bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Samuel 21
2 Samuel 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
Ĩvindanĩ yĩla Ndeviti wasumbĩkĩte nĩkweethĩiwe yũa ya myaka ĩtatũ. Ndeviti nĩwavoyie nũndũ wa yũa yĩu, nake Mwĩai Ngai amwĩa atĩĩ, “Saũlo na andũ ma mũsyĩ wake me na ĩvĩtyo ya kũaa, nũndũ nĩwe wooaie andũ ma Ngiveoni.”
2
Andũ ma Ngiveoni mayaĩ ma Ĩsilaeli; maĩ ũtialo wa Aamoli ala mathĩtwe nĩ andũ ma Ĩsilaeli kana makamasũvĩa. Ĩndĩ Saũlo nĩwendaa kũmoaa amamine, nũndũ nĩwendaa mũno kwendeesya andũ ma Ĩsilaeli na ma Yuta.
3
Kwoou Ndeviti nĩweetie andũ ma Ngiveoni na amakũlya atĩĩ, “Mwĩenda nĩke ata nĩ kana nĩvetange ĩvĩtyo yĩla mweekiwe, nenyu mũiathima andũ ma Ngai?”
4
Namo mamũsũngĩa mamwĩa atĩĩ, “Thĩna witũ na Saũlo na andũ ma mũsyĩ wake ndũtonya kũminwa na silĩva kana thaavu, o na tũikwenda kũaa mũndũ o na ũmwe wa Ĩsilaeli.” Ndeviti amakũlya, “Yu mwĩenda nĩmwĩke ata?”
5
Namo andũ ma Ngiveoni mamwĩa atĩĩ, “Saũlo aĩ na mũvango wa kũtũaa atũmine wĩthĩe vai ũmwe waitũ ũtiĩtwe e thayũ nthĩ ya Ĩsilaeli.
6
Kwoou tũnenge nzyawa mũonza sya Saũlo sya aũme, nĩ kana tũisũsye Ngivea mbee wa Mwĩai Ngai, ĩla nĩ ndũa ya Saũlo, mũsumbĩ ũla wanyuvĩtwe nĩ Mwĩai Ngai.” Mũsumbĩ amasũngĩa amea, “Nĩngũmanengane kũla mũĩ.”
7
Ĩndĩ mũsumbĩ ndaanengane Mevivosethi mwana wa Yonathani, mwĩsũkũũe wa Saũlo, nũndũ Ndeviti na Yonathani nĩmeevĩtie ũmwe kwa ũla ũngĩ, me mbee wa Mwĩai Ngai.
8
Mũsumbĩ nĩwoosie Alimoni na Mevivosethi, ana elĩ ala Lisiva mwĩĩtu wa Aia wamũsyaĩe Saũlo. O ta ũu nĩwoosie ana atano ma Melavu mwĩĩtu wa Saũlo. Ana asu nĩmo Melavu wasyaĩe Atilieli mwana wa Mbalisilai ũla watwĩe ndũanĩ ya Meolathi.
9
Ndeviti nĩwanenganie andũ asu kũla kwĩ andũ ma Ngiveoni, namo mamasũsya kĩĩmanĩ mbee wa Mwĩai Ngai; me mũonza nĩmakwie ĩvindanĩ yĩmwe. Mooaiwe ĩvindanĩ ya kwambĩĩa ngetha, yĩla nganũ yĩtawa mbaale yambĩĩaa kũkethwa.
10
Lisiva mwĩĩtu wa Aia nĩwoosie ngũa ngaamu ya ĩkunia, na eeyalanĩlya ngũa ĩsu ĩvianĩ vala mĩĩ ya andũ asu yaĩ. Nĩwekalile vau kuma ĩvinda yĩla ngetha yambĩĩaa kũkethwa kũvika yĩla mbua yambĩĩie kua. Lisiva nĩwalũngasya nyũnyi mũthenya iikakiite mĩĩ ĩsu, na ũtukũ nĩwasiĩĩaa nyamũ sya kĩthekanĩ iikamĩthengee.
