bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hosea 5
Hosea 5
Kamba (MBIVILIA ŨVOO MŨSEO)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 6 →
1
“Inyw'ĩ athembi, ĩw'ai ndeto ii! Inyw'ĩ andũ ma Ĩsilaeli ĩthukĩĩsyei! Inyw'ĩ andũ ma nyũmba ya kĩ-ũsumbĩ, teai matũ! Ũsilĩlo ũũ nĩ ĩũlũ wenyu, nũndũ nĩmwĩthĩĩtwe mwĩ mũteo Misiva, mũteo ũteetwe Kĩĩmanĩ kya Tavoli.
2
Nĩmwĩnzĩte ĩima ĩliku ya kũmũkwatya kũya Sitimu, ĩndĩ nyie ngamũkany'a inyw'onthe.
3
Nĩngwĩsĩ we Evalaimu, we Ĩsilaeli ndwĩvitha kuma vala nĩĩ. We Evalaimu nũtw'ĩkĩte ĩlwaya, Ĩsilaeli nĩ mũvukye.
4
Meko ala andũ mekĩte nĩmamasiĩĩe kũsyokea Ngai woo, nũndũ me na veva wa ũmalwaya na mayĩsĩ Mwĩai Ngai.
5
Ngathĩĩo sya andũ ma Ĩsilaeli nikũsĩĩaa ĩũlũ woo, andũ ma Ĩsilaeli na ma Evalaimu makaluluutĩka ũthũkunĩ woo, na andũ ma Yuta o namo maluluutĩkaa vamwe namo.
6
Makathi na malondu na ng'ombe syoo makamanthe Mwĩai Ngai, ĩndĩ maikamwona nũndũ nĩwĩvathanĩte namo.
7
Ti aĩkĩĩku kũla kwĩ Mwĩai Ngai, nũndũ nĩmasyaĩte syana ngeni. Yu Mboka syoo sya Kũtisa kwa Mwei, ikamaminanĩsya vamwe na mĩũnda yoo.
8
Vuvĩai soo Ngivea, vuvĩai mũtũlilũ Lama, vuvĩai soo wa wasya wa kaũ Mbethi-aveni. Inyw'ĩ andũ ma Mbengyameni, mũmaitha wenyu e ĩtina wenyu.
9
Mũthenya wa ũkany'o nĩwũkĩte, na Evalaimu ĩkatiwa yĩ nthei. Kwa mbaĩ sya Ĩsilaeli, nĩtavany'a ũndũ ũla ũtalea kwĩkĩka.
10
Atongoi ma Yuta mailyĩ andũ ala makũĩĩasya makonge ma mĩvaka; ngamonoesya ũthatu wakwa mwingĩ ũmetĩkĩe ta kĩw'ũ.
11
Evalaimu nũkũthĩnw'a, nũvatĩtwe sila wa katĩ, nũndũ endie kũatĩĩa maũndũ ma mana.
12
Kwoou nyie kwa Evalaimu nĩilyĩ ta kĩmbalutya, nĩilyĩ ta kĩndũ kyou kwa andũ ma Yuta.
13
Yĩla Evalaimu woonie ũwau wake, na Yuta oona kũla waũmĩĩte, Evalaimu nĩwaendie Asuli, na atũmana atetheew'e nĩ mũsumbĩ mũnene. Ĩndĩ mũsumbĩ ũsu ndaĩ atonya kũmavosya, kana kũiita kũla maũmĩĩte.
14
Nyie ngeethĩwa nĩilyĩ ta mũnyambũ kwa Evalaimu, ta mũnyambũ wa mũika kwa Yuta. Ngamatembũanga ilungu na kũmatia; ngamakusĩthya na vaikethĩwa mũndũ ũtonya kũmavonokya.
15
Ngasyoka vala nĩkalaa, nginya yĩla meĩtĩkĩla ĩvĩtyo yoo. Makamantha ũthyũ wakwa; me thĩnanĩ makamantha na kĩthing'ĩĩsyo.”
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 6 →
All chapters:
1
2
3
4
5
6
7
8
9
10
11
12
13
14