Mark 14 — Kabyle Maybe is 2001

1Qqimen-d sin wussan i Tfaska n izimer n leslak i deg xeddmen aɣṛum mbla tamtunt (iɣes). Lmuqedmin imeqqranen d lɛulama, țnadin s tḥila, sebba s wayes ara ḥebbsen Sidna Ɛisa iwakken a t-nɣen.

2Qqaṛen: Ur nezmir ara a t-nessekcem ɣer lḥebs deg wass n lɛid, neɣ m'ulac lɣaci ad sekkren ccwal.

3Sidna Ɛisa yella di taddart n Bitanya, deg wexxam n Semɛun ihelken lbeṛs; mi qqimen ad ččen, ațaya yiwet n tmeṭṭut tekcem-ed, tewwi-d yid-es taqbuct ițwaxedmen s wezṛu amellal, teččuṛ d leɛṭeṛ yeṣfan ɣlayen. Teṛẓa taqbuct-nni, tesmar-iț ɣef wuqeṛṛuy n Sidna Ɛisa.

4Kra deg-sen zeɛfen nnan: Acuɣer i tessexṣeṛ leɛṭeṛ-agi?

5Lemmer i t-nezzenz, a d-yawi akteṛ n telt meyya twiztin n lfeṭṭa ara nefṛeq i igellilen! Dɣa rfan ɣef tmeṭṭut-nni.

6Sidna Ɛisa yenna: Anfet-as acimi i ț-tesnuɣnayem? Ayen akka i yi-texdem d ayen yelhan!

7Igellilen ad ilin daymen gar-awen, tzemrem a ten-tɛiwnem melmi i wen yehwa; ma d nekkini ur țɣimiɣ ara daymen yid-wen.

8Ayen tezmer a t-texdem texdem it: tedhen lǧețța-w thegga-ț i temḍelt.

9A wen-d-iniɣ tideț: di mkul amkan n ddunit anda ara yețțubecceṛ lexbaṛ-agi n lxiṛ, a d-țmektayen tameṭṭut-agi d wayen akka texdem.

10Yudas n Qeṛyut yiwen si tnac inelmaden, iṛuḥ ɣer imeqqranen n lmuqedmin, yemsefham yid-sen amek ara sen yezzenz Sidna Ɛisa.

11Feṛḥen aṭas mi s-slan, ɛuhden-t a s-fken idrimen. Imiren Yudas ițqellib tagniț i deg ara sen-t-yezzenz.

12Ass amenzu n Tfaska n weɣṛum mbla tamtunt (iɣes), i deg zellun izimer n leslak, inelmaden nnan i Sidna Ɛisa: Anda tebɣiḍ a nheggi imensi n Tfaska?

13Iceggeɛ sin seg inelmaden-is, yenna-yasen: Ṛuḥet ɣer temdint, a d-temlilem d yiwen wergaz yewwi-d tacmuxt n waman, tebɛet-eț ɣer wanda ara yekcem,

14init i bab n wexxam-nni: Ssid-nneɣ yenna-yak: « anda-ț texxamt i deg ara ččeɣ imensi n Tfaska n izimer nekk d inelmaden-iw? »

15A kkun-yessali ɣer yiwet n tɣuṛfeț tameqqrant iwesɛen, kullec yella deg-s. Dinna ara theggim imensi n Tfaska.

16Inelmaden ṛuḥen, mi wwḍen ɣer temdint, ufan kullec akken i sen-t yenna. Dɣa heggan imensi n Tfaska.

17Mi d-teɣli tmeddit, Sidna Ɛisa yusa-d akk-d tnac-nni inelmaden.

18Mi qqimen ad ččen, Sidna Ɛisa yenna yasen: A wen-iniɣ tideț: yiwen seg-wen itețțen yid-i, ad iyi-ixdeɛ.

19Yeɣli-d leḥzen fell-asen, bdan steqsayen-t yiwen yiwen qqaṛen-as: A Sidi, neɣ mačči d nekk?

20Yenna-yasen: D yiwen seg-wen, yessasnen yid-i talqimt n weɣṛum deg uḍebsi.

21?-țideț, Mmi-s n bunadem ad iṛuḥ akken yețwakteb fell-as di tira iqedsen; meɛna a nnger n wergaz-nni ara t-ixedɛen. Axiṛ-as lemmer ur d-ilul ara ɣer ddunit!

22Mi bdan tețțen, Sidna Ɛisa yeddem-d aɣṛum, yeḥmed Ṛebbi, yebḍa-t, ifṛeq-it i inelmaden-is, yenna yasen:?čet-eț, ayagi d-lǧețța-w.

