bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hosea 10
Hosea 10
Kamba (MBIVILIA ŨVOO MŨSEO)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 11 →
1
Andũ ma Ĩsilaeli mailyĩ ta mũsavivũ ũtambaa, ũla ũsyaa matunda. O ũndũ maendeeie nesa, now'o maendeeie kwĩyakĩa ithembeo. O ũndũ nthĩ yoo yaendeeie kwĩthĩwa na ngetha nzeo, now'o maendeeie kwanakavya ituĩ syoo sya ũthaithi.
2
Ngoo syoo syĩ na ũkengani, na yu no nginya makaĩvĩa ĩvĩtyo yoo. Mwĩai Ngai akaananga ithembeo syoo, na kwananga ituĩ syoo sya ũthaithi.
3
Nũndũ yu nĩmekũneena masye atĩĩ, “Tũi na mũsumbĩ nũndũ tũyaanenga Mwĩai Ngai ndaĩa. Ĩndĩ o na kethĩwa twĩ na mũsumbĩ, mũsumbĩ ũsu atwĩka ata?”
4
Nĩmaneenaa ndeto sya mana; na kũseũvya motianĩo ma ũvũngũ, na wĩw'ano wa mana. Nĩvo ĩndĩ ũsilĩlo wumĩlaa ta ĩia yĩ sumu, mĩkaonĩ ya mũũnda mũĩme.
5
Ala matũaa ndũanĩ ya Samalia makakwatwa nĩ w'ĩa, na makaĩa nũndũ wa kwasya kasalũ ka thaavu kala ke Mbethi-aveni. Andũ ma ndũa ĩsu makaĩa nũndũ wa kasalũ kau, na athembi mayo ala makathaithaa makaĩa nũndũ wako, nĩkwĩthĩwa ũkumyo wako nũvetetwe.
6
Mũvw'anano ũsu ũkatwawa Asuli, ũtw'ĩke mũthĩnzĩo wa mũsumbĩ ũla mũnene. Evalaimu akeekĩĩthw'a nthoni, Ĩsilaeli akeekĩĩthw'a nthoni nĩ mũvw'anano wake.
7
Mũsumbĩ wa Samalia akavetangwa, ta kĩlungu kya mũtĩ kĩ kĩw'ũnĩ.
8
Kũndũ kũtũlu kwa kũthaithĩa Aveni, kũla nĩkw'o naĩ ya Ĩsilaeli kũkaanangwa; Ithembeo syoo ikamea mĩw'a na ikuthu, namo makaneena na iĩma masyĩe atĩĩ, “Tũvw'ĩkei” na mayĩa tũlĩma, “Tũvalũkĩlei.”
9
We Ĩsilaeli kuma ĩvinda ya Ngivea nĩwĩkaa naĩ, na mũendee kwĩka naĩ kwoou mũkeethĩwa na kaũ mwĩ Ngivea.
10
Yĩla nĩenda ngamakany'a, nthĩ ingĩ ikamathyũlũlũka imokite, na ikamakany'a nũndũ wa naĩ syoo mbingĩ.
11
Evalaimu ĩvinda yĩmwe ailyĩ ta moi yĩsĩ wĩa, yendete kũvũa ngetha ya mbaa mbeke, ĩndĩ yu nĩngũmyova ĩsoki ngingonĩ ya yo mbanake. Ngainga Evalaimu, na Yuta akakwata mũlaũ aĩme, Yakovo akathi eyũaĩe mavali.
12
Inyw'ĩ ene, ĩvandĩei ũlũngalu, kethai matunda ma wendo ũtaolekaa. Ĩmai mĩũnda yenyu ĩla ĩtwĩe yĩ maei, nũndũ yĩĩ nĩ ĩvinda ya kũmantha Mwĩai Ngai, nĩ kana oke na kũmuĩsya wovosyo ta mbua.
13
Ĩndĩ nĩmũvandĩte ũthũku, nĩmũkethete naĩ na nĩmũĩte matunda ma ũkengani, nũndũ mwĩkwatasya vinya wenyu ene, na wingĩ wa ngũmbaũ syenyu,
14
Nũndũ wa ũu kaũ ũkookĩla katĩ wa andũ maku, na kũndũ kwaku kũlũmu kũkaanangwa, ũndũ Salimana waanangie Mbethi-aliveli mũthenya wa kaũ, yĩla iveti syang'atanganiw'e mavianĩ, syatw'ĩka ilungu vamwe na syana syoo.
15
Andũ ma Mbethi-eli ũu nĩw'o wĩĩkĩka kwenyu, nũndũ wa naĩ nthũku ila mwĩkĩte. Kaũ wambĩĩa oou, mũsumbĩ wa Ĩsilaeli nũkũminwa vyũ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 11 →
All chapters:
1
2
3
4
5
6
7
8
9
10
11
12
13
14