bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Daniel 12
Daniel 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
1
Mũlaĩka ũla weekĩĩte ngũa yatumĩtwe na ndii nzeo ndũmu nĩwaendeeie kũneena ayasya atĩĩ, “Ĩvindanĩ yĩu Mikaeli mũlaĩka mũnene, ũla nĩwe ũsũvĩaa andũ maku akaumĩla. Kũkeethĩwa na ĩvinda ya thĩna yĩtaaĩthĩwa kuma yĩla mbaĩ syeethĩiwe. Ĩndĩ ĩvindanĩ yĩu andũ onthe ma mbaĩ yaku, ala maandĩkĩtwe Ĩvukunĩ ya Ngai makatangĩĩwa.
2
Andũ aingĩ ala makwie makathayũũka; amwe makatanĩa thayũ wa tene na tene, na angĩ makeethĩwa na nthoni na thĩna ũtakathela.
3
Ala oĩ makatisatisa ta ũtisu wa yayaya, na onthe ala mamanyĩasya andũ aingĩ kwĩthĩwa me alũngalu makatisa ta ndata tene na tene.
4
“Ĩndĩ we Ndanieli, ĩkalya ndeto ila syĩ ĩvukunĩ yĩĩ kĩmbithĩnĩ, na ũyĩkalya Ĩvuku yĩ ĩvinge nginya ĩvinda ya mũminũkĩlyo. Andũ aingĩ makasemba kũũ na kũũ na ũmanyi ũkongeleka.”
5
Nĩvo ĩndĩ nyie Ndanieli nasyaisye na noona andũ angĩ elĩ maũngyĩ; ũmwe aũngyĩ mũingo ũmwe wa ũsĩ, na ũngĩ akaũngama mũingo ũla ũngĩ.
6
Ũmwe wa andũ asu nĩwakũlilye ũla mũlaĩka weekĩĩte ngũa yatumĩtwe na ndii nzeo ndũmu na akaũngama vaasanga na ũsĩ atĩĩ, “Maũndũ aa ma kũseng'ya meendeea kwĩkĩka kũvika ĩndĩĩ?”
7
Mũlaĩka ũsu nĩwookĩlilye moko make elĩ amelekelye ĩtunĩ, na nĩneewie eevĩta ĩsyĩtwanĩ ya Ũla Wĩkalaa tene na tene ayasya atĩĩ, “Maũndũ asu meendeea vandũ va myaka ĩtatũ na nyusu. Yĩla andũ ma Ngai makaeka kũthĩnw'a, maũndũ aa onthe makeethĩwa maminĩte kwĩkĩka.”
8
Nĩneewie ũndũ mũlaĩka ũsu waisye, ĩndĩ ndyaaelewa. Kwoou nĩnakũlilye atĩĩ, “Mũnene wakwa, mũminũkĩlyo wa maũndũ aa nĩ mwaũ?”
9
Nĩwanzũngĩie ambĩa atĩĩ, “Ndanieli, enda nũndũ ndeto ii nĩ mbingĩe na ikavithwa nginya ĩvinda ya mũminũkĩlyo.
10
Andũ aingĩ makavetewa ĩko yoo, mathew'e na kweũvw'a, ĩndĩ ala avuku makaendeea kwĩka maũndũ ma ũvuku na vai ũmwe ũkamanya; no ala oĩ makamanya.
11
“Kuma ĩvinda yĩla nthembo ĩla yumaw'a kĩla ĩvinda yĩeka kumw'a, na kĩla kĩndũ kya kũvukya kĩyĩũngamw'a, mĩthenya ngili ĩmwe, maana elĩ na mĩongo kenda ĩkavĩtũka.
12
Nĩ mũathime ũla wĩũmĩĩsya nginya mĩthenya ngili ĩmwe, maana atatũ na mĩongo ĩtatũ na ĩtano ĩthele.
13
“Ĩndĩ we Ndanieli enda ũkekale nginya mũminũkĩlyo. Wamina kũkw'a ũkookĩla wose ĩtuvi yaku ĩvindanĩ ya mũminũkĩlyo.”
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
All chapters:
1
2
3
4
5
6
7
8
9
10
11
12