23Yeddem-ed daɣen lkas n ccṛab, yeḥmed Ṛebbi, yefka-yasen, swan meṛṛa seg-s.

24Sidna Ɛisa yenna-yasen: Ayagi d idammen n leɛqed amaynut, d idammen-iw ara yazlen ɣef waṭas n yemdanen.

25S tideț nniɣ-awen: ur țuɣaleɣ ara ad sweɣ si lfakya n tẓurin, alamma d ass i deg ara sweɣ ccṛab ajdid di tgelda n Ṛebbi.

26Mi cnan isefra n?abur, ulin ɣer yiɣil n uzemmur.

27Sidna Ɛisa yenna-yasen: A kkun-yewwet akk wugur akken yețwakteb: Ad ewwteɣ ameksa, ulli ad rewlent ɣer mkul lǧiha.

28Yerna-yasen-d: Meɛna m'ara d-ḥyuɣ si ger lmegtin a wen-zwireɣ ɣer tmurt n Jlili.

29Buṭrus yenna-yas:?as ad ccḍen akk, nekkini ur țeccḍeɣ ara.

30Sidna Ɛisa yerra-yas: A k-d-iniɣ tideț: iḍ-agi uqbel ad yeskkuɛ uyaziḍ snat n tikkal, kečč a i-tnekṛeḍ tlata iberdan.

31Meɛna Buṭrus yenna-yas daɣen: Ad qebleɣ ad dduɣ yid-ek ula ɣer lmut wala a k-nekkṛeɣ. Inelmaden nniḍen nnan-d meṛṛa akken.

32Mi wwḍen ɣer tmazirt n Jitsimani, Sidna Ɛisa yenna-yasen i inelmaden-is: Qqimet dagi, ma d nekk ad ṛuḥeɣ ad ẓalleɣ.

33Yewwi yid-es Buṭrus, Yeɛqub akk-d Yuḥenna. Yetḥeyyeṛ, tekcem-it tugdi.

34Yenna-yasen:?usseɣ s leḥzen n lmut; qqimet dagi, ɛiwzet!

35Issebɛed iman-is fell-asen, iḍeggeṛ iman-is ɣer lqaɛa, yedɛa ɣer Sidi Ṛebbi ma yella wamek ara yessebɛed fell-as taswiɛt-nni n leɛtab.

36Yeqqaṛ-as: A baba, a baba Ṛebbi! Kečč tzemreḍ i kullec; ssebɛed fell-i lkas-agi n leɛtab. Lameɛna d lebɣi-k kan ara yedṛun mačči d lebɣi-w.

37Yuɣal-ed ɣer inelmaden-is, yufa-ten-id ṭṭsen. Yenna i Buṭrus: A Semɛun, teṭṭseḍ? Ur tezmireḍ ara aț-țɛiwzeḍ ula d ssaɛa?

38Ɛiwzet tẓallem, iwakken ur tɣellim ara deg ujeṛṛeb. Ṛṛuḥ yeǧhed yerna yebɣa, meɛna lǧețța ur tezmir ara, tulwa.

39Issebɛed iman-is daɣen, iɛawed i tẓallit-nni.

40Mi d-yuɣal yufa-ten daɣen ṭsen, iɣleb-iten nuddam. Ur ẓrin d acu ara s-d-erren.

41Yuɣal-ed tikkelt tis tlata yenna yasen: Mazal-ikkun teṭṭsem, testeɛfam! Dayen tura, tewweḍ-ed teswiɛt-nni! Mmi-s n bunadem ițusellem ger ifassen n imednuben.

42Kkret fell awen a nṛuḥet! Win i yi-izzenzen yewweḍ-ed.

43Mazal-it iheddeṛ, mi d-yewweḍ Yudas, yiwen si tnac-nni. Ddan-d yid-es aṭas n lɣaci s iɛekkzan d ijenwiyen, ceggɛen-ten-id lɛulama n ccariɛa, imeqqranen n lmuqedmin akk-d imeqqranen n wegdud.

44Win akken i gzenzen Sidna Ɛisa yemsefham yid-sen, yenna-yasen: Win i ɣef ara selmeɣ, d nețța; ṭṭfet-eț tefkem-t i iɛessasen a t-awin.

45Akken kan i d-yewweḍ, iqeṛṛeb ed ɣer Sidna Ɛisa yenna-yas: A Sidi! Dɣa isellem fell-as.

46Imiren lɣaci mmɣen ɣef Sidna Ɛisa, ṭṭfen-t.

47Yiwen seg wid yellan dinna ijbed-ed ajenwi, yewwet aqeddac n lmuqeddem ameqqran, igzem-as ameẓẓuɣ.

