bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kikuyu
/
Kikuyu Bible (IBUKU RĨRĨA ITHERU RĨA NGAI)
/
2 Samuel 1
2 Samuel 1
Kikuyu Bible (IBUKU RĨRĨA ITHERU RĨA NGAI)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
NA GŨGĨKINYA atĩrĩ, atĩ Saulu aarĩkia gũkua, nake Daudi agĩkorũo ahũndũkĩte akoima kũũraga Aamaleki, na agaikara mĩthenya ĩĩrĩ kũu Zikilagi-rĩ,
2
mũthenya ũyũ ũngĩ wa ĩtatũ hagĩũka mũndũ oimĩte kĩraaro-inĩ gĩa Saulu, arĩ na nguo ndembũkangu, na akeitĩrĩria tĩri mũtwe; nake aakinya he Daudi, agĩkĩgũa thĩ, akĩmũinamĩrĩra, amwĩnyihĩrie.
3
Nake Daudi agĩkĩmũũria atĩrĩ, Uuma kũ? Nake akĩmwĩra atĩrĩ, Nĩ kũũra njũrĩte ngoima kĩraaro-inĩ gĩa Isiraeli.
4
Nake Daudi agĩkĩmũũria atĩrĩ, Ũhoro ũgĩkinyĩte atĩa? Ta njĩra, ndagũthaitha. Nake agĩcokia atĩrĩ, Andũ nĩ kũũra morĩte makoima ita-inĩ, o na ningĩ andũ aingĩ nĩmagũĩte magakua, nake Saulu, na Jonathani, mũriũ, o nao nĩmakuĩte.
5
Daudi agĩkĩũria mwanake ũcio wamũheaga ũhoro ũcio atĩrĩ, Ũmenyithĩtio nĩ kĩ atĩ Saulu na Jonathani, mũriũ, mĩmakuĩte?
6
Ningĩ mwanake ũcio wamũheaga ũhoro akiuga atĩrĩ, Ndĩrakorirũo ndĩ hau kĩrĩma-inĩ kĩa Giliboa, ndĩrona Saulu etiiranĩtie na itimũ rĩake; nacio ngari cia ita, o na andũ arĩa mathiaga mahaicĩte mbarathi, makamũrũmĩrĩra na ihenya mũno.
7
Na rĩrĩa aracũthĩrĩirie na thutha wake-rĩ, aranyona, aranjĩta. Na niĩ ndĩragĩcokia atĩrĩ, Niĩ ũyũ haha.
8
Nake arakĩnjũria atĩrĩ, Wĩ mũndũũ? Na niĩ ndĩragĩcokia atĩrĩ, Ndĩ Mũamaleki.
9
Arakĩnjĩra atĩrĩ, Ta rũgama haha mwena-inĩ wakwa, ũnjũrage, ndagũthaitha, amu ndĩ mũtubunyĩku, na ndĩ o muoyo.
10
Tondũ ũcio ndĩrakĩrũgama mwena-inĩ wake, ndĩramũũraga; nĩ ũndũ nĩndĩramenyire na ma, o ma, atĩ ndangĩcoka kũhona arĩkĩtie kũgũa ita-inĩ; ndĩrakĩruta tanji ĩrĩa ararĩ nayo mũtwe, o na gĩturo kĩrĩa ararĩ nakĩo guoko; nacio indo icio nĩcio ici ndakũrehere haha, wee mwathi wakwa.
11
Daudi agĩkĩnyita nguo ciake, agĩcitembũranga; o nao andũ othe arĩa maarĩ hamwe nake magĩĩka o taguo;
12
nao magĩkĩĩhũra ithũri nĩ kĩeha, makĩrĩra, o na makĩĩhinga kũrĩa irio nginya o hwaĩ-inĩ, nĩ ũndũ wa Saulu, o na mũrũwe Jonathani, o na ũndũ wa andũ a Jehova, o na wa nyũmba ya Isiraeli; nĩ ũndũ nĩmoragĩtwo na hiũ cia njora.
13
Nake Daudi agĩkĩũria mwanake ũcio wamũheire ũhoro ũcio atĩrĩ, Uumĩte kũ? Nake agĩcokia atĩrĩ, Ndĩ mũrũ wa mũgeni, Mũamaleki.
