bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Daniel 6
Daniel 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
1
Ndalio nĩwavangie kũnyuva makavana ĩana na mĩongo ĩlĩ, methĩwe kĩla vandũ ũsumbĩnĩ wake.
2
Nĩwanyuvie atongoi angĩ atatũ methĩwe maũngamĩe makavana asu, nĩ kana mũsumbĩ ndakasye kĩndũ. Ndanieli aĩ ũmwe wa atongoi asu atatũ.
3
Kwa mĩtũkĩ Ndanieli nĩwoonanisye kana nĩwe ũthũkũmaa nesa mbee wa makavana asu na atongoi asu angĩ elĩ. Ũu weethĩiwe nũndũ Ndanieli aĩ na veva mũseo mũno, na kwoou mũsumbĩ nĩwavangie kũnenga Ndanieli wĩa wa kũũngamĩa ũsumbĩ wake w'onthe.
4
Nĩvo ĩndĩ atongoi ala angĩ na makavana mamanthie ĩvĩtyo Ndanieli wĩthĩwa ekĩte wĩanĩ wake nĩ kana mamũsikate. Mayaaona ĩvĩtyo o na yĩmwe mailĩĩla Ndanieli, nũndũ aĩ mũĩkĩĩku na ndeekaa ũndũ o na ũmwe mũthũku kana ũte wa w'o.
5
Nĩvo ĩndĩ maneenanisye masya atĩĩ, “Tũyĩĩsa kwona ĩvĩtyo yĩtuma tũsikata mũndũ ũũ ũkwĩtwa Ndanieli, ate o tũmanthe ĩvĩtyo yumanĩte na mĩao ya Ngai wake.”
6
Nĩvo ĩndĩ maendie vala ve mũsumbĩ na mamwĩa atĩĩ, “We Mũsumbĩ Ndalio, ĩkalaa thayũ tene na tene!
7
Ithyonthe ala tũthũkũmaa ũsumbĩnĩ waku: Asili, anini maku, atai na makavana nĩtwonie kana nĩ waĩlu we mũsumbĩ wumye mwĩao na ũyasya no nginya ũatĩĩwe vyũ. Ĩyĩae wasye kana vandũ va mĩthenya mĩongo ĩtatũ vai mũndũ waĩlĩte kũvoya ngai ĩngĩ o na yĩva kana mũndũ o na wĩva ate o kũũvoya we mũsumbĩ. Mũndũ ũla ũkũtũla mwĩao ũsu, nũkwĩkw'a ngunganĩ ya mĩnyambũ.
8
Kwoou we mũsumbĩ umya mwĩao na ũyĩkĩa maandĩko asu saii, nĩ kana wĩthĩwe ũilyĩ ta mwĩao wa Ametia na Avelisia ũla ũtatonya kũalyũlwa.”
9
Nĩvo ĩndĩ Mũsumbĩ Ndalio weekĩie mwĩao ũsu saii.
10
Yĩla Ndanieli wamanyie kana mwĩao ũsu nĩwĩkĩiwe saii, nĩwenũkie na athi nyũmbanĩ yake ya ĩũlũ ĩla ndĩlĩsya syayo syavingũĩtwe isyaĩtye Yelũsalemu. Nĩwavoyaa kĩla mũthenya mavinda atatũ atulĩtye ndu, na aitũngĩa Ngai wake mũvea o ũndũ weekaa vau mbeenĩ.
11
Andũ asu nĩmaendanisye na meethĩa Ndanieli aivoya na kwĩsũva Ngai wake.
12
Nĩmaendie vala ve mũsumbĩ na masikata Ndanieli nũndũ wa ũla mwĩao maimũkũlya atĩĩ, “We mũsumbĩ, nũndũ ũtaneeĩkĩa saii mwĩao waĩtye kana vandũ va ĩvinda ya mĩthenya mĩongo ĩtatũ, vai mũndũ waĩlĩte kũvoya ngai ĩngĩ o na yĩva kana mũndũ o na wĩva, ate o kũũvoya we mũsumbĩ, na kana mũndũ ũla ũkũtũla mwĩao ũsu nũkwĩkw'a ngunganĩ ya mĩnyambũ?” Mũsumbĩ nĩwasũngĩie asya atĩĩ, “Ĩĩ, mwĩao ũsu wĩvo na ndũalyũlwa, o tondũ mwĩao wa Ametia na Avelisia ũtatonya kũalyũlwa.”
13
Nĩmamũsũngĩie mamwĩa atĩĩ, “Ũla mũndũ wĩtawa Ndanieli, ũmwe wa andũ ala maetiwe kũũ me atave kuma Yuta ndaatĩĩaa mwĩao ũsu, o na ndeũkũnenga ndaĩa. Avoyaa mavinda atatũ kĩla mũthenya.”