11
Yĩla Ndeviti wataviw'e ũndũ Aia mwĩĩtu wa Lisiva, kĩveti kya ndũsyo kya Saũlo kĩkie,
12
nĩwaendie na oosa mavĩndĩ ma Saũlo na ma Yonathani mwana wake, kuma kwa andũ ma ndũa ya Yavesi-ngileati. Andũ asu mooyĩte mavĩndĩ asu kuma nzĩanĩ nene ya Mbethi-sani, vala Avilisiti mamasũisye mũthenyanĩ ũla mooaĩie Saũlo Kĩĩmanĩ kya Ngilivoa.
13
Ndeviti nĩwaumisye mavĩndĩ ma Saũlo na ma Yonathani vau, na o ta ũu oombany'a mavĩndĩ ma andũ asu mũonza masũĩtw'e.
14
Ndeviti na andũ ala waĩ namo nĩmathikie mavĩndĩ asu ma Saũlo na ma Yonathani mbũanĩ ya Kisi ĩthe wa Saũlo, ĩla yaĩ Nzela kĩsionĩ kya Mbengyameni. Nĩmeekie maũndũ onthe ala mũsumbĩ wameaĩĩte. Ĩtina wa ũu Ngai nĩwasũngĩie mboya ila mavoyeaa nthĩ yoo.
15
Nĩkweethĩiwe kaũ ĩngĩ katĩ wa Avilisiti na andũ ma Ĩsilaeli. Ndeviti na asikalĩ make nĩmaendie kũkita na Avilisiti, na Ndeviti anow'a nĩ kũkita.
16
Mũndũ ũmwe mũnene mũno weetawa Ĩsivi-mbenovu, ũla wakuĩte ĩtumo yaseũvĩtw'e na mbulonzi, yaĩ na ũito wa kĩlo itatũ na nyusu, na akeyoveea ũvyũ ũtaatũmĩwa, nĩwasũanĩaa kana nũtonya kũaa Ndeviti.
17
Ĩndĩ Avisai mwana wa Nzeluia nĩwookie kũtetheesya Ndeviti, na okita mũndũ ũsu na amũaa. Nĩvo ĩndĩ asikalĩ ma Ndeviti meevĩtie masya kana maikaendany'a na Ndeviti kaũnĩ ĩngĩ. Nĩmamwĩie atĩĩ, “Nue andũ ma Ĩsilaeli mekwetye, na tũikwenda wũawe.”
18
Ĩtina wa ũu nĩkweethĩiwe kaũ ũngĩ katĩ wa andũ ma Ĩsilaeli na Avilisiti Ngovu. Kaũnĩ ũsu Sivekai kuma ndũanĩ ya Usathi nĩwooaie mũndũ mũnene mũasa weetawa Savu.
19
O ta ũu nĩkweethĩiwe kaũ ĩngĩ katĩ wa andũ ma Ĩsilaeli na Avilisiti Ngovu, na Elianani mwana wa Yaale-olekimu kuma ndũanĩ ya Mbetheleemu ooaa Ngoliathi kuma Ngathi. Mũtĩ wa ĩtumo ya Ngoliathi waĩ mũnene mũno ta kĩlungu kya mũtĩ ũla watũmĩawa nĩ andũ ala matumaa Ngũa.
20
Nĩvo ĩndĩ kweethĩiwe kaũ ũngĩ Ngathi, vala vaĩ mũndũ mũasa mũno. Mũndũ ũsu aĩ na syaa thanthatũ kĩla kw'oko, na aĩ na syaa thanthatũ kĩla kũũ.
21
Mũndũ ũsu nĩwaumangie andũ ma Ĩsilaeli, na nũndũ wa ũu Yonathani mwana wa Simei mwana-a-inyia wa Ndeviti amũaa.
22
Andũ asu ana aasa mũno maĩ nzyawa sya andũ anene na aasa ma Ngathi. Nĩmooaiwe nĩ Ndeviti na asikalĩ make.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24