bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Daniel 4
Daniel 4
Kamba (MBIVILIA ŨVOO MŨSEO)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
1
Mũsumbĩ Nevukatinesa nĩwanenganie ũtũmani ũtwaĩwe andũ ma nthĩ syonthe, mbaĩ na ithyomo syonthe ĩũlũ wa nthĩ. Ũtũmani ũsu waĩtye atĩĩ: “Ĩthĩwai na mũuo mwingĩ!
2
Nĩnonie nĩ ũseo nĩwete syama na maũndũ ma kũseng'ya, ala Ngai Ũla wĩ Ĩũlũ Mũno wĩkĩte nũndũ wakwa.
3
Mawonany'o make nĩ manene, moseng'yo make nĩ manene! Ũsumbĩ wake nĩ wa tene na tene, na asumbĩkaa kuma nzyawa kũthi ĩla ĩngĩ.
4
“Nyie Nevukatinesa nathũmũĩte nyũmbanĩ yakwa ya kĩ-ũsumbĩ na naendee nesa.
5
Nĩnaotie ndoto yatumie ngwatwa nĩ w'ĩa; kwa w'o, ngomete ũkomonĩ nĩneethĩiwe na malilikano na mawoni mandelemilye.
6
Kwoou nĩneeaie nasya andũ oĩ onthe ma Mbavilonĩ nĩmoke vala nĩĩ nĩ kana mandavye ũalyũlo wa ndoto ĩsu.
7
Nĩvo ĩndĩ eki ma syama, awe, aoi, Akalitei na ala mathanaa maũndũ maitũmĩa ndata mookie. Nĩnamatavisye ndoto yakwa ĩndĩ mayaandavya ũalyũlo wayo.
8
Nĩvo ĩndĩ Ndanieli wookie. (Ndanieli kwa ĩsyĩtwa yĩngĩ eetawa Mbelitesasa, ĩsyĩtwa yumanĩte na ngai yakwa.) Veva wa ngai ila ntheu waĩ nthĩnĩ wake, kwoou nĩnamũtavisye ndoto yakwa. Nĩnamwĩie atĩĩ,
9
‘Mbelitesasa, mũnene wa eki ma syama, nũndũ nĩnĩsĩ veva wa ngai ila ntheu wĩ nthĩnĩ waku, na kana vai nthimo ũtatonya kũelewa nĩyo, ĩno nĩyo ndoto yakwa. Ndavye ũalyũlo wayo.’
10
“Woni wakwa yĩla nĩĩkomete wĩĩilyĩ ta ũũ: Nĩnonie mũtĩ wĩ katĩ wa nthĩ. Mũtĩ ũsu wĩĩ mũasa mũno.
11
Mũtĩ ũsu nũendeeie kwĩana nginya wathi kũtina ĩtunĩ, na wĩĩ ũtonya kwoneka nĩ kĩla mũndũ ĩũlũ wa nthĩ.
12
Matũ maw'o manaĩ manake na ũnaĩ na matunda maingĩ. Matunda asu manaĩ matonya kwĩanĩa kĩla mũndũ. Nyamũ sya kĩtheka ineevithĩte muunyĩnĩ wa w'o, na nyũnyi ikaka ndala mbongenĩ syaw'o. Syũmbe syonthe ila syĩ thayũ inaĩsaa matunda maw'o.
13
“O nĩendee kũkoma nĩnĩnoonie woninĩ mũlaĩka ũla ũsyaĩĩasya aumĩte ĩtunĩ.
14
Nĩwaneenie na wasya mũnene asya atĩĩ, ‘Tema mũtĩ na ũitilanga mbonge syaw'o. Ũthingithye wĩtĩke matũ na ũinyaĩĩkya ũsyao waw'o. Lũngya nyamũ sya kĩthekanĩ syume ungu waw'o na nyũnyi iyuma mbongenĩ syaw'o.
15
Ĩndĩ ndũkakũe kĩtina kyaw'o. Ekana nakyo kĩ kyove na kĩtang'a kya kyũma na mbulonzi kĩ katĩ wa nyeki sya kĩthekanĩ. Eka mũndũ ũũ etĩkĩwe nĩ ĩmwe kuma ĩtunĩ, na ũieka ekalanasye na nyamũ sya kĩthekanĩ na kwĩkala nyekinĩ.
