Esther 10

Kamba (MBIVILIA ŨVOO MŨSEO)

← Chapter 9 Jump to:

1Mũsumbĩ Aasuelo nĩwaumĩthasya andũ onthe koti ala maĩ ũsumbĩnĩ wake, o na kũvika ala matwĩe ũtee wa ũkanga.

2Maũndũ onthe manene na ma kũseng'ya ala mũsumbĩ ũsu weekie, vamwe na ngewa yonthe ĩũlũ wa ũndũ wamũnenevisye Molitekai na kũmũnenga ndaĩa nene, nĩmaandĩkĩtwe Mavukunĩ ma Ũlilikany'o wa Maũndũ ma Mavinda ma Asumbĩ ma Metia na Velisia.

3Molitekai ũla Mũyuti nĩwe waĩ wa kelĩ kwa ũnene ũsumbĩnĩ wa Aasuelo. Nĩwendetwe mũno na kũnengwa ndaĩa nĩ Ayuti ala angĩ, nũndũ nĩwathĩnĩkĩaa andũ ma mbaĩ yake, na kwenda nzyawa syoo syonthe syĩkalae syĩ ũsũvĩonĩ.

← Chapter 9 Jump to: