Job 22

Khmer 2014 (អាល់គីតាប)

← Chapter 21 Jump to: Chapter 23 →

1លោកអេលី‌ផាស ជាអ្នកស្រុកថេម៉ាន ពោលឡើងថា៖

2«តើមនុស្សមានប្រយោជន៍អ្វី សម្រាប់អុលឡោះ? គ្មានទេ! មនុស្សដែលមានសុភ‌និច្ឆ័យ នាំមកនូវ ផលប្រយោជន៍សម្រាប់តែខ្លួនឯងប៉ុណ្ណោះ!

3បើលោកសុចរិត តើអុលឡោះដ៏មានអំណាចខ្ពង់‌ខ្ពស់បំផុត ពេញចិត្តដែរឬ? បើលោករស់នៅដោយទៀងត្រង់ តើទ្រង់បានចំណេញអ្វី?

4តើទ្រង់ស្ដីបន្ទោសលោក ហើយនាំលោកទៅវិនិច្ឆ័យទោស មកពីលោកគោរពប្រណិ‌ប័តន៍ទ្រង់ឬ?

5ទេ គឺមកពីអំពើអាក្រក់ដ៏ធំរបស់អ្នក និងកំហុសដ៏ច្រើនឥតគណនារបស់អ្នក។

6អ្នកបានយករបស់បញ្ចាំ ពីជនរួមជាតិរបស់អ្នកដោយឥតហេតុផល ហើយរឹបអូសយកសម្លៀក‌បំពាក់ពីគេ ទុកឲ្យនៅខ្លួនទទេ។

7អ្នកពុំបានផ្ដល់ទឹកទៅឲ្យអ្នកស្រេក ហើយក៏ពុំបានផ្ដល់អាហារទៅ ឲ្យអ្នកឃ្លានដែរ។

8អ្នកប្រើអំណាចធ្វើជាម្ចាស់ទឹកដី និងឲ្យបក្សពួករបស់អ្នកកាន់កាប់ទឹកដី។

9អ្នកបណ្ដេញស្ត្រីមេម៉ាយឲ្យចេញទៅ ដោយដៃទទេ ហើយរឹបអូសយកអ្វីៗទាំងអស់ពីក្មេងកំព្រា។

10ហេតុនេះហើយបានជាមានអន្ទាក់ ឡោម‌ព័ទ្ធអ្នកគ្រប់ទិស‌ទី មហន្ត‌រាយធ្លាក់មកលើអ្នកយ៉ាងទាន់‌ហន់។

11ភាពងងឹតគ្របពីលើអ្នក ធ្វើឲ្យលោកមើលអ្វីមិនឃើញ ទឹកក៏កំពុងតែជន់លិចអ្នកដែរ។

12អុលឡោះនៅស្ថានដ៏ខ្ពស់បំផុត សូមមើលទៅផ្កាយមើល៍ តើខ្ពស់យ៉ាងណា!

13អ្នកបែរជាពោលថា “តើអុលឡោះជ្រាបអ្វីខ្លះ តើទ្រង់មើលពពកដ៏ងងឹតធ្លុះដែរឬ?

14ពេលទ្រង់ធ្វើដំណើរព័ទ្ធជុំ‌វិញចក្រ‌វាល មានពពកដ៏ក្រាស់បាំងទ្រង់ មិនឲ្យមើលឃើញអ្វីទាំងអស់”។

15ហេតុអ្វីបានជាអ្នកចូលចិត្តដើរតាមផ្លូវចាស់ ជាផ្លូវដែលមនុស្សទុច្ចរិតធ្លាប់ដើរដូច្នេះ?

16អ្នកទាំងនោះអន្តរាយមុនពេលកំណត់ ទឹកជន់ហូរនាំយកគ្រឹះរបស់គេបាត់ទៅ។

17ពួកគេអង្វរអុលឡោះថា “សូមអញ្ជើញចេញឆ្ងាយពីយើងខ្ញុំទៅ! ទ្រង់ដ៏មានអំណាចខ្ពង់‌ខ្ពស់បំផុតមិនអាច ធ្វើអ្វីយើងខ្ញុំបានឡើយ”។

18ក៏ប៉ុន្តែ គឺទ្រង់ហើយដែលប្រទានឲ្យ ពួកគេមានទ្រព្យ‌សម្បត្តិពេញផ្ទះ។ ខ្ញុំមិនអាចទទួលយកដំបូន្មាន របស់មនុស្សអាក្រក់បានទេ។

19មនុស្សសុចរិត និងមនុស្សស្លូតត្រង់ ឃើញមនុស្សអាក្រក់វិនាស គេនាំគ្នាសប្បាយរីក‌រាយ និងសើចចំអកឲ្យថា:

20“អ្នកដែលធ្លាប់តែប្រឆាំងនឹងពួកយើង វិនាសសូន្យបាត់ទៅហើយ អ្វីៗដែលគេរកបានក៏ត្រូវភ្លើងឆេះអស់ដែរ”។

21ដូច្នេះ សូមចុះសំរុងជាមួយអុលឡោះទៅ កុំចាត់ទុកទ្រង់ជាបច្ចា‌មិត្តទៀតឡើយ នោះទ្រង់នឹងប្រទានពរអ្នក។

22សូមទទួលយកដំបូន្មានរបស់ទ្រង់ ហើយរក្សាបន្ទូលទ្រង់ទុកនៅក្នុងចិត្ត។

23ប្រសិនបើអ្នកវិលមករក ទ្រង់ដ៏មានអំណាចដ៏ខ្ពង់‌ខ្ពស់បំផុត នោះទ្រង់នឹងលើកលោកឡើងវិញ។ សូមដកអំពើទុច្ចរិតចេញឆ្ងាយ ពីទីលំ‌នៅរបស់អ្នក។

24សូមយកដុំមាសរបស់អ្នកទៅបោះចោលក្នុងធូលីដី សូមយកមាសដ៏ល្អបំផុតទៅបោះចោល ក្នុងចំណោមដុំថ្មនៅតាមទឹកជ្រោះ

25នោះអុលឡោះដ៏មានអំណាចដ៏ខ្ពង់‌ខ្ពស់បំផុត នឹងទៅជាដុំមាស និងគំនរប្រាក់របស់អ្នក។

26អុលឡោះដ៏មានអំណាចដ៏ខ្ពង់‌ខ្ពស់បំផុត នឹងប្រទានឲ្យអ្នកមានអំណរសប្បាយ ហើយអ្នកងើបមុខសម្លឹងទៅរកទ្រង់។

27ពេលអ្នកទូរអា‌អង្វរទ្រង់ ទ្រង់នឹងឆ្លើយតបមកអ្នកវិញ ហើយអ្នកនឹងជូនជំនូន តាមពាក្យដែលលោកបន់។

28ពេលអ្នកសម្រេចចិត្តធ្វើការអ្វីមួយ ការនោះនឹងកើតជារូបរាងឡើង ផ្លូវដែលលោកដើរ តែងតែមានពន្លឺជា‌និច្ច។

29អុលឡោះទម្លាក់មនុស្សមានអំនួត តែទ្រង់សង្គ្រោះមនុស្សទន់‌ទាប។

30សូម្បីតែមនុស្សមានទោសក៏ទ្រង់រំដោះដែរ ដូច្នេះ ទ្រង់នឹងរំដោះអ្នក តាមអំពើដ៏វិសុទ្ធដែលអ្នកប្រព្រឹត្ត»។

← Chapter 21 Jump to: Chapter 23 →

Recommended Reading

Commentary Job Commentaries → Devotional Job Devotional Guide → Get This Bible Khmer (អាល់គីតាប) Study Bible →