16
Eka kĩlĩko kyake kĩalyũlwe kĩikethĩwe kya mũndũ na ainengwa kĩlĩko kya nyamũ, na ayĩkala ũu vandũ va myaka mũonza.
17
Ũsilĩlo ũũ ũtavanĩtw'e nĩ alaĩka, ũtw'ĩo ũũ ũnenganĩtwe nĩ ala atheu, nĩ kana andũ onthe ĩũlũ wa nthĩ mamanye kana Ngai Ũla wĩ Ĩũlũ Mũno e ũtonyi ĩũlũ wa mosumbĩ ma andũ, na nũnengae mosumbĩ asu mũndũ o na wĩva ũla ũnyuvĩte, o na ethĩwa nĩ mũndũ ũla mũnini vyũ.’
18
“Ndoto ĩsu nĩyo nyie Mũsumbĩ Nevukatinesa naotie. Yu ĩndĩ, Mbelitesasa, ndavye ũalyũlo wayo nũndũ andũ oĩ onthe ma ũsumbĩ wakwa nĩmaemiwe nĩ kũndavya ũalyũlo wayo, ĩndĩ nĩnĩsĩ no ũtonye nũndũ wĩ na veva wa ngai ila ntheu.”
19
Nĩvo ĩndĩ Ndanieli, ũla kwa ĩsyĩtwa yĩngĩ weetawa Mbelitesasa, wasaanĩiw'e vandũ va kavinda, na mosũanĩo make mamwĩkĩa kyeva. Mũsumbĩ Nevukatinesa nĩwaneenie nake amwĩa atĩĩ, “Mbelitesasa, ndũkaeke ndoto yakwa kana ũalyũlo wayo itume ũmaka.” Mbelitesasa nĩwamũsũngĩie amwĩa atĩĩ, “Mũnene wakwa, nenda kethĩwa ndoto ĩsu na ũalyũlo wayo ikonetye amaitha maku na ti ue!
20
Mũtĩ ũla wonie, ũla wĩanie wĩ na vinya, na waasava nginya wathi kũtina ĩtunĩ, weethĩa nĩwenekee nĩ andũ onthe ĩũlũ wa nthĩ,
21
ũla matũ maw'o manaĩ manake na ũnaĩ na ũsyao mwingĩ ũla ũnaĩ ũtonya kũĩthya syĩndũ syonthe. Nyamũ sya kĩthekanĩ ineevithĩte muunyĩnĩ waw'o na nyũnyi ikaka ndala mbongenĩ syaw'o,
22
we mũsumbĩ, nue mũtĩ ũsu. Nũminĩte kwĩana na ũkethĩwa na vinya. Wĩanĩte mũno ũkethĩa nũtinĩte ĩtunĩ na ũsumbĩ waku wĩ kĩla vandũ, o na kũvika kũla nthĩ ĩthelele.
23
Yĩla we mũsumbĩ wĩĩsyaĩĩsye mũlaĩka nũtheeie kuma ĩtunĩ na asya, ‘Tema mũtĩ, na ũiwananga ĩndĩ ekana na kĩtina kyaw'o kĩ kyove na kĩtang'a kya kyũma na mbulonzi kĩ katĩ wa nyeki sya kĩthekanĩ. Eka mũndũ ũũ etĩkĩwe nĩ ĩmwe kuma ĩtunĩ, na ũieka ekalanasye na nyamũ sya kĩthekanĩ vandũ va ĩvinda ya myaka mũonza’
24
“Yu ĩndĩ we mũsumbĩ ũũ nĩw'o ũalyũlo wa ndoto ĩsu: Nĩ mwĩao kuma kwa Ngai Ũla wĩ Ĩũlũ Mũno ũkũkonetye we mũnene wakwa mũsumbĩ.
25
Andũ makakũlũngya wume wĩkalonĩ woo na ũithi kwĩkalany'a na nyamũ sya kĩthekanĩ. Vandũ va ĩvinda ya myaka mũonza, ũkaĩsaa nyeki ta ng'ombe na ũkakwatawa nĩ ĩmwe. Ũkekala ũu nginya ũmanye kana Ngai Ũla wĩ Ĩũlũ Mũno nĩwe ũsumbĩkaa mosumbĩ ma andũ na kana nũtonya kũmanengane kwa mũndũ o na wĩva ũla wanyuva.
