Mark 7

Kabyle Maybe is 2001

← Chapter 6 Jump to: Chapter 8 →

1Ifariziyen d kra lɛulama n ccariɛa i d-yusan si temdint n Lquds, nnejmaɛen-d ɣer Sidna Ɛisa.

2Walan kra seg inelmaden-is tețțen aɣṛum mbla ma ssarden ifassen-nsen, akken tella di lɛadda-nsen.

3Axaṭer ifariziyen akk-d wat Isṛail ur tețțen ara uqbel ad ssirden ifassen-nsen, imi ṭṭfen di lɛadda n lejdud-nsen.

4M'ara d-uɣalen si ssuq, ur tețțen ara alamma uɣen luḍu.?ṭfen daɣen deg waṭas n lɛaddat nniḍen: tarda n yeqbac, n tbuqalin, akk-d lḥilat meṛṛa n nnḥas.

5Ifariziyen d lɛulama steqsan-t, nnan-as: Acuɣer inelmaden-ik ur ṭṭifen ara di lɛaddat i ɣ-d-ǧǧan lejdud nneɣ, atan tețțen s ifassen yumsen?

6Yerra-yasen: Ay at sin wudmawen! Fell-awen i d-yura nnbi Iceɛya mi d-yenna: Lǧil-agi țɛebbiden-iyi s yimi-nsen kan, lameɛna deg ulawen-nsen beɛden fell-i aṭas.

7Aɛebbed-agi i yi-țɛebbiden ur yesɛi ara lqima, imi ayen sselmaden mačči s ɣuṛ-i i d-yekka meɛna d lɛaddat n yemdanen kan.

8Tețțaǧǧam lumuṛat i d-yefka Sidi Ṛebbi akken aț-țtebɛem leɛwayed n yemdanen.

9Sidna Ɛisa yenna daɣen: Tețțarram di ṭṭerf lumuṛ n Ṛebbi, iwakken aț-țeṭṭfem di leɛwayed-nwen.

10Axaṭer Musa yenna-d qadeṛ baba-k d yemma-k. Yenna-d daɣen: Win ara ineɛlen baba-s d yemma-s, ad ițwaḥkem fell-as s lmut.

11Ma d kunwi tesselmadem belli yezmer yiwen ad yini i baba-s neɣ i yemma-s: « Ayen s wacu ilaq a kkun-refdeɣ, fkiɣ-t d lqeṛban, (yeɛni d lweɛda i Ṛebbi). »

12S wakka tserrḥem-as ur yețɛawan ara imawlan-is.

13Atah wamek i tețbeddilem awal n Ṛebbi s lɛaddat-nwen yerna aṭas n temsalin nniḍen i txeddmem am tigi.

14Yessawel daɣen i lɣaci yenna yasen: Smeḥset-iyi-d akk, tfehmem:

15Mačči d ayen ikečmen ɣer daxel n wemdan ara t-yesneǧsen, meɛna d ayen i d-ițeffɣen seg ul-is.

16Ma tesɛam imeẓẓuɣen isellen, slet-ed!

17Mi geǧǧa lɣaci-nni, yekcem ɣer yiwen wexxam, inelmaden-is ssutren as a sen-d-issefhem lemtel nni.

18Yenna-yasen: Eɛni ula d kunwi ur tefhimem ara ayen bɣiɣ a wen-t-id-iniɣ? Ur teẓrim ara belli mačči d ayen i gkeččmen ɣer daxel n wemdan i t-yessenǧasen?

19Axaṭer ayagi ur ikeččem ara ɣer wul-is, meɛna ɣer uɛebbuḍ-is, dɣa ad ițwadeggeṛ ɣer beṛṛa. S wakka, i gesseḥlel Sidna Ɛisa yal lqut.

20Yerna yenna: D ayen i d-ițeffɣen seg wemdan i t-yessenǧasen.

21Axaṭer si zdaxel n wul-is i d-țeffɣen yir ixemmimen: asefsed, tukerḍa, timegṛaḍ,

22zzna, yir ccehwat, cceṛ, tiḥila, lexdeɛ, tismin, lekfeṛ, zzux, d wayen akk yellan d lehbala.

23Ayagi akk ițeffeɣ-ed seg ul n wemdan yessenǧas-it.

24Sidna Ɛisa iṛuḥ syenna ɣer leǧwahi n temdint n?ur. Yekcem ɣer yiwen wexxam. Ur yebɣi ara a t-ẓren medden anda yella, lameɛna ur yezmir ara ad iffer fell-asen.

25?-țideț, akken kan yewweḍ, ațaya yiwet n tmeṭṭut yesɛan yelli-s izdeɣ-iț uṛuḥani; tesla s Sidna Ɛisa dɣa tusa-d teɣli ɣer idaṛṛen-is.

26Tameṭṭut-agi ț-țagrikit, tusa-d si leǧwahi yellan ger tmurt n Surya d Finisya. Tessuter-as ad issufeɣ aṛuḥani izedɣen yelli-s.

27Sidna Ɛisa yenna-yas: Eǧǧ uqbel arrac n wexxam ad ṛwun, axaṭer ur ilaq ara a nḍeggeṛ aɣṛum n warrac i yeqjan imecṭaḥ.

28Terra-yas: Ih a Sidi, meɛna iqjan imecṭaḥ ddaw ṭṭabla, tețțen tifețțitin iɣellin i warrac.

29Imiren yenna-yas:?ef wawal-agi i d-tenniḍ, ṛuḥ, yelli-m yeffeɣ-iț uṛuḥani.

30Mi tewweḍ ɣer wexxam-is, tufa yelli-s teḍleq ɣef wussu, yeffeɣ-iț uṛuḥani.

31Sidna Ɛisa iṛuḥ si lǧiha n temdint n?ur, iɛedda-d ɣef temdint n Sidun, yezger tamurt n ɛecṛa-nni n temdinin i deg llant ɛecṛa temdinin-nni, yewweḍ ɣer lebḥeṛ n Jlili.

32Wwin-as-d yiwen wergaz d aɛeẓẓug, d ameqmaq; ḥellelen-t iwakken ad issers afus-is fell-as.

33Sidna Ɛisa yewwi-t yid-es, issebɛed-it ɣef lɣaci; mi gessekcem iḍuḍan-is deg imeẓẓuɣen n wergaz nni, idhen iḍuḍan-is s imetman, yennul-as iles-is yis-sen,

34dɣa yerfed allen-is ɣer igenni, yerra-d nnehta yenna: Effataḥ! (Yeɛni: eldi)

35Imiren kan, imeẓẓuɣen-is ldin, iles-is iserreḥ, yebda yețmeslay akken ilaq.

36Sidna Ɛisa iweṣṣa-ten ur țɛawaden i yiwen ayagi; meɛna simmal yețweṣṣi deg-sen, simmal nutni țberriḥen lexbaṛ.

37Lɣaci wehmen, tɛeǧǧben deg wayen ixeddem, qqaṛen-as: Ayen ixeddem akk igerrez; yețțarra-d ula ț-țimesliwt i iɛeẓẓugen yessenṭaq-ed ula d igugamen!

← Chapter 6 Jump to: Chapter 8 →