bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Micah 7
Micah 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
1
Woo nĩ wakwa! Nũndũ nĩilyĩ ta yĩla mombanĩtye mosyao ma ĩvinda ya syũa, ta ũkolan’yo wa ngetha ya nzavivũ: vati kĩtũngo kya kũĩwa; ngoo yakwa nĩyendete ĩkũyũ yĩla yambaa kwĩw’a.
2
Mũkĩi wa Ngai nĩwaĩte kũũ nthĩ, na kũti ũmwe mũlũngalu katĩ wa andũ: onthe moveesyaa metĩkye nthakame; nĩmasyĩmaa kĩla mũndũ mwana‐a‐ĩthe na kĩtei.
3
Moko moo me ũndũnĩ ũla ũthũku kũwĩka na kĩthing’ĩĩsyo; mũnene wĩ mbee ũsumbĩnĩ nĩwĩtasya, na mũsili nĩwĩyũmbanĩtye kwosa mũthĩnzĩo; na mũndũ wĩ nguma, nũneenaa kwenda kũthũku kwa ngoo yake: o ta ũu nĩmatumaa ũndũ ũsu vamwe.
4
Ũla mũseo mbee katĩ woo ailyĩ mũtae wa kĩthekanĩ; ũla mũlũngalu mbee nĩ mũthũku kwĩ wiio wa mĩw’a: mũthenya wa asyaĩĩsya maku, o wa kũsiw’a kwaku, nĩ mũku; yu kũkeethĩwa kũsaanĩw’a kwoo.
5
Mũtikaĩkĩĩe mũtũi; mũtikekwatye mũnyanya; sũvĩa ilomo sya kanyw’a waku kwa mũndũ mũka ũla ũkomaa kĩthũinĩ kyaku.
6
Nũndũ mwana nĩwanangaa ndaĩa ya ĩthe, na mwĩĩtu nũng’endeaa inyia wake, na mũka‐a‐mwana nũng’endeaa inyia wa mũũme; amaitha ma mũndũ nĩ andũ ma nyũmba yake mwene.
7
Ĩndĩ ngalĩ ĩ yakwa, ngamũsisya Yeova; ngamweteela Ngai wa ũtangĩĩo wakwa: Ngai wakwa akambĩw’a.
8
Ndũkatane ĩũlũ wakwa, we mũmaitha wakwa: yĩla ngũvalũka, ngookĩla; yĩla ngwĩkala kĩvindunĩ, Yeova akeethĩwa kyeni kwakwa.
9
Ngakua kũthilĩka kwa Yeova, nũndũ nĩnĩmũvĩtanĩsye, kũvika andetea, na kũsilĩla ũndũ wakwa: akanumĩlya kyeninĩ, na ngoona ũlũngalu wake.
10
Nĩvo ĩndĩ mũmaitha wakwa wĩwona, na nthoni ikamwĩkunĩkĩlya ũla wambĩie, Aĩva Yeova Ngai waku? Metho makwa makoona ũndũ ngwenda ĩũlũ wake; yu akakinyangĩwa nthĩ ta ndaka syĩ nzĩanĩ nene.
11
A! Mũthenya wa kwaka maũvai maku! Mũthenya ũsu ũtw’ĩo ũkavetwa kũasa.
12
Mũthenya ũsu makooka kwaku kuma Asuli na ndũanĩ sya Misili, na kuma Misili o kũvika ũla Ũsĩ, na kuma ũkanga kũvika ũkanga, na kuma kĩĩma kũvika kĩĩma.
13
Ĩndĩ nthĩ ĩkeethĩwa nthei nũndũ wa ala mamĩtwĩe, kwondũ wa ũsyao wa meko moo.
14
Ĩthya andũ maku na ndata yaku, ĩĩthya ya ũtiĩwa waku, yĩla yĩtwĩe yĩ yoka mũtitũnĩ ku Kalimeli: yĩĩsae Mbasani na Ngileati, o ta mĩthenya ya tene.
15
Ngoonan’ya kwoo maũndũ ma ũseng’ya o ta mĩthenya ĩla waumie nthĩ ya Misili.
16
I mbaĩ ikoona na ikĩsonoka ũndũ wa ũtonyi wasyo w’onthe; ikakunĩka kanyw’a na kw’oko; matũ masyo makeethĩwa matew’a.
17
Ikanyenya kĩtoo ta nzoka; ikooka itetemete kuma mawĩvithonĩ masyo iilyĩ ta tũsamũ twa nthĩ tũla tũtambũkaa; ikooka syĩ na w’ĩa kwa Yeova Ngai waitũ, na nũndũ waku ikakĩa.
18
Nũũ Ngai ũilyĩ taku, ũla ũekeaa ũthũku, na kũkĩla naĩ ya ũtialo wa ũtiĩwa wake? Ndekalaa na ũthatu wake ĩndĩ yonthe, nĩkwĩthĩwa nĩwendeeaw’a nĩ ũseo wĩ wendo.
19
Akatwĩw’ĩa ĩnee ĩngĩ; akakinyanga mothũku maitũ na nyaĩĩ; na ũkekya naĩ syoo syonthe syũngũnĩ sya ũkanga.
20
We ũkeanĩsya ũla w’o kwa Yakovo, na ũseo wĩ wendo kwa Avalaamu, ũla weevĩtĩe aaĩthe maitũ kuma mĩthenya ya tene.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
All chapters:
1
2
3
4
5
6
7