bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kikuyu
/
Kikuyu Bible (IBUKU RĨRĨA ITHERU RĨA NGAI)
/
2 Samuel 5
2 Samuel 5
Kikuyu Bible (IBUKU RĨRĨA ITHERU RĨA NGAI)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Hĩndĩ ĩo mĩhĩrĩga yothe ya Isiraeli ĩgĩgĩthiĩ he Daudi o kũu Hebironi, ĩkĩmwarĩria, ĩkĩmwĩra atĩrĩ, Tũrĩ a mũthimo ũmwe nawe, o na a mwĩrĩ ũmwe.
2
Tene hĩndĩ ĩrĩa Saulu aarĩ mũthamaki wa gũtũthamakĩra-rĩ, wee nĩwe watongoragia mbũtũ cia Isiraeli igĩthiĩ ita, o na ikĩinũka; nake Jehova agĩkwĩra atĩrĩ, Wee nĩwe ũrĩrĩithagia andũ akwa Isiraeli, na nĩwe ũgatuĩka mũtongoria wa Isiraeli.
3
Tondũ ũcio athuri othe a Isiraeli magĩthiĩ magĩkinya he mũthamaki o kũu Hebironi; nake Daudi ũcio mũthamaki akĩrĩkanĩrĩra nao kũu Hebironi mbere ya Jehova; nao magĩgĩitĩrĩria Daudi maguta atuĩke mũthamaki wa gũthamakĩra Isiraeli.
4
Nake Daudi aakorirũo aninĩte mĩaka mĩrongo ĩtatũ hĩndĩ ĩrĩa aambĩrĩirie gũthamaka; agĩgĩthamaka mĩaka mĩrongo ĩna.
5
Mĩaka mũgwanja na mĩeri ĩtandatũ agĩgĩthamakĩra Juda kũu Hebironi, nakuo Jerusalemu agĩthamakĩra Isiraeli othe, hamwe na Juda, mĩaka mĩrongo ĩtatũ na ĩtatũ.
6
Nake mũthamaki na andũ ake a ita, magĩgĩthiĩ Jerusalemu makahũrane na Ajebusi arĩa maatũũraga bũrũri ũcio; nao Ajebusi acio makĩaria na Daudi, makiuga atĩrĩ, Ndũngĩtonya gũkũ, nĩ ũndũ andũ arĩa atumumu, o na arĩa mathuaga, nĩo megũkũgiria; naguo ũguo nĩ ta kuuga Daudi ndangĩhota gũtonya kuo.
7
No rĩrĩ, o na moiga ũguo-rĩ, Daudi nĩaatunyanire kĩhingo kĩu kĩa hinya gĩa Zayuni; na nokĩo gĩĩtagwo itũũra rĩa Daudi.
8
Naguo mũthenya ũcio Daudi akiuga atĩrĩ, Mũndũ ũrĩa wothe ũkũhũrana na Ajebusi-rĩ, nĩakĩambate agere mũtaro-inĩ wa maĩ, akahũre andũ acio mathuaga, o na acio atumumu, o acio athũũre nĩ Daudi na ngoro yake. Na tondũ ũcio, kwĩragwo atĩrĩ, Atumumu, o na andũ arĩa mathuaga me ho-rĩ, ndangĩhota gũtonya nyũmba.
9
Nake Daudi agĩgĩtũũra kĩhingo-inĩ kĩu kĩa hinya, agĩgĩtua itũũra rĩa Daudi. Ningĩ Daudi akĩnenehia itũũra rĩu, akĩrĩaka, arĩrutĩtie Milo arĩcoketie na thĩinĩ.
10
Daudi agĩgĩkĩrĩrĩria kũgĩa na ũnene, nĩ gũkorũo Jehova, Ngai Mũnene wa Ita, aarĩ hamwe nake.
11
Na rĩrĩ, Hiramu, mũthamaki wa Turo, akĩrekeria Daudi andũ, o na akĩmũtwarithĩria mĩtarakwa, na atharamara, na aaki na mahiga; nao magĩakĩra Daudi nyũmba.
