bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Proverbs 29
Proverbs 29
Krio (Krio Fɔs Oli Baybul)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 30 →
1
Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.
2
Wɛn pɔsin we de waka tret na PAPA GƆD in yay de rul ɔlman de gladi, bɔt wɛn bad pɔsin de rul ɔlman de grɔmbul.
3
Pikin we de gladi fɔ du wetin rayt de mek in papa in ed big, bɔt udat kip rare gyal de wes in mɔni.
4
Kiŋ we ɔnɛs ɛn de rul fia wande mek in kɔntri tinap traŋa wan, bɔt di wan we de aks fɔ mɔni mɔni ɔltɛm de pwɛl di kɔntri.
5
Udat de mek switmɔt to in kɔmpin de sɛt trap fɔ insɛf.
6
If yu na bad pɔsin yu bad go kech yu lɛkɛ trap; bɔt pɔsin we de waka tret na PAPA GƆD in yay in go de siŋ ɛn gladi.
7
Gud man no poman in rayt, bɔt di bad pɔsin nɔ bisin sɛf.
8
Pɔsin we nɔ tek natin mek natin kin tɔnɔbɔ wanol siti, bɔt dɛn wan we gɛt sɛns de mek tiŋs kwayɛt.
9
Wɛn udat gɛt sɛns de agyu wit fulman, di fulman go jɛs de ala de mek nɔys, ɛn wan pis nɔ go de.
10
Pɔsin we lɛk fɔ kil nɔ lɛk pɔsin we tret, bɔt udat de du rayt de tray fɔ sev in layf.
11
Fulman kwik fɔ sho in tɛmpa gbangbaode, bɔt udat gɛt sɛns de peshɛnt ɛn kɔntrol insɛf.
12
Ɛni rula we de tek lay ɛn koŋosa mek in wokman dɛn, kɔrɔpt.
13
Wetin di poman ɛn di man we de tɔmɛnt am fiba pan, na dat na PAPA GƆD mek dɛn tu de si.
14
If kiŋ rul ɛn rul po pipul fayn ɛn fia wan, i go bi kiŋ te i day.
15
Fɔ bit pikin ɛn kɔrɛkt am de mek i lan, bɔt if i lɛf to insɛf, i go put in mami pan shem.
16
Wɛn bad pɔsin de na pawa, ɔlkayn bad tin de apin, bɔt pɔsin we de waka tret na PAPA GƆD in yay go opin yay si we i de kapsay.
17
Wɛn yu tren yu pikin, yu go de gladi fɔ am ɔltɛm, i nɔ go ɛva mek yu shem.
18
Usay PAPA GƆD nɔ de fɔ de gayd pipul, ɔlman go de du tiŋs adɔnkiadam, i fayn fɔ di pɔsin we de kip PAPA GƆD in lɔ!
19
Slev nɔ izi fɔ tek kɔrɛkshɔn we yu de tɔk to am, ivin wɛn i de ɔndastand yu sɛf i nɔ de yɛri wɔd.
20
Fulman bɛtɛ pas pɔsin we de tɔk bifo i tink.
21
If yu bayobayo yu mɔntbɔy frɔm we i smɔl te i big, i go ɛnd ɔp fɔ tek yu prɔpati tumara.
22
Pɔsin we gɛt wamat de sɛt big, big gbosgbos; ɛn pɔsin we tu krɔs de kɔz trɔbul.
23
Pɔsin we de kak, dɛn go brok in fɛda dɔŋ; bɔt udat put insɛf dɔŋ, dɛn go gi am rɛspɛkt.
24
Pɔsin we jɔyn tif gɛŋ nɔ de sɔri fɔ insɛf; i go yɛri we dɛn de swɛ so bɔt i nɔ go se fiŋ.
25
I nɔ fayn fɔ lɛ yu de mɛmba tumɔs bɔt wetin pipul de tink bɔt yu, wans yu put yu trɔs pan PAPA GƆD, yu sef.
26
Bɔku pipul lɛk fɔ mek gud fes to man we gɛt pawa, na PAPA GƆD nɔmɔ de mek fia ple.
27
Lɛkɛ aw bad pɔsin et gud pɔsin, na so gud pɔsin insɛf et bad pɔsin.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31