Hosea 3

Kamba (MBIVILIA ŨVOO MŨSEO)

← Chapter 2 Jump to: Chapter 4 →

1Mwĩai Ngai nĩwaneenie nakwa ambĩa atĩĩ, “Enda ĩngĩ ũkende mũndũ mũka kĩlaalai na wendetwe nĩ mũndũ-ũme ũngĩ, ũndũ nyie Mwĩai Ngai nendete andũ ma Ĩsilaeli, o na vala nĩmathaithaa ngai ingĩ na nĩmendete mĩkate ya nzavivũ mbovu.”

2Kwoou nĩnathooie mũndũ mũka ũsu kwa thooa wa mbesa sya silĩva ĩkũmi na itano, na kĩlo ĩana na mĩongo ĩtano sya nganũ yĩtawa mbaale.

3Nĩnaneenie nake namwĩa atĩĩ, “No nginya wĩkale nakwa vandũ va ĩvinda ĩasa; ndũkekaa ũmalwaya, kana kũmanyana kĩ-mwĩĩ na mũndũ-ũme ũngĩ. O nakwa nyie mwene ndikamanyana kĩ-mwĩĩ naku ĩvindanĩ yĩu.”

4Namo andũ ma Ĩsilaeli o ta ũu, makekala vandũ va ĩvinda ĩasa mate na asumbĩ kana atongoi, mate na nthembo kana kĩtuĩ kya ũthaithi, kana mũvw'anano kana mĩvw'anano ĩla ĩtũmĩawa kwa kũaũsya.

5Ĩtina wa ũu, andũ ma Ĩsilaeli makanzyokea na kũmantha nyie Mwĩai Ngai, Ngai woo. O ta ũu makamantha mũsumbĩ woo, nzyawa ya Ndeviti. Makeethĩwa na kĩkĩo kya Mwĩai Ngai, na kweteela ũseo wake mĩthenyanĩ ya mũminũkĩlyo.

← Chapter 2 Jump to: Chapter 4 →