14
Yĩla mũsumbĩ weewie ndeto isu, nĩwakwatiwe nĩ kĩũũyũ kingĩ, na ambĩĩa kũmantha ũndũ ũtonya kũvonokya Ndanieli. Nĩwatatie ũndũ ũtonya nginya syũa yathũa.
15
Ĩndĩ ala masikatĩte Ndanieli nĩmookie vala ve mũsumbĩ na mamwĩa atĩĩ, “We mũsumbĩ, ĩthĩwa wĩsĩ kana kwĩanana na mĩao ya andũ ma Metia na Velisia, vai ũtw'ĩo kana mwamũlo wumĩtw'e nĩ mũsumbĩ ũtonya kũalyũlwa.”
16
Nĩvo ĩndĩ mũsumbĩ weeaie asya Ndanieli nĩaetwe na ayĩkw'a ngunganĩ ya mĩnyambũ. Mũsumbĩ nĩweeie Ndanieli atĩĩ, “Ngai waku ũla ũthũkũmaa kĩla ĩvinda nĩakũtangĩĩe!”
17
Nĩvo ĩndĩ vaetiwe ĩvia na yavinga mũomo wa ngunga ĩsu ya mĩnyambũ. Mũsumbĩ nĩwatumbie ĩvia yĩu mũulĩ wake na wa anini make nĩ kana vaikethĩwe mũndũ ũtonya kũtangĩĩa Ndanieli.
18
Ĩtina wa ũu mũsumbĩ nĩwasyokie nyũmbanĩ yake ya kĩ-ũsumbĩ, na ũtukũ ũsu atĩĩa kũya na o na alea kũtanĩthw'a nĩ ũndũ o na wĩva. Ũtukũ ũsu mũsumbĩ ndaakwata too.
19
Kwakya tene mũno mũsumbĩ nĩwookĩlile na athi ngunganĩ ya mĩnyambũ ekalaatĩte.
20
Mũsumbĩ e vakuvĩ na ngunga ĩla Ndanieli wekĩtw'e, nĩwamwĩtie na wasya wa kyeva amũkũlya atĩĩ, “Ndanieli mũthũkũmi wa Ngai ũla wĩ thayũ, Ngai waku ũla ũthũkũmaa kĩla ĩvinda nũkũtangĩĩie kuma mĩnyambũnĩ?”
21
Ndanieli nĩwasũngĩie mũsumbĩ amwĩa atĩĩ, “We mũsumbĩ, ĩkalaa thayũ tene na tene.
22
Ngai wakwa nũtũmie mũlaĩka wake na atumya makanyw'a ma mĩnyambũ, na ndĩ ũndũ ĩnambĩka. Ekie ũu nũndũ nĩeeĩsĩ kana ndi na mavĩtyo na kana nyie ndikũvĩtĩsye. Mũsumbĩ nyie ndi na ĩvĩtyo nĩkĩte.”
23
Mũsumbĩ nĩweewie mũyo mũno na eeyĩaa Ndanieli aumw'e ngunganĩ ya mĩnyambũ. Kwoou Ndanieli nĩwaumiw'e, na nde vandũ waĩ mũũmĩsye o na vamwe nũndũ nĩweekwatĩtye Ngai wake.
24
Mũsumbĩ nĩweeaie andũ onthe ala masikatĩte Ndanieli maetwe na mayĩkw'a mĩnyambũnĩ ĩsu. Maetanĩiw'e vamwe na syana syoo na iveti syoo. Andũ asu matembũangiwe nĩ mĩnyambũ ĩsu o na matanavika nthĩ na yamatũlanga mavĩndĩ moo onthe.
25
Mũsumbĩ Ndalio nĩwaandĩkĩie andũ ma nthĩ syonthe, na ma ithyomo syonthe ĩũlũ wa nthĩ valũa waĩtye ũũ: Ĩthĩwai na mũuo mwingĩ.
26
Nĩngumya mwĩao kana andũ onthe ũsumbĩnĩ wakwa no nginya makĩe na kũnenga Ngai wa Ndanieli ndaĩa. “Nĩ Ngai wĩ thayũ, na ekalaa tene na tene, ũsumbĩ wake ndũkanangĩka, na ũtonyi wake ndũkathela o na ĩndĩĩ.
27
Nũtangĩĩaa na kwovosya, nĩwĩkaa syama na maũndũ ma kũseng'ya kũũ nthĩ na ĩtunĩ, Nĩwatangĩĩa Ndanieli ndakoawe nĩ mĩnyambũ.”
28
Ndanieli nĩwaendeeie nesa ĩvindanĩ yĩla Ndalio wasumbĩkĩte, na ĩvindanĩ ya kũsumbĩka kwa Kulusu ũla waĩ Mũvelisia.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
All chapters:
1
2
3
4
5
6
7
8
9
10
11
12