48Sidna Ɛisa yenna-yasen: Teffɣem-d ɣuṛ-i s ijenwiyen d iɛekzan am akken d amcum i lliɣ?

49Mkul ass lliɣ yid-wen sselmadeɣ di lǧameɛ, yiwen ur yessers afus-is fell-i. Meɛna ayagi yedṛa-d, iwakken ad nnekmalent tira iqedsen.

50Imiren ǧǧan-t akk inelmaden-is, rewlen.

51Yiwen ilemẓi yelsan anagar timelḥeft itbeɛ-it. Emmɣen fell-as a t-ṭṭfen,

52meɛna iserreḥ i tmelḥeft-nni, yerwel akken d aɛeryan.

53Wwin Sidna Ɛisa ɣer wexxam n lmuqeddem ameqqran, anda nnejmaɛen imeqqranen n lmuqedmin, lɛulama n ccariɛa akk-d imeqqranen n wegdud.

54Buṭrus itbeɛ-it s lebɛid, armi d azniq n wexxam n lmuqeddem ameqqran. Yeqqim ger iɛessasen, yesseḥmuy ɣer tmes.

55Lmuqedmin imeqqranen akk-d tejmaɛt n ccṛeɛ, țnadin cchada iṣṣeḥan s wacu ara ḥekmen fell-as s lmut, lameɛna ur ufin ara.

56Aṭas i gcehden fell-as s ẓẓur, lameɛna cchadat-nsen ur ṣṣeḥant ara.

57Kra deg-sen kkren-d ad cehden fell-as s ẓẓur, nnan:

58Nesla-yas mi d-yenna: « ad huddeɣ lǧameɛ-agi iqedsen yebnan s ufus n wemdan; di tlata wussan, ad bnuɣ wayeḍ ur nețwabennuy ara s ufus n wemdan.»

59Lameɛna ula ɣef wayagi cchadat nsen ur ṣṣeḥant ara.

60Lmuqeddem ameqqran ibedd di tlemmast n tejmaɛt, yesteqsa Sidna Ɛisa yenna-yas: Ur d-tețțaraḍ ara awal? Acu akka i d-qqaṛen yemdanen-agi i d-icehden fell-ak?

61Sidna Ɛisa yessusem ur d-yerri acemma. Ameqqran n lmuqedmin iɛawed isteqsa-t yenna-yas: Kečč, d Lmasiḥ Mmi-s n Ṛebbi yețțubarken?

62Sidna Ɛisa yerra-yas:?-țideț, d nekk! Yerna aț-țeẓrem Mmi-s n bunadem yeqqim ɣer tama tayeffust n Bab n tezmert; a t-twalim asmi ara d-yas seg igenwan ɣef wusigna.

63Lmuqeddem ameqqran icerreg aqenduṛ-is yenna: Ur nuḥwaǧ ara inigan nniḍen!

64Teslam akken yekfeṛ? D acu twalam??ekmen fell-as s lmut akken ma llan.

65Kra seg-sen ssusufen-t, țɣummun-as udem-is, kkaten-t s lbunyat qqaṛen-as: Eɛqel anwa i k-id-yewten! Iɛessasen-nni wwin-t, kkaten-t s ibeqqayen.

66Buṭrus mazal-it deg ufrag n wexxam n lmuqeddem ameqqran; ațaya yiwet n tqeddact,

67twala-t yesseḥmay, tmuqel-it nezzeh, tenna yas: Ula d kečč telliḍ akk-d Ɛisa anaṣari.

68Inkeṛ yenna: Ur ẓriɣ, ur fhimeɣ ayen i d-teqqaṛeḍ. Dɣa yeffeɣ, iṛuḥ ɣer wesqif. Imiren kan yeskkuɛ uyaziḍ.

69Twala-t daɣen tqeddact-nni, tenna i wid yellan dinna: Argaz-agi d yiwen seg-sen! Yenkeṛ tikkelt tis snat.

70Taswiɛt kan, wid yellan dinna nnan daɣen i Buṭrus: Mbla ccekk ula d kečč telliḍ seg-sen, axaṭer d ajlili i telliḍ.

71Yebda yețgalla yeqqaṛ: A yi-inɛel Ṛebbi ma skaddbeɣ! Ur ssineɣ ara argaz-agi i ɣef tețmeslayem.

72Imiren kan yeskkuɛ uyaziḍ tikkelt tis snat, imiren Buṭrus yemmekta-d awal i s-d-yenna Sidna Ɛisa: « uqbel ad yeskuɛ uyaziḍ tikkelt tis snat, a yi-tnekkṛeḍ tlata iberdan. » Dɣa yeṭṭerḍeq d imeṭṭawen.