ง หาย นอ บั๋ว เยีย, เยีย ฯฒฯ ฮนั้ง วั้ว นอ เซี้ยม. เยีย หย่า แป้ง ฟิม เญย เซี้ยม, เหว่ย หฒุ เยีย ไม้ เฒ์ย อ๋อย เอย เยีย กั้น เญย เอ๋ย โหฒว. ขูง อ๋อย เอย พ้าย เยีย ต้าย วั้ว เต้า เญย เอ๋ย ฮนั้ง.

31สี ก๊อง เยีย เหว่ย เยีย กั้น โหฒว ฒอง-เหฒง, เมี่ยน ฯฒฯ ฝุน ไม้ เฒียน.

32มป่า แอ๋ง ม่าย เต้า เถง เยีย โหฒว ฒอง-เหฒง. เยีย ฮิ้ว ตุ๊ นิ่น เญย ฒอง-เหฒง หว่า หฒะเก้ง เฒียน เญย.

33“เม่ย บัว พ้าย เมี่ยน มี่ง โยฮัน วั้ว, นิ่น หย่า เหว่ย เฒียน เล์ย โหฒว ฒอง-เหฒง.

34เยีย ไม้ เฒ์ย เฉียม หฒุ เมี่ยน เถง เยีย โหฒว ฒอง-เหฒง. เยีย ขูง ฮนั้ง น้าย นอ ก๊อง เหว่ย ปุน เม่ย บัว ตุ๊ เหฌียว ฮนั้ง.

35โยฮัน เป๊ย นอม ตัง, เตี๊ยม เหฒียะ ฌัง เญย. เม่ย บัว หย่า เฌียน-โย่ว อะเฮน้ย เยียม หธาม นิ่น เญย ฌัง.

36“เยีย หย่า ม่าย หญู่ง โหฒว ฒอง-เหฒง เก้า โฮล เจี๋ย โยฮัน โหฒว เญย. เซ ต้ง หฒั่ง เตี๋ย พ้าย เยีย โหฒว เหฒียง เญย หญู่งๆ กง. เซ อี้ หฒั่น เยีย โหฒว เจี๊ยน น้าย เต๋ย กง ปุน ธีง หฒั่ง เตี๋ย กั้น พ้าย เยีย ต้าย.

37หฒั่ง เตี๋ย พ้าย เยีย ต้าย, นิ่น กั้น หย่า เถง เยีย โหฒว ฒอง-เหฒง. มป่า เม่ย บัว ไม้ ไฮ์ เจี๋ย นิ่น เญย เฉีย หย่า ไม้ ปวัด เจี๋ย นิ่น เญย ฝัง เฒ้ย.

38เม่ย บัว เญย เฮญี้ยว ไม้ ฒ่าง นิ่น เญย หว่า, เหว่ย หฒุ เม่ย บัว ไม้ เสียน นิ่น พ้าย ต้าย วั้ว เต้า.

39เม่ย บัว ชะ ฒ่า กีง-โซว, หล่าย กีง-โซว ไฮ่ เถง เม่ย บัว ตุ๊ เหยียด ลิ์ว เญย แหม่ง. น้าย กีง-โซว เถง เยีย โหฒว ฒอง-เหฒง

40มป่า เม่ย บัว ไม้ คั้ง ต้าย ล์อ เยีย ตุ๊ เฒี่ยง แหม่ง.

41“เยีย ไม้ เฒ์ย ล์อ เมี่ยน เธง เยีย.

42เยีย ฮิ้ว ตุ๊ เม่ย บัว, หย่า ฮิ้ว ตุ๊ เยียม เม่ย บัว เญย เฮญี้ยว เม่ย บัว ไม้ ฮนั้ม ทิน-ฮู่ง.

43เยีย ดาม เยีย เญย เตีย เญย เม่ง ต้าย มป่า เม่ย บัว ไม้ ฒิบ เยีย. สี ก๊อง ม่าย เต้า ดาม เจี๊ยน นิ่น กั้น เญย เม่ง ต้าย, เม่ย บัว อ๋อย ฒิบ นิ่น เญย.

44เม่ย บัว อะเฮน้ย ตุ๊ เมี่ยน เธง, มป่า เม่ย บัว ไม้ ล์อ ดุ เต้า วั้ว เต้า ทิน-ฮู่ง เธง เม่ย บัว. วั้ว หญู่ง เม่ย บัว ฮนั้ง หาย นอ ไฮ่ เสียน เยีย?

45“เม่ย บัว ไม้ ตู๋ง ฮนั้ม เยีย อ๋อย เยียม หฒั่ง เตี๋ย เญย หฑะเฮมียน โก๋ เม่ย บัว. อ๋อย โก๋ เม่ย บัว วั้ว เต้า เซ โมเซ, ต้ง เม่ย บัว ม่าย ลั่ม ฮนั้ม วั้ว เต้า.

46สี ก๊อง เม่ย บัว หฒะเก้ง เสียน โมเซ, เม่ย บัว ฯฒฯ เสียน เยีย, เหว่ย หฒุ นิ่น เฟี้ย เญย ก๊อง เถา เยีย.

47มป่า เม่ย บัว ไม้ เสียน โมเซ เฟี้ย เญย นอ, เม่ย บัว ฮนั้ง หาย นอ ไฮ่ เสียน เยีย เญย หว่า?”

← Chapter 4 Jump to: Chapter 6 →