26
O tondũ mũlaĩka wĩaie ĩtina ya ũla mũtĩ yĩtiwe, ũalyũlo wa ũu nĩ kana ũsumbĩ waku ũkatw'ĩka waku ĩngĩ yĩla wĩmanya kana Ngai wa Ĩtunĩ nũsumbĩkaa.
27
Kwoou we mũsumbĩ atĩĩa ũtao wakwa. Ekana na naĩ syaku na ũyĩka ũla ũlũngalu, na ũiekana na mavĩtyo maku kwa kwĩw'ĩa ala meũthĩnw'a tei, nĩ kana ũendee nesa vandũ va ĩvinda ĩasa.”
28
Mũsumbĩ Nevukatinesa nĩwakwatiwe nĩ maũndũ asu onthe mawetiwe.
29
Ĩtina wa myei ĩkũmi na ilĩ, mũsumbĩ aendee kũtembeela ĩũlũ wa nyũmba yake ya kĩ-ũsumbĩ ĩla yaĩ Mbavilonĩ,
30
nĩwaisye atĩĩ, “Sisya, Mbavilonĩ ndũa nene! Nakĩte ndũa ĩno na ũtonyi wakwa mũnene yĩthĩwe wĩkalo wakwa nyie mũsumbĩ na ĩyĩthĩwa ũkumyo wa ũsumbĩ wakwa.”
31
Atanamina kũneena ndeto isu oou, wasya nĩweew'ĩkie kuma ĩtunĩ ũkwasya atĩĩ, “Mũsumbĩ Nevukatinesa, ĩthukĩĩsye ũndũ ngwenda ũkwĩa, yu nĩwavenwa ũsumbĩ waku.
32
Nũũlũngw'a kuma wĩkalonĩ wa andũ ũthi ũkekalany'e na nyamũ sya kĩthekanĩ. Vandũ va ĩvinda ya myaka mũonza ũkaĩsaa nyeki ta ng'ombe, nginya yĩla wĩmanya kana Ngai Ũla wĩ Ĩũlũ Mũno nĩwe ũsumbĩkaa mosumbĩ ma nthĩ, na nũtonya kũmanengane kwa mũndũ o na wĩva ũla wanyuva.”
33
Vau kwa vau, Mũsumbĩ Nevukatinesa nĩwakwatiwe nĩ maũndũ asu. Nĩwalũngilw'e kuma wĩkalonĩ wa andũ, na ambĩĩa kũya nyeki ta ng'ombe. Nĩwetĩkĩiwe nĩ ĩmwe kuma ĩtunĩ. Nzw'ĩĩ yake nĩyaasavie ta maw'ĩa ma ndiũ na mbwaa syake syekala ta mbwaa sya nyũnyi.
34
“Myaka mũonza yathela, nyie Nevukatinesa nĩnookĩlilye metho makwa nasisya ĩtunĩ na nambĩĩa kũsũanĩa nesa. Nĩnataĩie Ngai Ũla wĩ Ĩũlũ Mũno na namũnenga ndaĩa na ũkumyo Ũla Ũtũaa tene na tene, nũndũ ũsumbĩ wake nĩ wa tene na tene, na asumbĩkaa kuma nzyawa kũthi ĩla ĩngĩ.
35
Onthe ala matũaa ĩũlũ wa nthĩ kwake ti kĩndũ; Ekanaa na alaĩka ma ĩtunĩ ũndũ ũkwenda, na kwĩkana na andũ ĩũlũ wa nthĩ ũndũ ũkwenda. Vai mũndũ ũtonya kũleana na kwenda kwake, kana akamũkũlya, ‘Wĩĩka ata?’
36
“Ĩvindanĩ yĩu nĩnambĩĩie kũsũanĩa nesa ĩngĩ, na o ta ũu ũkumyo wa ũsumbĩ wakwa na ũnene wakwa syeethĩwa vo ĩngĩ. Atai makwa na anini makwa nĩmambĩĩie kũmantha. Nĩnatũngĩiwe ũsumbĩ wakwa ĩngĩ na neethĩwa na ndaĩa nene mbeange.
37
“Yu ĩndĩ nyie Nevukatinesa nĩnĩmũtaĩaa, ngamũnenga ndaĩa na kũkumya Mũsumbĩ wa Ĩtunĩ, nũndũ meko make onthe nĩ malũngalu na nĩ maw'o, na nũnyivasya ala menenevasya.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
All chapters:
1
2
3
4
5
6
7
8
9
10
11
12