Mark 2

Kabyle Maybe is 2001

← Chapter 1 Jump to: Chapter 3 →

1Ɛeddan kra wussan, Sidna Ɛisa yuɣal-ed ɣer Kafernaḥum; yeffeɣ lexbaṛ belli deg wexxam-nni i gella.

2Aṭas n lɣaci i d-innejmaɛen, armi ur d-yeqqim wemkan ula zdat tewwurt. Nețța yețbecciṛ-asen awal n Sidi Ṛebbi.

3A ten-aya ṛebɛa yergazen wwin-d yiwen wukrif i Sidna Ɛisa.

4Akken walan ur zmiren ara a t-ssiwḍen ɣuṛ-es si lɣaci-nni, kkan-d si ssqef, kksen iqermuden sennig wanda yella Sidna Ɛisa, syenna ssadren-d ukrif-nni deg wusu-ines.

5Mi gwala liman-nsen, Sidna Ɛisa yenna i wukrif-nni:?waɛeffan-ak ddnubat-ik a mmi.

6Llan dinna kra lɛulama qqimen țxemmimen deg ulawen-nsen qqaṛen:

7Amek armi yessaweḍ a d-yini imeslayen-agi? Wagi d lekfeṛ! Anwa i gzemren ad yeɛfu ddnubat anagar Sidi Ṛebbi?

8Imiren kan Sidna Ɛisa yeẓra ayen țxemmimen deg ulawen-nsen, yenna yasen: Acuɣer tețxemmimem akkagi deg ulawen-nwen?

9D acu i gsehlen a s-t-iniɣ i wukrif-agi: țwaɛfan-ak ddnubat-ik, neɣ kker ddem usu-inek telḥuḍ?

10Ihi bɣiɣ aț-țeẓrem belli Mmi-s n bunadem yezmer ad yeɛfu ddnubat di ddunit. Yenna i wukrif-nni:

11Kker, ddem usu-inek tṛuḥeḍ ɣer wexxam-ik!

12Imiren kan, yekker yeddem usu-ines, yeffeɣ zdat-nsen irkul. Lɣaci wehmen deg wayen yedṛan, țḥemmiden Sidi Ṛebbi, qqaṛen: Werǧin (di leɛmeṛ) neẓri ayagi!

13Sidna Ɛisa yuɣal ɣer rrif n lebḥeṛ. Aṭas n lɣaci i d-ițasen ɣuṛ-es dɣa yesselmad-iten.

14Mi gɛedda, iwala yiwen umekkas yeqqim ițeṭṭef leɣṛama, isem-is Lewwi d mmi-s n?alfi. Sidna Ɛisa yenna-yas: Ddud-d yid-i! Lewwi yekker, yedda yid-es.

15Mi llan tețțen deg wexxam n Lewwi nețța d inelmaden-is, qqimen-d yid-sen imekkasen akk-d yir imdanen, axaṭer aṭas i t-ittabaɛen.

16Lɛulama d ifariziyen mi t-walan itețț d imekkasen akk-d yir imdanen, nnan i inelmaden-is: Acuɣer Ssid-nwen itețț d imekkasen akk-d imednuben?

17Mi sen-yesla Sidna Ɛisa, yenna yasen: Mačči d wid iṣeḥḥan i geḥwaǧen ṭṭbib, meɛna d imuḍan. Ur d-usiɣ ara ad ssiwleɣ i iḥeqqiyen, meɛna i imednuben.

18Inelmaden n Yeḥya aɣeṭṭas akk-d ifariziyen llan țțuẓummen. Usan-d ad steqsin Sidna Ɛisa nnan-as: Acuɣer inelmaden n Yeḥya d inelmaden n ifariziyen țțuẓummen, ma d inelmaden-ik ur țțuẓummen ara?

19Sidna Ɛisa yerra-yasen: Eɛni zemren inebgawen n tmeɣṛa ad uẓummen ma yella yid-sen yesli? Kra ara yekk yesli yid-sen ur zmiren ara ad uẓummen.

20A d-yas lweqt i deg ara sen yețwakkes yesli, deg wass-nni ad uẓummen.

21Yiwen ur yețxiḍi tafaweț tajdiṭ i uceṭṭiḍ aqdim, neɣ m'ulac tafaweț-nni ara s-nernu aț-țesseɣṛes aceṭṭiḍ-nni aqdim dɣa acerrig-nni ad innerni.

22Yiwen ur ițțačaṛ iyeddiden (tiyelwin) iqdimen s ccṛab ajdid, neɣ m'ulac ccṛab-nni ad ifelleq iyeddiden; ccṛab ad inɣel, iyeddiden-nni ad qqeṛsen. Meɛna ccṛab ajdid ilaq ad immir ɣer iyeddiden ijdiden!

23Yiwen wass n ssebt yellan d ass n westeɛfu, Sidna Ɛisa yezger igran n yirden. Inelmaden-is teddun țekksen tigedrin.

24Ifariziyen nnan-as: Acuɣer xeddmen inelmaden-ik ayen ur nelli ara d leḥlal deg wass n ssebt?

25Sidna Ɛisa yerra-yasen: Di leɛmeṛ teɣṛim wayen yexdem ugellid Dawed asmi i ten-yeṭṭef laẓ nețța d irfiqen-is?

26Yekcem ɣer wexxam n Sidi Ṛebbi deg wussan i deg yella Abyaṭar d lmuqeddem ameqqran, yečča nețța d irfiqen-is tiḥbulin-nni n weɣṛum yețțunefken d lweɛda, ɣas akken aɣṛum-nni i lmuqedmin kan iwumi yeḥlel.

27Yenna-yasen: Ass n westeɛfu yețwaxdem i wemdan, mačči d amdan i gețwaxedmen i wass n westeɛfu.

28Daymi Mmi-s n bunadem yeḥkem ula ɣef wass n westeɛfu.

← Chapter 1 Jump to: Chapter 3 →