14
Daudi agĩkĩmũũria atĩrĩ, Nĩ kĩ kĩagiririe wĩtigĩre gũtambũrũkia guoko gwaku ũũrage mũitĩrĩrio maguta wa Jehova?
15
Daudi agĩgĩĩta mwanake ũmwe wa arĩa maarĩ hau, akĩmwĩra atĩrĩ, Thiathia hakuhĩ, ũmũguthũkĩre. Nake agĩkĩmũgũtha, agĩkua.
16
Daudi agĩkĩmwĩra atĩrĩ, Thakame yaku ĩrogũcokerera wee mwene, nĩ ũndũ kanua gaku wee mwene nĩko gakuumbũrĩte koiga atĩrĩ, Nĩnjũragĩte mũitĩrĩrio maguta wa Jehova.
17
Nake Daudi akĩrĩrĩra Saulu, o na mũrũwe Jonathani, akĩmarĩrĩra na ciugo ici:
18
nake agĩathana atĩ ciana cia Juda ikarutwo rũĩmbo rũrũ, rũĩtagwo Rũĩmbo rũa Ũta; na atĩrĩrĩ, rũĩmbo rũu rũandĩkĩtwo ibuku-inĩ rĩa Jasharu.
19
Atĩrĩrĩ, wee Isiraeli, andũ aku arĩa marĩ igweta moragĩirũo ithũngũri-inĩ ciaku! Hĩ! Kaĩ andũ arĩa marĩ hinya nĩmagũĩte-ĩ!
20
Menyai mũheane ũhoro ũcio kũu Gathu, Kana mũũhunjanĩrie njĩra-inĩ cia Ashikeloni; Nĩ getha airĩtu a Afilisiti matigakene, Na nĩ getha airĩtu a andũ acio mataruaga matikagĩe na ndũrũhĩ.
21
Atĩrĩrĩ, inyuĩ irĩma cia Giliboa, Mũroaga kũgĩa ireera, kana mbura, O na mwage mĩgũnda ĩrĩa ĩngĩrutwo indo cia igongona; Nĩ gũkorũo kũu nĩkuo ngo ya ũrĩa warĩ hinya mũno yaikirio ta kĩndũ gĩtarĩ bata, Ĩĩ-ni, ngo ĩo ya Saulu ĩgaikara o ta ya mũndũ ũtaitĩrĩirio maguta.
22
Ũta wa Jonathani ndwahũndũkaga ũtarĩ thakame ya arĩa moragĩtwo, O na ya njamba noru, o naruo rũhiũ rũa njora rũa Saulu rũtiahũndũkaga ũtheri.
23
Saulu na Jonathani marĩ muoyo maarĩ a kwendeka, na maarĩ ega mũno, O na gĩkuũ-inĩ kĩao, matiatigithũkanirio. Gũthiĩ maathiaga na ihenya magakĩria nderi, Naguo hinya wao ũgakĩra wa mũrũthi.
24
Atĩrĩrĩ, inyuĩ airĩtu a Isiraeli, rĩrĩrai Saulu, O we ũrĩa wamũgemagia na kũmũhumba nguo ndune, O nacio nguo cianyu, agacitumĩrĩrithia indo cia thahabu cia gũcigemia.
25
Hĩ! Kaĩ andũ arĩa marĩ hinya nĩmagũĩte ita-inĩ thĩinĩ-ĩ! Jonathani nĩ mũũrage, akoragĩrũo ithũngũri-inĩ ciaku.
26
Ndĩ na kĩeha kĩnene mũno nĩ ũndũ waku, wee Jonathani mũrũ-wa-iya. Wee ũratũire ũnjĩkaga maũndũ mega mũno; Wendani wa ũrĩa ũranyendete-rĩ, ũrarĩ wa kũgegania; Nĩũrakĩrĩte wendani ũrĩa andũ-a-nja magĩaga naguo.
27
Hĩ! Kaĩ andũ arĩa marĩ hinya nĩmagũĩte-ĩ! O nacio indo cia ita-rĩ, kaĩ nĩciũrĩte o kũũra biũ-ĩ!
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24