Hosea 6

Javanese KJS17 (Kitab Jawa Suriname)

← Chapter 5 Jump to: Chapter 7 →

1“Hayuk pada bali mratobat marang GUSTI! Awit Panjenengané sing nyempal-nyempal, lan sing bakal maraské kita; Panjenengané sing nggebuki kita, lan ya sing bakal mblebet kita uga.

2Sakwisé rong dina kita bakal diuripké menèh, ing dina kaping telu ditangèkké, dadi kita bakal urip ing ngarepé.

3Mulané hayuk pada kenalan lan mbudidaya karo temen-temen supaya manut karo GUSTI, Panjenengané mesti bakal liwat kaya njedulé ésuk wétan; kita bakal diparani tyarané kaya udan, kaya udan ing pungkasané mangsa sing nelesi bumi.”

4Hé, Efraim, apa sing bakal Tak tibakké marang kowé? Hé Yéhuda, kowé bakal Tak kapakké? Katrésnanmu kaya pedut ésuk, kaya ebun sing ésuk mruput ilang.

5Mulané wis pada Tak remuk lantaran para nabi lan Tak patèni karo tembungé tutuk-Ku lan paukuman-Ku sing bener semlorot kaya pepadang.

6Awit sing Tak senengi kuwi katrésnan duduk kurban sing dibelèh, lan aluwung milih manut marang Gusti Allah tenimbangané karo kurban obongan.

7Nanging wong-wong kuwi wis nerak perjanjian kaya Adam, ing kono enggoné goroh marang Aku.

8Giléad kuwi kutané para tumindak ala, kebak tilas-tilas getih.

9Kumpulané para imam kuwi kaya grombolan bégal sing ngadang memangsané, pada matèni ing dalan sing nuju ing Sikem, sejatiné, tumindak sing ala sing dilakoni.

10Ing antarané turunané Israèl Aku ngerti pokal-gawé sing medèni; ing kono Efraim pada laku bédang lan Israèl wis najisaké awaké déwé.

11Hé Yéhuda, uga kowé wis ditetepaké waktu panèn, paukumanmu: Yèn kahanané umat-Ku wis Tak balèkké.

← Chapter 5 Jump to: Chapter 7 →