12
Nake Daudi agĩkĩona atĩ Jehova nĩamũhandĩte atũũre e mũthamaki wa gũthamakĩra Isiraeli, na atĩ nĩanenehetie ũthamaki wake mũno nĩ ũndũ wa andũ ake Isiraeli.
13
Nake Daudi akĩĩhikĩria thuriya ingĩ, o na aka angĩ amarutĩte o kũu Jerusalemu, thutha wa aarĩkia kuuma Hebironi; na gũkĩgĩa ihĩĩ o na airĩtu angĩ maciarĩirũo Daudi.
14
Namo maya nĩmo marĩĩtwa ma ihĩĩ ciake iria aaciarĩire kũu Jerusalemu; nĩ Shamua, na Shobabu, na Nathani, na Solomoni,
15
na Ibiharu, na Elishua, na Nefegi, na Jafia,
16
na Elishama, na Eliada, na Elifeleti.
17
Na rĩrĩ, hĩndĩ ĩrĩa Afilisiti maaiguire atĩ andũ nĩmaaitĩrĩirie Daudi maguta atuĩke mũthamaki wa Isiraeli-rĩ, Afilisiti acio othe magĩkĩambata magacarie Daudi; nake Daudi akĩigua ũhoro ũcio, agĩikũrũka agĩthiĩ kĩhingo-inĩ kĩu kĩa hinya.
18
Nao Afilisiti magĩgĩkorũo maambatĩte makaarania ita ciao gĩtuamba kĩa Refaimu,
19
nake Daudi agĩgĩtuĩria ũhoro he Jehova, akĩũria atĩrĩ, Nĩngwambata ’thiĩ ngahũrane na Afilisiti? Ningĩ-rĩ, nĩũkũmarekereria ũmaneane moko-inĩ makwa hihi? Nake Jehova akĩĩra Daudi atĩrĩ, Ambata, nĩ gũkorũo ndirĩ hingo itekũrekereria Afilisiti ndĩmaneane moko-inĩ maku.
20
Nake Daudi agĩgĩthiĩ agĩkinya Baali-perazimu, akĩmahũrĩra kuo; agĩcoka akiuga ũũ: Jehova nĩahehenjangĩte thũ ciakwa irĩ mbere yakwa, o ta ũrĩa maĩ matathũragĩra handũ, makoina. Na tondũ ũcio agĩgĩĩta handũ hau Baali-perazimu.
21
Nao Afilisiti magĩgĩtiga mĩhianano ya ngai ciao hau, nake Daudi na andũ ake makĩmĩoya magĩthiĩ nayo.
22
Ningĩ Afilisiti magĩgĩcoka makĩambata o rĩngĩ, makĩĩarania o kũu gĩtuamba-inĩ kĩu kĩa Refaimu.
23
Na rĩrĩ, hĩndĩ ĩrĩa Daudi aatuĩririe ũhoro ũcio he Jehova, Jehova akiuga atĩrĩ, Tiga kwambata; thiĩ ũmathiũrũrũke ũmoimĩte na thutha, ũmakore ũmarutĩtie na kũrĩa kũng’etheire mĩkũngũgũ-inĩ.
24
Na gũgatuĩka atĩrĩ, atĩ rĩrĩa ũrĩigua ta kũrĩ andũ megũthiĩ makĩrumagia thĩ mĩkũngũgũ-inĩ ĩo igũrũ-rĩ, ũkĩarahũke o narua; nĩ gũkorũo hĩndĩ ĩo nĩguo Jehova arĩkorũo oimagarĩte akũgĩe mbere nĩguo akahũre ita ya Afilisiti.
25
Nake Daudi agĩgĩĩka ũguo, o ta ũrĩa Jehova aamwathire; agĩkĩhũra Afilisiti amarutĩtie Geba o nginya Gezeri.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24